خالد سعيد جديد بالمنصورة: طالبَ شرطيين بأجرة (التوك توك) ..فألقيا به من الدور الثالث

[elbass]

خالد سعيد جديد بالمنصورة: طالبَ شرطيين بأجرة (التوك توك) ..فألقيا به من الدور الثالث

اضغط للتكبير
مظاهرات للتنديد بمقتل خالد سعيد (شهيد الاسكندرية) - مصراوى

7/4/2010 5:43:00 PM
القاهرة - محرر مصراوى - استمراراً لمسلسل التعذيب والعنف وانتهاك حقوق الإنسان على يد بعض رجال الشرطة، قام مخبري مركز شرطة بني عبيد بالمنصورة السبت الماضي بالأعتداء على محمد صلاح (18 سنة) سائق توك توك بالضرب والتعذيب فى مركز الشرطة .
كان محمد صلاح محمود غريب، مصري، يبلغ من العمر 18 عاما، يعمل سائق توك توك بمركز بني عبيد المنصورة، قد قام بتوصيل اثنين من مخبري مركز شرطة بني عبيد يوم 3 يوليو الساعة العاشرة والنصف مساء، فنشبت بينهم مشاجرة بسبب رفض المخبرين دفع ثمن التوصيلة إلى سائق التوك توك، وانتهت التوصيلة بإلقاء القبض على (محمد صلاح) واقتياده إلى مركز الشرطة حيث تم الاعتداء عليه بالضرب والتعذيب في غرفة رئيس المباحث، ثم القاءه من الدور الثالث من مبنى المركز .
وتم نقل محمد صلاح إلى مستشفى السلام الدولي التخصصي بالمنصورة التي أعدت تقرير مبدئي وردت فيه الاصابات التالي:
كدمات في الوجه
كسر في الركبة
كسر مضاعف في الفخذ
كسر في الحوض
اشتباه نزيف داخلي
كسر في اليد اليمنى
اشتباه ارتجاج في المخ
شرخ في الجمجمة نتيجة اعتداء وقع عليه من آخرين
تقدمت أسرته ببلاغ لنيابة دكرنس التي انتقلت إلى المستشفى لسماع اقواله لكن (محمد صلاح) كان قد دخل في غيبوبة قبل وصولها وهو حاليا في العمليات.
وحرر المحضر برقم 2629/2010 جنح بني عبيد، والمحضر رقم 53 أحوال أول المنصورة الذي يتضمن تقرير المستشفى بالاصابات سابقة الذكر.
وقام مركز شرطة بني عبيد بتحرير محضر لمحمد صلاح محمود غريب لقيادته توك توك بدون ترخيص.
والجدير بالذكر أن خالد سعيد المعروف إعلامياً بـ (شهيد الأسكندرية) قد لقي مصرعه جراء التعذيب على ايدي قوات الشرطة في السادس من يونيو الجاري، - حسب رواية بعض الشهود - ونشرت المدونات والمواقع الاخبارية والصحف صورا له وهو مهشم الفكين ومتدلي الشفاه وتظهر عليه آثار ضرب مبرح.
وقالت منظمة العفو الدولية في بيان لها إن "الصور المرعبة دليل صادم على الانتهاكات الجارية في مصر والتي تأتي في تناقض واضح للصورة التي يروج لها المسؤولون المصريون لدى مجلس حقوق الانسان بالامم المتحدة، وتعنتهم في الاعتراف ببعض الانتهاكات الصغيرة" .
وكان خالد سعيد، وفق بيان الشبكة العربية لمعلومات حقوق الإنسان في مقهى إنترنت في حي "كليوباترا" التابع لقسم شرطة "محرم بك" بالإسكندرية حين دخل بعض المخبرين المقهى وبدأوا في تفتيش رواده بغلظة وخشونة.
وحين أبدى خالد اعتراضه على المعاملة المهينة، بدأوا في سبه وضربه بعنف، وحين سقط مغشياً عليه، اصطحبوه إلى مقر قسم الشرطة، ثم عادوا به بعد دقائق، وألقوا بجثته أمام المقهى، بعد أن تكسرت جمجمته وعظام رأسه وتوفي على الفور.
لكن وزارة الداخلية اعلنت في بيان رسمي لها أن "وفاة خالد سعيد جاءت بعد تعاطيه لفافة مخدرة"، مؤكدة ان "الوفاة نتيجة الخنق بسبب انسداد القصبة الهوائية باللفافة التي حاول ابتلاعها".
وأضاف بيان الداخلية أن (قتيل الأسكندرية) كان مطلوباً لتنفيذ حكمين بالحبس صادرين في قضيتي سرقة، والأخرى لحيازة سلاح أبيض، وأنه سبق ضبطه في أربع قضايا سرقات وحيازة سلاح.


