صفحة 1 من 2 1 2 الأخيرةالأخيرة
النتائج 1 إلى 15 من 26

الموضوع: نظام التقييم

  1. #1
    عضو فضي الصورة الرمزية Goldsmith
    تاريخ التسجيل
    May 2009
    المشاركات
    562
    الدولة: Egypt
    معدل تقييم المستوى
    32

    نظام التقييم

    السلام عليكم ورحمة الله وبركاته

    أنا سبق واتكلمت قبل كدة عن موضوع التقييم وعن المجاملات

    وأفتكر في ناس في المنتدى كانت متفقة معايا وكانت شايفة إن النظام لا يخلو من مجاملات واضحة ومستفزة في بعض الأحيان

    أنا هوضح مثال صغير شوفته من شوية بصراحة حرق دمي شوية
    بس الأول عاوز أوضح إني معرفش ولا شخص من إللي اشتركوا في الموضوع بالردود معرفة شخصية
    ولا أعرف صاحب الموضوع إللي استلم التقييمات، وأنا مش ضده، وتقييمه بآلاف النجوم لن يضرني في أي شئ بل بالعكس أنا أتمنى الخير للجميع
    اتفضلوا بصوا على الموضوع ده (تعديل: الموضوع ده شكله هيتغير خلال ساعات، عشان كدة عملت حسابي واحتفظت بنسخة منه -بدون إذن نيابة- هبقى أرفعها لما يتغير)
    https://www.arabhardware.net/forum/s...d.php?t=192489

    الراجل لسة بيقول هعمل مراجعة، وتم التقييم
    أنا مش ضد تقييم واحد على مجهود عمله، إنما تقييم مقدم?
    طب بلاش كدة، الراجل محل ثقة والناس مقدرة تعبه وبتشجعه عشان يعمل مراجعة كويسة معنديش مانع
    بس الاعتراض على كلمة تم التقييم إللي بتتكتب في المشاركة
    الكلام ده بيفتح مجال لمجاملات من نوع واحدة بواحدة
    وحتى إللي بيدخل يرد بعد واحد من بتوع تم التقييم، ممكن يتعرض لإحراج (نظرا للعلاقة الطيبة إللي بتجمع معظم أعضاء المنتدى ببعض) ويضطر لإعطاءه تقييما بدوره
    وربما يكون من حقه فعلا، ولكن طريقة التقييم تمت بنوع من ال... ال... مش عارف أسميها إيه
    بس يعني الواحد بيلاقي نفسه بيقيم غصب عنه

    أنا عارف إني هفتح على نفسي نار جهنم، وكل الناس إللي في الموضوع ده هيهاجموني وهيقولوا الراجل يستاهل التقييم وفي ناس هتقل أدبها وناس هتقوللي ملكش دعوة (وإن اتقال بأسلوب مهذب ولكن بنفس المعنى)
    وأنا والله مش ضد صاحب الموضوع ده وعارف إنه هيتعب ويستاهل كل نجمة هياخدها، بس ده مجرد مثال عاوز أوضح بيه النظام ماشي إزاي (كلمة تم التقييم دي بتضايقني جدا)

    أنا ببساطة أطالب بإلغاء هذا النظام من أساسه

    وحفاظا على حقوق المتميزين من الأعضاء، واعترافا بفضلهم في بقاء هذا المنتدى على قيد الحياة إن صح التعبير لابد من إيجاد بديل لهذا النظام

    ولدي بعض اقتراحات

    1- أن يظل الوضع على ماهو عليه، ولكن يتعرض العضو الذي يجاهر بتقييمه لعقوبة مناسبة تراها الإدارة (وإن كان التحايل على هذا البديل سهل عن طريق الرسائل الخاصة)
    أو ربما يكون هناك اتفاقات بين بعض أعضاء على التقييم (قيمني وأقيمك)

