طلب مساعدة : إنشاء مجلد للمشاركة على الشبكة خاص بيوزر معين

[AJAX90]

السلام عليكم

ببساطة الموضوع عندي مكتب و مصممين و .. الخ..
و محتاج اعمل لكل مصمم مجلد على جهازي و لكن ان تكون امكانية الدخول على المجلد للمصمم المحدد له الدخول فقط... يعني كل مصمم له مجلده يستطيع نسخ الملفات عليه و لايستطيع الدخول مجلد غيره.

وشكراً سلفاً...

[AJAX90]

UP
الواضح انه لايوجد احد بيعرف الطريقة!!
ياريت لو حد بيعرفها يساعدني ..

[Fu'ad]

توقعّاتي بأنّ هذه الأمور من اختصاص السّيرفرات و الـ Group Policy , Domain Controller ... الخ .
ينقل إلى شهادات مايكروسوفت مؤقّتاً لعلّك تجد المساعدة الأمثل هناك .



.

[Mahmoud_Khalil]

هذا سهل جدا اخى الكريم

اولا انتا فى Domain ولا Workgroup

بص يااخى سواء كنت فى Domain ولا Workgroup فالقصة كلها قصة Permissions اولا واخيرا .

ال Permissions دى يعنى بتيجى فى الخصائص بتاع كل فولدر لكل مصمم وتقولة فلان الفلانى هوة بس الى من حقة يدخل على الفولدر دة ولما يدخل يقدر يعمل اية فية بالظبط يتفقد محتويات الفولدر فقط ولا يغير الى بداخلة ولا ياخد Full Control على الفولدر كله يعنى يقدر يعمل اى حاجة داخل هذا الفولدر وبالنسبة لجزئية ازاى هتحدد واحد بعينة يدخل على الفولدر وواحد ميدخلشى فدى هتفهمها فى النقطة رقم 3 فى الشرح.

بص بقة

1- لازم البرتشن الى انتا عايز تحط علية الفولدرات بتاع المصممين يكون NTFS .
2- هتعمل فولدر باسم كل مصمم منهم.
3- لو انتا فى Workgroup هتحتاج انك تعمل Local Account على الجهاز بتاعك لكل واحد عايزة يدخل على الفولدر الخاص بية يعنى هتيجى على My Computer كليك يمين Properties وبعدين تختار Manage وبعدين تختار Local users and groups وتختار Users وبعدين كليك يمين وتعمل New User باسم الشخص الى انتا عايزة يدخل على الفولدر من برة.
وهتعمل كدة لكل واحد عايز تدخلة على جهازك لازم كل واحد يكون له Username & Password علشان تقدر تحدد مين يقدر يدخل ومين ميقدرشى يدخل على الفولدر انتا ممكن تكون عارف الكلام دة بس انا بتعامل على انك متعرفشى.
4-بعد كدة هتيجى على كل فولدر وتختار Properties وتفتح ال Sharing tap وتشير الفولدر بالاسم الى انتا عايزة وبعدين تدخل على Permissions وتشيل كل الناس وتضيف اسم المصمم الى انتا عايزة بس يدخل على الفولدر دة وتديلة البيرمشن الى انتا عايزة ولو مثلا Change.
5-هتيجى بقة على ال Security tap جنب ال Sharing tap ولو مش ظاهرة قصادك يبقة تفتح ال Folder Options وبعين View وتشيل علامة الصح من على Use Simple File Sharing هتلاقى ال Security tap ظهرت هتدخل علية وهتدخل على حاجة اسمها Advanced وبعدين تشيل علامة الصح من على ال Inheritable وتمسح كل الناس وتضيف نفس الراجل الى انتا ضيفتة فى ال Sharing والى الفولدر باسمة وتقولة هوة له صلاحيات اية بالظبط وتاخد فى بالك حاجة ان لما الراجل يجى يدخل على الفولدر من على الشبكة هيطبق علية الصلاحيات الاكثر تقيدا بمعنى لو انتا فى ال sharing قولتة الراجل يعمل Read وفى ال Security قلتلة الراجل دة Full control الى هيطبق علية ال Read الاكثر تقيدا ولكن دة لما يكون بيدخل على الفولدر من على الشبكة اما لو جة على الجهاز بتاعك وعمل Log in بالي Account بتاعة ودخل على الفولدر فى الحالة دى الى هيطبق على ال Security Permissions الى فى مثالنا هنا Full Controle اما قصة الاكثر تقيدا دة بتحصل بس لما الراجل يحاول يدخل على الفولدر من على الشبكة فبيطبق الاكثر تقيدا يعنى انتا تشوف انتا عايز الراجل يقدر يعمل اية وتديلة الPermissions بية يعنى لو عايزة يقدر يدخل على الفولدر من على الشبكة وييتحكم فى كل الداتا الى بداخل الفولدر تديلة مثلا فى ال Sharing ب Change وفى ال Security ب Modify وهكذا .

ومتنساش تبقة تضيف نفسك علشان تقدر انتا تدخل على الفولدرات دى لو انتا عايوز يعنى .

اخر خطوة هتفتح ال Control Panel ---
Administrative Tools
--Local Security Policy
Local Policies---
Security Options ----

وتختار

Network Access : Sharing and Security model for local accounts

وتفتحها وتختار local users authenticate as themselves .

ودى علشان الراجل وهوة من على الشبكة عايز يدخل على الفولدر الكمبيوتر يطلب منه Username & Pass مش يقولة انتا ال Guest دخل ال Pass

وتعمل ريستارت للجهاز وتتوكل على الله.
اما لو انتا فى Domain مش هتعمل حاجة غير انك تشير الفولدر وتدى ال Permissions ومش هتحتاج تعمل Accounts فى جهازك لان هيبقة لكل مصمم منهم Account فى ال Active Directory.

واى اتفسار احنا فى الخدمة ..
بس متنساش تدعيلنا ان ربنا يعفوا عنا وييسر لنا امرنا ويرزقنا الجنه فى هذة الايام المباركة واى اخطاء فى الكتابة اعتذر عنها لانى مستعجل جدا وعايز الحق اتصحر لان الفجر هيأذن .

والسلام عليكم ورحمة الله وبركاته

[Luffy]

شرح وافي ومفصل بارك الله فيك

ارجو ان ينتبه صاحب الموضوع الي ردك اخي فارس

[NASA Science]

شكرا فارس الأحلام
شرح مُفصل وممتاز
جزاك اللهم خيرا