"اعتذر عن تقييم أو تثبيت أى موضوع غير مكتوب بالفصحى " رجاء الدخول
بسم الله الرحمن الرحيم
طبعا أكيد معظمنا شاف توقيع بعض الأعضاء و المشرفين و الإداريين يحتوى على هذه الجملة "اعتذر عن تقييم أو تثبيت أى موضوع غير مكتوب بالفصحى"
و أنا حبيت أوجه لهم رسالة على الخاص و لكن لقيت الموضوع أنتشر لدرجة كبيرة تصعب معها الرسائل الخاصة .
إخوانى الأعضاء المحترمين ,
السلام عليكم و رحمة الله و بركاته ,
"كنتم خير أمة أخرجت إلى الناس تأمرون بالمعروف و تنهون عن المنكر " صدق الله العظيم ,
من هذا المنطلق , و دون سبب غيره ,أطلب منكم تغيير هذا الشعار و عدم العمل به , و ذلك للأسباب الأتية :
1- لو أنت واحد قالك معلومة , و أنت أستفدت بيها , و خلتك تعرف حاجة جديدة مكنتش عارفها , بس للأسف كان كاتبها بالعامية , هل تبخل عليه بالشكر الذى لا يغنيه و لا ينفعه مثلما أستفدت أنت ؟ و هو الذى تعب بالموضوع , فهل تبخل عليه بالشكر ؟ هب أنك مكانه - ناس جم قرأوا موضوعك اللى أنت تعبت فيه وعجبهم , و لم يعطوك تقييم لمجرد أن لغته ليست فصحى مع أنها صحيحة - هل كنت ستسعد بالأمر ؟ أنا عن نفسى ؟ لا و رب الكعبة !
2- هل كل الناس فى الوطن العربى بيعرفوا يكتبوا بالفصحى ؟ أنا واحد من الناس و بكل أسف - بسبب مدارس اللغات ربنا ياخدهم :D - مبعرفش أكتب عربى فصحى , ودايما عندى أخطاء إملائية , و صعب جدا دلوقتى أرجع أقول الفاعل و المفعول و الحال و المحال و الكلام ده , فهل ده معناه أنى مستحقش أبدا , و تحت أى ظرف من الظروف , كلمة شكر ؟ و هل تحاسبنى على حاجة 75% منها مش بسببى ؟
و الناس اللى يقولك يا عم إحنا مسلمين و دى لغة القرأن , أقوله : لغة القرأن مختلفة جدا عن اللغة الفصحى , و مع ذلك أى مسلم حافظ للقرأن بيستخدم تعابير مقتبسة منه , و أنا عن نفسى مش بفهم إلا مع التفسير للفظ و أعتقد معظمنا كده . حضرتك بتحاسبنا على حاجة مش بإيدنا ؟.
و أنا أقترح حاجة , أيه رأيكوا فى عمل موضوع لتعليم اللغة الصحيحة ؟ و معتقدش إن حد هيعترض .
همسة للمشرفين : من حقك عدم تقييم الموضوع لأى سبب كان , لكن ليس من حقك , أبدا و نهائى عدم تثبيت موضوع لأنه لا يتكلم الفصحى , لأنها تحتاج قانون , و لا يوجد قانون يمنع التثبيت لعدم تحدث الفصحى , و لا :
11- لا يحق لك الاعتراض على اجراءات النقل والحذف والتعديل التي تجريها ادارة منتدى عرب هاردوير, والتي تشمل التنظيم والتعديل أو تنفيذ اجراءات ادارية معينة. كما لا يحق لك المطالبة باعادة موضوعك الى القسم الأصلي اذا تم نقله لقسم آخر من قبل الادارة.
+ كمان ده يكون تعصب لحاجة , و أنتوا بتدعوا لعدم التعصب أو التحيز , :D
- سيدى الفاضل.
- قرأت موضوعك متشوقا لمعرفة محتواه فهو ينبئ بمحتوى جيد ، كنت أنتظر تعليق احد الأعضاء عليه فعلا.
- ولكن فى نهاية الموضوع تشير لموضوع أخر وبهذا خرج الموضوع عن مساره الأصلى ، فهل هذا محاولة لأعادة الحديث فى الموضوع السابق ؟؟؟
- أعتقدتها مناقشة جيدة ولكن....
