صفحة 1 من 2 1 2 الأخيرةالأخيرة
النتائج 1 إلى 15 من 29

الموضوع: اخوكم محتار بين مجالات اتصالات

  1. #1
    عضوية جديدة
    تاريخ التسجيل
    Apr 2010
    المشاركات
    10
    معدل تقييم المستوى
    0

    Question اخوكم محتار بين مجالات اتصالات



    السلام عليكم ورحمة الله وبركاته



    اخبار الجميع ايه ؟؟ يارب الكل يبقى تمام وتكونو مستعدين لرمضان ان شاء الله

    انا محمود ف 2 هندسة اتصالات ف احدى الجامعات الخاصة وعضو جديد لانج ف المنتدى وامتنى افيد واستفاد منه
    بس الايام دى عندى مشكلة كبيرة بسب تفكيرى ف حاجتين:

    المشروع ومجال العمل

    ولأن اغلب الشركات ان لم تكن كلها دايما بتناقش مشروع المهندس اللى متقدم للوظيفة وكمان تشوف لو المشروع ده له علاقة و أهمية بالنسبة لهم
    فبالتالى بقى كل تفكيرى ف مجال عملى

    وللأسف انا مش ملم بكل مجالات الاتصالات اللى متاحة لينا ف مصر ولو فى
    مجالات اعرفها , فأنا مش اعرف عنها كتير ولا اعرف مدى احتياج السوق

    ولذلك انا بطلب من حضراتكم لو تساعدونى وتساعدو كل اللى محتاج للمعرفة
    ايه هى المجالات المتاحة؟؟ وايه الكورسات اللى تدعمه ؟؟ وايه الوقت المناسب اللى اخد فيه الكورسات دى ؟؟ ومدى وفرة فرص العمل بالمجال ده؟؟ وده طبعا بعد رزق ربنا لكل واحد

    متأسف على الاطالة , بس للأسف مش لاقى حد الجأ ليه من بعد ربنا غيركو انتو واتمنى انكم متخذلونيش

  2. #2
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: اخوكم محتار بين مجالات اتصالات

    أنا هقولك نصيحة لوجه الله
    أنا خريج اتصالات برضه
    وكلنا فى البكالوريوس كنا مهتمين اننا فى المشروع نعمل صاروخ نووى!!!!
    وكلنا كنا متخيلين زى مانت بتقول كدا ان لما تتخرج وتروح شركة هيسألوك مشروع تخرجك كان ايه
    مع كامل احترامى ليك....صدقنى الكلام دا بعد خبرة طويلة فى السوق كلام فااااااااااااارغ ولا يمثل أى قيمة
    أولا الشغل فى السوق لا يمت بأى صلة ولو حتى 1% للى بتتعلمه فى الكلية.
    اوعى تفتكر انك لما تتخرج هتعمل تصميم لحاجة مثلا ولا الكلام دا :D
    بمنتهى الاختصار والأمانة انا هقولك على الخلاصة واجيبلك من الاخر
    المهندس فى مصر عبارة عن مهندس كتالوج
    يعنى بيبقى قدامه جهاز أيا كان تطبيقه.....والجهاز معاه مانيوال operation & troubleshooting
    كل اللى بتعمله انك بتقعد تذاكر المانيوال او الكتالوج دا كويس جدا
    اوعى تفكر فى يوم من الأيام انك هتصمم حاجة ولا الكلام الفاضى دا
    احنا اتضحك علينا بالكلام الفاضى دا كتيييييييييير برضه وكنا بنصدقه
    لكن لما اتخرجنا واجهنا الواقع
    زمايلى شغالين فى ألكاتيل وسيمنز فى الRF
    وناس شغالة فى اتصالات
    وناس شغالة PLC &DCS
    فى كل مجالات العمل سواء اتصالات أو باور هتلاقى نفسك بتتخصص فى منتج وتذاكر كتالوجاته
    انت كخريج جدبد ممكن تتسأل انت عملت مشروع ايه من باب بس انه يشوف انت بتفكر ازاى....لا أكثر ولا أقل
    لكن بعد سنة أو سنتين الcv بتاعتك والمشاريع اللى شاركت فيها فى السوق هى اللى بتديلك وضعك
    احنا دولة مستوردة للتكنولوجيا وليست منتجة
    ريح دماغك وماتشغلش نفسك بالكلام دا
    التقدير العام أهم مليون مرة من تضييع وقتك فى المشروع
    لأن الشغل بيبقى رقم واحد بالواسطة ثم بالتقدير العام....وليس بتقدير المشروع زى مانت وزى ماحنا كنا بنتخيل
    وعشان تبقى فاهم انا عن نفسى فى اول شغلانة اشتغلت فى مكان مكنش بيدفعلى ولا مليم مقابل انى آخد خبرة
    وبعد اربع شهور طحن دفعولى 300 جنيه :D
    لكن بعد أول سنة الحمد لله أخدت خبرة ورفضت انى أكمل معاهم مع انهم عرضوا عليا مرتبات محترمة وأعلى بكتير
    هو دا جو السوق والشغل فى مصر
    يارب يكون وصلك قصدى
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  3. #3
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: اخوكم محتار بين مجالات اتصالات

    موضوع الكورسات دا ماتوجعش دماغك بيه
    لأن كلنا برضه أخدنا كورسات وفى الاخر تخصصاتنا كانت بعيدة قوى عن الكورسات اللى أخدناها ودفعنا فيها فلوس كتير
    أنا مثلا كخريج اتصالات رحت أخدت كورسات FPGA
    لكن لما اتخرجت جه حظى انى اشتغلت فى مجال المقاولات فى مجال انذار الحريق وكاميرات المراقبة....الخ
    وفوجئت ان أكتر كورس كان المفروض أدرسه هو الاتوكاد والفيزيو بتاع ميكروفسوفت
    تخيل بقى :D
    وانا كنت طول عمرى فاكر ان الاتوكاد دا لبتوع مدنى وعمارة وبس
    وبعدين لازم تعرف ان المهندس مش تينيكال وبس
    المهندس جزء كبير من شغله بيبقى شغل ادارى
    ومستواه الادارى هو اللى بيرتقى بيه
    وكلنا كنا فاكرين ان مهندسين المبيعات دول بقالين
    الكلام دا غلط تمااااااااااااااااااااما
    مهندس التيكنيكال بيجييله وقت ومرتبه مابيعلاش وبيقف عند كادر معين
    لكن مهندس المبيعات بيترقى باستمرار وبيمسك مناصب
    كلنا برضه كنا فاكرين زى مانت متخيل دلوقتى ان المهندس التيكنيكال دا رقم واحد فى الشغل
    كلام فاااااارغ
    انت بعد أول شغل هتلاقى دماغك راحت لكورسات الادارة زى MBA
    هى دى الكورسات المهمة
    وبتعلى جدا من مرتبك
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  4. #4
    عضوية جديدة
    تاريخ التسجيل
    Apr 2010
    المشاركات
    10
    معدل تقييم المستوى
    0

    رد: اخوكم محتار بين مجالات اتصالات

    اولا شكرا على رد حضرتك

    ثانيا حضرتك وضحتلى صورة المشروع بالنسبة لى و إن كان فى ناس اترفضو من الانترفيو بسبب مشروعهم

    ثالثا وده الاهم انا لسه معرفش مجالات الاتصالات وايه الكورسات اللى تدعمها وايه مداها ف السوق

    رابعا واخيرا كنت عايز اعرف لو احب اروح ادرب ف شركات اروح فين واعمل اى ؟؟؟

    متأسف للأطالة ولكن ده من باب العشم ف ذؤق حضرتك
    عموما جزاك الله كل خير وكل سنة وحضرتك طيب

  5. #5
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: اخوكم محتار بين مجالات اتصالات

