الســــــــلام عليكم ورحمة الله وبركاته

الشباب الكرام ,

انا عندى سماعات creative pcworks 5.1

و بعد انتظار كتير , و تخطيط كتير , و كسل كتير :p

وزعتها توزيع مبدئى عبارة عن :
3 سماعات امامية : L & C & R ,,, قدامى على المكتب بين الشاشة و الكيبورد
2 سماعاة خلفية : RL & RR ,, ورايا و المفروض اعلقها على الحائط بس منتظر المسافات والابعاد

ابعاد المنقطة عندى كالآتى :
بحكم المساحة الفاضية عندى على المكتب فأنا قدامى مسافة عرضية 90سم ( كفاية ولا لازم اوزعهم فى مساحة اكبر؟ )

المساحة الخلفية حوالى 120 سم

المساحة بين السماعات الامامية و الخلفية حوالى 280 سم

السماعات الامامية حاتبقى تحت مستوى اذنى بحوالى 10~15سم ( هايأثر فى شىء ولا مناسب ؟ )


انا دلوقتى عاوز اعرف الابعاد اللى احط بيها السماعات الخلفية و الامامية و المسافات بينهم
و ايضا موقعى فى الجلوس بين السماعات و مسافاتى بينهم
السماعات الخلفية احطها على ارتفاع قد ايه من اذنى ؟

+ اى معلومات تفيدنى فى الموضوع ده


امر للاستفسار :
اثناء بحثى على النت فى الاعداد لنظام الـ 5.1 بيعتبروا السماعات الخلفية side speaker !!
و بيحطوها على الجنب مش وراك ,, ايه نظام الكلام ده ؟ و هل ينطبق على حالتى ؟

(( هاحتاج بلاير لتشغيل ملفات الفيديو الـ 5.1 بشكل مظبوط ,, بس بعدين :p ))

فى انتظار الناس الجامدين و آراءهم و اقتراحاتهم