صفحة 1 من 3 1 2 3 الأخيرةالأخيرة
النتائج 1 إلى 15 من 33

الموضوع: تقرير عن موبايل Nokia E72

  1. #1
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    تقرير عن موبايل Nokia E72



    بسم الرحمن الرحيم



    تقرير عن موبايل Nokia E72



    من فترة قريبة اشتريت موبايل Nokia E72 وبصراحة موبايل جميل جدا بل اكتر من رائع ووصلت معايا اني حسيت اني ما استخدمتش موبايالات قبل كدا ودا تقرير بسيط عنه ان شاء الله اتمنى اني اوفق في اني اعرض مميزات الموبايل .. ف البداية انا هبدأ ببعض الصور ليه وهبتدي اتكلم عن حاجة حاجة فيه ان شاء الله






    ودلوقتي بعض الصور ليه






























    بالنسبة للتقرير



    بصراحة انا اول مرة اكتب تقرير عن حاجة اشتريتها فهحاول اتكلم في شوية نقط تحت عناوين






    أولا : الشكل والتصميم الخارجي للجهاز :


    الموبايل جميل جدا كشكل واستايل وجميع الالوان منه اكتر من رائعة انا عن نفسي اشتريت اللون الدهبي الموبايل طبعا زي جميع موبايلات الE series الوش الخارجي للمبوايل ستاليس ستيل وكمان الجزء الي بيغطي البطارية ومتغطي بجزء بلاستيك في جميع المناطق المختلفة عن ذلك الزراير الاجزاء البارزة من التلفون هي كالتالي :



    - أزرار زيادة وخفض الصوت وفي النص بينهم زر متخصص للاوامر الصوتية



    - بابين واحد منهم مغطي مكان وصلة الUSB والتاني مغطي مكان الميموري كارد



    - في قمة التلفون من فوق زر تشغيل التلفون والاختيار بين الاوضاع



    - جمبه على اليمين شوية في مكان توصيل السماعة 3.5 mm



    - من الاسفل في مكان لتعليق الدلاية وبجانبة فيه مكان لدخول وصلة الشاحن الي هي الابرة الصغيرة




    شاشة التليفون :






    - شاشة التليفون 2.4 بوصة بالعرض تقريبا او حاجة زي كدا



    - بصراحة القراية من على الشاشة متعة جدا بس في بعض الاحيان ممكن تضطر تقرب الموبايل من عينك علشان تقرى كويس لكن في اغلب الاحيان بصراحة مقروءة جدا



    - اضاءة الشاشة ممتازة جدا زي ما الصورة الي فوق موضحة والخطوط فيها واضحة جدا جدا



    - الالوان بتاعتها اكتر من رائعة



    - طبعا على الشاشة من فوق في عدسة الاستشعار الي بتضلم الشاشة اول ما تقرب من الودن علشان توفير البطارية وكمان في الكاميرا الامامية المختصة لمكالمات الفيديو




    لوحة المفاتيح :






    - بصراحة لوحة المفاتيح هي اجمل ما يميز الجهاز دا اختراع جميل جدا واالكتابه عليها اكتر من رائعة ومريحة جدا جدا جدا جدا



    - يميزها ان كل الحروف موجودة والضغط عليها سهل جدا وملمسها جميل وسهل التعامل معاها



    - يعيبها تلات نقط اساسية وهي كالتالي ::



    - مفيش زر مخصص لتغير اللغة زي بقيت الموبايلات الي ممكن تغضط ع الشباك تغير اللغة او تدخل على القائمة انما هنا مفيش الكلام دا بس ممكن تغير حالة الحروف



    - علشان تكتب ارقام وانت بتستخدم الوررد او الرسائل لازم تضغط على زر مخصص علشان تفتح الارقام انما علشان تتصل وانت بتستخدم الشاشة العادية للتليفون عادي جدا مفيش اي مشاكل



    - في زر مخصوص طبعا علشان تحول التلفون لوضع الصامت وزر اخر علشان تفتح البلوتوث ومن وجهة نظري دي جميلة جدا



    - في زر مخصوص علشان تشغل فلاش الكاميرا كضوء مصباح ودي برضه جامدة جدا



    - فيه طبعا اربع ازار متخصصة واحد للاسماء وواحد لبرنامج الايميل وواحد للتقويم وواحد للقائمة




    السوفتوير :






    - سوفتوير نوكيا المعتاد مفيش فيه اي زيادات او نقص غير بعض الحاجات الطفيفة المختلفة



    - مثلا نازل معاه طبعا جميع برامج الاوفس من اول الAdobe reader والQuick office وفي طبعا وضعية التعديل جميلة جدا