[CENTER][B][SIZE=2]You think that you're strong, but you're weak[/SIZE][/B]
[/CENTER]
تمام كده ؟ :D
زى ما قلتلك قبل كدة دا مرض تفشى بين المشرفين
و الاعضاء بيحطوة كدة موضة منظرة يعنى:p:D
هوا بس محاولة من المشرفين لمنع تداول المشاركات بالعامية و بالذات العامية المصرية لان فى مصرييين كتير هنا بيكتبوا على طول
بالعامية (ومنم انا )
و اعتقد اول واحد عمل الموضوع دا كان الاخ رامى
ومش عارف بقى باقى المششرفين اتعدوا منو ولا حد طلع كدا قرار سرى بس مش عاوزين يعملوة قانون
عاوز بقى تعمل واد جامد اكتب دى فى التوقيع
اعتذر عن تقييم أو تثبيت أى موضوع او تقييم اى مشاركة غير مكتوبة بالعامية
:p:D:p
و نعملها احنا وننشرها بين الاعضاء و نشوف بقى مين عندة قدرة على التحمل ال 15-20 مشرف و لا 10-15 الف عضو
:p:p:p:p:p
:D:D:D:D:D
بهزر طبعا
بس بردو ممكن نعملها :p
بالتاكيد الفصحى هي المرض
وانتم بلا شك الدواء!!!!!!!
____________
:D:D:D يوجد بالفعل من قام بهذه الخطوة و هو على ما اعتقد العضو SOS لكن على ما يبدو لم يستمر طويلا ربما تعرض لتهديد :eek::Dالمشاركة الأصلية كتبت بواسطة ENG.Incubus-Mizo
أنا معاك يا مشمش ! أعملها بس و لما ترجع من الإيقاف هبقى أعملها معاك :D:D:D أكيد بهزر , مش هعملها :D:D
طيب واللة انا مستعد اعملها يا جدعان
بس يجيى معايا 2-3 بيشاركوا جامد
و نشوف بقى قوانين الادارة السريةو لا قوانين ميزو السارية :D:p:p:p
طيب دا تهكم على شخصى الضعيف ولا دا مجر هزار يا ريت توضح
للمره الثانيه والاخيره انبهك للغه الكلام المستخدمه
تعرض لتهديد ممن .؟ من المشرفين او الاداره
رغم كثره كلامك التي تدل على قله الافعال هل هددك احد بشيء لمجرد انك تنطق رائيك مثلا .؟
اعتقد انه يجري تنبيهك فقط لما تتجاوز وتقلل من احترامك للاخرين فقط
واحب ان اقول لك كلمه صدقني الكبير بالعمر لايستفزه الصغير بالعمر وعلى هذا الاساس الجميع يتركك تتكلم براحتك فخذ وقتك لكن بلا قله احترام رجاء
____________
بالنسبة لموضوع أننا نكتب العكس : أنا شايف أن أحنا كده بنعمل زيهم بنتعصب لحاجة معينة و يبقى مفرقناش عنهم حاجة , أنا مش هعمل كده عشان السبب ده و فقط .
مجرد رد على عباره
زى ما قلتلك قبل كدة دا مرض تفشى بين المشرفين
و الاعضاء بيحطوة كدة موضة منظرة يعنى:p:D
وطالما انت طرقت الباب فلاباس من ان تسمع الجواب
____________
عزيزى دكتور محمد التميمى
الراجل حاطط :eek::D
يعنى بكل بساطة بيهزر
تجاوز جديد اتمنى تعود بعد الاجازه وقد نضجت افكارك وطرق حوارك اكثر
____________
يا شباب كل واحد حر في توقيعه مادام لم يوجه اساءه
و كل واحد حر في تقييمه و افكاره ايضا ما لم يوجه اساءه
اللذي يريد التقييم اهلا به
و من لم يرد اهلا به ايضا
بالعاميه
اعمل الخير و ارميه في البحر و ما تستناش شكر
اجرك عند ربنا
الله ربنا هو الإله : له من الأسماء ما اصطفاه
الواحد الحى كذا المليك : و الملك المالك لا شريك
____________________
(تجربه سريعه) asus formula III + corsair dominator 1600MHz+ i7 860 + thermaltake frio
_____________________
استكشاف مغاره هاي اند مره اخره و ترويض الثعلب الشاب 460gtx 1gb oc
_________________
تجربه سريعه ل i5 750 + thermaltake frio
________________
استكشاف مغاره هاي اند و الحصول علي الجبار 470gtx
_________________________
ضوابط المشاركة
المفضلات