شويه إستفسارات يا شباب بخصوص تركيب الإنترنت

[MF88]

السلام عليكم و رحمه الله و بركاته

هدانى الله لتركيب خط إنترنت لوحدى بسرعه 1 ميجا


عايز اسأل بقى

موضوع الـ splitter ده عباره عن ايه ؟؟؟ و هل هناك مشكله ان الكمبيوتر فى غرفه و التليفون بعيد عنه ؟؟؟؟؟

لأن السلك يمشى فى الشقه دى شىء مذمووووووووووم و محرّم فى المنزل عندنا :D


فى استفسار تانى و هااااااااام جدا بالنسبه لى


لما كنت فى الشبكه القديمه و اللى بسبب مشاكلها قررت اركب خط لوحدى

كانو بيتكلمو عن سيرفر بيمنع قطع النت و خلافه

ممكن حد بيفهم يعرفنى ايه موضوع السيرفر ده ؟؟؟ مؤخراً عرفت انه برنامج مش جهاز والله اعلم برضو

و عشان اضعه على شبكه معينه ما هى التكلفه اللازمه ؟

لانى سمعت ارقام غريبه جدااااااااا يعنى سمعت 700 جنيه و 500 جنيه فحسيت ان ده نصب

اتمنى الرد السريع لأن النت هيفصل خلال ساعه او اتنين من دلوقتى إن شاء الله

[kimo0070]

مبروك عليك مقدما
ال splitter مهم جدا لانه بيمنع الضوضاء الموجودة اثناء أي مكالمة تليفون وال dsl شغال وده بيتركب في المكان الموجود فيه التليفون
مفيش مشكلة التليفون يكون في أي مكان مش لازم جنب الكمبيوتر
معنديش فكرة عن السيرفر أنا أعرف أن جهاز بيستحمل الشغل وسرعة النت بتاعته عالية وبيدفع فلوس ليه كل شهر

[hack4love]

وانته تعمل سرفر ليه وانته لوحدك

هما بيستخدمو اعتقد ويندوز سرفر 2003 ويكون صاحب الشبكه الادمن وبيحدد سرعهالنت عن المشتركين لانه لو فتحها عليالبحري النت هينقطع عن الناس كلها فبيحددها لو انته لوحدك او معاك حد كمان مش هتفرق

[ALL4US]

لازم الاسبليتر يكون اول الخط بحيث يدخل الخط الرئيسى فيه يخرج منه مخرجين واحد للتليفون والتانى يتوصل للراوتر
وظيفه الاسبليتر انه بيفرق بين بيانات الانترنت وحراره التليفون وبدونه لن تستطيع التكلم فى التليفون لانك ستسمع صوت تشويش مرتفع لن تستطيع التكلم منه

وبالنسبه للاسلاك فى البيت وكده فده اساسى ممكن تجيب كهربائى يدخلهالك فى ماسوره خط التليفون اللى جوه الحيطه وده سهل جدا ومش هيكلفك كتير

بالنسبه للسيرفر والكلام ده ..فمعتقدش فى حاجه زى كده لان لو فى حاجه هتتقطع فده هيكون من السنترال نفسه ومفيش جهاز هيقدر يمنع كده ..وانت طول ما انت لوحدك مفيش نت هيتقطع ان شاء الله ..

والف مبروك مقدما .. وبالتوفيق

[ŤǾЯŊΛĐф]

إحتياج ال Splitter بيبقى على حسب نوع الRouter ، لو نوع نضيف مش هتحتاج ، يعنى أنا عندى Linksys ومش مركب Splitter ومفيش أى مشاكل ، وبالنسبة للتليفون أنت مش محتاجه ، إنت محتاج بس فيشة تليفون

[mohmet]

يسعدني ان ي احاول مساعدتك يا مشرفا العزيز
و علي فكره احنا بلديات(سكندري زيك و كمان نفس الكليه و الحمد لله خلصت السنه ديه)
اولا مبارك عليك الخط الجديد
ثانيا الاسبليتر ده عباره عن موزع بيدخل فيه خط التليفون يطلع خطين احدهما يذهب للهاتف و الاخر يذهب الي الراوتر و بيبقي موضح علي الاسبليتر برسمه او كلمه PHONE & MODEM
ثالثا انت مش محتاج سيرفر
انت لوحدك

[Mena2009]

ممكن تحط الروتر الويرلس بجانب التليفون و تحط كارت lan ويرلس فى الكمبيوتر و بكده تستغنى عن مد سلك فى الشقه

splitter بعيد عن المصطلحات العلميه و بمفهوم مبسط عشان يطلع اشارتين صوتيتين واحده لخط التليفون و واحده للروتر و يمكنك من استخدام خط التليفون و تشغيل الانترنت (للروتر) فى نفس الوقت


موضوع السيرفر لمنع انقطاع الانترنت ده كان سببه الوصلات "الغير شرعيه" و استخدام بعض المشتركين بها لبرامج هاك "بسيطه" تمكنهم من سحب السرعه بالكامل من الاخرين

و هناك روترات بها سيرفر و هى مكلفه و هناك حل برمجى عن طريق بعض البرامج و لكن يجب ان تترك الكمبيوتر السيرفر يعمل 24 ساعه !!

[MF88]

يا شباب انا عارف انى مش محتاج سيرفر اكيد . لكن انا حاليا لسه السلك بتاعى معاهم فبسأل عشان عايز اكشف الناس

دى لباقى الـ 12 مستخدم . لأنى متأكد مليون فى المائه انهم هياخدو 700 جنيه فى جيبهم

عشان كده بسأل عن التكلفه الحقيقيه

==================================

بالنسبه للـ splitter فده سعره كام ؟ و انواعه و شكله ؟؟؟ و طريقه تركيبه سهله ولا لا؟؟

الشركه عامله عرض راوتر و شهر مجانا و هاخد الراوتر ( مش عارف هو كويس وللا لا بصراحه )

و كده هضطر امشى السلك فى البيت . لأن فيشه التليفون اللى فى الأوضه تقريبا مش شغاله : وحتى لو شغاله فهى قديمه مش السوكيت الجديده دى

معرفش ليه كل حاجه جديده بجيبها لازم القى فيها مشكله

سبحان الملك

[MF88]

mohmet

ياراجل ؟؟؟؟؟؟

لو ممكن اعرف اسمك بالكامل ؟؟؟ المفروض كنت اتخرج السنه دى بس حصل ظروف و اتأخرت سنه

فياريت اعرف حضرتك و قسم ايه

و لو فيه امكانيه تشرفنا فى الإفطار الرمضانى يوم الجمعه يكون شىء جميل

اتمنى تلقى نظره على القسم العام ( منتدى الحوارات و اللقاءات ) و تنضم لينا بسرعه النهارده

ناس كتير هتكون موجوده على فكره

[ŤǾЯŊΛĐф]

بالنسبه للـ splitter فده سعره كام ؟ و انواعه و شكله ؟؟؟ و طريقه تركيبه سهله ولا لا؟؟

الشركه عامله عرض راوتر و شهر مجانا و هاخد الراوتر ( مش عارف هو كويس وللا لا بصراحه )

و كده هضطر امشى السلك فى البيت . لأن فيشه التليفون اللى فى الأوضه تقريبا مش شغاله : وحتى لو شغاله فهى قديمه مش السوكيت الجديده دى

معرفش ليه كل حاجه جديده بجيبها لازم القى فيها مشكله

سبحان الملك

تمام طالما الراوتر مش جامد يبقى خليك فى الSplitter أحسن ، وده بيبقى فى حدود 20 جنيه ، بس أنا مش فاهم أيه السوكيت الجديد والقديم ده :confused:

ومتنساش ، إن الله إذا أحب عبدا إبتلاه

[kimo0070]

بالنسبه للـ splitter فده سعره كام ؟ و انواعه و شكله ؟؟؟ و طريقه تركيبه سهله ولا لا؟؟

الشركه عامله عرض راوتر و شهر مجانا و هاخد الراوتر ( مش عارف هو كويس وللا لا بصراحه )

حوالي 15 جنيه وشكله كده
سهل جدا في التركيب

[MF88]

الله يبارك فيك . و الحمد لله ربنا بيحبنى اوى على كده :D

[ahmedphenom]

نصيحة لا تاخذ ابدا من speedtouch

splitter

عن تجربة وجوده مثل عدمه



ما اخبار كسر السرعة

[MF88]

وصلت بثبات لـ 3600 ميجا هرتز على فولت 1.45 و الحمد لله

هو الراوتر اللى هتديه TEDATA سيبد تاتش ؟

[soliman]

الاخوة هنا قاموا بالواجب من ناحية الاسبليتر
انا بقا السرفر
السرفر عبارة عن نظام تشغيل متكامل يعتمد على اللينوكس المشهور منه هو سرفر ميكروتيك حجمه حوالى 30 ميجا
يعمل نظام التشغيل هذا على اى جهاز بامكانيات متواضعة جدا يعنى 128 ميجا رام وبروسيسور P2 وهارد 2 جيجا ومعه 2 كارت شبكة
يتم دخول النت من كارت وخروجه من الكارت الاخر على السوتش
ومن خلال برنامج صغير يتم التحكم فى السرفر من اى جهاز اخر يعمل بالويندوز عادى جدا
وتبدا مرحلة التحكم فى خلق الله بتحديد سرعة لكل مشترك والفصل عنه وقتما يشاء صاحب السرفر وووووو.......
متأسف على الاطالة
اعتقد ان كده عرفت التكلفة ماهو الا جهاز P2 مالوش لزمة ب 100-200 ج