    2- أن يلغى التقييم نهائيا ويتم استبداله بنقاط من الإدارة تحت بند رصيد المتفرقات أو كما ترى الإدارة
    أو يمكن إنشاء بند جديد في النقاط خصيصا لهذا الغرض (نقاط للمواضيع متميزة مثلا)
    تعديل: أنا شايف إن ده أنسب حل، خصوصا إنه مش هيحتاج مجهود كبير من الإدارة لأن عدد المواضيع الجديدة إللي بتتفتح كل يوم مش كبير
    خصوصا إنه في أقسام هتهمل تماما من النظام ده، زي قسم طلبات ونصائح تجميع الأجهزة والقسم التجاري، لأنه ببساطة محدش هياخد تقييم أو نقط عشان بيسأل على حاجة أو عشان بيبيع ويشتري
    ويا ريت النقط ياخدها العضو مش بس عشان أول مشاركة في الموضوع (الموضوع الأصلي)
    لأ المفروض كمان الإدارة تراعي هل العضو بيتابع استفسارات بقية الأعضاء؟
    أسلوبه في الرد
    سرعة الرد، وهكذا ...


    خلونا نتكلم بصفة عامة عن التقييم، ومدى جدواه وعدالته
    وهل هو أفضل ولا البدائل إللي اقترحتها (أو هل توجد بدائل أفضل)؟
    ويا ريت مننساش الهدف من التقييم أو من بديل التقييم (إحنا عاوزين نشجع الناس تعمل أحسن، وعاوزين نميز الناس إللي بتتعب ونكافئهم)
    ويا ريت طبعا نلاقي حل نوصل بيه للهدف ده بشكل سليم وعادل عشان كل واحد ياخد حقه في المنتدى

    في النهاية أرجو إن محدش يزعل مني والقرار في الأول وفي الآخر يرجع للإدارة وده مجرد اقتراح
    وأرجو كمان إن الموضوع ميخرجش عن إطار المناقشة المهذبة بدون تعصب للآراء ولو الموضوع ده هيسبب مشكلة لحد الإدارة ممكن تقفله أو تمسحه
    [CENTER][SIZE=3][COLOR=#ff0000][B]للبيع[/B][/COLOR][/SIZE]

    [COLOR=#ff0000][SIZE=3][/SIZE][/COLOR][COLOR=#0000FF][SIZE=3][B][URL="https://arabhardware.net/forum/showthread.php?t=260013"]Router SpeedTouch 510 v4.0 4Port[/URL]
    [/B][/SIZE][/COLOR][/CENTER]

  2. #2
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    115

    رد: نظام التقييم

    أخى GoldSmith

    أولا: كل عام و أنتم بخير

    ثانيا: ليه حاسس فى كلامك بنبرة غريبة مفادها ان الإدارة فى عرب هاردوير عاملة مثل الحكومة المصرية ( ربنا يجعل كلامنا خفيف عليهم :D " على الحكومة مش على الإدارة :D" ) و انك لما هتقدم اقتراح او تطلب طلب او تعترض على حاجة هنحذف موضوعك و هنخالفك و هنزعل منك و الدنيا هتقوم و مش هتقعد ؟ يمكن أكون انا غلط , بس ده اللى حسيته من كلامك.

    ثالثا: ممكن أرد عليك و أقول لك اننا طلعنا لقينا النظام ده موجود كده و ان ما حدش هيغير حاجة ... يعنى من الآخر: هذا ما ألفينا عليه آباءنا... و لكن أنا مش هأقول كده طبعا.

    رابعا: أكاد أتفق معاك فى معظم الكلام اللى انت قلته حول نظام المجاملات فى التقييم, بل سأزيدك بيتا و أقول ان فيه أعضاء كتير بيطلبو منك التقييم و بصراحة بتبقى حاجة مستفزة جدا.

    - التقييم لن يعود على العضو بأى منفعة سوى زيادة المربعات الخضراء و نقاط التقييم ... و من يحصل على 50 نقطة مثلا لن تقوم الإدارة بإعطاءة مبلغا من المال أو هدية رمزية.

    -نظام التقييم متبع فى معظم المواقع الأجنبية على هيئة نظام REP. او اختصار ل Reputation ... يعنى سمعة العضو.

    -قامت الإدارة مشكورة بعمل نظام مشابة لنظام التقييم و هو نظام الشكر الذى تراه تحت كل مشاركة( عدا مشاركاتك)

    - كان من الممكن ان نتناقش فى هذا الموضوع منذ قديم الأزل .. أما الآن فقد أصبحت العلاقة بين الأعضاء متشابكة أكثر من ذى قبل
    و كل واحد هنا عارف التانى .. و الأعضاء ما شاء الله عليهم اصبحو متفتحين و فاهمين نظام التعامل مع المنتدى و بامكانهم التمييز بين من يجتهد فعلا و بين من يرد ردود لا فائدة منها.

    - بعض الناس تستحق ان تقيمها كل ساعة ... و منهم الأخ نواف صاحب الموضوع اللى حضرتك وضعته ... و مش بقول كده مجاملة له .. و لو عاوز تتأكد ادخل على قسم كسر السرعة و شوف شغله هناك.

    - تقييم نواف كان من أجل غرض تشجيعة على المراجعة و على الإجتهاد فيها

    - المجاهرة بالتقييم لا أدرى ما المشكلة فيها ... دى مجرد مجاهرة بتقييم , و ليست مجاهرة بذنب لا سمح الله.

    - المجاهرة بالتقييم شأنها شأن أى رد عابر مثل مشكور, و لكنها كما قلت لك فيها نوع من التقدير الزائد.

    - المجاهرة بالتقييم من عضو غير ملزمة للعضو صاحب الرد الذى يليه لكى يعطى تقييم هو الآخر( هى نقطة *يعنى ؟:D)

    - حتى لو لم يجاهر العضو بالتقييم فإن صاحب التقييم يستطيع روؤية من قيمه فى أى وقت من لوحة التحكم.


    - خلاصة كلامى ان نظام التقييم كان قديما مدعاة للمفخرة لأى شخص ... أما الآن فقد بات نشاط الجميع ظاهرا فى المنتدى و أصبح الحكم على العضو يتم من خلال أفكارة و مجهوداته و ليس على نقاط تقييمه.


    - لك تقييم :D:ah50: (على الموضوع و على حرصك على مصلحة المنتدى ... بارك الله فيك)



    * نُقطة لا تعنى علامة الترقيم (.) , و لكنها تعنى مبلغا من المال يتم إعطاءة للناجحين و المتزوجين و ... كنوع من المباركة... و هى عادة منتشرة فى أرياف مصر و بديل قوى عن الهدايا العينية.
    [CENTER]
    [/CENTER]

  3. #3
    عضو الصورة الرمزية agent__551
    تاريخ التسجيل
    Aug 2010
    المشاركات
    221
    معدل تقييم المستوى
    14

    رد: نظام التقييم

    تعلييق صغير
    حتى ان لم يجاهر بالتقييم
    فالعضو الذي تم تقييمه يستطيع روئية مقييميه

    لا يوجد نظام محصن
    والانسان خبرة في التحايل على القوانين

  4. #4
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    32

    رد: نظام التقييم

    ارى فى التقييم حافز ...للآعضاء اللى بتبذل مجهود ...


    ممكن تشوف ان العضو لا يستحق تقييم وممكن تشوف العكس ...كل واحد لة وجهة نظر فى هذة النقطة


    انا معك ان تقيمات المجاملة ...بتكون مستفزة ومالهاش اى معنى من الآتنين ...سواء اللى اعطى التقييم او اللى اخذة

    هى بعض السلبيات سنحاول ان نتلافاها مع الوقت يا عزيزى ...

    لآن التغير لا يأتى بين يوم وليلة ...

    الخبرة عليها عامل اساسى فى اختيار الموضوع اللى بيكون فعلا محتاج تقييم ومبذول فية مجهود

