صفحة 1 من 6 1 2 3 4 5 6 الأخيرةالأخيرة
النتائج 1 إلى 15 من 86

الموضوع: نقاش بخصوص عالم التورنت ... وتعدد الاكونتات والليتش

  1. #1
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,882
    معدل تقييم المستوى
    33

    نقاش بخصوص عالم التورنت ... وتعدد الاكونتات والليتش

    السلام عليكم ورحمة الله وبركاته
    وكل عام والجميع بخير ان شاء الله بمناسبة عيد الفطر السعيد اعاده الله على الجميع باليمن والخير والبركات ...
    تحية طيبة وبعد ...
    احنا ف الايام المباركة دي شفنا التورنت ليتش فتح التسجيل ..
    طبعا تورنت ليتش هو حلم كل شخص ف عالم التورنت ... وكأنه اقوى موقع تورنت ف العالم ... بل وكأنه موقع التورنت الوحيد ف العالم ... واي مبتدئ جديد ماتلاقيش على لسانه غير ليتش ليتش ليتش ليتش كانه المكان المقدس ف عالم التورنت .... طبعا اغلب الناس هتعتقد ان دا بسبب قوته الا محدودة وامكانية انك تحمل الملفات قبل ما تتصور وقبل ما تنزل ع اي موقع تاني ف الشبكة ب6 شهور والادهى والادهى من كدا بقى سرعته المهولة .. حيث ان لو سرعة خطك 512 ومشترك مع عشر انفار او واحد ميجا ولوحدك هيمكنك من انك تحمل بسرعة 1 ميجابايت للثانية ....

    انا واثق من كلامي دا في ناس ما كانتش تعرفه .. وحبته ... او كان عندها ودلوقتي علي ف نظرها ... ليه ؟
    لاني ضحكت عليهم وونقلتهم وجهة نظري ... والاهم من دا ... انهم ما يعرفوش ايه هو التورنت ليتش ... او جايز اساسا ما يعرفوش ايه اسم التراكر ... ولا نوع موقع التورنت دا ايه وفاكرينه حاجة ماحصلتش ... مع انه امثاله كتير جدا ...
    انا هفصل الموضوع ف حوار بين شخصين .... شخص بقاله ف التورنت 4 سنين او يزيد ... ومعاه جميع انواع المواقع .. وبيتناقش مع شخص لسه اول اسبوع ليه فالتورنت .. وبعد كدا هحط فقرتين تانين عن موضوع غير الليتش ..

    المبتدئ : السلام عليكم ، كل سنة وانت طيب ، لو سمحت كنت طالب منك دعوة تورنت ليتش علشان محتاجه جدا جدا جدا والله والموضوع بالنسبالي مسألة حياة او موت ...

    المحترف :: حاضر من عنيا .. بس حضرتك محتاجه ف ايه . ؟

    المبتدئ : ما انا قلت لحضرتك محتاجه جدا والله والمسئلة مسئلة موت

    المحترف : حاضر من عنيا والله بس اقنعني انك محتاجه وهتعرف تستخدمه . !

    المبتدئ : معلش والله حضرتك انا لسه داخل جديد ف عالم التورنت وكنت عايز ابتدي بداية قوية علشان واحد صاحبي قالي انه اقوى موقع والي عايز يبتدي لازم يبتدي قوي بعدين ينزل تحت ...

    المحترف :: وماله يا حبيبي ابتدي قوي ... بس اتعلم الاول وبعدين ابتدي ... واحنا كلنا كنا ف يوم زيك كدا

    المبتدئ : والله ربنا يكرمك يا باشا وانا كنت عايز حضرتك تعلمني ...

    ( طبعا صاحبنا صابر عليه لحد دلوقتي وما اظنش ان في حد هيصبر لحد دلوقتي اساسا بس مش مشكلة )

    المحترف :: ممم .... خلاص ماشي انا هعلمك كل حاجة بس اديني ايملك .. وسبني يومين وانا هبعتلك الدعوة

    المبتدئ : اتفضل حضرتك ادي الميل وحضرتك ليه عايز يومين يعنى انت هتطبخ الدعوة ولا ايه . ؟

    المحترف : هههه لا مش هطبخها .. بس عبال ما اجبهالك من حد ...

    المبتدئ : هو مش حضرتك الي هتبعتلي الدعوة

    المحترف : اه انا بس انا ما عنديش اكونت ع الليتش

    المبتد ئ : نعم !!!!!!! ازاي :!!!!!!!!!!!!! دا انا سمعتهم بيقولوا انك عندك كل الاكونتات حتى الليفلات العالية خالص ازاي ما يبقاش معاك الليتش :!؟!؟!؟!