    - نازل معاه الMsn Messenger وكمان BookMark لجميع برامج الشبكات



    - في option مخصوص علشان يغير وضع التلفون من وضع الاعمال لوضع التسلية او الاوضاع الشخصية وبكدا اقصد رنة التليفون وكمان theme التليفون



    - غير كدا يعتبر تقريبا كل حاجة في السوفتوير شبه الي موجود في باقي موبايلات نوكيا مفيش اختلاف






    كاميرا التلفيون :






    الكاميرا طبعا 5 ميجابكسل وتصويرها جميل جدا وفيها Tagging والمفروض كمان في Geo-tagging بس مش عارف ازاي اشغلها الكاميرا تصوريها ممتاز سواء ان كان تصوير فوتوغرافي ثابت او تصوير فيديو وهرفع ملف فيديو وبعض الصور المتصورة بالتليفون






    GPS :






    جميل جدا وممتاز جدا وكمان النسخة الي انا اشتريتها نازل معاها خرائط مجانية من نوكيا مع الارشاد الصوتي وبعض الاضافات الي مش موجودة في برنامج الGPS الي بينزل من على موقع نوكيا اشارته قوية جدا وبيلقط الاشارة في اي مكان تقريبا وبسرعة تقريبا بياخد من 5-10 ثواني عبال ما يلقط الاشارة واحيانا اسرع من كدا بكتير






    السماعات :






    صوتها عالي وحلو ومناسب ليا جدا زي اغلب سماعات عائلة الE من نوكيا الصوت نقي وواضح فيه التاثيرات الصوتية الي بتبقى ف الملف






    البطارية :






    اقوى بطارية شفتها حتى الآن ... ممكن استخدم البلوتوث وال GPS + Wifi والكاميرا واقرى قصص من على التليفون واسمع اغاني عليه واستخدم الفلاش كمصباح وتقعد معايا 3-4 ايام عبال ما يتبقى ف البطارية شرطة او شرطتين






    الoptical trackbad



    جميلة جدا وممتع جدا استخدامها تقريبا شبه الNavi Wheel الموجودة في الN81 وبتنور دايما لما يكون التلفون مشغل شاشة توقف او في مكالمة او رسالة ما اتشافوش






    مميزات التليفون :



    1- الشاشة بتاعته حلوة والقراية من عليها واضحة جدا



    2- الزراير الكاملة الي موجودة في الكيبورد مخلية استخدام التلفيون متعة بصراحة وخصوصا جميع البرامج الي فيها كتابة



    3- صوته حلو وعالي



    4- الكاميرا ممتازة جدا



    5- شكله جميل جدا



    6- يستحمل الشغل التقيل



    7- البطارية بتاعته بتعيش جامد جدا






    العيوب



    1- شكله كبير ودا ممكن يدايق بعض الناس



    2- حجم الزراير صغير ودا برضه ممكن يدايق بعض الناس



    3- عدم وجود زرار يغير اللغة بسهولة وكانت المفروض نوكيا تتفادى العيب دا (اتحلت خلاص بدوس على شيفت وزر الرموز مع بعض )



    4- السماعة الي بتيجي معاه وحشة جدا ومالهاش اي لزمة






    تقيمي العام ليه



    9.0 من 10


    لو في اي استفسار انا موجود ولو اي حد شايف حاجة ناقصة من التقرير ياريت يبلغني ومعلش ما قدرتش اكتب بالعربية الفصحى :o





    دي صورة وملف فيديو الي مصورهم بالتليفون علشان تحكموا بانفسكم



    http://tinypic.com/r/2n85zpf/4




    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  2. #2
    إداري سابق
    تاريخ التسجيل
    Sep 2009
    المشاركات
    7,382
    الدولة: Egypt
    معدل تقييم المستوى
    74

    رد: تقرير عن موبايل Nokia E72

    مبارك عليك الجهاز
    ربنا يرزقك خيره و يكفيك شره
    الجهاز فعلا ممتاز ما شاء الله
    و التقرير جميل جدا و منظم و غطى أغلب النقاط تقريبا
    و ينقصه فقط أن تضيف لونا مميزا للعناوين (أحمر مثلا) (لو تحب ممكن أعدله لك)
    و طبعا ان التزمت باللغة العربية الفصحى مستقبلا تقاريرك هتبقى تحفة بإذن الله
    جزاك الله خيرا

    و ياحبذا لو وضعت رابط الموضوع فى موضوع الأسعار , لأن التقرير سيفيد الكثيرين بإذن الله