    أخى الحبيب
    انت لما بتيجى تعمل انترفيو بتعمل انترفيو على مرحلتين
    أولا مع الموارد البشرية
    ودول بيقيموا شخصيتك من خلال أسلوب كلامك
    ولو نجحت بتعمل انترفيو مع مدير القسم اللى هتتعين فيه
    ماتحكمش ان بعض أصدقائك اترفضو فى الانترفيو بسبب مشروعهم
    جايز خلال المقابلة اترفضو بسبب شخصيتهم
    انت خلال المقابلة بتتسئل عن حاجات كتير جدا عشان يفهمو شخصيتك لأنك فيما بعد بتشيل كل مسئوليات و أسرار المكان.
    هما مش هيفرحوا لما يعينوا واحد عامل مشروع كويس لنه انسان غير مسئول أو أمين فى تصرفاته أو يتعامل بأسلوب غير لبق مع عملاء الشركة أو زملائه.
    بالنسبة لمجالات العمل والكورسات أنا مش عاوز أحبطك
    بس هى بتعتمد أولا على التوفيق من ربنا والرزق اللى كاتبهولك ثم الواسطة ثم تقديرك العام
    وبرضه ياما ناس اتعينوا بوسايط وماكملوش لأنهم كانوا غير صالحين للعمل
    أنا فى أول شغل زى ماقولتلك اتقالتلى كلمة لذيذة قوى:
    "ميعادك تكون هنا تسعة الصبح ومتسألش هتروح امتى" :D
    طبعا كانت بهدلة وسهر لحد عشرة بالليل وبيات فى بعض الأحيان
    وهيقابلك ناس كويسة وناس مش كويسة وهكذا
    شخصيتك وجديتك وحسن تصرفك هو اللى بيفرق
    بالنسبة لأماكن التدريب للأسف مش هقدر أفيدك لأن حظى كان سيئ جدا
    عندك مثلا فودافون...بيعملوا تدريب صيفى فى قسمين...النتورك وال RF
    عملولنا امتحان انجليزى
    والحمد لله عملت اسكور كويس قوى
    بس طمعى ودانى فى داهية....لأنى طلبت ان تدريبى يكون فى مجال RF وقولت النتورك أخدخا كورسات فى أى حتة
    طبعا خدت على قفايا قلم حكومة محترمة.....لأن اللى بيتاخدوا فى الRF بيبقوا عشر بنى آدمين بالعدد وكلهم بوسايط جامدة....محمد نصير كدا واللى زيه :D
    بالمناسبة ابن عمتى شغال هناك فى النتوورك...وقالى لو كنت كتبت نتورك كنت طبعا هاظبطك
    بس تعمل ايه فى الطمع بقى :D
    هقولك حاجة بمنتهى الصراحة
    ماتشغلش نفسك بموضوع التدريب وانت طالب
    لأنك لو رحت تتدرب وانت طالب...هتروح أى شركة...مش هيوجعوا دماغهم معاك ويقولولك كل حاجة لأنهم عارفين انك شهر ولا شهرين وماشى.....يعنى مش هينفع يبنوا عليك شغل وبعدين تمشى .
    الكورسين اللى أنصحك بشدة تلحق تاخدهم.....تقوى مستواك جدا جدا فى الانجليزى كتابة ومحادثة لأنه هيفرق معاك فى الانترفيو وتعاملاتك فيما بعد وبالتالى مرتبك....والنتورك....لأن كل حاجة فى الدنيا دلوقتى حتى أجهزة الباور بتتربط على شبكة.
    أى حاجة هتاخدها بعد كدا ممكن تاخدها وتلاقى نفسك اشتغلت فى مجال بعيد عنها تماما.
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  6. #6
    عضو برونزي الصورة الرمزية sherif-magdy
    تاريخ التسجيل
    Sep 2009
    المشاركات
    1,027
    الدولة: Egypt
    معدل تقييم المستوى
    18

    رد: اخوكم محتار بين مجالات اتصالات

    moriatte كلامك جميل و واقعى بس للاسف محبط
    الواحد بيحس انه مش ممكن يعمل اى حاجة فى البلد ديه

  7. #7
    عضوية جديدة
    تاريخ التسجيل
    Apr 2010
    المشاركات
    10
    معدل تقييم المستوى
    0

    رد: اخوكم محتار بين مجالات اتصالات

    شكرا ياباشمهندس بس انت كده جبتلى احباط وخلتنى مستغرب
    ماهو لو كلام حضرتك ده اللى بيحصل امال ازاى حيبقى فى فرق بينى وبين زميلى ؟؟؟؟؟
    بس طبعا لأن حضرتك اكبر منى وموجود ف سوق العمل مقدرش اقول حاجة واكيد حاخد بنصيحتك
    وربنا يؤفقك ف حياتك وشغلك

