مرحباً بكم في La La Land

[M Z]

السلام عليكم ورحمة الله وبركاته

----

إقروا الخبر ياشباب .. وإستمتعوا برحله قصيره إلى La La Land .. وكل شئ Pinky وجميل وكله طاير من السعاده :ah4:

إديها يا عنتبلي إديها يا فلاطه

وعلى رأي مدحت صالح .. الله على الحياه بقى لونها شيفتشي :D

إللي عنده اي نوع من انواع الضغط او السُكر او حاجات بتفرقع وكده اخره معانا هنا .. مايكملش لغاية تحت :rolleyes: :D

-----------


لأول مرة فى مصر..(تاكسى طائر) وسيلة للتنقل بنفس تكلفة الأتوبيس العادى



القاهرة - رغم أن الفكرة تبدو مفرطة في التفاؤل للوهلة الأولى إلا أنها على وشك التحقق بالفعل،
حيث صرح وائل المعداوى رئيس شركة سمارت للطيران بأنه تم التعاقد على 5 طائرات تربو مروحية
للعمل كـ(تاكسى طائر) للتغلب على زحام الشوارع فى مصر.
وقال المعداوى فى لقاءه مع برنامج صباح الخير يا مصر بالتليفزيون المصرى الاثنين أن شركة سمارت
هى أول شركة طيران للتاكسى الطائر فى مصر وقد وضعت استراتيجية لتوفير (تاكسى طائر)
للتنقل بين المحافظات بنفس تكلفة الأتوبيس العادى.
وأشار المعداوى إلى انه سيتم تجهيز طائرتين للعمل كطائرات إسعاف لإضافة نشاط جديد ضمن أنشطة الشركة،
لافتاً أن الشركة ايضاً بصدد إبرام اتفاق مع وزارة الكهرباء لتخصيص طائرات تقوم بغسل الأبراج الكهربائية،
كما تبحث الشركة مع وزارة الداخلية استخدام الطائرات فى إطفاء حرائق الأبراج العالية.


المصدر

-----------

خدتوا بالكوا من غسل الابراج الكهربيه دي ؟ :rolleyes:
بجانب إنهم " بـــــيـــــفــــكـــــروا " يستخدموا الطائرات في إطفاء الابراج العاليه :rolleyes:
هاضطر امسك نفسي بس لغاية ما ننزل تحت !


ده بالنسبه للخبر ..
تعليقي بقى على الخبر ..
تابعونا بعد الفاصل ..

وماتنسوش إحنا في La La Land والحياه Pinky .. يعني الـــــعــــــب

[M Z]

تعليقي على الخبر .. يالا بينا نتشل شويه :D

عايزين اولاً نصحبكم في جوله بسيطه لمواطن بسيط " اخوكم في الله " بين شوارع القاهره
إضطرتني الظروف إني اقضي اكتر من مشوار في يوم واحد والحمد لله على كل شئ ..
في 3 مناطق تقريباً من اهم المناطق الموجوده في القاهره الكبرى .. لازم نتصور بشاعة الموقف .. لا المواقف ..!

تخيلوا من المهندسين لرمسيس .. ومن رمسيس لمدينة نصر .. ومن مدينة نصر للمعادي .. ومن المعادي للجيزه
تخيلوا إن كمية المحاور الرئيسيه اللي مريت بيها خلال رحلة إبن بطوطه الإستكشافيه دي مافيهاش ولا شارع رايق في اي وقت من الاوقات :D
رمسيس مسدود .. شارع النصر واقف .. كورنيش المعادي عطلان .. الطريق الدائري متجمد .. البحر الاعظم مشلول .. ميدان الجيزه ميت

وطبعاً الوضع اصبح متشابه في كل ارجاء القاهره الكبرى .. تخيلوا إن الوضع ده وكل مدى يزداد سوء ونلاقي خبر زي كده
الناس دي بتفكر ازاي .. ده مافيش ولا اي شئ يُبشر بخير .. مافيش مبادره تُنذر بحل
الدنيا واقفه والناس خدت على كده والكل إرتضى والحياه ماشيه ..

خبر زي كده لما نلاقيه اول شعور ينتابك ايه .. بغض النظر عن اول كلمه هاتطلع من الجزء اللاشعوري لإننا كلنا عارفينها :D
الناس دي فين اولوياتها .. فين تنظيم اهدافها .. فين خططها .. كله مُنتهى وعقول متعفنه ومتحلله ..

