النتائج 1 إلى 2 من 2

الموضوع: بيل غيتس في البحصة

  1. #1
    عضو فضي الصورة الرمزية التنين الجامح
    تاريخ التسجيل
    Mar 2009
    المشاركات
    952
    معدل تقييم المستوى
    21

    Talking بيل غيتس في البحصة

    بعد ما نزل الويندوز 7 الى اسواق سوريا قبل اي بلد بالعالم , و قبل أن تصرح مايكروسوفت انو فيستا اصبح جاهز لينزل عالسوق انصعق بيل و "عمل" مؤتمر صحفي قال ان ليس مسئولا عن النسخ التي طرحت في السوق السوري كونها نسخ "مهكرة" وليست كاملة ...



    واصبح لديه فضول ليعرف عن سوريا اكثر و كيف تباع نسخ من ويندوز و أوفس بكل وقاحة تحت أسم مايكرو سوفت , وهي نسخ منسوخة و مهكرة.

    ركب طائرته الخاصة .. و وصل الى سوريا..

    سئل ( و يلي بسأل ما بيضيع ) ... حتى وصل الى "البحصة" ... وشاهد بائع عم ينادي عالديفيدي "4 ب 100 الديفدي.. يا ارض أشتدي و ما حد أدي ...تصافي...اوكازيون..... الرخصة فرصة ".

    . اخرج " البلاك بيري " و حسب سعر العملة السورية مقابل الدولار ..(صفن نص صفة) ...فكانت النتيجة انه النسخة التي تباع في أمريكا ب 500 دولار بالبحصة ب 50 سنت .
    تقدم الى البائع وامسك نسخة أوفس و لعبة و نسخة ويندوز و سيدي تعليم هاكر مع برامج عطى البياع دولارين , فيقول له البائع "و الله حبيتك اذا بدك نزل افاتار اورجينال خود واحد عالبيعة .."

    بيل غيتس: أفتار!! اورجينال !!! ...عالبيعة!!!!!!!!!!
    البياع : لك ايه من شي ساعة وصلني .
    بيل غيتس : يا أخي شلون يعني وصلك من ساعة .... لا تخوتني فوق مالي مخوت .
    البياع : يا اخي جربو و اذا ما كانت الصورة واضحة و على كيفك بدلو .
    بيل غيتس: طيب هدول البرامج منسوخين مالهم نسخ أصلية شلون بدي شغلهم .
    البياع لك شو ماعندي غيرك , بابا ( يخاطب ابنه الصغير ) ايم هالموبايل من ايديك و تعى ورجي الشب شلون بشغلهم .

    اخذ بيل النسخ ومضى

    يعترضه رجل اجنبي : بيل .... بيل غيتس ؟؟؟!!!
    بيل غيتس : ايه نعم هادا أنا , شو شايفك حامل و مكتر.
    الاجنبي : اي و الله أنا بعد ما دريت بالبحصة صرت بدال ما حط مصرياتي حق برامج , باخد تيكيت طيارة و اوتيل و بشتري غراضي من هون, بتوقف علي أرخص .
    بيل غيتس : طيب ما عم تعمل معك مشاكل هالبرامج؟؟؟
    الاجنبي : لا و الله متل اليرة , في شركة حلبية عم تعدل بأعدادات النسخ , بتصير بتشتغل أحسن من تبعكم بلا مؤاخذة .
    بيل : خير ان شاء الله .

    عاد بيل الى وطنه وهو الرجل الذي اخترع أحد أهم أنظمة التشغيل في العالم، يفكر عاجز عن حل معضلة البحصة ؟

  2. #2
    عضو برونزي الصورة الرمزية MAVRIK@
    تاريخ التسجيل
    Jul 2008
    المشاركات
    852
    معدل تقييم المستوى
    18

    رد: بيل غيتس في البحصة

    هههههههههه فطستني من الضحك :D
    هون قمة التكنولوجيا:ah38: شو ما بدك في :D

المواضيع المتشابهه

  1. مشاركات: 33
    آخر مشاركة: 14-02-2008, 16:01
  2. بيل غيتس
    بواسطة Tiina في المنتدى الأرشيف
    مشاركات: 3
    آخر مشاركة: 28-01-2008, 06:48
  3. بيل غيتس في أبو ظبي
    بواسطة Emirates في المنتدى الأرشيف
    مشاركات: 6
    آخر مشاركة: 28-01-2008, 01:14
  4. بيباي عمو غيتس، ماذا سيفعل بيل غيتس في اخر يوم عمل له؟
    بواسطة Iraq IT في المنتدى منتدى الشهادات العام
    مشاركات: 0
    آخر مشاركة: 18-01-2008, 14:52
  5. بيل غيتس في الرياض
    بواسطة رامي الزهراني في المنتدى الأرشيف
    مشاركات: 17
    آخر مشاركة: 06-11-2006, 09:43

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •