السلام عليكم ورحمه الله وبركاته .. اخى فى الله .. انا كنت فى نفس الحيره بالنسبة لكورس CCNA واختارت انى اقدم فى مركز سيكو اكادمى علشان افهم اكتر .. بس اتضحلى انى كنت اقدر اخد الكورس لوحدى لان فى محاضرات كتير كنت بروح غصب عنى ببقى راجع من الشغل تعبان ومش بقدر استوعبها ومش بفهمها غير لما اريح فى البيت واقراها من الماتريال .. انا ان شاء الله اوشكت على الانتهاء من كورس CCNA اكاديمى .. امتحنت سميسترين ونجحت فيهم بفضل الله سبحانه وتعالى .. وبازن الله ناوى اخد MCITP server بس طبعا مش هاخدها كورس . .. هوفر على نفسى المبالغ الطائله اللى بدفعها غير كده الوقت اللى بضيعه فى المواصلات للكورس .. بس المهم الموضوع بيكون محتاج منك عزيمه .. يعنى لو عندك عزيمه انك تذاكر لوحدك يبقى ملوش لازمه الكورس ... لو معندكش عزيمه يبقى الكورس افضل لانك فى الحاله دى هتروح الكورس لانك التزمت بمواعيد ودفع فلوس .. ههههههههه وطبعا مش هيهون عليك تدفع كام الف ومتحضرش ولازم تذاكر وتنجح .. بس طبعا منكرش انك لو اخدت الكورس هتلاقى مميزات .. زى مشاركة زمايلك فى الكورس .. هتلاقى اجوبه على استفساراتك بسرعه من الانستراكتور بتاع الكورس .. بس صدقنى يا اخى كل ده لو انت مجتهد هتقدر تعمله بفضل الله .. ثم المواقع اللى زى عرب هاردوير طبعا ..جرب فى اول مديول ذاكره لوحدك وامتحنه ولو عديت فيه كمل لو معدتش خلاص يبقى انت عرفت قدرتك .. يعنى انت هتجرب الاول بخمسين دولار فى اول مديول بس .. بس يا اخى بالله عليك .. ادى التجربه حقها .. السلام عليكم
المفضلات