حل مشكله عدد المظللات فى بطاقات Sapphire 5770 Vapor-X

[vmidov]

بسم الله الرحمن الرحيم
السلام عليكم ورحمه الله وبركاته

بعد شرائى بطاقه 5770 Vapor-X من شركه Sapphire
https://www.arabhardware.net/forum/s...29#post1446329
فوجئت بعدد من الاعضاء يحذرنى بوجود مشكله فى عدد المظللات فى البطاقه حيث إنها من المفترض 800 Shader Unit
ولكنها تظهر مع كل البرامج 720 وحده فقط
بالطبع قمت بالاتصال بأستاذ شريف صاحب توكيلات Sapphire -QDS فى مصر ولم يتأخر كعادته وطلب منى رقمى لكى يتم الاتصال بى من قسم الصيانه وبالفعل قاموا بالاتصال ولكن الطريف إنى كنت قد حللت المشكله بفضل الله ثم بفضل الأخ العزيز Doctor X الذى أيضا لن يتأخر بأى مساعده الممكنه
المهم حتى لا أطيل عليكم بعد البحث وجدت إن المشكله عموما ولم تكن ببطاقتى فقط وغنها موجوده بشحنات سابقه من بطاقات 5770 Vapor-X وبعد حلها فكرت أنه من الافضل عرض طريقه حل المشكله للجميع حتى يعلم من لا يعلم
ولتسهيل طريقه حل المشكله للجميع
نبدأ بإذن الله

أولا سبب المشكله هو نسخه البايوس نفسها الموجوده بالبطاقه

ولحلها يجب عليك تحديث نسخه البيوس وهى لمن يتعامل معها لأول مره عمليه سهله جدا حتى أسهل من تحديث بيوس اللوحه الام
ولمن يستخدمها فى حل مشكله البطاقه Vapor-X فهناك ملحوظه على موقع Sapphire نفسه

 Note : The warranty term will not change after executing this bios  update.

ملحوظه: إتفاقيه الضمان لا تتغير بعد تنفيذ أو تطبيق هذا التحديث للبيوس

اما لمن يستخدمها لتحديث البيوس لأسباب كسر السرعه أو تغيير البيوس عموما فهى على مسئوليته الخاصه
وبالطبع فى كلتا الحالتين التأكد إحذر من إنقطاع التيار الكهربى أثناء التحديث

ثانيا خطوات التحديث
لعمل التحديث يجب أن يكون لديك USB Flash Stick (فلاشه)

1- عليك بأخذ نسخه أحتياطيه من البيوس الموجود بالبطاقه بإستخدام برنامج GPU-Z ولكن ستواجه شمكله إن البرنامج لن يقبل أخذ نسخه بيوس من البطاقات الحديثه كلها تقريبا لذا يجب عليك أولا تحميل تلك النسخه من برناج GPU-Z


من هنا

ثم الضغط على هذا الاختيار فى البرنامج ثم إختيار المكان الذى ستحفظ به النسخه





2- قم بتحميل هذا الملف

https://www.sapphiretech.com/global/lib_files/68.rar

تجد بداخله برنامج لعمل Format للفلاشه بهذا الشكل





قم بتنصيب برنامج HPUSBFW ثم قم بفتحه وهو بهذا الشكل

قم بإختيار Quick Format
ثم إختيار Create a DOS Startup disk
ثم إختيار Using DOS System Files Located at
ثم أضغط على الزر المشار إليه بالصوره لتحديد مكان Dos Files (التى كانت موجوده مع برنامج HPUSBFW)
ثم OK

تأكد من إن كل الخيارات كما موضحه بالأعلى
ثم إضغط Start
سوف تبدأ عمليه أعداه التهيئه للفلاشه وعند الانتهاء ستظهر لك رساله مثل هذه

إضغط OK

3- قم بتحميل هذا الملف

https://hkdl.sapphiretech.com/archiv...7407661250.zip

وهى يحتوى على أوامر الDOS اللازمه + نسخه البيوس المطلوبه
وبعد فك ضغط الملفات ستجده بهذا الشكل







قم بنسخ الملفات من الداخل كما هى (وليس الفولدر نفسه) إلى الفلاشه USB Stick التى قمت بتهيئتها

4- قم بإعاده تشغيل الجهاز

5- إدخل لقائمه البيوس للوحه الرئيسيه وقم بتعديل خيارات الBoot لكى يتم الاقلاع من الUSB Stick أولا

6- قم بإعاده التشغيل مره أخرى

7- سوف يتم فتح صفحه DOS مثل هذه







8- فقط قم بكتابه كلمه

flash

لكى يتم التحديث

9- عند الانتهاء ستظهر لك تلك الرساله تطلب منك إعاده تشغيل الجهاز







إضغط Ctrl+Alt+Del ثم أدخل إلى نظام التشغيل (Windows) لديك

10- قم بأعاده تنصيب نسخه التعريف الخاصه بالبطاقه ويفضل أزاله النسخه القديمه وتنصيبها من جديد

11- الان تم تحديث البيوس وأصبح لديك البطاقه بكل أمكانيتها












ملحوظه جميع البرامج ونسخه البيوس مأخوذه من الموقع الرسمى للبطاقه Sapphiretech
وتم وضع الروابط بهذا الشكل لتأكيد مصدرها

وهنا تجد عرض PowerPoint لتوضيح طريقه التحديث بالصور

https://hkdl.sapphiretech.com/archiv...0898911250.zip

ملحوظه: تحديث البيوس أو تغييره مسئوليه المستخدم ولا أتحمل أى مسئوليه بأى شكل من الاشكال ومن لا يستطيع أن يقوم بتلك العمليه أو يقلق من الخوض بها عليه بالاتصال بتوكيل البطاقه لديه

[drhatooma]

مبروك يا باشا وربنا يباركلك فى الكارت

[same7mousa]

أنا من مالكي هذه البطاقه الرسوميه و هي مظبوطه عندي و الأداء أكثر من رائع
موضوعك ممتاز و بارك الله فيك

[sikimiky]

موضوع ممتاز , و تشكر فية علي نيتك الصادقة لمساعدة الاخرين .
و مبروك علي الكارت و تتهني بية ان شاء الله .

تقبل مروري و لك تقييم .

تعديل : احاول باستمرار ان اعطيك تقييم ولكن هذة الشاشة تظهر



ارجو التوضيح.

[ŤǾЯŊΛĐф]

أيه مشكلة المظلات دى ، أول مرة أعرفها :D ، أنا عندى مشكلتين بس فى الكرت ده ، إنه مبيتكسرش معايا خالص يعنى من 860 ل 880 و مبينفعش ، و إنه بيقلل التردد من نفسه فالعب الضعيفة زى FIFA 10 الصورة بتبطأ فيها ، أيــــــه دنيا فين أيام ال 4890 Toxic

[S@M]

شكرا يا مان على الطريقة ..................:D

واسف بخصوص السمعات ......لاازم نخدر سمعة الاول ...:mad:

:D

[XMasterrrr]

تمام التمام
تم التقييم
واحشنى والله يا ميدو

[mikawy]

أيه مشكلة المظلات دى ، أول مرة أعرفها :D ، أنا عندى مشكلتين بس فى الكرت ده ، إنه مبيتكسرش معايا خالص يعنى من 860 ل 880 و مبينفعش ، و إنه بيقلل التردد من نفسه فالعب الضعيفة زى FIFA 10 الصورة بتبطأ فيها ، أيــــــه دنيا فين أيام ال 4890 Toxic

ايوة انا معايه نفس الكارت ده وبيحصل معايه نفس المشكلة فى fifa 2010 ياريت لو حد عنده الحل مايبخل علينا

[vmidov]

@drhatooma
الله يبارك فيك وشكرا لمروك يا كبير

@same7mousa
تمام جدا المشكله دى موجوده فى بعض الشحنات القديمه

@sikimiky
شكرا لك يا عزيزى أتمنى فعلا أن يستفيد به أى شخص له نفس المشكله

بالنسبه لتلك الرساله دى معناها أن مينفعش تدى تقييم للشخص المكتوب أسمه لأنك قيمته قبل كده وعشان تقيمه تانى لازم تقريبا 10 تقييمات ل10 أعضاء تانيين عشان تقدر تقيمه
عموما ميهمكش كفايه مرورك وموضوع التقييم مش مهم المهم الافاده
وشكرا لك

@ṰǾЯŊΛĐф
تورنادو عامل أيه يا وحش يارب تكون فى خير حال
المشكله دى موجوده فى بعض من شحنات 5770 Vapor-X فقط مش كل كروت 5770
أيه سبب مشكله الكسر انا على حسب معلوماتى الضئيله أنك كل ماتزود 15mhz للنواه GPU المفروض أنك تزود فى المقابل 30mhz للرامات
هل أنت بتعمل كده ولا أيه خطواتك بالضبط للقصه دى

بالنسبه لموضوع فيفا 2010 ده طبيعى الفكره أن اللعبه مش محتاجه قوه الكارت بالكامل لأنها جرافيك مش عالى بالنسبه لباقى الالعاب فالكارت بيلجأ لتقليل التردد لتوفير الطاقه وتقليل درجه الحراره وفى نفس الوقت مش هيأثر فى الاداء بالتالى أنت مش خسران فى الحاله دى بالعكس كسبان
ومشكور على التقييم وبالمناسبه ردك أحسن من 100 نقطه تقييم

@S@M
العفو يا عزيزى :D
ومايهمكش فى موضوع السمعات ولا تتعب نفسك بتخديرها يكفينى تقديرك

@XMasterrrr
منور يا أبوحميد عامل أيه واحسنى أكتر محدش بييشوفك يعنى
شكرا للتقييم
وفين جهازك يا مان

@mikawy
أخى الفاضل دى مش مشكله عشان نلاقى لها حل بالعكس دى نقطه جيده فى الكارت أنت مش محتاج أنك تشغل الكارت على 850mhz فى حين أن اللعبه اللى شغاله مش محتاجه أكتر من 200mhz مثلا طيب ليه الكارت يستهلك الطاقه دى كلها وهو مش محتاجها وليه تكون حرارته 65 درجه مثلا وهو مش محتاج تكون حرارته أعلى من 45 درجه زى ماقلت سابقا أنت اللى كسبان فى النقطه دى مش خسران حاجه ولما تشغل لعبه قويه هيترفع التردد تلقائى

[The_Red_Baron]

السلام عليكم

طيب أنا عايز هل الكارت بتاعي سليم



لأني بلعب GTA IV :Liberty City Stories على الإعدادات الي في الصورة و بيديني في البينشمارك 30.21 FPS فهي المشكلة عندي إني بلعب على ريزوليوشن 1024 x 786 و يديلك الفريمز ما بالكم بقى لو لعبت بريزوليوشن 1920 x 1080 أكيد هتقل جامد فهل كدة الكارت نتائجه سليمة ولا لأ؟ و كمان ماتنسوش أنا عامل أوفركلوك للكارت

[vmidov]

السلام عليكم

طيب أنا عايز هل الكارت بتاعي سليم

وعليكم السلام ورحمه الله وبركاته
الموضوع ده يا أخى الفاضل خاص بمشكله فى بعض كروت 5770 Vapor-X وكارتك هو 4890 فما علاقه هذا بذاك

لكن عموما الكارت سليم
اما بالنسبه لمشكلته
فأعتقد سببها أنك تلعب على دقه صغيره مع شاشه صغيره بالتالى ينخفض الضغط على البطاقه ويتم التحميل أكثر على المعالج وهذا سبب إنخفاض عدد الفريمات
والعكس صحيح كلما أرتفعت الدقه للعبه كلما كان الضغط أكبر على البطاقه وقل على المعالج بالتالى تحصل على أداء مختلف

[ŤǾЯŊΛĐф]

أنا طلع عندى نفس الحوار ، مجرد مركب النت هعمله

[vmidov]

أنا طلع عندى نفس الحوار ، مجرد مركب النت هعمله

بسيطه إن شاء الله بس كنت قلت أنك معندكش القصه دى ؟شكلك مش مركز يا نصه
أبقى طمنى بعد ما تعمل الابديت

[Radeon]

الف مبروك عليك البطاقة الجديدة والحمد الله ان المشكلة انحلت وللأسف لم استطع تقييمك على المجهود المبذول في الشرح
ويا ريت يتم تثبيث الموضوع .

[alayoubi]

جزاك الله خير أخي vmidov ومجهود تشكر عليه .

قمت بالاتصال بأستاذ شريف صاحب توكيلات Sapphire -QDS فى مصر ولم يتأخر كعادته وطلب منى رقمى لكى يتم الاتصال بى من قسم الصيانه وبالفعل قاموا بالاتصال ولكن الطريف إنى كنت قد حللت المشكله

وهل أعطوك نفس الحل أم من بداية المكالمة قلت انك حليت المشكلة خلاص !