  8. #8
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: اخوكم محتار بين مجالات اتصالات

    الفرق بينك وبين زميلك هتتحدد حسب مكانك
    لو اشتغلت مهندس فنى operation وصيانة هتتميز بمقدرتك على حل المشاكل التقنية فى أقل وقت وبأقل تكلفة
    مقدرتك على وضع جداول منتظمة للصيانة وتنفيذها والتعامل مع الفنيين بشخصية قوية وتخليهم يحبوك فى نفس الوقت... ودى مهارة لوحدها
    الموضوع فى الأول والآخر انك طبعااااااااا هتشغل دماغك
    لكن مش هتخترع
    لو اشتغلت مهندس مبيعات لازم يبقى عندك مقدرة انك تعمل domination للسوق وهتتعامل مع أى segment والمنتج اللى معاك هيبقى ملائم فى أى شريحة أكتر.
    وبالمناسبة فى بلدنا بما اننا بلد غير منتج
    فاللعبة كلها لعبة مبيعات
    تجيب منتج كويس وتسوقه وتلعب بيه فى السوق
    وخدمة مابعد البيع بعد كدا
    هو دا جو الهندسة فى مصر
    آسف على احباطكم وصدمكم بالواقع :o:D
    مرة تانية....ماتنساااااااااااش تحسن مستواك فى الانجليزى....وبالنسبة للنتورك انت مش محتاج تاخد كورسات خالص.....الدروس الموجودة هنا فى المنتدى أقوى من أى مكان فى مصر
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  9. #9
    عضوية جديدة
    تاريخ التسجيل
    Apr 2010
    المشاركات
    10
    معدل تقييم المستوى
    0

    رد: اخوكم محتار بين مجالات اتصالات

    وا احباطاه

    عموما انا حبتدى اهتم ف الفترة اللى جاية بالانجلش وان شاء الله حبقى اروح معهد اللغات بتاع القوات المسلحة

    وبالنسبة للنتورك انا كنت اخدت سميستر1 ف ال"سى سى ان ايه" وحكمله بالدورس اللى ف المنتدى وبجد الدورس هنا تحفة وربنا يجازيهم خير

    ومعلش تعبتك معايا يا باشمهندس بس للأسف انا معرفش حد اسأله , واتمنى لحضرتك كل خير ف الدنيا والآخرة

    ولو فى اى نصائح تانية او اى حاجة اعملها طول فترة الدراسة لغاية ما اتخرج ان شاء الله ابقى قولى عليها

    شكرررررا كتير لكرم اخلاق حضرتك

  10. #10
    عضو برونزي الصورة الرمزية sherif-magdy
    تاريخ التسجيل
    Sep 2009
    المشاركات
    1,027
    الدولة: Egypt
    معدل تقييم المستوى
    18

    رد: اخوكم محتار بين مجالات اتصالات

    طيب شهادات سيسكو مثلا هل تعطى اولوية
    يعنى مثلا واحد معاه CCNA ولا NP حتى هيكون زى اللى معاه CCIE ؟؟؟

  11. #11
    عضو محترف الصورة الرمزية Brigadier
    تاريخ التسجيل
    May 2005
    المشاركات
    9,999
    الدولة: Saudi Arabia
    معدل تقييم المستوى
    47

    رد: اخوكم محتار بين مجالات اتصالات

    طيب شهادات سيسكو مثلا هل تعطى اولوية
    يعنى مثلا واحد معاه CCNA ولا NP حتى هيكون زى اللى معاه CCIE ؟؟؟
    اذا معك خبره عمليه ستكون الشهادات لها اهميه كبيره اما بدون خبره فبشهادات او بدون لاتفرق للشركه.


