حدد ماهى الميزانية والمسافات والعوائق عندك
بسم الله الرحمن الرحيم
السلام عليكم ...
اولا احب اشكر المنتدى على خدماتة المميزة مم ا جعلنى اطلب من اعضاءة المساعده فى كيفية تكوين شبكة انترنت لاسلكية تجارية اى على مسافات بعيدة وليست منزلية وما هى الاحتياجات والاجهزة من برج او انتينا او خلافه وكيفية تكوينها ابحث عن الموضوع من فترة ولم اصل الى نتيجة مباشرة وجزاكم الله كل خير
حدد ماهى الميزانية والمسافات والعوائق عندك
والله يا فندم اان الى بسال على ميزانية المشروع لكن لو على حدودى اعتقد 5000 جنية وكنت اتمنى عرض متوسط تكلفة المشروع وشكرا
بس يامان انا عامل شبكه زى اللى عمال تتكلم عليها دى بالظبط مغطيه حوالى نص قطر 6 كيلو لو دى اللى فى بالك فانا شغال بالاتى
1 - اكسس بوينت 642 تى بى لينك
2- انتنه 15 دى بى رمادى روبتك
3- امب ريبوتك 3 وات
4- طبعا الروتر دا اساسى اسبيد تاتش
دا البرج الرئيسى
فيه برجين فرعين على بعد 5 كيلو من الجانبين اليمين والشمال
محتويات البرج الفرعى اكسس تى بى لينك 601 او 501 وانتنه 10 دى بى ان دور
وطبعا عاملهم ريبيتر كدا اعتبر انا مغطى 6 كيلو نص قطر 1000% وكان ممكن اغطيهم بدون استخدام الابراج الفرعيه بس علشان الحمل بتاع العملا ميزدش على الاكسس ويهنج على طول
اما بالنسبه للعملا فالاغلب شغالين بكروت تى بى لينك جميله جدا جدا ورخيصه جدا 95 ج بالكونكتر والبعض باكسسات تى بى لينك 501 او 601 (مفيش اى فرق فلى الاثنين الا ان 501 سرعه الان بتاعه 54 ميجا اما 601 سرعته 108 ميجا)
الحمايه انت اكيد سمعت عن سيرفر المايكروتك جميل جدا للويرلس وانا اشتغلت بيه هو ميزته انه سهل وخفيف ولكن حاليا شغال ب ايزا كويس الى حد ما
بعد دا كله انا شغال على خط 4 ميجا بعد الدمج باجهزه دمج من تى بى لينك من خطين 2 ميجا
كمان ياعم معايا والحمد لله 120 مشترك تقريبا على الشبكه
والحمد لله شغاله تمام وزى الفل
لو محتاج اى حاجه تانيه معاك برضوا هنا
العفو ياباشا واى خدمه
بس ياعمى انت اول بتوصل الروتر بالنت وتتاكد انه مطلع نت بعد كده تركب الاكسس بوينت على الروتر بكبل لان عادى وتظبت الاعدادت بتاع الاكسس لحد مايبث النت لاسلكى بعد كده فى البرج الاساسى بتركب الامب واغلب الاحيان بيكون الامب قطعتين الاولى بيوصل بها الكهربا ودى اللى بتكون بع الاكسس مباشره وبعدين القطعه دى بتدى التانيه بواسطه كابل مخصص لذلك بيكون جاى مع الامب وبعد كده القطعه التانيه بتدى الانتنه بواسطه كابل برضه جاى مع الامب وبكده تكون وصلت الاجهزه مع مراعاه ان الامب معلهوش سوفت وير يعنى مش محتاج تظبيت اعدادات طبعا دا كله بيكون راكب على البرج اللى المفروض ثابت على قاعده كويسه لضمان الثبات الجيد والبرج يكون قائم 90 درجه
بكدا يكون البرج دا خلص
البرج الفرعى بتركب الاكسس ومعاه الانتنه ال10 دى بى الان دور عادى خالص وبتشيل الانتنه اللى جايه معاه وبرضه ترفعها على البرج الثابت كويس وبتظبت الاعدادت تمام وبيشتغل على طول
طريقه اعدادات الاكسسات 501 و 542 موجوده على موضوع مثبت فى المنتدى هنا
واى خدمه
RB750GL-Bullet2hp-pico2hp-Nanostation m5-HyperLink antenna-wifistation and more) call plz01001922326-01274588584
ياريت حد يشرح ازاي اعمل شبكة لا سلكية عن طريق ويندوز سيرفر2008
وازاي اتحكم في اليوزر
المفضلات