انتا الباور اللى عندك كام وات ؟
السلام عليكم و رحمة الله و بركاته...
انا عندي باور تجاري من نوع جامبو
انا ان شاء الله نازل اشتري باور اصلي النهاردة..من نوع..HEC 450 W
رحت امبارح لمحل بتاع كمبيوتر..قولتله عاوز الباور دة..قاللي حرام عليك تصرف فلوسك ع الفاضي!!
قولتله الباور الأصلي أحسن و انضف من الباور اللي عندي؟؟!
قاللي مش هتفرق معاك خالص!
قولتله ليه؟؟ الباور اللي عندي تجاري و سمعت ان الباورات التجارية بتبقي وحشة و مش بتدي الجهاز حقه!
قاللي امكانيات جهازك مش محتاجة باور اصلي!
انا عاوز اعرف..من اللي كلاموا صح؟؟ صاحب المحل ولا انا؟؟
و ياريت تقولولي الفرق بين الباور اللي هشتريه دة واللي عندي
انتا الباور اللى عندك كام وات ؟
Playing Now: Dirt 3
مكتوب 500 وات..بس طبعا دا مش الوات الفعلي او الحقيقي!
بس متهيألي كدة الفعلي بتاعه 300 او 350
لو ناوى تغير الكارت اللى عندك يبقى هات الباور
لو مش ناوى يبقى الباور اللى عندك كافى
Playing Now: Dirt 3
لا صراحة مش ناوي اجيب كارت...
بس هل هيفرق ف الاداء؟
لا مش هيفرق فى الاداء
مادام الجهاز شغال كويس يعنى مش بيرستر ولا حاجة يبقى ملهوش لزوم تشترى باور جديد
Playing Now: Dirt 3
شكرا لك اخي الكريم..
و كانسلت خلاص ع الشراء
وعليكم السلام ورحمة الله وبركاته
اذا كنت لا يهمك جهازك الحالي ومستعد دائما لتغيير القطع التي ستتلف نتيجة "الباور التجاري" (وهذا ما سيحدث عاجلاً أم أجلاً) فلا داعي لتغييره !!!!
يا أخي، مزود الطاقة التجاري الرخيص هو عبارة عن قنبلة موقوتة لمكونات الكمبيوتر فلن تعلم ابداً متى سيقرر أن ينفجر ويأخد معه أي قطع من الكمبيوتر
مزود الطاقة التجاري الرخيص (غير جيد الصنع) يقوم باتلاف مكونات الكمبيوتر بشكل مستمر وتدريجي لأن الفولت الخارج منه دائماً مموج وغير مستقر وخارج حدود المعايير القياسية (ATA Specification) المتفق عليها
مزود الطاقة التجاري الرخيص، لا يملك أي وسائل حماية لحمايته أولاً وحماية مكونات الكمبيوتر المختلفة ثانياً، وأهم أنظمة الحماية التي لا توجد به هي : الحماية عند وجود قِصر في الدائرة الكهربائية و الحماية عند ارتفاع الفولتية الخارجة و الحماية عند ارتفاع شدة التيار الخارج (الأمبير) وهذا مايجعل الباور التجاري قنبلة موقوتة لمكونات الكمبيوتر
شوف انا هاحكيلك تجربتى
اشريت كارت 9600 جى تى طبعا كله نصحنى بالباور كول ماستر 400 واط و الباور اللى عندى تجارى 600واط من غير وصله 6بن
طبعا جازفت و عملت الوصله بنفسى و شغلت الباور التجارى و اشتغل الجهاز تمام التمام و من يومين بس اشتريت باور 400 كول ماستر و شغلته بصراحه ما حستش باى فرق بين الباور التجارى و الاصلى
و قبل كدا جمعت جهازى القديم من حوالى اربع سنين طبعا لاباور التجارى اشتغل معايا الجهاز حوالى 3 سنين ميه ميه بدون مشاكل
العمليه عمليه امان مش اكتر ..
دى و جهه نظرى تحتمل الخطأ و الصواب ..
انا عندى باور تجارى من اربع سنين وشغال عادى
قد يكون البرو سبلي تجاري و لكنة قد يكون ليس سيئ الصنع ، لو ممكن تحط صورة للبادج علي جنب الباور سبلي ممكن الأعضاء يساعدوك بشكل افضل.
أو ممكن انت تبص علي البادج و تشوف عدد ال Railings ال +12V ، لو لقيت واحد بس يبقي (غالباً) الباور سبلي بتاعك تحت ال 350 وات ، لو لقيت اكتر من +12V يبقي غالباً هو اكتر من 350 وات.
في كل الأحوال الجهاز من مواصفاتك يحتاج بالكتير 250 وات لتشغيلة بأفتراض ان البروسسور E7400 علي 2.8 تردد ، و ان كارت الشاشة 9400 GT و انك مركب هارد واحد و رايتر دي في دي واحد.
شكرا لكم جميعا أخواني علي المساعدة
و انا الحمد لله اشتريت باور جديد :ah27:
من نوع hec 350w لأن الhec 450 w عالي علي امكانيات جهازي و مش محتاجه يعني..
بس عندي سؤال واحد.
هل يمكن ان يكون الجهاز قد تضرر من استعمال الباور التجاري؟؟ بالذات الهارد؟؟
والله اللى انا اعرفه ان الهارد ممكن يتاسر من انقطاع الكهرباء معرفش بقى يتاسر من الباور التجارى ولا لا
المفضلات