    (المفروض بعد المشهد دا المبتدئ هيمشي ويسيب المنتدى لان صاحبنا ماعهوش ليش )
    المحترف : عادي انا مش محتاجه اخده ليه ؟

    المبتدئ : مش محتاجه ازاي حضرتك دا انا محتاجه جدا وانا ماليش ف التورنت

    المحترف : اه ما انت محتاجه انا مش محتاجه ايه هو انا كفرت ولا ايه ؟

    المبتدئ ( كان ناوي يتعلم بجد ) : طب حضرتك ممكن تقولي انت مش عايزه ليه ...

    المحترف .. : ممكن تقولي انت عايزه ليه ؟

    المبتدئ : علشان سرعته كبيرة والملفات بتنزل عليه بسرعة قبل كل المواقع التانية والسرعة دايما عليه عالية ...

    المحترف : اه تمام جدا .. افهم من كدا ان حضرتك عندك خط 8 ميجا مش كدا ؟

    المبتدئ : لا والله دا انا حتى واحد ميجا ولسه جايبه جديد

    المحترف : يبقى اكيد الياف ضوئية او بره مصر خالص مش كدا برضه ولا ايه

    المبتدئ : لا والله دا انا من ... من قلب مصر يعني ..

    المحترف .. : مممممم ... يعني انت اخر سرعة هتحمل بيها يوم ما تكون الخدمة كويس 120 كيوبايت ف الثانية ... ولو قولنا ملف فلم HD ومساحته مثلا 4 جيجا يبقى حضرتك هتحمله ف 16 ساعة على احسن تقدير ...

    المبتدئ : يعني ايه HD دي حضرتك ؟ انا ما عرفش الكلام دا انا دايما بحمل من موقع كذا .

    المحترف :... يبقى اكيد عندك اكس بوكس او كومبيوتر كويس ومحتاج تلعب عليه العاب حلوة ومش بتقدر تصبر ال5 دقايق بين كل موقع والتاني مش كدا برضه ولا ايه ... انا اعرف ناس زيك كدا برضه ..

    المبتدئ : حضرتك يعني ايه اكس بوكس ويعني ايه العاب جديدة ومش بقدر استنى .؟ انا اخر لعبة لعبتها ع الكومبيوتر كانت حرامي العربيات ....

    المحترف : امال عايزه ليه ؟

    المبتدئ : ما انا قلت لحضرتك علشان ابتدي بداية قوية ..

    المحترف كان مزاجه عالي بقى ونوى يعلمه درس محترم : خلاص ماشي اوك انا هبعتلك الدعوة .
    وفعلا بعتله الدعوة

    بعد 4 ساعات :

    المبتدئ :معلش حضرتك انا هدوشك معايا

    المحترف : لا عادي اتفضل ولا يهمك

    المبتدئ : هو انا احمل منه ازاي واستخدمه ازاي حضرتك ؟

    المحترف : تنزل الملف وتحطه ف الكلاينت وتشغل الفيك ابلود ف الاكستريم مود علشان تعرف تحافظ ع الاكونت

    المبتدئ : يعني ايه كلاينت دي و ايه الاكستريم مود دا ؟! دا فلم حلو ؟

    المحترف : اه .. انت هتنزل ملف التورنت ... وتحطه ف البرنامج بتاع التورنت ... وتسيبه يحمل ...

    طبعا صاحبنا هنا قرى موضوع ان البت سبريت دا افضل برنامج ف التورنت ..
    حمله ...

    وبعد ساعتين .. كلم المحترف تاني بعد ما الملف اشتغل خلاص عادي :

    المبتدئ معلش حضرتك انا عارف اني دوشتك جدا وعايز تضربني بس انت الخير والبركة :

    المحترف : لا ابدا خير في ايه

    المبتدئ حضرتك الموقع مش شغال خالص انا حاطط الملف بقالي ساعتين .. ولسه ما خلصش ..

    المحترف : طب تمام ممكن ترفعلي صورة من البرنامج ..
    طبعا البرنس هنا كان محمل باك 30 جيجا وكان لسه قدام كتير ف التحميل

    المحترف تاني : انت الملف بتاعك لسه ما خلصش يعني لسه فيه وقت تحميل تاني :

    المبتدئ : ايوة بس انا سمعت انه بيخلص بسرعة ... يعني استنى .. خلاص ماشي انا هجرب ملف تاني

    فضل صاحبنا هنا يعمل الموقف دا مع 20 ملف كل اما يلاقي ملف يلاقي حجمه كبير والفلم الوحيد لاي نزله طلع بدون ترجمة وماعرفش يحط الترجمة ف الاخر راح حمله من موقع عربي
    يومين كدا تاني ودخل الليتش لقى طبعا الاكونت اتعمله بان
    بيكلم المحترف بيقوله ايه الي حصل
    رد عليه المحترف : انت اتقفل الاكونت بتاعك علشان انت ما استخدمتهوش كويس
    المبتدئ : يعني مفيش فايدة ارجعه ...
    لا مفيش فايدة ترجعه ...
    خلاص ماشي شكرا ...
    وراح الليتش فتح التسجيل ..
    صاحبنا حب يعمل نفسه ناصح .. وليه ما يعملش كدا ما العرب كلهم كدا ...
    اما بقى مسجل كام اكونت ؟
    6 اكونتات
    ولما المحترف ساله ليه .. قاله اصل انا اتبندت وفي اكونت لصاحبي ..
    صاحبنا عدى الحوار دا ..
    5 دقايق ولقى موضوع تبادل ...
    عايز يبدل الليتش ببت جيمر ...
    وواحد تاني برضه كان عمال يدور ع الليتش من 9 سنين وكان محتاجه جدا ودلوقتي عايز يبدل اكونت زيادة معاه ...
    ابو بلاش كتر منه ...
    طبعا استاف اليتش قفل التسجيل من الوطن العربي ... المحترف فضل محترف ... وزاد احترافه ... لان معاه موقع محجوب عن بلده .. ومفيش زيادة ف الاكونتات عليه ....
    وخلصت الحكاية ع كدا .. ....

    اتمنى تكون رسالتي وصلت ...
    والي ما فهمهاش ... هقولهاله بالبلدي وعلى بلاطة :: :
    سين من الناس ... يالي بقالك شهور وشهور بتدور ع الليتش واما جبته ... بقيت عايز تبدله ....
    وصاد من الناس ..... يالي كان اكبر حلم حياتك انك تشترك ف " سيرفر" الليتش ...... وحققت الحلم دا
    وعين من الناس ..... يالي كان عندك اكونت واتبندت وقررت تأمن نفسك ....
    خاء من الناس ..... يالي عملت فيها ناصح .... وقررت انك تبدل اكونت الليتش بموقع تاني انت سمعت انه حلو علشان الاكونت معاك زيادة .....
    وانت وانت وانت وانت وهو كمان .... الي مش عارفين يعني ايه ليتش ولا حتى تورنت ولا حتى عارفين تستخدموه ...ز
    يالي بتجري ورا شعارات الاغبياء ... الي بيقولك البري تايم فيه حلو .. على اساس ان ساعدتك هتحمل الفلم ف 5 دقايق ... وهتفرق معاك دقيقة او اتنين زيادة ...
    ممكن نشوف انتو عملتوا ايه ؟
    انت اذيت نفسك ... فحاجة ما تفهمش فيها ....
    انت دمرت بلدك وسوءت سمعتها ... مش بالغش ... لا بتعدد العضويات ...
    عملت فيها ناصح ... .. ... لا انت ولا غيرك داخلينه تاني ...
    والي كانو فيه ... زي ماهما فيه وما انضروش ... انت ضريت نفسك وصحابك .....
    فكر قبل ما تعمل ... خلي لنفسك عقلية .... وكيان واحد بعيد عن كيان الكل ....
    دور ع الي هتستخدمه .....

    طبعا ف النهاية عايز اقول كلمتين ... انا ما اقصدش حد بالكلام دا خالص ..... ودي حالات متعددة انا شفتها ف المنتدى هنا وف منتديات تانية ... ودا مستقبل انا شايفه قرب ... الجفت منع مصر ... البلاك كاتس منع مصر .... ولسه الجاين اكتر .... انا عندي اكونت ف الليتش .... واغلب الناس الي هنا عندها اكونتات ... وبتعرف تستخدمها .... انت مش هتأذي عضو ف الليتش من سنتين ... لانه مش هيخسره ولو خسره هيعرف يرجعه او ع الاقل هيستخدم غيره ...
    انت الي هتقعد تحلم بالي مش معاك ... ولما تجيب الليتش هتلاقي غيره ..... تبقى عايز تجيبه ....
    لو سمحت ... اوقف هنا وفكر .... ما تعملش نفسك ناصح وتعمل اكتر من اكونت ... لان كله هيتقفل .. محترفين اكتر منك وبيعملوا كدا وبتتقفل كل الاكونتات ... ما تأذيش نفسك والي حوليك ... لانك ف الاخر هترسى معاك على صفر وهترجع تاني للمباشر ...
    اتمنى اشوف نقاش ف الموضوع ولو المشرفين شايفن انه مش كويس ياريت يشوله

    اتمنى ماحدش يكون زعل مني ... وكل سنة وانتو طيبين ...
    [CENTER][URL="https://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]https://card.josh-m.com/live/deluxe/Ahmed Hassan33.png[/IMG][/CENTER]

  2. #2
    عضو ذهبي الصورة الرمزية deplome
    تاريخ التسجيل
    Sep 2009
    المشاركات
    1,795
    الدولة: Egypt
    معدل تقييم المستوى
    21

    رد: نقاش بخصوص عالم التورنت ... وتعدد الاكونتات والليتش

    هو ده الموضوع اللي كنت بتقول عليه
    ههههههههه

    استني عليا بقي لما اقراه وارجع اقولك رأي :p

  3. #3
    عضو برونزي
    تاريخ التسجيل
    Sep 2008
    المشاركات
    3,296
    معدل تقييم المستوى
    30

    رد: نقاش بخصوص عالم التورنت ... وتعدد الاكونتات والليتش

    يارب الناس تستوعب الكلام دا, للأسف اسوا من كدا حصل بعد ما الليتش فتح التسجيل, والدليل واضح جداً :rolleyes:

    في منتدي اجنبي خاص بتبادل الدعوات, عضو (عربي وغالباً من مصر) اول مشاركة له كانت طلب دعوة للتورنت ليتش, وطلبها بطريقة غريبة جدا, كأن الارض ستنشق لو لم يحصل علي دعوة

    في النهاية لا اعرف حصل علي دعوة ام لا لكن تم توجيه اليه بعض الردود التي لا تحتمل !!


    للأسف موضوع الليتش منتشر جدا في المنتديات العربية ولا اعرف ما السبب ! مع ان يوجد ما هو افضل منه بمراحل ومع ذلك لا فائدة


    سبق وقلت, الذين يريدون الليتش هل يعلمون ان ليس به ملف واحد فري ليتش ؟! ليس به نظام بونص او اي شئ يساعدك علي عدم استخدام برامج الرفع الوهمي
    [CENTER][COLOR=Blue][B][SIZE=4]سبحان الله وبحمده سبحان الله العظيم[/SIZE][/B][/COLOR]


    [SIZE=3][COLOR=Purple]ادعولي بالنجاح والتوفيق.[/COLOR][/SIZE]
    [/CENTER]

  4. #4
    عضو فضي الصورة الرمزية TEch Zone
    تاريخ التسجيل
    Jul 2009
    المشاركات
    2,439
    معدل تقييم المستوى
    35

    رد: نقاش بخصوص عالم التورنت ... وتعدد الاكونتات والليتش

    للأسف موضوع الليتش منتشر جدا في المنتديات العربية ولا اعرف ما السبب ! مع ان يوجد ما هو افضل منه بمراحل ومع ذلك لا فائدة
    الموقع واخد شهرة لصعوبة الحصول على دعوة ليه عكس IPT او المواقع التانية لكن المحتوى هو هو تقريبا
    Playing Now: Dirt 3



  5. #5
    عضو ذهبي الصورة الرمزية deplome
    تاريخ التسجيل
    Sep 2009
    المشاركات
    1,795
    الدولة: Egypt
    معدل تقييم المستوى
    21

    رد: نقاش بخصوص عالم التورنت ... وتعدد الاكونتات والليتش

    مممممممم
    موضوع متكلف والله
    بس علي الله حد يحس

    وفعلا الليتش مافيهوش اي حاجه مميزه خالص
    نظامه عادي جدا
    ده نظامه تقليدي كمان من غير بونص ولا فري ليتش ولا حتي جولدن تورنتس زي بتاع البت جيمر
    يعني مجرد تراكر عادي خالص

    ومحتواه مش مميز قوي
    العابه موجوده علي البت جيمر والبلاك كاتس
    افلامه موجوده علي ال IPT وبكل الاحجام
    والفري ليتش مالي ال IPT
    وبرامجه موجوده علي الديمونويد
    انا لحد دلوقتي ماشوفتش حاجه مميزه في التورنت ليتش


    الموضوع كويس جدا
    انت متكلم فيه علي كل حاجه بصراحه
    بس نسيت حاجه مهمه جدا
    وهي اللي بتحرق دمي في موضوع الليتش ده

    النقطه بتاع دفع الفلوس
    هتجنن من الواحد اللي يدفع قرش علشان ياخد اكونت تورنت ليش
    مش عارف انا اللي مجنون ولا هما
    ههههههههههههههه

    سبق وقلت, الذين يريدون الليتش هل يعلمون ان ليس به ملف واحد فري ليتش ؟! ليس به نظام بونص او اي شئ يساعدك علي عدم استخدام برامج الرفع الوهمي
    ده عيب كبير جداا
    لانه كده عاوز واحد بسيد بوكس
    او واحد بويندوز سيرفر
    او واحد براشيو ماستر
    ههههههههههههههه

  6. #6
    عضو برونزي
    تاريخ التسجيل
    Sep 2008
    المشاركات
    3,296
    معدل تقييم المستوى
    30

    رد: نقاش بخصوص عالم التورنت ... وتعدد الاكونتات والليتش

    التراكر المميز بالفعل هو الزامندا, اكبر محتوي رأيته بحياتي, سرعة عالية حتي مع السرعات الاكثر من 8 ميجا, لا يهتم بالريشيو ابداً والافضل انه لا يعمل بنظام الدعوات بدل وجع الدماغ :D

    عيبه هو الاعلانات الغير لائقة لكن يمكن إلغائها من الخطوات في هذا الموضوع مش عايز حد يقولي هات دعوة :D
    [CENTER][COLOR=Blue][B][SIZE=4]سبحان الله وبحمده سبحان الله العظيم[/SIZE][/B][/COLOR]


    [SIZE=3][COLOR=Purple]ادعولي بالنجاح والتوفيق.[/COLOR][/SIZE]
    [/CENTER]

  7. #7
    عضو ذهبي الصورة الرمزية deplome
    تاريخ التسجيل
    Sep 2009
    المشاركات
    1,795
    الدولة: Egypt
    معدل تقييم المستوى
    21

    رد: نقاش بخصوص عالم التورنت ... وتعدد الاكونتات والليتش

    اقتباس المشاركة الأصلية كتبت بواسطة Ҝ ђ Λ Ł Є δ مشاهدة المشاركة
    التراكر المميز بالفعل هو الزامندا, اكبر محتوي رأيته بحياتي, سرعة عالية حتي مع السرعات الاكثر من 8 ميجا, لا يهتم بالريشيو ابداً والافضل انه لا يعمل بنظام الدعوات بدل وجع الدماغ :D
    تصدق من زمان وانا هموت نفسي علي دعوتين زاموندا
    مستعد اديك في الواحده 25 جنيه :p:p:p

    ههههههههه
    انا فعلا التراكر ده هيجنني بجد
    وصل للمستوي ده ازاي وهو مش بيدق علي الراشيو
    وفاتح باب الغش للي رايح واللي جاي
    يعني البفر بتاعك يتظبط في 5 ثواني ببرنامج pmR
    ومش بيدي دعوات
    مش عارف الناسي بترفع عليه ليه اصلا ولا بتعمل سيد ليه

    بصراحه تراكر كويس جداااااااااااااااااااااااااااااااااااااااااااااا

    بس فعلا زي ما حضرتك بتقول اعلاناته بايخه شويتين :o

    ها قولت ايه في موضوع الدعوات :ah26:





    من باب الامانه
    انا سجلت باكتر من اكونت في تراكر مرتين
    مره في زاموندا
    كان فتح التسجيل وانا كان معايا اكونت
    عملت اكونتين بس ماكنتش بعملهم لنفسي
    بعد ما قفل بفتره عملتهم جيف هنا في المنتدي

    ونفس الكلام في ديمونويد عملت اكونت زياده ولسه عامله جيف من شويه

    انما التورنت ليتش واي تراكر تاني مش بعمل اكتر من اكونت لنفسي
    وهنعتمد في الجيفات علي الدعوات بقي :D

  8. #8
    عضو برونزي الصورة الرمزية optimus prime
    تاريخ التسجيل
    May 2009
    المشاركات
    2,882
    معدل تقييم المستوى
    33

    رد: نقاش بخصوص عالم التورنت ... وتعدد الاكونتات والليتش

    اقتباس المشاركة الأصلية كتبت بواسطة Ҝ ђ Λ Ł Є δ مشاهدة المشاركة
    يارب الناس تستوعب الكلام دا, للأسف اسوا من كدا حصل بعد ما الليتش فتح التسجيل, والدليل واضح جداً :rolleyes:

    في منتدي اجنبي خاص بتبادل الدعوات, عضو (عربي وغالباً من مصر) اول مشاركة له كانت طلب دعوة للتورنت ليتش, وطلبها بطريقة غريبة جدا, كأن الارض ستنشق لو لم يحصل علي دعوة

    في النهاية لا اعرف حصل علي دعوة ام لا لكن تم توجيه اليه بعض الردود التي لا تحتمل !!


    للأسف موضوع الليتش منتشر جدا في المنتديات العربية ولا اعرف ما السبب ! مع ان يوجد ما هو افضل منه بمراحل ومع ذلك لا فائدة


    سبق وقلت, الذين يريدون الليتش هل يعلمون ان ليس به ملف واحد فري ليتش ؟! ليس به نظام بونص او اي شئ يساعدك علي عدم استخدام برامج الرفع الوهمي
    يارب ياخالد لحسن انا تعبت نفسيا من المنظر دا .....
    مليون عضو اشتركوا ومليون عضو كاتبين ازاي نستخدمه وازاي نغش عليه
    امال بتدوروا عليه ليه من الاول
    شكرا ع مرورك
    واتوقع ان بعد كام شهر
    الليتش هيمنع التسجيل الجديد من مصر
    ويارب ما يبندش الاكونتات القديمة


    اقتباس المشاركة الأصلية كتبت بواسطة TEch Zone مشاهدة المشاركة

    الموقع واخد شهرة لصعوبة الحصول على دعوة ليه عكس IPT او المواقع التانية لكن المحتوى هو هو تقريبا

    طب ما الناس هي الي عملت شهرة لليتش
    يعني لو واحد عربي وليه فالمنتديات الاجنبية هيعرف يحافظ عليه وهيشرفنا
    انما الي بيحصل ف المنتديات العربية هو المهزلة

