مجلس الدولة يقبل دعوى مرتضي ويقضي ببطلان انتخابات الزمالك

**ŤǾЯŊΛĐф** · 15-09-2010, 12:16

قبلت محكمة القضاء الاداري بمجلس الدولة دعوى مرتضي منصور رئيس نادي الزمالك السابق ضد انتخابات النادي في العام الماضي شكلا وموضوعا وقضي ببطلانها بسبب التزوير.
وكانت المحكمة قضت ببطلان الانتخابات التي جرت يوم 29 مايو من عام 2009 بعد ثبوت وجود تزوير بعمليات فرز أصواتها.
وكان مرتضي قد قدم دعوى ضد انتخابات الزمالك العام الماضي وتم تأجيلها في شهر يونيو الماضي إلي سبتمبر الجاري إلي أن تم إصدار الحكم فيها.
ونتيجة لهذا الحكم، ينتظر أن يصدر المجلس القومي للرياضة برئاسة المهندس حسن صقر قرارا بتعيين مجلس إدارة مؤقت لنادي الزمالك حتى الأول من يوليو من عام 2011 علي ان تجري انتخابات جديدة للنادي في هذا الموعد.
وفور إعلان الحكم، تعالت أصوات الفرحة العارمة بين مؤيدي مرتضي منصور وصاح الأخير بصوت عال " يحيا العدل .. يحيا العدل".
وقرر منصور إقامة مؤتمرا صحفيا بمكتبه في الدقي يوم الأحد دعا فيه جميع وسائل الإعلام من اجل التحدث عن كافة ملابسات هذه الدعوى.
وكشف منصور أن المجلس القومي للرياضة يحق له تقديم استشكالا ضد هذا الحكم إلا انه أكد ثقته بان ذلك لن يحدث معتبرا الحكم بمثابة النهائي والفيصل علي حد تعبيره.

**hack4love** · 15-09-2010, 12:39

ههههههههههههههههههههههههههه داحنا هنضحك ضحك :D

كلها الموسم ده او الي بعده والزمالك يبقي درجه تانيه :D

**hack4love** · 15-09-2010, 13:26

ابراهيم حسن: ''الزمالك معمول له عمل ومدفون داخل جدران النادي''

تكمله الضحك

نصيحه خليهم يعملو زار :D

**ellassy** · 15-09-2010, 13:37

مش عارف ليه حاسس ان الموضوع ده ليه علاقة بقرب معاد انتخابات مجلس الشعب والرئاسة
بحس ان مرتضى منصور بيطلع علينا بمشاكله فى وقت البلد لازم تبقى فيه مركزه فى حاجة اهم
ويجى هو يصدعنا بحواراته الفراغه

**mostafa_mhmoud7** · 15-09-2010, 13:54

لازم كل حاجة بقضية مفيش حاجة تيجى بالتفاهم ابدا

**ŤǾЯŊΛĐф** · 15-09-2010, 13:58

المشاركة الأصلية كتبت بواسطة mostafa_mhmoud7

لازم كل حاجة بقضية مفيش حاجة تيجى بالتفاهم ابدا

فعلا ، انا مرة قابلته فى المهندسين خفت أسلم عليه أحسن يرفع عليا قضية :D :D

**S@M** · 15-09-2010, 14:17

:D

يارب استر من اللى جاى

شكرا على الخبر ....

zwawy · 15-09-2010, 16:57

هذا الرجل غريب الأطوار لو يستغل مهارته هذه ويرفع قضايا على هذه الدولة المستبدة وهذا النظام الفاسد يكون أرجى وأنفع ... بدلا ً عن هذه الأمور التافهة.
شاهدت له مرة على أحد القنوات جلسة صلح مع أحد الآدميين :mad: وأعجبني اسلوبه في الحوار عن هذا الانسان الذي لايظهر على محُياه أي أخلاق حسنة.

وحتى لايظن البعض انحيازي لأحد أنا لا أشجع الكرة ولست من جمهورها .

**one-zero** · 15-09-2010, 19:59

مرتضى انسان كويس جدا و انا بحبه جدا <==== كده انا في السليم يا عم الرجل بيرفع قضيه على اي حد دلوقت

**JUBA** · 16-09-2010, 08:16

والله الراجل ده الواحد يخاف يقابله في الشارع ليرفع قضية على الواحد بسبب انه لابس حاجة زي اللي هو لابسها ولا اكون قطعت الطريق قبله

ربنا يستر

**moriatte** · 16-09-2010, 08:47

والله تحس ان الزمالك فى عشوائية ادارته عبارة عن صورة مصغرة لمصر
وساطة ومحسوبية وتصفية حسابات
وماشيين بمبدأ عاش الملك مات الملك
استنوا بس لما مرتضى يرجع النادى تانى وهيفضلوا يحلفوا بحياته وانجازاته والنكسة والسرقات اللى كانت فى عهد ممدوح عباس
انا برضه مليش فى الكورة...لكن حقيقى اللى بيحصل دا حاجة تقرف
وبعدين بعد واقعة التزوير فى مع جدو وواقعة التزوير فى الانتخابات الزمالك هيبقى اسمه نادى التزوير الرياضى

**EL-MARIACHY** · 16-09-2010, 09:52

كله ده على رئاسه نادى , هوا ميقدرش يقدم على رئاسه أى نوادى أخرى , ولا لازم الزمالك؟ هوا اذا كان كويس فى نظر الجمهور فمعناه انه اذا تقدم لرئاسه أى نادى أخر سينجح فى ذلك !!

*** انا ماليش فى الكوره خالص , لسه من اسبوعين لما عرفت ان رميه تماس يعنى الكره OUT :eek:

**moriatte** · 17-09-2010, 06:12

رئاسة النادى مش حاجة هايفة زى مانت متخيل كدا
دول بيكسبوا من وراها ملايين زى عضوية مجلس الشعب والشورى كدا.....أمال هما بيصرفوا كل المصاريف دى ويقطعوا بعض ليه
وابقى سلم لى على العمل التطوعى