  3. #3
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    رد: تقرير عن موبايل Nokia E72

    اقتباس المشاركة الأصلية كتبت بواسطة Dr Mohammad مشاهدة المشاركة
    مبارك عليك الجهاز
    ربنا يرزقك خيره و يكفيك شره
    الجهاز فعلا ممتاز ما شاء الله
    و التقرير جميل جدا و منظم و غطى أغلب النقاط تقريبا
    و ينقصه فقط أن تضيف لونا مميزا للعناوين (أحمر مثلا) (لو تحب ممكن أعدله لك)
    و طبعا ان التزمت باللغة العربية الفصحى مستقبلا تقاريرك هتبقى تحفة بإذن الله
    جزاك الله خيرا

    و ياحبذا لو وضعت رابط الموضوع فى موضوع الأسعار , لأن التقرير سيفيد الكثيرين بإذن الله
    شكرا على مرورك يا كبير والله نورت الموضوع
    هظبط موضوع الالوان دا دلوقتي ان شاء الله
    المشكلة اني ف الفصحى مش متميز قوي وتقيلة علية شوية
    بس ان شاء الله مقدما هحاول التزم وانا فعلا حطيت الرابط في موضوع الاسعار
    ونورت الموضوع مرة تانية
    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  4. #4
    عضو برونزي الصورة الرمزية event88
    تاريخ التسجيل
    Aug 2009
    المشاركات
    5,423
    الدولة: Sudan
    معدل تقييم المستوى
    46

    رد: تقرير عن موبايل Nokia E72

    بجد يا أحمد روعة وابداع بجد
    أنا من زمان بعجب بال E سيريس 72 شئ مبالغ في الروعة والتقرير مفيهوش كلام مية مية يا جامد ألف تقييم ما يكفوك

  5. #5
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    رد: تقرير عن موبايل Nokia E72

    اقتباس المشاركة الأصلية كتبت بواسطة event88 مشاهدة المشاركة
    بجد يا أحمد روعة وابداع بجد
    أنا من زمان بعجب بال E سيريس 72 شئ مبالغ في الروعة والتقرير مفيهوش كلام مية مية يا جامد ألف تقييم ما يكفوك
    الله يخليك يا هيما والله كلامك دا احلى تقييم عندي ف الدنيا
    فعلا السلالة دي ممتازة جدا وامكانيتها حلوة ومفيش مرة اجيب موبايل منها الا احترم نوكيا اكتر من الاول
    بجد انا مبسوط قوي ان التقرير عجبك
    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  6. #6
    عضو
    تاريخ التسجيل
    Aug 2009
    المشاركات
    149
    الدولة: Egypt
    معدل تقييم المستوى
    9

    رد: تقرير عن موبايل Nokia E72

    موبايل جميل ربنا يباركلك فيه بس مقولتش جبته ب كم و منين و صناعة إيه

  7. #7
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    رد: تقرير عن موبايل Nokia E72

    اقتباس المشاركة الأصلية كتبت بواسطة egypt2010 مشاهدة المشاركة
    موبايل جميل ربنا يباركلك فيه بس مقولتش جبته ب كم و منين و صناعة إيه
    انا جبته من الامارات بمبلغ 1150 درهم اماراتي وصناعي صيني بس مش فارقة كتير يعني انا جربته مع واحد صاحبي مفيش اي فرق خالص
    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  8. #8
    عضو برونزي الصورة الرمزية ehab7bob
    تاريخ التسجيل
    Apr 2010
    المشاركات
    1,267
    الدولة: Egypt
    معدل تقييم المستوى
    12

    رد: تقرير عن موبايل Nokia E72

    تقرير جميل وما رايك في blackberry 8520
    [CENTER][SIZE=3][COLOR=#008000]
    [/COLOR][/SIZE][/CENTER]

  9. #9
    عضو ذهبي الصورة الرمزية coolhero
    تاريخ التسجيل
    Oct 2009
    المشاركات
    4,361
    الدولة: Egypt
    معدل تقييم المستوى
    38

    رد: تقرير عن موبايل Nokia E72

    شكرا اخى على التقرير المتمبز
    [CENTER]
    [IMG]http://i.imgur.com/BXBfD.png?1[/IMG][/CENTER]

  10. #10
    عضو الصورة الرمزية samor
    تاريخ التسجيل
    Apr 2007
    المشاركات
    433
    الدولة: Egypt
    معدل تقييم المستوى
    20

    رد: تقرير عن موبايل Nokia E72

    موبايل رائع وتقرير رائع ربنا يباركلك فيه
    شكرا أخى الكريم

  11. #11
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    رد: تقرير عن موبايل Nokia E72

    اقتباس المشاركة الأصلية كتبت بواسطة ehab7bob مشاهدة المشاركة
    تقرير جميل وما رايك في blackberry 8520
    شكرا على مرورك ... بص انا كنت هجيب الblack berry بس هو اساسا استخدامه بيكون ف الايميل وانك تستخدم خدمة البلاك بيري يعني لازم يكون عندك ناس كتيرة مشترية البلاك بيري من اصحابك وساعتها ممكن يكون افضلك من النوكيا لانك هتستخدم الماسنجر انما لو مش هتستخدم الخدمة الي هي اساسا هتتلغي قريب يبقى هات النوكيا افضل لان الكاميرا بتاعته اعلى وشكله احلى

    اقتباس المشاركة الأصلية كتبت بواسطة coolhero مشاهدة المشاركة
    شكرا اخى على التقرير المتمبز

    شكرا يا محمود على مرورك

    اقتباس المشاركة الأصلية كتبت بواسطة samor مشاهدة المشاركة
    موبايل رائع وتقرير رائع ربنا يباركلك فيه
    شكرا أخى الكريم
    الله يكرمك وشكرا على مرورك

    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  12. #12
    عضو فضي الصورة الرمزية Black-Edition
    تاريخ التسجيل
    Feb 2009
    المشاركات
    2,665
    الدولة: Egypt
    معدل تقييم المستوى
    31

    رد: تقرير عن موبايل Nokia E72

    الف مبروك اخى الموبايل الممتاز

    وتقرير رائع جدااااا ... شكرا

    يــــــــــــــــــــــــارب

    jOoLiAnOo

  13. #13
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,888
    معدل تقييم المستوى
    27

    رد: تقرير عن موبايل Nokia E72

    اقتباس المشاركة الأصلية كتبت بواسطة jOoLiAnOo مشاهدة المشاركة
    الف مبروك اخى الموبايل الممتاز

    وتقرير رائع جدااااا ... شكرا
    شكرا على المرور يا سيدي الفاضل
    الموبايل فعلا اكتر من رائع
    [CENTER][URL="http://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]http://card.josh-m.com/live/deluxe/Ahmed Hassan33.png[/IMG][/CENTER]

  14. #14
    عضو برونزي الصورة الرمزية BlacK ShaDoW
    تاريخ التسجيل
    Jan 2009
    المشاركات
    3,291
    معدل تقييم المستوى
    28

    رد: تقرير عن موبايل Nokia E72

    ألف مبروك يا حاج احمد

    تقرير ممتاز بس ياريت تعملوا زي ما قالك دكتور محمد هيبقى شكلا احلى :ah7:
    [CENTER]
    [/CENTER]

  15. #15
    عضو
    تاريخ التسجيل
    May 2007
    المشاركات
    167
    الدولة: Saudi Arabia
    معدل تقييم المستوى
    0

    رد: تقرير عن موبايل Nokia E72



    فى نقطة مهمة جدا موجودة فية انة فيه VOIP يعنى ممكن تستعمل السكاى بى او تعمل مكالمات عن طريق الانترنت او لو عندك نظام PBX بيدعم ال SIP هيبقى ساعتها بيوفرلك كتير فى مكالماتك يعنى تخيل انت مسافر برة البلد بتاعتك وتدخل على ال PBX بتاعك وتاخد الخط وتعمل مكالمات بسعر المحلى مش دولى كل الى هتحتاجة هو انترنت فقط وشكرا

صفحة 1 من 3 1 2 3 الأخيرةالأخيرة

المواضيع المتشابهه

  1. موبايل Nokia n86 8MP --القاهره
    بواسطة daktarahh في المنتدى الأرشيف
    مشاركات: 5
    آخر مشاركة: 12-12-2011, 16:35
  2. مشكلة في موبايل Nokia N82
    بواسطة hobena في المنتدى الأرشيف
    مشاركات: 3
    آخر مشاركة: 28-02-2011, 16:24
  3. (مصر) للبيع موبايل Nokia N95 8GB
    بواسطة Doctor Medo في المنتدى الأرشيف
    مشاركات: 19
    آخر مشاركة: 18-05-2010, 23:16
  4. تقرير عن Nokia X6
    بواسطة coolhero في المنتدى الأرشيف
    مشاركات: 9
    آخر مشاركة: 16-04-2010, 14:38
  5. تقرير عن Nokia X6
    بواسطة coolhero في المنتدى الحواسيب المحمولة واللوحية
    مشاركات: 8
    آخر مشاركة: 25-03-2010, 00:16

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •