أرجو المساعدة -هارد ديسك- ويندوز 7

**F0x_8s** · 21-09-2010, 00:50

السلام عليكم و رحمة الله و بركاتة

أنا إشتريت هارد جديد من كام يوم ويسترن ديجيتال 500 جيجا بلو WD5000AAKS-00A7B2

إمبارح سطبت علية ويندوز 7 بس لاقيت حاجة غريبة شوية

لما بفتح أى ويندو زى My Computer مثلا بلاقى فى تهنيج خفيف كدة خاصة أما بعمل Minimize-Maximize بلاقى الشاشة وقفت كدة لمدة جزء من الثانية

يعنى مثلا زى ما أكون فاتح كذا ويندو و أفتح واحدة جديدة بيكون فى تهنيج خفيف كدة أرجو أن تكونو فهمتو قصدى

أنا عملت تست للهارد ببرنامج HD Tune و دى كانت النتائج

مش عارف إختبار Benchmark دة نتائجة مناسبة ولا لأ إنتو إية رأيكو

ملحوظة :أنا من يومين لاحظت إن مروحة البروسيسور بقت ضعيفة ف هل دة ممكن يكون سبب

الهارد صناعة تايلاندى و مكتوب علي تاريخ الصنع August 2010 و Class B

نوع الفورمات عادى مش Advanced Frormat

بإنتظار الردود و شكرا ليكم

**tarekforall** · 21-09-2010, 10:30

وعليكم السلام ورحمة الله وبركاته
لا أرى أي مشكلة بالقرص الصلب فالنتيجة جيدة والقرص سليم ان شاء الله، والبطء قد يكون من مشكلة بنسخة بالويندوز أو برنامج يعمل بالخلفية

**F0x_8s** · 21-09-2010, 18:34

شكرا يا أستاذ طارق على الرد

التهنيج دة حصل بعد تثبيت الويندوز مباشرة قبل ما أثبت أى برامج

بالنسبة لمروحة البرويسور بقت ضعيفة جدا هل دة ممكن يكون سبب مثلا لأنى

سمعت إن ضعف المروحة أحيانا بيسبب تهنيج الجهاز

و شكرا

**tarekforall** · 21-09-2010, 20:17

العفو

قد يكون السبب من Disk Indexing ولتعطيله:
Right click on each drive-->Properties
ثم تأكد من عدم اختيار "Allow files on this drive to have contents indexed"
وكذلك يوجد برنامج HWMonitor لمعرفة درجة حرارة المعالج وسرعة مروحته

**Hassan.Ali** · 26-09-2010, 15:09

استاذ طارق لو سمحت ممكن اعرف الخاصيه دى

"Allow files on this drive to have contents indexed

لازمتها ايه وهل فى ضرر من تعطيلها

معلش سوال تانى الادفانست فورمات لكل الهاردات ال كاش 64 ولا هارادات معينه بس

الاخضر متفقين عليه انه لازم بالنسبه للبلاك ممكن 64 يقبل الادفانست فورمات ولا لا او مش مهم او مهم

اسف طولت عليك شكرااا

**ahmedelsabbagh** · 26-09-2010, 19:15

المشاركة الأصلية كتبت بواسطة bravoeg

استاذ طارق لو سمحت ممكن اعرف الخاصيه دى

"Allow files on this drive to have contents indexed

لازمتها ايه وهل فى ضرر من تعطيلها

خاصية ال index هى بالمثل كما توجد فى الكتب ( دليل يسهل لك الوصول لصفحات معينة عند البحث ) كذلك عند تفعيل هذه الخاصية فإن النظام يقوم بعمل indexing عند انشاء وتعديل الملفات لتسهيل الوصول اليها عند استخدام خاصية ال Instant Search الموجودة فى Windows 7 .
ولكن تفعيل تلك الخاصية وإن كان يساعد فى تسهيل عملية البحث ولكن يكون على حساب ال Performance ..

**tarekforall** · 26-09-2010, 19:18

هذه الخاصية تساعد وتُسرع البحث داخل القرص ولكن مشكلتها أنها قد تعمل في الخلفية على فترات وتؤدي الى بعض البطيء
بالنسبة للأقراص الأقراص الويسترن الجرين بذاكرة 64 ميجابيات فقط هي المتأثرة بهذا الموضوع اقرأ الموضوع في توقيعي عن التهيئة المتقدمة لأقراص ويسترن دجيتال
ولا تنسى أنه يوجد موضوع مثبت خاص بالاستفسارات الخاصة بوسائط التخزين