السلام عليكم و رحمة الله
قررت اليوم ان اعمل مراجعة لكارت الشاشة عندي XFX 4770 بعد ما كنت متردد حوالي 6 شهور :D.
تم شراء الكارت من حوالي 6-7 شهور تقريبا ( مش متذكر اوي الصراحة) من شركة الحرمين .
الكارت يعتبر مثالي لاصحاب الشاشات ال 19 بوصة و اقل , مع العلم اني شغلتة علي شاشة 24 بوصة و كان اخر حلاوة .
او بمعني اخر , لدقة لعب 1440*900 و اقل , الحقيقة انا اشتريت الكارت اصلا لسببين:
1-شاشتي 19 بوصة و مش محتاج كارت عالي اوي علشان العب عليها.
2-استهلاك الباور للكارت قليل جدا مقارنة بالكروت الاخري ( في اعضاء مشغلين الكارت علي باور 350 وات), وانا مكنتش ناوي اغير الباور .
المهم علشان الناس متزهئش من الرغي الكتير دة , خلينا ندخل علي مراجعات اداء الكارت مع اللعب .
اولا صور الكارت :
طبعا الصور دي من علي النت , المفروض ان في صور من جهازي ولكن واصج انها خجولة و مش عايزة تظهر:o
, فاستعنت بصديقي العزيز Google.
صورة ال GPU-Z للكارت
والان مع صور الالعاب:
لاخذ الصور تم استعمال برنامج Fraps ,
جميع الصور علي دقة 1440×900
الجهاز المستخدم موجود في توقيعي بجانب الاسم .
كل لعبة اول صورة لها تمثل الاعدادات.
1-MafiaII
2-GTA VI
3-singularity
4-Bioshock II
5-Call of duty Modern Warefare II
جميع الاعدادات علي اقصي قيمة كوجودة , كل شئ ON , الدقة
1440×900
6-F.E.A.R.2
والان مع بعض البرامج
3DMark Vantag
Lightmark 2007
و بعض المقارنات بين الكارت و الكروت الاخري مع نقطتين
الحرارة و استهلاك الطاقة
( من موقع hardware canucks )
الملخص و رأيي الخاص في الكارت.
بصراحة الكارت انا في رأيي ممتاز جدا , قد يختلف البعض معي ولكن انا لما اباشتري اي حاجة لازم اكون عارف انا عايز اية , وهل الثمن الي دفعتة يستحق المردود منها ولا لأ ؟
الكارت طبعا في احسن منة بكتير سواء في شركة Nividia او ATI , و لكن هذا الكارت مناسب تماما و الحمد لله لاحتيجاتي , علشان اداؤة علي الشاشة ال 19 ذي اداء ال 5850 و 5870 و 480 , لان طول مالفريم اكبر من 30 مفيش مشاكل و ياسلام لو كان 60 , لان العين البشرية مش هتفرق بعد كدة.
الكارت درجات حرارتة ممتازة و استهلاكة للطاقة قليل , و المروحة صوتها منخفض جدا طالما تحت 50% , اعلي من كدة يبان صوتها .
الكارت لية قابلية عالية لكسر سرعتة ولكن اخوكم جبان بصراحة :D
دة غير اني مش محتاج اكسر سرعتة الان , ممكن في المستقبل لو مقدرش يشغل الالعاب الحديثة .
الكارت كنت شارية ب حوالي 750 جنية .
تقييمي للكارت 10/10 لأني مش شايف فية عيوب خالص.
ارجو ان يكون الموضوع نال اعجابكم .
في حفظ الله.
المفضلات