  12. #12
    عضو برونزي
    تاريخ التسجيل
    Oct 2006
    المشاركات
    4,302
    الدولة: United Arab Emirates
    معدل تقييم المستوى
    0

    رد: اخوكم محتار بين مجالات اتصالات

    عادي واحد حصل كومة من الشهادات عن طريق الحفظ وفي مجالات متعددة ولم يتخصص في شيء معين لن يتساوى مع واحد تعب ودرس وقرء وحصل الشهادة بالنهاية

    هذا هو الفرق بينك وبين غيرك

  13. #13
    عضو الصورة الرمزية M Z
    تاريخ التسجيل
    Apr 2009
    المشاركات
    398
    الدولة: Egypt
    معدل تقييم المستوى
    23

    Smile رد: اخوكم محتار بين مجالات اتصالات

    هو انا خايف يكون رأيي صادم او مُحبط بعض الشئ ..
    لكن زي ما قولت وبقول إني صريح لأقصى درجه ومش بعرف اجمل او ازين الكلام
    مهما كانت العواقب او التوابع المهم اقول الصراحه بدون ادنى تزيين او مُجامله او تلوين ..
    مش عارف بقى دي ميزه ولا عيب لكن المهم إني وضحت علشان مش تتفاجئ

    المهم نصيحتي ليك إنك ماتحاولش تبني طريق وردي او جسر احلام على اساس الإستقرار بمصر ..
    حاول اول ما تخلص تقدم على منحه وتسافر وتعمل ماستر وتاخد خبرات حياتيه وعمليه وعلميه ..
    ولو لقيت الفرصه علشان تظبط اوضاعك هناك وورقك هناك وتكمل وتعمل وتستقر هناك .. يبقى Go ahead بالتلاته
    بس ابعد عن البلاد العربيه كلها .. اقل دوله غربيه سابقانا بـ 100 سنه واقل دوله اوروبيه سابقانا بـ 50 سنه واكتر ..
    مش هانتكلم طبعاً عن إحترام الوقت والتفكير المتحضر والعادات المتحضره والإسلوب والنظام وإحترام قيمة الإنسان ..
    لإن الكلام عن الموضوع ده محتاج منتديات كامله مش حتى موضوعات ولا ردود ..

    سافر وخد خبره وعلم من اصحاب العلم واللي بيقدروا العلم والعقول وقيمة الإنسان ..
    ومن اول ما هاتنزل المطار هاتحس إنك بتتولد من جديد وبتتعلم زي مولود لسه جاي على الدنيا وبيتعلم واحده واحده ..
    مش بس الفارق الحضاري والفجوه الزمنيه الاوسع من خرم الاوزون .. لا ده كمان إسلوب التفكير والنظام والـ Culture بالكامل
    يعني بدون مبالغه كل ساعه هاتقضيها في مجتمع زي ده
    بخمس سنين من عمرك بمصر شامله كل شئ إتعلمته في الخمس سنين دول في كل المجالات الإنسانيه !

    اما لو حابب تقعد في البلد وده راجع لطموحك .. يبقى لازم تتنازل عن احلامك الورديه و " تشتغل اي حاجه "
    إلا في حاله من التلاته وكلهم اصعب من بعض ..
    اولاً واسطه شديده .. ثانياً إنك توافق تدفع مبلغ كبير .. وثالثاً حظ وصدفه بطريقه غير طبيعيه واكيد انت في هندسه وعارف نسبة إحتمالات الصدف !


    وكلامي ده مش من فراغ .. ده واقع فعلاً وواقع بشع في دوله ماتت إكلينيكيا وتحللت ودُفنت و " ردموا عليها بأسمنت مسلح " وبنوا فوق قبرها بركان !
    ولو حابب تعرف ارقام فعليه من ناس خريجي هندسه بكافة اقسامها وشغالين مندوبي مبيعات و كاشير و بائع في محل او بنزينه
    انا مستعد اقولك ارقام من اصدقاء فعلاً لقوا إن طريقهم مسدود وإختاروا إنهم يعملوا اي شئ بدلاً من القعده في البيت
    او اللي قدر يظبط اوضاعه بوسطه او فلوس وكده ..

    وعايز اقولك معلومه صغيره شخصيه كمان علشان مش نكون روحنا لبعيد وضيقنا الدائره لأضيق الحدود
    انا حالياً إلتحقت بالعمل المصرفي من اقل من شهر .. وحالياً في كورس تأهيلي إستعداداً للبدء إن شاء الله
    عارف معايا في الدفعه كام طالب هندسه من اصل دفعه متكونه من 15 زميل تقريباً يعني مش عدد كبير ؟
    معايا حوالي 4 مثلاً منهم هندسه باور و إتصالات وبترول وتعدين كمان ! .. وده رقم كبير جداً مقارنة بالعدد الكلي والمجال نفسه !
    وانت طبعاً عارف إن ده مجال بعيد تماماً كل البعد عن الهندسه .. لكن لإنهم اصلاً مش لاقيين حاجه في مجالهم وشوف تخصصاتهم ..
    لكن ده اصبح حال البلد والقادم اسوأ واسود والعن


    والقرار راجع لك .. حدد اهدافك وشوف اولوياتك بناء على إمكانياتك وإنطلق
    http://i54.tinypic.com/k9vnuo.jpg فلاطه وعنتبلي يهنئان الشعب المصري بسقوط الطغاه http://i26.tinypic.com/71sraq.jpg

    ويعلنا إستعدادهم لترشيح نفسيهما لإنتخابات الرئاسه القادمه

    http://i54.tinypic.com/k9vnuo.jpg الـــــــعـــــــب http://i26.tinypic.com/71sraq.jpg


  14. #14
    عضو محترف الصورة الرمزية Brigadier
    تاريخ التسجيل
    May 2005
    المشاركات
    9,999
    الدولة: Saudi Arabia
    معدل تقييم المستوى
    47

    رد: اخوكم محتار بين مجالات اتصالات

    كلام MZ واقعي جداً.


  15. #15
    عضو برونزي الصورة الرمزية CR@N$H
    تاريخ التسجيل
    Mar 2008
    المشاركات
    6,152
    معدل تقييم المستوى
    69

    رد: اخوكم محتار بين مجالات اتصالات



    اقتباس المشاركة الأصلية كتبت بواسطة Amarantine مشاهدة المشاركة
    كلام MZ واقعي جداً.
    و صحيح مع الاسف
    ولكن على الشخص ان يحاول و اهم شيء الاعتماد على النفس و البحث و العمل
    أنا حاليا سنة رابعة هندسة تحكم ألي و الكترونيات صناعية و عتمد بدراستي العملية بشكل كامل على الكتب و الانترنت و طبعا المراجع كلها باللغة الإنكليزية لذلك يجب ان تكون لغة ممتازة و خاصة في مجال الترجمة و حاول أن تطبق ما تتعلمه برأيي عند التطبيق ستتعلم بشكل أفضل من مئة دورة نظرية
    [CENTER][COLOR=#800000][/COLOR][/CENTER][CENTER][COLOR=#b22222][SIZE=3][URL="http://arabhardware.net/forum/showthread.php?t=251887"]أ ب هاردوير "المعالج" الجزء الثاني[/URL][/SIZE][/COLOR]
    [/CENTER]
    [CENTER][COLOR=#800000][B]
    =====================
    [URL="http://arabhardware.net/forum/showthread.php?t=249113"]أ ب هاردوير...[/URL]
    ============
    مدونتي
    [URL="http://black0dreams.wordpress.com"] Black0Dreams[/URL]
    [/B][/COLOR]
    The Dreams are the fake hope of our pointless life
    [/CENTER]

صفحة 1 من 2 1 2 الأخيرةالأخيرة

المواضيع المتشابهه

  1. اخوكم مهندس اتصالات يطلب مشورتكم
    بواسطة samehelex10 في المنتدى منتدى الشهادات العام
    مشاركات: 2
    آخر مشاركة: 25-01-2013, 18:06
  2. محتار بين مجالات الاي تي وطالب مشورتكم ضروري جداااااااااااا
    بواسطة mohaworld في المنتدى منتدى الشهادات العام
    مشاركات: 7
    آخر مشاركة: 27-11-2010, 22:24
  3. الرجاء الرد اخوكم محتار
    بواسطة jemmy979 في المنتدى الأرشيف
    مشاركات: 2
    آخر مشاركة: 11-11-2005, 18:31
  4. اخوكم محتار ومحتاج مساعدتكم
    بواسطة fas في المنتدى الأرشيف
    مشاركات: 5
    آخر مشاركة: 27-06-2004, 08:08

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •