مشكلة مع برنامج BitDefender وال NetWork

**Eng.MinaEdward** · 15-09-2010, 20:41

اولا انا مش عارف الموضوع مكانة فين بالظبت هنا ولا المشكلات ولا الشبكات لكن عامة دى المشكلة

انا عندى جهازين الاول جهازى الموجود بالاعلى ودا الجهاز اللى علية الشغل الاساسى كلو

و التانى جهاز عبارة عن DownloadRig مواصفتة قمة فى الضياع P3 رام SD 512 كارت شاشة

من اللى بيتاقاسوا بحجم الذاكرة 32 ودا شغال 24/7 للتحميل فقط

المشكلة ظهرت بعد تسطيب BitDefender 2011 على الجهاز الاساسى

راسة والف سيف مايقراش اى حاجة من الجهاز اللى تحت ابدا ومايتعرفش علية من الشبكة خالص

اضطريت مؤقتا بدل ما بتحكم فى الجهاز اللى تحت بال Teamviewer بقيت بنقل الملفات بية كمان

لكن طبعا سرعة نقل خلال برنمج دا بدل ماكانت 10 ميجا بالشبكة بقت 300 كيلو بالبرنامج

بقيت بنقل اللعبة فى 9 ساعات :eek::eek:

حاولت اوقف البيت ديفندر من كل حاجة انتىفايرس فاير وال اى شيء لم استطع تشغيل ال Network بردو

وجد اختيار Home Network وأعتقد هوا دا اللى هايحل الموضوع لكن لازم اسطب الBitdeadender

على كل الاجهزة التانية

وطبعا على الرامات الى تحت دى مستحييل احط اى حاجة جمب الفيوذ (برنامج التحميل) اساسا

هل من حل لتشغيل الشبكة مع البيت ديفندر ؟؟

هل يوجد اى برنامج يعمل عمل الشبكة و يتقل بسرعتها ؟؟؟

**MF88** · 15-09-2010, 22:49

شيل البت ديفيندر خااااااااااااالص و نزل microsoft security essentials

برنامج من مايكروسوفت نفسها

خفيف كالفراشه و قوى جداااااااااااا و جربته اكثر من مره و بيشيل فعلا الفايروسات

كنت بستخدم قبله البت ديفيندر 3 سنين بحالهم و كان ممتاز هو كمان بس ده اخف منه بكتير

**miro the king** · 15-09-2010, 22:51

جرب الكسبر الجديد لانه اصبح خفيف لاكن اذا كنت عاوز سرعة جبارة يبقا انت امامك حاجة من الاتنين ياما نود 32 او افيرا لاكن انصحك ببرنامج الانتى فيرس من مايكروسوفت برنامج سريع اوى وخفيف بحطوا كل فترة كدة

**Eng.MinaEdward** · 15-09-2010, 22:58

اية دا يعنى انت بعد ما جيبت الجهاز الجامد شيلت البتديفندر

انا اصلى مجرب ال BitDefender بقالى 3 سنين 2008,2009,و ادينا اهو فى 2010 (ن ساعة ماجيبت الجهاز الجديد وانا مش حاطط حاجة يعنى قعدت حوالى 3 شهور من غير انتى فيرس )

برغم انة تقيل فانا بثق فية ثقة عمياء بالرغم من الحركة اللى حصلت من فترة و بوظت اجهزة كتير (كنت انا لسة 32 ساعتها :D)

بس بردو لا يزال الافضل

طيب سؤال البرامج دى انتوا مجربين النتورك معاها ومتاكيد انو شغال تمام :confused: يعنى مش هاغير والاقى نفس المشكلة

عامة التغيير هايكون الخطوة الاخيرة انا واثق فى البيت ديفندر ومش عاوز اغيرة غير فى الاخر

شكرا على المرور

ولازال السؤال

هل فى فى طريقة نشغل الشيرنج تانى ؟؟

برنامج ينقل الملفات بنفس سرعة الشيرنج ؟

البرامج التانية دى الشيرنج شغال معاها عادى عن تجربة ولا اية ؟؟؟؟؟

**Mshadow.me** · 15-09-2010, 23:08

البيت ديفيندر تقيل جدا علي الجهاز ده يا ميزو

زي ما قالك الشباب microsoft security أو الكاسبر أو ESET حينفعك أكتر بكتير

**Eng.MinaEdward** · 15-09-2010, 23:20

^^^^
اية التقيل

البيت ديفيندر محطوط على جهازى الاساسى

المشكلة انة مانع الشيرنج

وانا فى اوبشن اعتقد بيفتح الموضوع دا بس لازم الجهاز التانى يكون علية البيت ديفيندر بردو + انى أعتقد يعنى مش متأكد

