شويه إستفسارات يا شباب بخصوص تركيب الإنترنت

**Ashraf80** · 26-08-2010, 04:42

مبروك الخط الجديد

المشاركة الأصلية كتبت بواسطة ALL4US

لازم الاسبليتر يكون اول الخط بحيث يدخل الخط الرئيسى فيه يخرج منه مخرجين واحد للتليفون والتانى يتوصل للراوتر
وظيفه الاسبليتر انه بيفرق بين بيانات الانترنت وحراره التليفون وبدونه لن تستطيع التكلم فى التليفون لانك ستسمع صوت تشويش مرتفع لن تستطيع التكلم منه

وبالنسبه للاسلاك فى البيت وكده فده اساسى ممكن تجيب كهربائى يدخلهالك فى ماسوره خط التليفون اللى جوه الحيطه وده سهل جدا ومش هيكلفك كتير

كلام سليم

السلك الواصل من بوكس التليفون الرئيسى هتقطعة و توصل محول من سلك تليفون ال RJ-14 (او ما يسمة اصحاب الادوات الكهربية بالروزتة) تدخلة فى ال Line فى ال Spliter وهتوصل ال Phone بباقى السلك الداخل الى البيت و ADSL الى الروتر.

المشاركة الأصلية كتبت بواسطة ŤǾЯŊΛĐф

إحتياج ال Splitter بيبقى على حسب نوع الRouter ، لو نوع نضيف مش هتحتاج ، يعنى أنا عندى Linksys ومش مركب Splitter ومفيش أى مشاكل ، وبالنسبة للتليفون أنت مش محتاجه ، إنت محتاج بس فيشة تليفون

كلام غير سليم

لان كل ما التليفون يرن ال ADSL يفصل و تنتظر دقيقة عقبال ما يشتغل تانى.

جرب كدة تتصل بة من موبايلك و قولنا النتيجة.

هو الراوتر اللى هتديه TEDATA سيبد تاتش ؟

لا huawei وهو لاسلكى وكمان فية مكان تحط صورتك.

بالنسبه للـ splitter فده سعره كام ؟ و انواعه و شكله ؟؟؟ و طريقه تركيبه سهله ولا لا؟؟

الشركه عامله عرض راوتر و شهر مجانا و هاخد الراوتر ( مش عارف هو كويس وللا لا بصراحه )

و كده هضطر امشى السلك فى البيت . لأن فيشه التليفون اللى فى الأوضه تقريبا مش شغاله : وحتى لو شغاله فهى قديمه مش السوكيت الجديده دى

معرفش ليه كل حاجه جديده بجيبها لازم القى فيها مشكله

الروتر معاه كل شىء من سبلتر و اسلاك تليفون للتوصيل وهو النوع دة جيد.

بالنسبة للاسلاك بامكانك شراء USB Wireless LAN

وهو معروض للبيع لدى عروض شركة Magic

ارشح لك Linksys usb lan wusb54gc

**coolhero** · 26-08-2010, 07:25

مبروك اخى محمود الخط الجديد

موضوع الـ splitter ده عباره عن ايه ؟؟؟ و هل هناك مشكله ان الكمبيوتر فى غرفه و التليفون بعيد عنه ؟؟؟؟؟

لأن السلك يمشى فى الشقه دى شىء مذمووووووووووم و محرّم فى المنزل عندنا :D

ال SPLITTER هو عبارة عن قطعة صغير لتقسيم خط التليفون الرئيسى ال خط للتليفون العادى و خط اخى ليتم تركيبه فى الروتر

و بالنسبة للسؤال الثانى فلا يوجد اى مشكلة ممكن تستخد راوتر ويرلس

ممكن حد بيفهم يعرفنى ايه موضوع السيرفر ده ؟؟؟ مؤخراً عرفت انه برنامج مش جهاز والله اعلم برضو

و عشان اضعه على شبكه معينه ما هى التكلفه اللازمه ؟

لانى سمعت ارقام غريبه جدااااااااا يعنى سمعت 700 جنيه و 500 جنيه فحسيت ان ده نصب

اتمنى الرد السريع لأن النت هيفصل خلال ساعه او اتنين من دلوقتى إن شاء الله

اخى محمود انت بالفعل لا تحتاج سيرفر طول ما هتكون لوحدك على الخط

و لكن ثمن السيرفر لا يمكن تحدية بهذه السهولة

فهناك العديد من الانواع منها مكلف و الاخر يمكن عمله بسعر لا يتعدى ال 200 و 300 جلانلى شوفت الكلام ده

ممكن تقولى نوع السيرفر الى هيعملو و ممكن اكون عرفو و اقولك يتكلفكان تقريبا

**mohmet** · 26-08-2010, 11:04

المشاركة الأصلية كتبت بواسطة MF88

mohmet

ياراجل ؟؟؟؟؟؟

لو ممكن اعرف اسمك بالكامل ؟؟؟ المفروض كنت اتخرج السنه دى بس حصل ظروف و اتأخرت سنه

فياريت اعرف حضرتك و قسم ايه

و لو فيه امكانيه تشرفنا فى الإفطار الرمضانى يوم الجمعه يكون شىء جميل

اتمنى تلقى نظره على القسم العام ( منتدى الحوارات و اللقاءات ) و تنضم لينا بسرعه النهارده

ناس كتير هتكون موجوده على فكره

السلام عليكم يا محمود
اولا اسمي محمد علي
قدر الله و ما شاء فعل
بالنسبه للأفطار فمش هاقدر للأسف

و فرصه سعيده جدا و ان شاء الله نتقابل عن قريب
نسيت اهم حاجه
و هي نوع الاسبليتر
ياريت تدور علي اسبليتر d-link
احسن الوحشين و اقلهم مشاكل
مش عايز اقولك كميه الاسبليتر الي عندي قد ايه
اكتر الي في السوق انواع للأسف مش تمام(تقدر تقول مضروبه)
و احسنهم الd-link
زي ده كده:

و أي سؤال انا موجود

**ŤǾЯŊΛĐф** · 26-08-2010, 14:25

المشاركة الأصلية كتبت بواسطة Ashraf80

كلام غير سليم

لان كل ما التليفون يرن ال ADSL يفصل و تنتظر دقيقة عقبال ما يشتغل تانى.

جرب كدة تتصل بة من موبايلك و قولنا النتيجة.

أخى أنا عندى راوتر وعندى تليفون على فكرة :D ، وجربت أتصل ومفيش أى مشاكل ولا النت بيقطع ولا التليفون بيغروش ، وفى عند أصحابى راوترز أنواع تانية جربت عليها لقيت اللى بتتكلم عنه

**MF88** · 26-08-2010, 15:49

متشكر اوى يا شباب على النصايح الغاليه دى

سؤال اخير

لو عندى فيشه تليفون فى الغرفه غير الفيشه اللى فى الصاله

هل اقدر استفيد منها ؟؟ لأنى كده هحتاج امشى سلك فى البيت و ده شىء مكرووووووه جدا عندنا

**MF88** · 26-08-2010, 15:50

و سؤال معلش لو تكرمتم

عند تركيب RJ السلك ايه افضل ترتيب للـ 8 اسلاك داخل الـ RJ ؟؟؟

**soliman** · 27-08-2010, 03:45

فيه حل لموضوع الاسبليتر وهو تركيب الاسبليتر على عدة التليفون ولو فيه اكتر من عدة يبقى لكل عدة اسبليتر خاص بها والراوتر يتم توصيله بدون اسبليتر فى الفيشة مباشرة بدون اسبليتر

**m27** · 27-08-2010, 17:05

السلام عليكم
بخصوص Splitter وظيفته عزل الموجات السوطيه عن عن حزمه الإنترنت .
ليس من المهم أن تضع خط التلفون بجانب الإنترنت بس المهم أن تكون مسافه السلك ما بين السبليتر والراوتر قريبه حتى لا تتعرض ل فصلات إنترنت .

بخصوص Server بتاع منع القطع للإنترنت .. هاد عباره عن برنامج Hack مفيش حاجه إسمها برنامج ل منع قطع الإنترنت لإنه الفصل يكون ملموس وليس العكس .

الفصل يكون من السلك الممتد إلي وزاره الإتصالات

**The King2** · 30-08-2010, 02:10

هل اقدر استفيد منها ؟؟ لأنى كده هحتاج امشى سلك فى البيت و ده شىء مكرووووووه جدا عندنا

هههههههههههههه
أنا السلوك ممشيها من فوق السرير بتلف حوالين رقبتى وأنا نايم :D

بص الإسبيليتر حاول بقدر الإمكان إنك تركبه فى أو مدخل لسلك التلفون فى الشقه اللى جاى من البوكسه بتاع التلفون
لو إنت مش عايز تمشى السلك فى الشقه حلك شئ واحد إنك تجيب كهربااائى يمشى ليك السلك بسوسته خاصه بالكهربائيه
ولو عند السوسته ممكن تتدخلها فى أول فيشه و من الخرطوم الممتد للأعلى ستجدها تقوم بمد السوسته فيه بعد ذلك عندك حااجه إسمها بواط " توجد أعلى جدار الغرفه " ستجد رأس السوسته بها ثم تربط السلك فى أخر طرف السوسته وتلف عليه لاصق ولازم تكون رفيعه بقدر الإمكان حتى تتمكن من العبور فى الخرطوم بسهوله ثم من البواط هذا إلى البواط الأخر عن طريق خرطوم مرتد بيميمن أو شمال البواط الأول ومن البواط التالى إلى البوط الأخر لحد ما توصل للغرفه المطلوبه وتنزل السلك إلى علبة المفاتيح الموجود بها فيشه التلفون القديمه
طبعاً إنت مش فاهم حااجه ولا هاتعمل حااجه من اللى انا بقوله دا وصعب تدخل كهربائى بيتكو :p

لو عندى فيشه تليفون فى الغرفه غير الفيشه اللى فى الصاله

جرب الفيشه على التفلون أولاً لو شغاله ركب فيها الإسبيليتر وجرب هل سينتج وش فى التلفون ولا إيه .... إن شاء الله لن يحدث
بس طول سلك التلفون بيقصر على حااجه إسمها SNR فى الروتر ودى معناها جودة الإشاره
ممكن تشوفها بعد ما تخلص على صفحة ال[ Status فى الروتر قيمتها لازم ما تقلش عن 20 خصوصاً فى الدون لود إما الرفع 12 بتكون ممتازه