    دبلومة : انت جبت المفيد والله الاي بي تي احسن من مليون مرة من الليتش
    وزاموندا احسن من التلاتة بصراحة
    نفسي اشوف عضو جديد جاي يطلب حاجة غير ليتش
    ولما يطلب الليتش واقوله ماعيش يروح قالبني كاني قلتله انا عايز فلوس فيها
    [CENTER][URL="https://www.arabhardware.net/forum/showthread.php?t=242687"]همسة في أذن مستخدمي التورنت :)
    [/URL]
    [IMG]https://card.josh-m.com/live/deluxe/Ahmed Hassan33.png[/IMG][/CENTER]

  9. #9
    عضو بلاتيني الصورة الرمزية DR ! ZERO
    تاريخ التسجيل
    Mar 2009
    المشاركات
    3,930
    الدولة: Egypt
    معدل تقييم المستوى
    30

    رد: نقاش بخصوص عالم التورنت ... وتعدد الاكونتات والليتش

    والي كانو فيه ... زي ماهما فيه وما انضروش ... انت ضريت نفسك وصحابك .....
    فى بعض الأوقات ممكن يتضروا برضو :rolleyes: يا اما الموقع يحجب بلده خالص ، أكونت جديد أو قديم بقى كله يتقفل ، يا اما يمنع عنه الدعوات أو ينطرد بسبب اللى دعاه .

    موضوع يستحق الزيارة بجد

    بدائل التورنت ليتش - ما هي المواقع التي تعتقد انها تغني عن الليتش ؟

    و مشاركة مهمة ( أو على الأقل بالنسبة لى أتمنى تقروها و اهم حزء فيها بتاع تعدد الأكونتات )

    https://www.arabhardware.net/forum/s...&postcount=703

    أرخم حاجة ان الناس بتفتكرنا بنقول اكلام ده علشان احنا معانا اللييش و غيره و غيره فبنتكبر على الناس و مش عايزين حد غيرنا يبقى معاه الليش ، و نبقى عاملينه احتكار لنا يعنى هو و المواقع العالية ,

    لأ طبعا عمر ما ده كان تفكيرنا أبدا احنا لما بننصح واحد لسه فى بداية استخدامه للتورنت بننصحه أولا يدور فى موضوع المواقع الفاتحة للتسجيل هيلاقى أكتر من 10 مواقع كل موقع محتواه فوق ال 20 ألف تورنت و يمكن أكتر ( LinkoManjia مثلا محتواه أضعاف الليش الفايل ليست عمل جيف للدعوات و البلاك كاتس و BTN و PTN و GFT و TL فى رأس السنة و غيرهم كتير و معظم الأعضاء هنا و منهم أنا و خالد و أحمد حسن صاحب الموضوع ده و كروس و ابراهيم ايفنت و رامز و مصطفى نيو و ميزو و ميزو و ناس كتير فى دماغى و الله كلهم اللى متابعين القسم من زمان كلهم فى دماغى بس مش عايز أكتب أكتر .

    يعنى مش فى دماغ واحد زيى ان موقع زى الليش يكون حكر لى أنا بس و أقول أنا معايا الليش أنا معايا الليش ! بالعكس أنا هكون مبسوط لما يفتح كده فى الوقت ده لأن ناس كتير منتظراه و نفسها تسجل فيه و فى منهم اللى يستحف كتير بس برضو أكيد فى اللى ميستحقش ، و اللى ميستحقش ده أنا مش بقوله ما تسجلش ! لأ بقوله سجل و براحتك أوى مع الأكونت اسأل براحتك و الأكونت هيبقى فى السليم و انت هتستفيد برضو .

    بس كده علشان حاسس انى طولت أوى و زودتها .

    أه نسيت أقول حاجة : من المواقع اللى بتفتح التسجيل كتير اكستريم زون مثلا و Speed.cd و Torrent Day و غيرهم محتواهم قد الليش و فى غيرهم أضعاف و بيفتحوا التسجيل كل يوم و السرعة كويسة .
    فضل هذا المنتدى علىَّ -بعد الله- كبير , و أحب أن أقدم الشكر .

    فليسامحنى الله أولا ثم كل من قد أكون ارتكبت مثل هذه الأفعال فى حقه , و أعلم أنى طلمتُ كثيرا من الناس بكلامى هذا , فليس أحد هكذا غيرى أنا , و ليس أحد بمثل هذه الصفات غير النبيلة غيرى , فليسامحنى الله إن كنت ارتكبت أياً منها يوماً ..

    عذرا إذ أنه لضيق الوقت لا يسعنى تعديل الكلمات أو تنسيقها أو تشكيلها .


