إستفسار من أهل الخبرة

[RIKA]

السلام عليكم

إن شاء الله تعالى نازل قريباً جداً اجيب جهازى الجديد وناوى بامر الله أجيب هاردين بلو 500 جيجا نظراً لإن التيرا البلاك ثمنة 600 جنية وال 500 الواحد ب 240 جنية فا فية فرق 120 جنية

كل إللى عاوز أستشيركم فية
أنا ناوى بامر الله على نظامين تشغيل الأول ويندوز سفن والثانى ويندوز إكس بى إن شاء الله هاصطب الويندوز سفن على ال C
وعاوز أصطب الإكس بى البارتيشن الثانى إللى هو ال D وطبعاً كما نعلم أن نظام التشغيل يجب أن يثبت على القرص ال C وانا يكون برايمرى وأكتف لكى يتعرف علية الجهاز السؤال هنا هل ينفع انزل الإكس بى على ال D علماً بان هايكون البرتيشن دة لو جيكال وليس برايمرى ؟ وهل ينفع أصلا يكون فية إتنين برتيشن برايمرى ؟
وهل هواجة مشاكل لو نظام تشغيل ويندوز سفن ونظام تشغيل ويندوز إكس بى موجودين على جهاز واحد ؟

حاجة أخيرة :
الهارد التانى بقى لازم يتقسم برضو برايمرى وإيكستنديد ولوجيكال ؟علماً إنة مش هايكون علية أنظمة تشغيل

وشكراً جزيلاً

[yes 1]

السلام عليكم
انا مجر شخصا وضع ال xp على ال c >>
ال 7 على D
وكلو تمام
^_^

[RIKA]

يعنى ماينفعش العكس ؟
والدى برضو عاملة برايمرى ؟.

[Orphan Naremo]

ينفع عادى جداً بس نزل الـ 7 الاول انا كنت شغال بيهم كدا لحد مالغيت الـ XP

[Mena2009]

- ينفع طبعا نزل ال XP الاول على ال D و بعدين ال 7 على ال C زى ما انت عايز

- و مافيش مشاكل من تواجد النظامين

[The Mysterious]

لا مشكلة أبداً وتستطيع عمل جميع الأقسام على القرص الأوّل المراد التثبيت عليه أنظمة التشغيل Primary، لكن انتبه عليك بثبيت الـXP أوّلاً ثم ويندوز 7 حتى لا تدخل بمتاهات اصلاح الـBoot.ini، بالمناسبة لن تحتاج إلى تنصيب ويندوز XP أساساً باستغلال ميّزة XP MODE، راجع هذا الموضوع..
https://www.arabhardware.net/forum/s...d.php?t=128264

[I-IEMA]

او سطب الاكس على هارد ,, و سيفن على الهارد التانى :D
و تنقل منهم عن طريق الـ boot sequence من F12 لو بوردتك جيجا بايت ( bios: award )

:D :D :D

[RIKA]

أول مرة أعرف إن لازم الإكس بى يكون على السى طب ماعلينا من الموضوع دة
بالنسبة للهادرد الثانى لازم برضو يتقسم برايمرى وإكستند ولوجيكال ؟

[I-IEMA]

بالنسبة للهادرد الثانى لازم برضو يتقسم برايمرى وإكستند ولوجيكال ؟

اعتقد ايوة , ( لإنى بعملها على طول على الهارد فماجربتش انزل سيفن من غيرها )

و حتى لو ماكانش السيفن بيطلبها , مفيش اى ضرر نهااائى من عمل primary & extended
بل بالعكس , هاتكون ميزة علشان لو نزلت اى نظام تشغيل تانى

[RIKA]

طب كدة تمام
إللى فهمتة من كلام حضراتكم إن لو هانزل إكس بى اخلية الاول والسفن التانى
والهارد الثانى برضو زيى الاولانى اقسمة برايمرى واكستند ولوجيكال كدة تمام وجزاكم الله كل خير

لو حبيت بقى انزل مثلا الإكس بى على الهارد التانى مش الاول ويبقى السفن على الهارد الاولانى والاكس بى على الهارد التانى ,, الكلام دة فية مشكلة ؟

[Orphan Naremo]

عادى بس كدا مش ها يجبلك اختيارات اى ويندوز
ها تكون مضطر انك تغير الهارد الساسى من البوت بتاعة الموبو

[RIKA]

طب حاجة أخيرة ياجماعة الله يخليكم
أنا دايما بقسم ببرنامج البرتيشن ماجيك
لما اجى أقسم الهارد الثانى اكتب حروف البارتيشنات من اول ال c
ولا من بداية الحروف بعد الهارد الأول ؟

[tarekforall]

طب حاجة أخيرة ياجماعة الله يخليكم
أنا دايما بقسم ببرنامج البرتيشن ماجيك
لما اجى أقسم الهارد الثانى اكتب حروف البارتيشنات من اول ال c
ولا من بداية الحروف بعد الهارد الأول ؟

أولا، لا تستخدم بارتشن ماجيك ، جرب هذه البرامج هنا أو هنا فهي أفضل
لن يسمح لك البرنامج باعطاء حرف لبارتشن وهو مستخدم بالفعل

[The Mysterious]

أول مرة أعرف إن لازم الإكس بى يكون على السى

ليس بالضرورة ، فوفق أنظمة مايكروسوفت يجب أن يكون نظام التشغيل الأقدم على البارتشن الأساسي Primary حتى يتمكن من الاستنهاض وتمكين الاختيار بين الأنظمة المثبّتة، سابقاً عند استخدام ويندوز ME جنباً إلى جنب مع الويندوز XP كان ولا بد أن يتم تنصيب الأوّل على C حصراً والثاني على D أو على أي قسمٍ آخر ولا يشترط به أن يكون Primary، مع العلم أيضاً أنّ نظام ميلينيوم كان من الممكن ترقيته Upgrade إلى XP (تركيب نظام فوق نظام آخر)، أمّا الآن فلا يمكن ذلك مع ويندوز فيستا أو 7 إن أراد أحدنا الترقية من ويندوز XP إلى الأنظمة المذكورة .

[RIKA]

أولا، لا تستخدم بارتشن ماجيك ، جرب هذه البرامج هنا أو هنا فهي أفضل
لن يسمح لك البرنامج باعطاء حرف لبارتشن وهو مستخدم بالفعل

لية ؟ أنا إستخدمة دايماً ولا يحدث اى مشكلة
كمان أنا بستخدمة من خلال إسطوانة الهيرن بوت لإن بيكون الجهاز كلة جديد وماعلهوش اى شىء فلا أملك إلا هذة الإسطوانة وليس لدى أى برامج بوت أخرى

بالنسبة لاسماء الحروف يعنى أنا قسمت الهارد الاول خلاص مثلا إتنين برتيشن c و d
الهارد الثانى بقى أكتب أول بارتيشن بإسم e ولا c برضو

-----------------

شكراً أخى العزيز بيج ماستر على المعلومة