بخصوص torrentleech

[amr gomaa]

السلام عليكم
انا لسا شارى اكونت torrentleech وغيرت الباسوورد ينفع اغير الايمل ولا فى خطورة على الحساب وبالنسبة لليوزر ينفع اغيرة

[Dr.House]

أنا أتذكر انه لما وصلني اكاونت تورنت ليتش غيرت الايميل والباس في نفس الوقت وما صار شي للاكاونت بس في خطورة في هذه الطريقة
فأنصحك انك تنتظر مدة ومن ثم تغير الايميل اما اليوزر فلا اعتقد انه من الممكن تغييره الا اذا كلمت الاستاف وما انصحك تكلمهم لعدم جلب الانظار

[తో Mezoo తో]

اوعـــــــــــــــــــــــــــــــــــــــــــي انا اول اكونت كان ليا في الليش اتمسح من تغير الميل والباس ، فبلاش احسن

[optimus prime]

اوعـــــــــــــــــــــــــــــــــــــــــــي انا اول اكونت كان ليا في الليش اتمسح من تغير الميل والباس ، فبلاش احسن

وانا كمان ياميزو نفس الوضع حصل معايا
عضو ربنا يبارك فيه اداني الاكونت هنا وماكنليش لسه خبرة ف الليتش وخدت لاي فيه النصيب
وبعدين لما فتح التسجيل عن طريق الايرك سجلت وليلة التقرية لباور يوزر برضه اخدت الي فيه النصيب
بعدين بطلت ادور عليه وحتى لو جاتلي دعوة
انما لو فتح التسجيل هسجل

[shreef sabry]

شاريه!! ياراجل:confused: بكام؟

[తో Mezoo తో]

اسعار الليش من 30 لـ 50 ، حسبنا الله ونعم الوكيل فيهم اللي بيستغلوا الناس ، انا برضه اول مره ليا في التورنت اشتريت ليش بـ 40 وتاني يوم اتبند ، كأنه عقاب من ربنا

[Dr.House]

اسعار الليش من 30 لـ 50 ، حسبنا الله ونعم الوكيل فيهم اللي بيستغلوا الناس ، انا برضه اول مره ليا في التورنت اشتريت ليش بـ 40 وتاني يوم اتبند ، كأنه عقاب من ربنا

بالفعل في كثير بيستغلوا الناس تصدق اكاونت hdbits.org سعره 150 يورو !! يعني هل التراكر بينزل الافلام قبل ما تصور مثلاً
انا مش ضد شراء الدعوة اذا كانت بسعر معقول مع اني الى الان ما اشتريت اي دعوة وأستبعد اني اشتري دعوة او اكاونت مستقبلا

[amr gomaa]

انا بعد ما غيرت الياسوورد خرجت ودخلت تانى على الباسوورد الجديد قالى الباسوور غلط دخلت تانى بالباسوورد القديم دخل عادى هو ممكن يبعت تاكيد بتغيير الباسوورد على الايميل عشان كدة متفعلش

[shreef sabry]

انا مش عارف الناس اللي بتبيع دي مع انها بتكون دعوات ببلاش من الموقع :confused:

[amr gomaa]

انا اشتريت الاكونت ب 15 جنية بس

[ŤǾЯŊΛĐф]

إسمحلى با أخ عمرو ، ولكن أرى أن ما فعلته حرام ، كان ممكن تدى الفلوس لواحد فقير ويدعيلك دعوة أحسن من 100 دعوة TL

[amr gomaa]

إسمحلى با أخ عمرو ، ولكن أرى أن ما فعلته حرام ، كان ممكن تدى الفلوس لواحد فقير ويدعيلك دعوة أحسن من 100 دعوة TL

جزاك الله خير اخى الكريم والدال على الخير كفاعله

[DR ! ZERO]

إسمحلى با أخ عمرو ، ولكن أرى أن ما فعلته حرام ، كان ممكن تدى الفلوس لواحد فقير ويدعيلك دعوة أحسن من 100 دعوة TL

لو هنعمم اللى انت قلته ده يبقى و لا هنحدث أجهزتنا و لا هنشترى أى حاجة للترفيه فاهمنى طبعا ؟ و ندى ال 15 جنيه لواحد فقير بدل ما نجيب بهم أكل .

أكيد مش القصد من الكلام ان التورنت ليش النت من الأساسيات لكن اللى قاصد اقوله ان ممكن الواحد يرفه عن نفسه و فى نفس الوقت يعمل خير و يتصدق ، لو دعوات التورنت ليش لازم الشخص يتبرع علشانها يبقى هو يتبرع و أنا أشتريها منه أكيد مش هأخدها ببلاش ، مع انى ضد الفكرة أساسا و عمرى ما هكون بشجع بيع و شراء الدعوات لأن ببساطة كل حاجة لها بديل و الليش فى غيره و أسهل منه و أحسن و ببلاش الا لو موقع تعليمى .

انا صاحبي غير الباسورد والميل في يوم واحد واخذ باند ممكن تكلم الستاف وتقول لهم انك تحتاج تغيير الباسورد ...

بس يجهز السبب الى هيقوله لهم لأنهم أكيد هيسألوه عايز تغيره ليه .

[ŤǾЯŊΛĐф]

لو هنعمم اللى انت قلته ده يبقى و لا هنحدث أجهزتنا و لا هنشترى أى حاجة للترفيه فاهمنى طبعا ؟ و ندى ال 15 جنيه لواحد فقير بدل ما نجيب بهم أكل .

أكيد مش القصد من الكلام ان التورنت ليش النت من الأساسيات لكن اللى قاصد اقوله ان ممكن الواحد يرفه عن نفسه و فى نفس الوقت يعمل خير و يتصدق ، لو دعوات التورنت ليش لازم الشخص يتبرع علشانها يبقى هو يتبرع و أنا أشتريها منه أكيد مش هأخدها ببلاش ، مع انى ضد الفكرة أساسا و عمرى ما هكون بشجع بيع و شراء الدعوات لأن ببساطة كل حاجة لها بديل و الليش فى غيره و أسهل منه و أحسن و ببلاش الا لو موقع تعليمى .


.

أنت فهمتنى غلط يا زيرو أنا أقصد حرام حاجة ببلاش تروح تشتريه بمبلغ أكبر من قيمتها ، يعنى مثلا لو أنت معاك طبق كشرى :D ، ب 5 جنيه ورحت إشتريته ب20 جنيه مش يبقى حرام إنك تدفع 15 جنيه عالفاضى ، وبعدين TL مش نهاية المطاف ، فى مواقع كتير زيه ، أنا لما جاتلى الدعوة محستش إنه رهيب يعنى ، كان ممكن ياخد IPT وهيلاقى كل اللى عايزه عليه

[amr gomaa]

طب انا دلوقت لو استخدمت الاكونت بدون تغيير الايميل او الباسوورد اضمن منيين ان صاحبة الاضصلى مايستخمش الاكونت