قوانين المسابقة الرمضانية لهذا العام

**Ĵ Ŏ ƙ Э Ř** · 09-08-2010, 05:38

القوانين الجديدة لهذا العام

1- الاشتراك في المسابقة مفتوح لكل أعضاء المنتدى بلا استثناء ...

2- الاشتراك مفتوح حتى اليوم الخامس عشر لان بعد ذلك مرحلة تصفية ...

3- غياب 3 ايام متتالية او 7 ايام متفرقة استبعاد من المسابقة لضمان الاستمرارية

4-اذا فاز احد الاشخاص بأحد جوائز السحوبات ثم لم ينتظم بالمسابقة ( ريح نفسة يعنى لانة كسب خلاص ) يتم سحب الجائزة منة

و اعاد السحب على تلك الجائزة مرة اخرى بعد انتهائ المسابقة للاعضاء الذين اكملوها للاخر

5- عدد الاسئلة اليومية غير ثابت قد يكون سؤال واحد و قد يكون 7 اسئلة مثلا

و قد تكون السؤال الواحد مكون من عدة نقاط واى نقطة منهم خاطئة و ان كانت باقى النقاط كلها صحيحة يعتبر السؤال خاطئ

اى توقعو اى شئ ...

6- اى عضو يقوم بنشر الاسئلة فى منتدى اخر مطالبا اعضاء هذا المنتدى بحل الاسئلة لة

ستم معرفتة شخصيتة بسهولة ... و الاعضاء الذين شاركو معى العام الماضى يعلمون ذلك جيدااا ..

سيتم استبعاده من المسابقة

7- عنوان الرسالة المحتوى على الاجابات يجب ان يكون ( اجابات اليوم ال ... ) و يكتب رقم اليوم من المسابقة

8- اى عضو يخطئ فى سؤال ما و اكتشف اجابتة الصحيحة بعد ان راسلنى بالاجابات... علية ان يرسل الى رسالة اخرى بها اجابات كل الاسئلة و يكون العنوان اجابات اليوم ال .. (معدلة )

9- ممنوع منعا باتا الحل الجماعى

بمعنى ان يشترك عضوين او اكثر فى حل سؤال ما
فمن يثبت عليهم ذلك يتم استبعادهم فورا

10- لابد و حتما من توضيح طريقة الاجابة على السؤال بالتفصيل

اى ان من يذكر الناتج او الحل فقط سيتم اعتبار اجابتة خاطئة

11- اى حرف او خطوة او رقم ناقص او خطوة مبهمة سيتم اعتبار الاجابة خاطئة

12- يمكن ان يطراء قانون جديد فى اى وقت سيتم وضعة بموضوع المسابقة و التنوية عنة

13- وقت طرح الاسئلة الساعة 5 بتوقيت القاهرة و

الساعه 6 بتوقيت مكة المكرمة قبل الفطار ((لضمان تواجد الناس كلها فى انتظار الافطار )

و اخر موعد لاستلام الاجابات هو بعد مرور 22 ساعة اى الساعة ال 3 عصرا بتوقيت مصر و ال 4 بتوقيت مكة المكرمة ..

14-ترسل الاجابات على رسائلى الخاصة فقط ( ومن يخالف ذلك فلن يتم احتساب اجاباته)

15-يحسب كل سؤال بنقطة واحدة فقط

سوف يتم عرض الاجابات الصحيحة والخاطئة قبل وضع السؤال الجديد

16- مدة المسابقة 28 يوم من أول يوم فى شهر رمضان الكريم

التسؤلات

توضع فى الموضوع فقط
اذا رائيت انها ستسهل الاجابة بدرجة كبيرة
فلن اجيب علية
و عند عرض الاجابات فليتقبل كل شخص درجتة

+

اى شخص يقوم بوضع رد بة تسهيل او توضيح او تلميح بأجابة احد الاسئلة

سخصم 25% من رصيد درجاتة و ان تكررت يستبعد

الاعتراضات

1- المشتركين

لن يقبل السماع لاى اعتراض الا من المشتركين بالمسابقة فقط

و يرسل الاعتراض الى رسائلى الخاصة اولا و الرسالة تكون حاملة عنوان اعتراض و لا يوضع اعتراض داخل الموضوع ابداا منعا للمناقشات و المشاكل

و من يخالف ذلك

يرفض اعتراضة حتى و ان كان صحيح و يخصم منة 25% من رصيد درجاتة و ان تكرر منة ذلك يستبعد

*****

2- الغير مشتركين

مع كامل احترامى لكم

غير مسموح لاى احد غير مشترك ان يعترض او يثير مشكلة مهما كان هذا الشخص

و من يخالف ذلك سوف اقوم بمراسلة الادارة لتتولى امرة ...

