السلام عليكم ورحمة الله وبركاته
كل سنة وانتوا طيبين يا شباب
انا عندي مشكلة ومش لاقي ليها حل فارجو انكوا تتكرموا عليا بالحلول والاقتراحات
المشكلة اني عندي شاشة سامسونج P2050 والمفروض ان الحامل بتاع الشاشة دي ثابت يعني ماقدرش احركها رأسيا.
وانا كنت محتاج احركها لاني وانا قاعد على المكتب كنت احب ارفعها فوق شوية, وما كنت اجي انام واشغل فلم فكنت بحتاج انزلها تحت شوية, فانا كنت هنا في المنتدي وقريت موضوع اني لو حركة الشاشة بقوة شوية الشاشة هتتحرك وتطلع وتنزل معايا عادي وفعلا عملت كدا وكل شئ كان تمام, لكن المشكلة اللي حصلت انه مع الوقت ومع الرفع والتنزيل الكتير للشاشة محور الحركة بتاعها بقي "ناعم" يعني الشاشة ما بقتش تثبت على وضع لما اسيبها, بتروح نازلة لقدام خالص او اني ارجعها ورا خالص, فانا مش عارف اعمل ايه في الحكاية دي وهي مضايقاني جدا لاني مش عارف اضبط الشاشة على وضع يريحني.
منتظر اراء حضراتكم.