الدي في دي رايتر ينسخ دي في دي فقط ولا ينسخ سي دي

[mazhar]

السلام عليكم
انا عندي لابتوب كومباك و ويندوز 7
جيت انسخ ملف ورد على سي دي عادي عن طريق الويندوز و الحرق شغال بيقف قبل النهاية ويقولي ان الحرق فشل وان السي دي بقى غير صالح ولما احاول افتح السي دي بيبقى تقييييل جدا ومبيفتحش وبيهنج الجهاز
لما اجي انسخ على دي في دي ينسخ عادي ومفيش مشاكل
انا جربت كذا سي دي وفي مره الفايل اتنسخ بالصدفة واتفتح عادي جيت انسخ فايل تاني على نفس السي دي مرضاش وحصل نفس المشكلة
حطيت سي دي تالت نفس المشكلة مش راضي ينسخ و السي دي بيبوظ
جربت دي في دي تاني عشان اتاكد ان المره الاولى مش صدفة اتنسخت عادي
جربت كمان النيرو مفيش فايدة
سابقا كنت بنسخ 2 سي دي واحدة اتحرقت وحصل مشكلة اثناء الحرق الا ان الفايل اتحرق وفتح والتانية اتنسخت عادي يعني الدي في دي بيخرف على مزاجه
الخلاصة
الدي في دي دلوقتي بينسخ دي في دي بس مبيرضاش ينسخ سي دي عادي

اتمنى تساعدوني عشان اتجننت :ah42:

شكرا مقدما

[tarekforall]

وعليكم السلام
طبعاً لو كان في الضمان ، استبدله فوراً
هذه شكوى متكررة وللأسف في معظم الحالات أن المشغل في طريقه الى التلف ويجب استبداله ولكن من الممكن عمل بعض المحاولات مثل:
*تجربة أكثر من برنامج للنسخ مثل Nero و ImagBurn
*تجربة أنواع مختلفة من اسطوانات CD للنسخ
*ويندوز جديد + التعاريف الخاصة باللوحة الأم
*البحث عن تحديث لل Firmware بالنسبة للمشغل
*يمكن ازالة المشغل والذهاب به الى مكان للصيانة لتجربته على جهاز اخر

[mazhar]

هو لسه في الضمان و انا هجرب اجيب نوع سيديهات تاني واغير الويندوز
بس هو لو في طريقه للتلف اشمعنه بينسخ الدي في دي عادي ؟؟؟؟
وايه هي تعريفات المازر بورد انا دخلت على موقع اتش بي و مفيش تعريفات للمازر بورد للاب توب بتاعي
وايه هو firmware و اجيب منين تحديثه
وعلى فكره هو كان شغال زمان عادي

وشكرا للمساعدة

[tarekforall]

بالنسبة للتعاريف أعتقد أن عمل Recovery سيفي بالغرض (ولكن سيعيد الجهاز لحالة المصنع ويمسح بيانات القرص)
ال Firmware هو برنامج يتم تخزينه داخل المشغل وعن طريقه يتصل المشغل مع الجهاز وفي بعض الاحيان تقوم الشركة المُصنعة باصدار تحديثات له لمعالجة بعض الأخطاء وغالباً ستجده على موقع الشركة المُصنعة للابتوب
على العموم جرب الطرق التي أخبرتك بها فان لم تفلح باصلاح المشكلة فعليك بالضمان