فانا بسال البيتديفندر اللى عندى على الجهاز الاساسى ممكن نعمل لحاجة فية مثلا Disable تشغلنا النتورك تانى

هل فى اى برنامج بيعمل عمل الشيرنج بسرعتة

يعنى انا بنقل دلوقت بال TeamViewer لكن سرعة النقل 300 كيلو

فهل فى بنامج ينقل بسرعة زى مالشيرنج كان بيعمل ؟؟

**MF88** · 15-09-2010, 23:53

جرب المايكروسوفت سيكيوريتى زى ما قولتلك و هترتاح من الفايروسات و من تقل الجهاز

برنامج استاذ بجد

**Goldsmith** · 16-09-2010, 00:02

في Bitdefender
طبعا expert mode
اختار من على الشمال firewall
بعد كدة اختار network
هتلاقي شوية أوبشنات
generic>>>>>yes
stealth mode>>>>> remote
trust level>>>> safe

ودي صورة من النت مش من جهازي بتوضح مكان الخيارات دي

جرب كدة وقوللي إيه النظام
ونصيحة إوعى تفرط في بيت ديفندر، ميزته إنه بيديك تحكم كااااااااااااااامل في كل تفصيلة من تفاصيل التفاصيل المتفصلة في كل الحاجات والمحتاجات
بالعربي مفيش خاصية ملهاش أوبشن، البرنامج بيشتغل بمزاجك انت مش بمزاجه هو

**Eng.MinaEdward** · 16-09-2010, 02:01

مهو دا اللى يجنن فى 2011

مفيش Firewall

ومش لاقية فى باقى البتاع كلو

**Goldsmith** · 16-09-2010, 08:12

دي نسخة أنتي فيروس مافيهاش فايروول يا باشا
الفاير وول بتكون موجودة في نسخة انترنت سيكيوريتي

بس كدة المشكلة مش من بيت ديفيندر خالص، وأراهنك إن الجهاز إللي تحت بيقدر يشوف إللي فوق لأن الجهاز إللي فوق مش بيمنعه نهائي

لكن العكس لأ لأن الجهاز إللي تحت هو إللي مش عاطيله بيرمشن، شوف انت عملت إيه تحت
افتكر كويس انت غيرت إيه في الجهاز إللي تحت

**Eng.MinaEdward** · 16-09-2010, 13:35

معش يا حبى اصل دى صورة من النت سخان

انا مبنزلش غير انترنت سكيورتى اصلا

احنا كدة كدة بنكرك فناخد اللانترنت سكيورتى كمان

Uploaded with ImageShack.us

**Goldsmith** · 16-09-2010, 15:30

لو عندي البرنامج كنت دورتلك عليها، بس للأسف البرنامج لسة ملوش كراك لحد دلوقتي

**رفعت يسري** · 06-03-2013, 08:53

انا عندي bitdevender 2012
المشكلة اني اشتريته خلاص لمدته سنة ، قمت بتسطيبه قبل ذلك وكان عملي جدًا، رغم انه سعره زهيد،
لكن بعد الفورمات نسيت كنت مسطبه ازاي،
اظن كانت فيه اختيار في تشغيل ميزات أو إيقاف تشغيلها، بس انا مش فاكر.

الآن عند عمل اسكان على اي شيء
يظهر لي رسالة doscanu توقف عن العمل.
ولا أدري ما السبب
وهذه شروط قبل تسطيبه قمت بتنفيذها: لكن دون جدوى:

متطلبات البرنامج

أو أعلى Internet Explorer متصفح 7 ●
أو أحدث Mozilla Firefox متصفح 3.6 ●
أو أحدث Yahoo! Messenger برنامج 8.1 ●
Microsoft Outlook 2007 / 2010 ●
لى نظام 32 بت) ‘) Windows Mail و Microsoft Outlook Express برنامج ●
Mozilla Thunderbird 3.0.4 ●
NET Framework 3. ●