  10. #10
    عضو ذهبي الصورة الرمزية miro the king
    تاريخ التسجيل
    Jul 2009
    المشاركات
    3,737
    الدولة: Egypt
    معدل تقييم المستوى
    35

    رد: نقاش بخصوص عالم التورنت ... وتعدد الاكونتات والليتش

    والله يا احمد الليش دة رخم جدا وموقع عادى يعنى الاس بس خادت ان الليش احسن حاجة زى انتل وamd هههه تلاقى الواحد يقوولك على طول عاوز جهاز نتل وتقولة الamd اسرع وارخص يقولك لا انتيل يعنى انتيل دة نفس النظام
    [CENTER][B]The End
    [/B][/CENTER]

  11. #11
    عضو برونزي الصورة الرمزية NEO701
    تاريخ التسجيل
    Jul 2007
    المشاركات
    437
    الدولة: Egypt
    معدل تقييم المستوى
    24

    رد: نقاش بخصوص عالم التورنت ... وتعدد الاكونتات والليتش

    - موضوع في الصميم يا احمد , احييك عليه بجد .

    - والله مفيش كلام يتقال بعد كلامكم, أنا بس عايز اقول ان ديه طبيعه البشر - و العرب تحديدا - ألا و هي (الممنوع مرغوب)....

    - و بما ان الليش دعواته نادره بسبب انها لا توزع بشكل منتظم, و بما انه الـ User base بتاعته كبيره (غير المواقع اللي تحس انها قافله على نفسها زي الـ FTN و الـ GFT) فبقى هو مطلب أي مبتدئ بدون ان يعرف حتى ايه هي مميزاته أو عيوبه و طبعا كله بيسمع من بعضه بدون حتى ما حد يفكر انه ممكن تكون ليه بدائل تغني عنه تماما.

  12. #12
    عضو برونزي
    تاريخ التسجيل
    Aug 2010
    المشاركات
    408
    معدل تقييم المستوى
    18

    رد: نقاش بخصوص عالم التورنت ... وتعدد الاكونتات والليتش

    الناس ماخذه مقلب عضيم بالليش وملفاته السحرية والله العظيم ان الموقع "خنيق جدا " لا ملفات فري ليش لابنوس وكمان وايت تايم
    والله اتمنى اننا نمنع الحديث عن هذا التراكر بالذت لانه بداء يجيب لي الصداع في دماغي وانا اعمل الفهرس للقسم 30 % من الناس طالبه دعوة فيه
    سلامات على ايه ؟ البري تايم يوم واحد بالكثير الفلم نزل بكل مكان ؟ السرعه اذا احنا مش قادرين نرفع للناس ونشتكي طول اليوم من سرعة الرفع يعني حتكون فارقة سرعة التحميل جدا ؟ اساسا احنا بنحمل باسرع حاجة حتى بالروابط المباشرة ؟؟ والله نصيحة لكل عضو جديد في عالم التورنت لاتبحث عن الدعوة الى الليش لانه في يوم الدعوة حتجي لحد عندك من دون دوخة او شراء او تعب ...

    بالمناسبة لو لدي دعوة وقررت ان اعطيها احد فلن اعطيها الا شخص سرعة النت لديه اكبر من 2 ميقا ولديه بروفز جيدة ويمتلك كم هائل من المعلومات حول التورنت والغش لانني اعتقد ان اولى من غيره في اي دعوة
    مثلا هذه البرنت سكرين لشخص عنده النت 15 ميقا !!

    الفلم يتحمل في 15 دقيقة فقط !! .............

    اكرر واقول لكم اصحاب النت البطى والجدد في وقت واحد الليش ليس به اي شيء مميز !

  13. #13
    عضو الصورة الرمزية Dr.House
    تاريخ التسجيل
    May 2009
    المشاركات
    297
    الدولة: Qatar
    معدل تقييم المستوى
    16

    رد: نقاش بخصوص عالم التورنت ... وتعدد الاكونتات والليتش

    بصراحة موضوع تعدد العضويات مش قادر أستوعبه يعني ليش الواحد يعمل أكثر من أكاونت !! احنا مضطرين اننا نغش بسبب السرعة الميتة اما التسجيل بأكثر من أكوانت فلا أعتقد بأن هناك حجة لمن يقوم بذلك
    أنا عن نفسي اول موقع سجلت فيه هو لاست تورنت وبعدها بفترة قصيرة حصلت على دعوة تورنت ليتش واي بي تورنت من صديق عزيز وطبعا ما كنت أفهم أي شيء في التورنت
    فخليت التورنت ليتش على جنب وما استخدمته أبدا الى ان تعلمت طريقة الغش وكيف احسن الراشيو والموقع تحجب بعدها بفترة بسيطة :D
    اما الاي بي تورنت استخدمته بدون أي مشاكل بسبب وجود ملفات فري ليش وبونص سيستم وغيره يعني انا شايف انه افضل تراكر يمكن لاي شخص سواء مبتدئ او محترف يستخدمه
    وبعدين بخصوص البري تايم احنا ايش دخلنا بالموضوع اصلا الاشخاص الوحيدين الي بيهتموا فيه هو أصحاب السييد بوكس وبعدين مش حتفرق ربع ساعة او حتى ولو ساعة
    أنا متأكد ان كثير من الي سجلوا في اليومين السابقين ندموا ، ليس على التسجيل بل على بحثهم الدائم لهذا التراكر
    التراكر ليس بالتراكر السي بل هو ممتاز ولكن هل بالفعل يستحق كل هذا البحث والدفع مقابله