فهرس العلامات

*** 3 نجوم كدة يبقى دة جاوب كلة صح

اما اللى يالاقى جنب اسمة رقم 1 او 2 او 3 فدة رقم السؤال اللى غلط عندة

الإشتراك بالمسابقة من خلال البدء في في إرسال الإجابات مباشرة

و باب الاشتراك مفتوح طوال الشهر الكريم...

و ايضا من لدية اى ( تعليق - فكرة - اقتراح - شكوى ... الخ )

ان يطلعنى بها هنا فى الموضوع

لمناقشة كافة الامور

**mramzi** · 09-08-2010, 05:44

اول رد عليك :cool:

هل اعتبر نفسي مشترك ام على ملئ الابلكيشن الخاص بالمسابقة :p

**wella1000** · 09-08-2010, 06:00

^^^ +11111 :confused:

**Eng.MinaEdward** · 09-08-2010, 06:52

اية يا عم جوكر انت نفسك تشغل مدرس او ناظر ولا اية

ماشى تنظيم وقشطة وكا حاجة لكن مش حاسس ان عايش الدور حبتين :p:p:p:D

انفع ادخل المسابقة بعد البوقين ^^^^^^ بقى ولا اية :p:D

**coolhero** · 09-08-2010, 07:18

مجهود رائع منك فى تنظيم الموضوع

طلب : اريد الاشتراك فى المسابقة :ah2:

بالتوفيق للجميع

**ahmedphenom** · 09-08-2010, 07:23

اريد الاشتراك

**HeRoZ** · 09-08-2010, 07:46

طيب فين الاستمارات :D

**sherif-magdy** · 09-08-2010, 08:33

انا خايف اشترك و بعدين يطلع فى رسوم اشتراك و ضريبة و خدمة ما بعد البيع ........ الخ :D:D

**S@M** · 09-08-2010, 08:59

ما هى نوعية ألاسئلة يا جوكر ....؟

**XMasterrrr** · 09-08-2010, 09:10

طب فين العقود

فيه غلطة واحدة فى القوانين هى ان 3 ايام متتالية او منفصلة لاء مينفعش نفس العدد

**hm90memo** · 09-08-2010, 09:28

انا عايز اشتراك يا جوكر

بس انا معرفش اذا كانت مشارك ونشيط بالنسبه لكم ولا لا ؟؟

**محمد الجوهري** · 09-08-2010, 09:49

جوكر .. إنت بتطفشنا من المسابقه ولا إيه ؟ :D

دلوقت حضرتكم ذكرتم الشروط الصارمة للإشتراك و لم تقومو بذكر الجوائز التى تُعتبر الحافز الأساسى للإشتراك, و عليه أسألك الآن : ماهى الجوائز؟

يا سلام لو كانت عباره عن نقاط تقييم بدال اللى ضاعت ... تبقى تمــــــام

و حظ موفق للجميع إن شاء الله

7- ممنوع منعا باتا الحل الجماعى

ليه بس كده؟ ... ده نوع من أنواع التعاون المحبب :D ... ليه بتقتل روح التعاون بين الأعضاء الكرام :D

طبعا بهزر .. شرط مهم الى أبعد الحدود ... و إسأل مجرب من رمضان اللى فات:D كان الياهو ما بيتقفلش ساعة الحل , فاكرين يا ولاد ؟

11- يمكن ان يطرأ قانون جديد فى اى وقت سيتم وضعة بموضوع المسابقة و التنوية عنة

مش معاك فى الشرط ده يا جوكر, ممكن تضع قانون جديد فى مسابقه العام القادم, لكن أن يطرأ قانون فجائى كده هيبقى معناه ان المسابقه جديدة على المنتدى و لم تتم دراستها جيدا

و ده طبعا غير صحيح, و لذلك حاول تشيل الشرط ده.

4- اى عضو يقوم بنشر الاسئلة فى منتدى اخر مطالبا اعضاء هذا المنتدى بحل الاسئلة لة

حصــــــل, و لحد دلوقت انت ما قلتلناش هو مين الأخ الواعى الذكى ده ؟ :D

و الله مش أنا :D

6- اى عضو يخطئ فى سؤال ما و اكتشف اجابتة الصحيحة بعد ان راسلنى بالاجابات... علية ان يرسل الى رسالة اخرى بها اجابات كل الاسئلة و يكون العنوان اجابات اليوم ال .. (معدلة )

الله أكبـــر

شفتو يا جماعة الديموقراطية, فيه جمال زى ده, فيه تطبيق لمبدأ إتاحة الفرص زى كده ... لأ مفيــش :D

9- لابد و حتما من توضيح طريقة الاجابة على السؤال بالتفصيل

حتى السودوكو ؟! :D

خالد خليل هيشترى دلوقت كشكول جديد و بطاريات للكاميرا و يصور لك الحل فى الكشكول كل يوم :D

12- وقت طرح الاسئلة الساعة 5 بتوقيت القاهرة و

طبعا الكل لازم يقدّر كويس أوى إن شخص واحد - و هو أنت - يقوم بتنظيم المسابقة وحده, و بصراحة أنا أشفق عليك من كميه التعب و الجهد الذى تبذله, أعانك الله

و لكن نصيحه من أخوك حاول يكون معاك دايما أسئله ال 5 أيام المقبله, بمعنى ان النهارده 4 رمضان , يبقى معاك أسئله جاهزه لحد يوم 10 رمضان مثلا

بحيث ما تتأخرش فى ميعاد طرح الأسئله.

عندى إقتراح ثانى : ممكن تشوف عضوين محل ثقه و ليكونو من خارج مصر مثلا, و تعطى لهم مجموعه أسئله إحتياطيه, بحيث لو تأخرت أنت فى طرح الأسئله فى أحد الأيام

يكونو جاهزين لوضع الأسئله البديله, و التى وضعتها أنت مسبقاً.

@S@m

ما هى نوعية ألاسئلة يا جوكر ....؟

:D :D :D

إزيك يا صام باشا؟ عامل إيه؟

و ده سؤال برضه يا راجل

كده الجوكر يزعل مننا

أسئله إستعراضية تعجيزيه يصعب الإجابة على معظمها, و يستحيل التفكير فى إجابه بعضها, و بعضها لم يحظ الجوجل بها علما !

د مره صاحبنا جاب لنا سؤال من كتاب أحد أساتذته فى الكليه, تخيل الإبداع !

من الآخر كده : مع الجوكر ... أطلق لمخيلتك العنان :D

معلش انا مش عارف آخد إقتباسات لانى شغال بنت فودافون
"هذه المشاركة بواسطة الهاتف الجوال"

**sherif-magdy** · 09-08-2010, 10:02

أسئله إستعراضية تعجيزيه يصعب الإجابة على معظمها, و يستحيل التفكير فى إجابه بعضها, و بعضها لم يحظ الجوجل بها علما !

د مره صاحبنا جاب لنا سؤال من كتاب أحد أساتذته فى الكليه, تخيل الإبداع !

ربنا يستر على دماغ الواحد يعنى ثانوية عامة و كمان اسئلة من كتاب استاذ جامعه :eek::eek:

بس انت تفتكر الاسئلة التعجيزية هتكون بمقدار التعجيز الموجود باسئلة الثانوية العامة :confused:

**NaAZoOR** · 09-08-2010, 10:24

عزيزي الجوكر ... هل تعتقد أن الرسائل الخاصة بك ستتحمل كمية المراسلات ؟؟ أعتقد أنه يمكنك انشاء ميل مخصوص للمسابقة على أحد المواقع الشهيرة أو مراسلة الإدارة ليتيحوا لك صندوق بريدي على الموقع لمتابعة المسابقة من خلاله و تلقي الرسائل عليه.

أعتقد أنني سأشارك هذا العام في المسابقة