.. السلام عليكم و رحمة الله و بركاته ..

إزيكم يا أعضاء عرب هاردوير .. يارب تكون الأمور تمام ..

يا جماعة كل واحد يخلوا بالوا من سرعة النت عنده .. لإن أنا مشترك فى سرعة 1 ميجا .. و من حوالى 8 أيام .. السرعة لقيتها بطيئة و جيت أشوفها من الراوتر لقيت السرعة نزلت لـ 256 كيلوبايت .. المهم كلمت الشركة و قلت لهم .. قالوا ليا إنت عملت داونلود لـ 60 جيجا .. و إنت كده عديت
سياسة الإستخدام العادل ( فين السياسة ديه أصلآ ( سياسة القهر و الذل الظالم ) )

فقلت ليهم أنا مشترك من زمان .. و أنا إشتراكى Unlimited غير محدود .. قالوا ليا ديه سياسة الشركة و قرارات الشركة ..

أنا عن نفسى روحت رايح للوكيل و لغيت الخدمة من عندى .. و قلت له لما تبقى السياسة ديه تروح أبقى أرجع أشترك تانى .. قعد يكلم و يقول أصل ديه قرارات و محدش يخالفها و الكلام ده ..

فأنا حبيت أنبهكم إللى يلاقى السرعة عنده متغيرة يتأكد من الراوتر .. علشان ممكن يكون عدى الحد بتاع الـ Download بتاعه ..

.. و فى الآخر أحب أقول ربنا يكرم جهابزة الإتصالات و تكنولوجيا المعلومات فى مصر و يوفقهم و كل شوية يدونا قرارات حلوة من ديه إللى تفرح الناس .. ربنا يكرمهم يارب ..