انا عايز اقول ياجماعه ان في مصر عدد ضحايا حوادث الطرق في آخر سبع او تمن سنوات لا اتذكر تحديداً ..
العدد ده فاق عدد ضحايا كل الحروب اللي خاضتها مصر في تاريخها تقريباً 3 او اربع اضعاف !!
اللي يسمع خبر زي كده بقى يقول ايه .. يقول الحياه بينكي وكل شئ جميل وفلاطه وعنتبلي شبعوا لعب :D
وخلاص كل حاجه اتحلت ومش فاضل إلا الضحك على عقل المواطن والإستخفاف بيه ..
وطبعاً كلنا نتذكر مشروع طفطف إسكندريه اللي إتكلموا عنه من وحي احلامهم عن بلاد العجائب ..
وحتى الآن طبعاً المشروع لم يتم .. وكله اوهام اوهام ويومين الناس تتكلم عن الخبر وتنسى همومها وشكراً ..
فكروني بدرس مُدن المستقبل بتاع إبتدائي ( المصريين اللي سنهم صغير شويه او ذاكرتهم قويه هايفهموا قصدي :D )


- من وحي ما يحدث من الشارع المصري راودتني بعض الافكار في حالة تطبيق فكرة الميكروباص الطائره :D -

* طبعاً إحنا عارفين إننا اكثر من يعشق النزول في اي مكان إلا المحطات الرسميه :D
المشكله بقى في الطائره لو حد قفشت معاه ينزل على جنب ودلوقتي حالا زي ما بيحصل ..
تفتكروا هايكون إيه التصرف .. المواطن هايستخدم براشوت ولا هايستنى اقرب مطار ؟ :rolleyes::D

* عارفين كمان إن طائرات تعني مهابط وطائرات .. طيب المواطن الغلبان الكادح هايجيب منين المهبط ؟
ده لو عنده حته فاضيه هايفتحها على الصالون علشان يعرف يقعد هو وعياله مستريحين :D
تفتكروا ممكن يستخدم فكرة البراشوط .. وهو وحظه وإحتمال ينزل في بيت حد تاني :rolleyes:
تخيلوا الموقف والراجل راجع من شغله ونزل بالبراشوط في بلكونة واحد جاره .. هايكون الحوار كلتالي :
" إنت تاني يا عصمت .. ياجدع ده انت بتنزل عندي 29 يوم في الشهر ومش بتعرف تنشن عندك خالص
قام عصمت رد عليه وقاله .. ماهي ملحوقه يا مدحت .. مانت كمان يا أخي عمرك ما نشنت على شقتك اساسا :eek:
وفي الآخر توصلوا لحل عبقري .. كل واحد يبدل شقته مع التاني .. وبرده بعد ما بدلوا مازالوا كل واحد بينزل في شقة التاني :rolleyes::D "

* تخيلوا اولاد عصمت او مدحت الصغيرين بدل ما بابا يخبط عليهم ويدخل من الباب ..
مامتهم تقولهم " يالا ياحماده بابا جه من الشغل .. إلبس الستره العاكسه وخد الشارات وإطلع إستقبل بابا فوق السطوح ياحبيبي :D "

* من وحي الشارع المصري برده إن مافيش ميكروباص اساساً ماشي في البلد ومحمل عدد الراكبين بالظبط بدون زياده !
وبيبقى الجزء اللي مدلدل من على الباب اكبر من العدد اللي جوه المواصله اساسا !!
لو حد وقع لا قدر الله ممكن تنتهي والموضوع يتلم لإن كده كده الطريق واقف !
لكن تخيلوا لو عملوا ميكروباص الطياره وحد وقع لا قدر الله .. هاينزل برده في بيت اي حد :rolleyes:
هتلاقي برده الواد حماده ابن استاذ عصمت اللي فوق إمه بتصحيه وبتقوله " قوم بسرعه ياحماده .. باين ابوك وصل بدري إنهارده :D "






كفايه كده :D

[مكة روحى]

الموضوع باين علية كبير
طبعا لازم يكون فى عساكر مرور لابسين براشوت علشان يعرف يلم ال 10 جنية الاتاوة:D
و كل راكب معاة براشوت علشان لو اتخانق مع السواق ينط علطول من الطيارة
يبدو ان احنا يحكمنا حفنة من الجهلة المتخلفين

[TEch Zone]

ياترى الاجرة هتبقى كام ؟؟وهل الطيار هوا اللى هيجمعها والا هيبقى فية تباااع ؟:D
ولو حد عايز ينزل هيقولة على جنب ياسطى ولا ايه ؟

[M Z]

تم تعديل المشاركه المحجوزه التانيه وتعليقي على الخبر .. لازم تقروها


وتخيلوا لو طيارتين حد فيهم كسر على التاني وكسرله فانوس
طبعاً ثقافة السائق المصري بتقول اللي يكسرلك فانوس إكسرله فانوسين :rolleyes:

هايقوم راكن الطياره على جنب وينزلوا يتخانقوا ويقفلوا الطريق ويعطلوا الطيارات وراهم بقى وكده
والناس تفضل تزعق " ما يالا يا سطى المطار قرب يقفل "
وواحد تاني احتمال يكون استاذ عصمت اللي اتكلمت عليه فوق في التعليق هتلاقوه بيزعق للسواق وبيقوله :
" يالا بقى يا سطى الوقت إتاخر والاستاذ مدحت اللي بنزل عنده كل مره قرب ينام .. مش اسلوب يعني "

:D:D:D

[hack4love]

:D عجبي يا زمن هههههههههههههههههههههههههههههه


كله جايز

احلي سلام للعنتبلي وفلاطه هههههههه

[NaAZoOR]

انت اللي حقود و بتحسد الناس المصريين اللي بجد اللي الحاجات دي هاتتعمل لهم .... المصريين اللي الريس لما حب يشوف نبض الشعب راحلهم كارفور المعادي ...

بطلوا بقى تبصوا للمصريين في حاجتهم يا طفيليين يا عواجيز الفرح ...

تاكسي ابيض و عملوه ... تاكسي عاصمة و رخصوه ... تاكسي لندن لسه معلنين عن وصوله مصر .... الحاجات دي بتاعة المصريين اللي بحق.

انما المايكروباص وسيلة انتقال الطفيليين امثالكم فترخيصه واقف من 15 سنة و ممنوع تغيير خط السير في المرور ... امال امناء الشرطة و الضباط يسترزقوا منين ؟؟

لما يبقى فيه موقف انتظار تاكسي العاصمة بينش و قدامه على طول 30 بني آدم واقفين مايكروباص واحد ييجي عشان يخوضوا حرب الركوب العظيم عشان يلحقوا كرسي ولا حتى عتبة يقفوا عليها ....

يبقى انت أكيد ... أكيد في بلد التاكسي الطائر.

[a.ewais]

بسيطة اوى....كل سكان عمارة حلوين....يشيلوا اطباق الدش اللى على السطع ويعملو مهبط طيارات:D....وياجروه بالساعة.....:D
ويا سلام لو بيتك جنب مصلحة زحمة....يلهوييى..هتكسب نار..:eek:
تلاقى العماير كأنك فى gta.....تركب الهليكوبتر ..وتنزل فى اى حتة.....

[M Z]

:D عجبي يا زمن هههههههههههههههههههههههههههههه
كله جايز
احلي سلام للعنتبلي وفلاطه هههههههه

فلاطه وعنتبلي نفسهم البسمه بالنسبالهم بقت على إستحياء
لإني سمعت إن الحكومه قريباً هاتطبق ضريبه على اللي بيضحك ومبسوط :rolleyes:

لإنه اكيد طالما بيضحك يبقى سنانه مش مسوسه .. وطالما مش مسوسه يبقى بيستخدم معجون سنان
وطالما بيستخدم معجون سنان يبقى راجل مُرفه .. وطالما راجل مُرفه يبقى مافيش عنده مشاكل ومبسوط
وطالما مافيش عنده مشاكل ومبسوط يبقى راضي بالواقع .. وطالما راضي بالواقع يبقى عنده إستعداد للأسوأ
وطالما عنده إستعداد للأسوأ يبقى اكيد عنده إستعداد يدفع .. وطالما عنده إستعداد يدفع يبقى ليه ماناخدش منه
وبما إن الفلوس موجوده والرضا موجود والإنبساط دايماً موجود يبقى إدفع

وبيني وبينك برده هي وجهة نظر ..

:D:D:D

انت اللي حقود و بتحسد الناس المصريين اللي بجد اللي الحاجات دي هاتتعمل لهم .... المصريين اللي الريس لما حب يشوف نبض الشعب راحلهم كارفور المعادي ...
بطلوا بقى تبصوا للمصريين في حاجتهم يا طفيليين يا عواجيز الفرح ...
تاكسي ابيض و عملوه ... تاكسي عاصمة و رخصوه ... تاكسي لندن لسه معلنين عن وصوله مصر .... الحاجات دي بتاعة المصريين اللي بحق.
انما المايكروباص وسيلة انتقال الطفيليين امثالكم فترخيصه واقف من 15 سنة و ممنوع تغيير خط السير في المرور ... امال امناء الشرطة و الضباط يسترزقوا منين ؟؟
لما يبقى فيه موقف انتظار تاكسي العاصمة بينش و قدامه على طول 30 بني آدم واقفين مايكروباص واحد ييجي عشان يخوضوا حرب الركوب العظيم عشان يلحقوا كرسي ولا حتى عتبة يقفوا عليها ....

يبقى انت أكيد ... أكيد في بلد التاكسي الطائر.

نفس السؤال اللي سألته لنفسي وانا بشوف اللي بيحصل :D
لما التاكسي الابيض الجميل مُكيف الهواء الواسع الفاره الجميل .. كل ده موجود وبينش
ليه بقى الناس عماله تقتل وتزق وتشتم في بعضها علشان خاطر تَنعَم بقطعه صغيره 10 في 10 سنتيمتر تقف فيها
لما الحكومه وفرت كل وسائل الرفاهيه ورغم كده الشعب غاوي زحمه .. طيب هايعملوا ايه تاني .. يقطعوا نفسهم :rolleyes:

نفس بالظبط الموقف لما سألو الملكه وقالولها إن الشعب مش لاقي ياكل عيش
قالتلهم خليهم ياكلوا جاتوه .. إتصرفوا ياجماعه مش إسلوب كده :rolleyes:

:D

[| OMA |]

يبقي العقل الحاكم علي ما هو عليه وعلي المتضرر من الشعب الغلبان الانتحار

[M Z]

بسيطة اوى....كل سكان عمارة حلوين....يشيلوا اطباق الدش اللى على السطع ويعملو مهبط طيارات:D....وياجروه بالساعة.....:D
ويا سلام لو بيتك جنب مصلحة زحمة....يلهوييى..هتكسب نار..:eek:
تلاقى العماير كأنك فى gta.....تركب الهليكوبتر ..وتنزل فى اى حتة.....

تمام جداً جداً .. ويبقى الموضوع Friendly اوي بما إننا في La La Land والحياه بينك
يعني إنهارده اخد طيارتك وبكره تاخد طيارتي ..
طيارتي معلش واحد قافل عليها ومش عارف اطلع اخد طيارتك إنهارده ..
واحد مثلاً ركن طيارته في شارع ضيق شويه وريشه من ريش مروحة الطياره دخلت جوه شباك مواطن وقفل عليها ونام
مافيش مشاكل تاخد طيارت جارك وتروح بيها الشغل والحياه جميله ..
إنهارده عنده وبكره عندك .. تنزلوا في بلكونات بعض بالبراشوط برده مافيش مشاكل


:D:D:D

يبقي العقل الحاكم علي ما هو عليه وعلي المتضرر من الشعب الغلبان الانتحار

 تمام .. وعلى المتضرر اللجوء للبراشوط :D

[moriatte]

على فكرة ياجماعة بغض النظر عن روح المرح اللى بنتناول بيها الموضوع بس أنا شايف ان الراجل دا بجد هيكسب كتير جدا جدا
المشروع دا هيبقى بديل للسوبر جيت وملوش دعوة بالمواصلات الداخلية خالص
وبجد انا متخيل لو بقت أسعاره هى نفس أسعار السوبر الجيت....أصحاب شركات السوبر جيت بيتهم هيتخرب ويقفلوا

[M Z]

وبجد انا متخيل لو بقت أسعاره هى نفس أسعار السوبر الجيت....أصحاب شركات السوبر جيت بيتهم هيتخرب ويقفلوا

بالظبط كده .. الموضوع كله وهم x وهم وإستخفاف بعقل المواطن ..
يعني ايه لما آجي افاضل بين بدائل في سعر متقارب يكون فيه تفاوت رهيب كده في الخدمه في إحدى البدائل ؟
علمياً إستحاله .. ونظرياً وإجتماعياً وطبياً وكمان رياضياً وجغرافياً وجيولوجياً :D
اي كلام بيتقال وخلاص وكله ضحك على الدقون .. علشان كده إستعنت بمثال درس مدن عملاقه لو حد فاكره

إستحاله .. يعني مثلاً واحد يكون محتار بين الجيت والقطر يقوم واحد صاحبه يقوله خد الطياره بنفس السعر واسرع ! :eek:
الكلام ده عمره ما يحصل إلا في حاله واحده .. وهي اللي انا كتبتها .. في La La Land :D

[one-zero]

تخيلوا من المهندسين لرمسيس .. ومن رمسيس لمدينة نصر .. ومن مدينة نصر للمعادي .. ومن المعادي للجيزه

انت عملت كده ليه في نفسك


بالمناسبه دي

احسبها صح
ليه كل واحد يطلع بطيارته لما كلنا نشترك ببنزين طائره واحده

حماده حسبها صح و راح المصيف السنه دي في بورتو نيله
احسبها صح

[Bloody Wolf]

تعليقي على الخبر .. يالا بينا نتشل شويه :D

و الله انت قتلتنى من الضحك

شكرا على التعليق

و شكرا على الموضوع

سؤال:

هى الطيارة دى بتشيل كام نفر............... يعنى اجره الواحد بكام:D:p