سؤال كل موسم : كيف تكسب انتخابات مصرية ؟
بسم الله الرحمن الرحيم
سؤال يطرح نفسه فى كل أنتخابات فى مصر و هو كيف تكسب مقعد سواء فى مجلس الشعب أو مجلس الشورى أو حتى فى أنتخابات محليات , و مع قرب أنتخابات مجلس الشعب , بل و الإنتخابات الرئاسية فى 2011 , قمت بكتابة هذا الموضوع .
و من هنا , نعطى كل مواطن مصرى يريد الترشح روشتة لمعرفة طرق الفوز فى الإنتخابات بل وطرق الإكتساح , :ah40:
الطريقة الأولى : الفلوس ::ah51:
و طبعا الفلوس بيتشترى كل حاجة اليومين دول و لهذا فقد تم تقسيمها لطرق مختلفة :
1- الرشوة : و الرشوة بيبدأ من إعطائك لرشوة من أول الناخبين لحد القاضى اللى ماسك اللجان و مرورا بموظفين يقفلولك الصناديق و لو أنت جامد أوى , ممكن ترشى المسؤلين التقال فى الحزب و دى بقى بتبقى جون . إكتساح يا سيادة النائب ! لأنك بتبقى جاى فى قايمة الحزب , و دى محدش يقدر يقولها لأ
2- تأجير : بلطجية , ناس يهتفولك فى الرايحة و الجاية , ناس تشيل يفط المرشحين التانين و يعلقولك يفط مكانها , و كده يعنى .
:ah36:
الطريقة التانية : النفوذ :
و الطريقة دى صعبة شوية , لأنها محتاجة أنك تكون صاحب منصب , وياسلام لو منصب غير مدنى أو وزير أو حتى مسؤل كبير فى الدولة , و ليك معارف و علاقات كتيير فى الحزب . و طبعا كله بحسابه !
:ah28: طبعا و أكيد الطرق دى للتبع الحزب أو مستقلين غير منتمين لتيارات دينية !
و طبعا لو مقدرتش على الطريقتين دول , فيه كمان واحدة .
الطريقة التالتة : الإخوان هما الحل :
تروح تشترك فى جماعة الإخوان المسلمين و تطلب تترشح فى الإنتخابات , الطريقة دى مضمونة جدا بس فى حالة واحدة : إن أمريكا تضغط شوية على مصر فتخليها تعمل إنتخابات عادلة , لأنه حتى لو خسرت و روحت أشتكيت بعد الإنتخابات و كمان المحكمة الإدارية أصدرت حكم لصالحك ببطلان الإنتخابات , أبقى قابلنى لو مجلس الشعب و رئيسه وافقوا على تنفيذ القرار ده :ah52: ,
نصيحة كمان , لو ناوى على طريقة الإخوان , يبقى أستنى شوية لحد قرب الإنتخابات كده , لأنهم بيعتقلوا كل المرشحين المحتملين من الإخوان قبل الإنتخابات , و سلم لى على قانون الطوارئ .
فيه طريقة أخيرة لكن مش هتلحق تعملها قبل أنتخابات السنة دى , لأنها محتاجة كمان عشر سنين شغل , و هى توعية الناس بأهمية الإنتخابات و تعليمهم كيف يمكن أن يأخذوا حقهم , و ساعتها لا حكومة هتقدر تزور , و لا مرتشى هينجح ,
و السلام ختام ,,
ملحوظة : كل ما هو كتب هنا باستثناء أى كلام عن الإنتخابات أو الإخوان , فهو موثق بالمستندات و الحقائق ! :ah4:
معلومة تاريخية: الإخوان هم من يطلبون الإنضمام اليهم و لا يقبلوا من يتقدم اليهم ... لديهم حيثيات و شروط لمن يصلح للإنضمام للجماعة ... هذا غير الإتجاه الداخلي .. ممكن يتم اختياره لتيار الدعوة و العمل الإجتماعي و ممكن يتم اختياره لخوض غمار العمل السياسي.تروح تشترك فى جماعة الإخوان المسلمين
المشاركة الأصلية كتبت بواسطة NaAZoOR
:rolleyes:ملحوظة : كل ما هو كتب هنا باستثناء أى كلام عن الإنتخابات أو الإخوان , فهو موثق بالمستندات و الحقائق ! :ah4:
ضوابط المشاركة
المفضلات