المصدر : مركز النديم لتأهيل ضحايا العنف والتعذيب ، مصراوى

[JUBA]

تعقيب بسيط بني عبيد ليست بالمنصورة انما هي تابعه لمحافظة الدقهلية مركز دكرنس

محدش قاله يسوق توك توك بدون رخصه

من امته موظفين وعاملين وزارة الشرطة يدفعون اجره عن اي توصيله

هذا ما وصل اليه من تطورات بسبب المواجهات مع السلطة التنفيذية في مصر المحروسة

اتم الله الشفاء للمذكور اعلاه والهم اهله الصبر ونمتنى ان لا يكون بالنهاية تاجر سلاح هذه المرة او مهرب هروين مطلوب للعداله

[crypt76]

سيتضح في النهاية أنه تاجر سلاح وهارب من التجنيد ولا يحتسي الحليب في الصباح ولا يغسل قدميه قبل أن ينام وعليه 9 أحكام بالإعدام لم ينفذ منها إلا 3 فقط، وكل الإصابات التي تعرض لها جاءت نتيجة لمحاولة بلع التوك توك أثناء مقاومته لدغدغة المخبرين عندما حاولا مداعبته فأصيب بإسفيكسيا التوك توك، وتلك الإصابات المذكرة في الخبر تتوافق مع ذلك وهذا ما سيثبته تقرير الطبيب الشرعي، وأدامها الله علينا زريبة تتربع على عروشها الخنازير

[JUBA]

سيتضح في النهاية أنه تاجر سلاح وهارب من التجنيد ولا يحتسي الحليب في الصباح ولا يغسل قدميه قبل أن ينام وعليه 9 أحكام بالإعدام لم ينفذ منها إلا 3 فقط، وكل الإصابات التي تعرض لها جاءت نتيجة لمحاولة بلع التوك توك أثناء مقاومته لدغدغة المخبرين عندما حاولا مداعبته فأصيب بإسفيكسيا التوك توك، وتلك الإصابات المذكرة في الخبر تتوافق مع ذلك وهذا ما سيثبته تقرير الطبيب الشرعي، وأدامها الله علينا زريبة تتربع على عروشها الخنازير

كنت لسه هاكتب حاجات خاصة باضرار بلع التوكتوك وما شابه سبقتني


بس جامده

[S@M]

كترت الاحزن والمخاوف على الناس ...فى الفترة الآخيرة بسبب ...وزارة التعذيب ...:mad:

تملى يعيشون سفلقة ....على قفى الناس ....واللى يعترض او يطالب بحقة ...ياويلة ويا سواد ليلة .....:mad:

يلااقى وابل من الشتيمة ...والسب والقذف ...والتعذيب والآهانة........وان لم ينتهى ألامر بمقتلة ...كماحدث فى ألاسكندرية ...

يتنتهى بعاهة مستديمة ....كما حدث للشاب المسكين ...سائق التوك توك ...اللى كل جريمتة انة راكب عجلة بموتور ...ياكل عليها

عيش عشان ما يسرقش ...او ينحرف .......

فتكون النتيجة استضعاف هذة الفئة ........من الشعب ...والمخبرين وبتوع المباحث بيشفوهم لقمة سهلة ...يبتزوهم ويعملو فيهم اللى هما عاوزينة .........دة حرااااااااااااااااام ................واللة حراااام ...:ah38:

ان على يقين فى داخل نفسى ...ان الشاب ثار داخل عرفة المباحث ...لآجل امتهان كرامتة داخل القسم .....فكانت النتيجة ..

انهم خافو من تهديدة ....فأطاحو بية ...من الدور الثالث على امل ان ينزل قتيلا .....!!..

ويقولة علية بعد كدة دة كان مختل عقليا واقتحم القسم ....او يلفقولو تهمة ويقولة دة كان بيحاول الهرب ....نتيجة القبض علية لآنة بيقود من غير رخص ...ووجدنا معاة بانجو او حشيش .....!!!

او اى سناريو ....من السيناريوهات المعهودة ...اللى بنقراها كل يوم فى الجرايد ....وفى النهاية 3/4 كدب وتلفيق ....:ah38::mad:

حسبى اللة ونعم الوكيل ..............فى دول ناس لا يخافو اللة ..................:ah38:

[Mshadow.me]

حسبي الله و نعم الوكيل

حلوة بلع التوك توك دي

[Mr. Nova]

برضه عايز أرد بس مش عارف!!

وقام مركز شرطة بني عبيد بتحرير محضر لمحمد صلاح محمود غريب لقيادته توك توك بدون ترخيص.

هو من امتى والتوك توك ليه ترخيص!!

[M Z]

الموضوع بسيط .. بس الشعب مش قادر يفهم .. او فهم بس مش قادر يصدق .. او صدق بس مش هاين عليه نفسه ..!!!

الموضوع بإختصار .. إن كل حضاره بشريه ماشيه بنظام واسس وقواعد وبديهيات ..
عندنا هنا بقى البديهي والأسس والنظام في بلدنا ايه ؟؟!!

كلتالي ..
الحضاره البشريه او الإنسان بمعنى آخر عباره عن ثلاث انواع ..
ابو كرشين اللي عملهم وعبى .. والمواطن الشريف الكادح .. والشرطه اللي بتحمي النوع الاول وتدوس على النوع التاني ..!!

وكل إنسان إتخلق في نوعه ومش هايقدر يغير حاجه حتى لو تعب طول عمره محاولاً الدخول إلى اي من الجانبين ..
ابن ابو كرش اتولد لقى نفسه بكرش صغنون .. هايضطر يقلد ابو كرش الكبير علشان الحيتان ماتاكلهوش ويكبر كرشه ويسلمه للي بعده وهكذا ..
والشرطي اتولد لقى والده رتبه .. ودخل شرطه بالوسطه والفلوس وبقى زي اللي علمه المشي والكلام والقسوه ..
والمواطن العادي مهما كان تعبه ومجهوده وشرفه .. ياخد على دماغه من اول نوعين وهايفضل طول عمره كده ..

هو كده .. " سلو " بلدنا كده :D

هاتتكلم .. ومالو إتكلم .... هاتشتكي .. ايه يعني اشتكي ..... هاتفتح بقك .. هاتاخد اللفافه على طول وتحصل اخواتك ..!!!
وتم إغلاق المحضر ويبقى الحال كما هو عليه .. ويالا بينا ندخل على اللي بعده .. وهكذا ..

صدقوني الموضوع بسيط ..
بس إحنا اللي مش قادرين نصدق .. او مش " عايزين " نصدق ...

[crypt76]

صدقت يا MZ
المنظومة وصلت إلى مرحلة لا يمكن أن تستمر بأي حال من الأحوال وبنظرة سريعة على التاريخ بل والمنطق سنرى أن الانفجار أصبح قاب قوسين أو أدنى

[Mshadow.me]

بس إحنا اللي مش قادرين نصدق .. او مش " عايزين " نصدق ...

أحنا مصدقين, بس عايزين نغير

البلد ماشيه بسياسة "نيتشه" : أفراد محدودين فوق القانون و بقيه القطيع هوه اللي يلتزم بالقانون مهما كان ظالم و متعنت و دايس علي رقابهم

ألمانيا النازية كانت كده, أيطاليا الفاشية كانت كده

أحنا نقل عنهم في أيه؟:D

[Brigadier]

على هذا النظام لعنة الله .

[JUBA]

أخر نكته

بيقولك ايه بقه على لسان كبيييييييييير المخبرييييييييييييين العظام للشرطة المصرية

الواد بتاع المنصورة والعياذ بالله مدمن توكتوك مسكناه راح بالع لفافة التوكتوك ذنبنا ايه احنا والنبي

نقلا عن كاركتير اليوم السابع