  14. #14
    عضوية مزدوجة الصورة الرمزية world speed
    تاريخ التسجيل
    Aug 2010
    المشاركات
    343
    معدل تقييم المستوى
    0

    رد: نقاش بخصوص عالم التورنت ... وتعدد الاكونتات والليتش

    كلام سليم 100% من خبراء في تورنت الحمد اللة انا لم اطلب تورنت ليش :Dوحتى عندما قمت بتسجيل قمت بتسجيل لانة فتح تسجيل لاني حصلت على دعوة على موقع يضاهي ليش واحسن من ليش من ناحية نضامة وهو ايبي تورنت كنت اتمنى تقيم صاحب موضع وبما اني عضو جديد سقوم بتقيم موضوع

  15. #15
    عضو الصورة الرمزية LightStar10
    تاريخ التسجيل
    Apr 2010
    المشاركات
    277
    الدولة: Egypt
    معدل تقييم المستوى
    16

    Smile رد: نقاش بخصوص عالم التورنت ... وتعدد الاكونتات والليتش

    كل سنة و حضراتكم بخير و الامة الاسلامية كلها بخير
    بصراحة موضوع الليتش ده مثير جدا بس ليا رأى
    انا معايا حساب زاموندا من حوالى 9 شهور و استخدمه جيد جدا و هو موقع ممتاز جداا
    لكن برضة من فترة بدور على دعوة لليتش عشان اللغة الانجليزية عشان بجد زهقت و اتخنقت من اللغة الروسية لزاموندا .
    تانى حاجة قدرة تورينت ليتش فى سحب السرعة من الشبكة لو انت مشترك فى وصلة مش مشترك فى خط DSL ليك لوحدك كأنك بتحمل تحميل مباشر من سيرفر سريع و دى خاصية مش فى زاموندا
    تالت حاجة صاحبى اللى انا عملتله اكونت امبارح غير الاكونتين اللى عملتهم لنفسى (1) كان مستعد والله العظيم انه يتبرع ب 25 يورو حتى يحصل على عضوية تورينت ليتش لأنه محتاجه فى الالعاب ال PS3/XBOX360 و دول جهازين هو يمتلكهم و يعتبروا مكلفين جدا بالنسبة للالعاب اللى بيشتريهالهم بمبلغ 250 ل 600 جنيه للعبة الواحدة فلما يدفع 25 يورو مرة واحدة مش هايشترى العاب ليهم بعد كدة و مش هايغرم كتير و اعتقد التورينت ليتش متميز جدا فى العاب الجهازين دول _ دا فتح التسجيل امبارح بمناسبة قسم PS3 _ يعنى الليتش مهم جدا و لناس كتير بس اللى فاهمين و عارفين يستخدموه ازاى.

    و دى صورة للراشيو بتاعى على زاموندا عشان محدش يقول عليا مبتدىْ :cool::cool:



    (1) : عملت عضويتين من باب الاحتياط عشان كان معايا اكونت ليتش قبل كدة واتبند من غير سبب
    ولا تمشي في الارض الا تواضعا...فكم تحتها قوم هم منك ارفع
    لا يخلو جسدٌ من حسدٍ ، فالكريم يخفيه ، واللئيم يبديــــــــــــــه
    يكفيك من الحاسد أنه يغتم وقت سرورك

    التعديل على CoolerMaster 335 و رشها من الداخل باللون الاسود و اضافة اضاءة





صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. نقاش : هل مواقع التورنت العامه لم تعد كالسابق ؟؟؟
    بواسطة black007 في المنتدى الارشيف
    مشاركات: 14
    آخر مشاركة: 25-02-2013, 12:33
  2. أحلى خبرين في عالم التورنت ^^
    بواسطة rqwa في المنتدى الارشيف
    مشاركات: 17
    آخر مشاركة: 25-06-2011, 23:06
  3. >< اغرب منظر يمر علي منذ بدايتي في عالم التورنت ><
    بواسطة waleed_66 في المنتدى الارشيف
    مشاركات: 7
    آخر مشاركة: 24-05-2010, 06:50
  4. استفسار من الخبراء فى عالم التورنت
    بواسطة ahmad_desoky في المنتدى الارشيف
    مشاركات: 8
    آخر مشاركة: 09-05-2010, 17:54

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •