الفرق ان الباد سيكتور اللوجيكال وده غالباً ما بيكون سببه انقطاع الكهرباء في أثناء ما الهرد بيعمل عملية كتابة فهو مش بيحتفظ باخر قيم فبتكون القيم اللي كتبها في اخر سيكتور متخزنة على الهرد فعلياً ومتمش استكمال كتابتها غير القيم اللي بتتكتب تاني على السكتور ده
يعني لو الكهرباء قطعت والهرد كان بيعمل عملية كتابة في السكتور ده ولتكون القيمة مثلا 01 فلازم عشان الباد سيكتور ده يتظبط ان القيمة اللي تتكتب فيه تكون 01 وطبعا معتقدش ان ليها حل حتى لو نقلت نفس الملف تاني
انما طبعا الباد سيكتور Physical ده بيكون بسبب خبطة او حاجة خلت جزء من سطح اسطوانة الهرد يتخدش
ومعنى انه استخدامه نضيف ومش عنيف يبقى غالباً الباد سيكتور ده Logical مش Physical
وCurrent Pending Sector لما يتمسح ويتكتب عليه كذا مرة هيبقى تمام
بس الاول طبعا جرب ترجعه الضمان لانك شاريه من 4 شهور فقط
لو مينفعش جرب الطرق دي
الاول جرب تمسح البارتيشن وتقسم الهرد تاني وتعمل الاختبار وتحط صورته هنا مع صورة تبويب Health برضه
لو مختفاش ساعتها هنصحك بالحل التاني اللي هو استعمال برنامج BCWipe وتعمل Wipe Free Space ويكون الهرد كله فاضي
ده هيخليه يكتب على الهرد كله ويمسح اللي كتبه ودي طريقة فعالة
الطريقة التالتة والاخيرة دي بعد ما تكون خلاص مفيش حل تاني تحمل WD Diagnostics وتعمل Write Zeroes للهرد وده طبعا هيدمر كل الداتا اللي عليه
زي ما انت شايف التلات حلول بيتضمنوا ضياع الداتا تماماً فلازم تعمل Backup للداتا المهمة على هرد تاني وتمشي حل حل منهم بالترتيب وربنا يسهل وتتحل بسهولة باول طريقة
المفضلات