    اتركها للوقت وكل شيء هيكون تمام

    [CENTER] [SIZE=1][SIZE=4][B][COLOR=Red][COLOR=black][COLOR=Red]>>>[/COLOR]كم أخٍشى ان يأتى[/COLOR] ........[COLOR=black]........[/COLOR]وقتاَ لا ينفعُ فية الندمُ[COLOR=Black]<<<[/COLOR]
    خبـــىء دفاتِركَ القديـــــــــمة كُلـها[/COLOR]َ .... وأكتُب لمِصـــــرَ اليوم شِعراً مِثلهاَ
    لا صمــــــتَ بعد اليوم يفرضُ خوفَةُ .... [COLOR=Red]فأكتُب سلاامَ النيل مِصـــر واهلهاَ[/COLOR] [/B][/SIZE]
    [IMG]https://i54.tinypic.com/2w20gw4.jpg[/IMG]
    [IMG]https://i42.tinypic.com/i70pj9.jpg[/IMG]
    [/SIZE][SIZE=3][B][URL="https://www.arabhardware.net/forum/showthread.php?t=220048"]!!!>>> موسوعة جديدة تتضمن مراجعات كروت الGTX5XX الغير قياسية من براند GAINWARD <<<!!![/URL][/B][/SIZE]
    [SIZE=4][COLOR=Red][B][URL="https://www.arabhardware.net/forum/showthread.php?t=213781"]!!!>>> Service Pack 1 final ..للويندوز 7 ...<<<!!![/URL][/B][/COLOR][/SIZE]
    [SIZE=3][COLOR=Red][B][URL="https://www.arabhardware.net/forum/showthread.php?t=210989"]كل ما تريد معرفتـه عن الطي و برنامجـه ... تجده هنـــــا بإذن الله .[/URL][/B][/COLOR][/SIZE]
    [SIZE=3][COLOR=Red][B][URL="https://www.arabhardware.net/forum/showthread.php?t=209555"]!!!>>> UN BOXING + بعض الاختبارات لجيل الفيرمى 5XX من براند GAINWARD <<<!!![/URL][/B][/COLOR][/SIZE][B][SIZE=4]
    [/SIZE][/B] [SIZE=2][COLOR=Red][SIZE=3][COLOR=Black][B][URL="https://www.arabhardware.net/forum/showthread.php?t=206275"]![COLOR=Red]![/COLOR]![COLOR=Blue]>>[/COLOR]>[COLOR=Red] UN BOXING + اختبارات لجيل الفيرمى بأكملة من براند GAINWARD [/COLOR]<[COLOR=Blue]<<[/COLOR]![COLOR=Red]![/COLOR]![/URL][/B][/COLOR][/SIZE]
    [/COLOR][/SIZE] [SIZE=2][B][URL="https://www.arabhardware.net/forum/showthread.php?t=165375"][COLOR=Blue][موضوع موحّد] Fermi/GTX 580 ومتابعة آخر أخبار الجيل الجديد من Nvidia[/COLOR][/URL][/B][/SIZE][COLOR=Black][URL="https://www.arabhardware.net/forum/showthread.php?t=165791"]
    [/URL][/COLOR] [/CENTER]

  5. #5
    عضو فضي الصورة الرمزية Goldsmith
    تاريخ التسجيل
    May 2009
    المشاركات
    562
    الدولة: Egypt
    معدل تقييم المستوى
    32

    رد: نظام التقييم

    المشرف الكبير محمد الجوهري، شكرا على ردك بس ليا تعقيب علاى شوية حاجات

    أولا بخصوص موضوع النبرة:
    أنا ما أقصدش أي حاجة من إللي حضرتك بتقول عليها، بس أنال عارف إن الإدارة بتحذف أي موضوع ممكن يسبب اختلاف حاد في الآراء بين الأعضاء
    أنا شوفت مرة واحد عامل موضوع بيسأل مين أحسن ati أو nvidia وفي مشرف قفل الموضوع وقال إن الموضوع ده هيسبب جدل لن ينتهي
    وحتى في كلامك عن الحكومة أ،ا بختلف معاك، زمان مكنش حد بيتكلم عشان كل حاجة كانت ممنوع
    دلوقتي في حرية وديمقراطية (اتكلم زي ما انت عاوز ومحدش هيعبرك)
    دلوقتي الصحافة بتكتب في كل حاجة وساعات على الريس نفسه، والحكومة سايبة كل واحد يكتب ويقول زي ماهو عاوز وفي الآخر بتعمل إللي هي عاوزاه

    ثانيا: بخصوص الأستاذ نواف، أنا زي ماقولت إني معرفوش ولا هو ولا غيره بس أنا قولت في الموضوع إنه ممكن يكون ده بغرض التشجيع
    وقولت كمان إنه يستاهل كل نقطة تقييم هياخدها (والرأي ده اتكون عندي من حماس الأعضاء في الرد عليه وواضح إنه عضو قديم ونشيط ومميز)
    ورجعت في الآخر قولت خلينا نتكلم عن التقييم بصفة عامة وده كان مجرد مثال (هو ده إللي كان قدامي وقتها) بس طبعا أكيد في حاجات كتير غيره، وأكيد كلنا متفقين إن النظام ده لا يخلو من مجاملات

    ثالثا: الله يخليك بلاش حكاية طلعنا لقيناه كدة دي؟
    أنا أعشق التغيير، وأسخط على كل مالا يعجبني
    وإيه المانع نكون مختلفين عن المواقع ال<نبية؟ ليه منكونش أحسن؟
    وعلى فكرة أنا عضو في warez-bb وده من أكبر المنتديات في العالم (إن مكنش أكبرها فعلا)
    المنتدى ده أعضاءه تخطوا 2 مليون عضو وعندهمش نظام تقييم
    أهم حاجة الpost count
    وعندهم نظام صارم للتعامل مع الdouble post
    وحتى العضو ليس من حقه رفع موضوعه إلا في قسم المساعدة ومن حقه ذلك مرة واحدة في اليوم، وعلى فكرة ده ممكن إحنا نستغنى عنه هنا(هناك لو الموضوع مااترفعش هيضيع في الرجلين عشان العدد كبييييييييير)
    والعضو ليس من حقه شكر الناس إللي بيدخلوا يردوا على موضوعه أكتر من 3 مرات في الصفحة الواحدة

    ثالثا: ودي مشتركة بين حضرتك وبين العضو agent 551
    وهي بخصوص موضوع المجاهرة
    أعذروا جهلي بنظام التقييم شوية عشان أنا عضو صغنون وماشوفتش الكلام ده قبل كدة
    [CENTER][SIZE=3][COLOR=#ff0000][B]للبيع[/B][/COLOR][/SIZE]

    [COLOR=#ff0000][SIZE=3][/SIZE][/COLOR][COLOR=#0000FF][SIZE=3][B][URL="https://arabhardware.net/forum/showthread.php?t=260013"]Router SpeedTouch 510 v4.0 4Port[/URL]
    [/B][/SIZE][/COLOR][/CENTER]

  6. #6
    عضو برونزي الصورة الرمزية Mshadow.me
    تاريخ التسجيل
    Apr 2010
    المشاركات
    1,441
    معدل تقييم المستوى
    23

    رد: نظام التقييم

    لا كلام بعد كلام الجوهري الكبير, الراجل قال كل اللي كنت عاوز أقوله

    أنا شوفت مرة واحد عامل موضوع بيسأل مين أحسن ati أو nvidia وفي مشرف قفل الموضوع وقال إن الموضوع ده هيسبب جدل لن ينتهي
    فيه ناس أوقات بتعمل مواضيع كده, و النتيجة خناقة محترمة و benchmarks لكل أنواع كروت الشركة ديه و ديه و فوضي تامة, الخلاصة بيتقفل كده كده

    وإيه المانع نكون مختلفين عن المواقع ال<نبية؟ ليه منكونش أحسن؟
    طب ما أحنا كده مختلفين, ليه نقلدهم و نلغي الشكر و التقييم؟

    الخلاصة أن كل نظام له مساوئه, و كل شيء له استخدام خاطيء

    بس ده مش مبرر أني ألغي نظام بالكامل عشان كام واحد بيستخدموه غلط

    دي وجهة نظري المتواضعة
    [CENTER][SIZE=4][URL="https://www.arabhardware.net/forum/showthread.php?t=205511"]دليل مبسط لشراء الهيدفون المناسبة[/URL][/SIZE]

    [FONT=Palatino Linotype][SIZE=4][COLOR=DarkRed][I]A Storm Is Coming[/I][/COLOR][/SIZE][/FONT]

    [IMG]https://img98.imageshack.us/img98/3972/witchkinglogo.jpg[/IMG]

    [/CENTER]

  7. #7
    عضو فضي الصورة الرمزية Goldsmith
    تاريخ التسجيل
    May 2009
    المشاركات
    562
    الدولة: Egypt
    معدل تقييم المستوى
    32

    رد: نظام التقييم

    اقتباس المشاركة الأصلية كتبت بواسطة Mshadow.me مشاهدة المشاركة
    لا كلام بعد كلام الجوهري الكبير, الراجل قال كل اللي كنت عاوز أقوله



    فيه ناس أوقات بتعمل مواضيع كده, و النتيجة خناقة محترمة و benchmarks لكل أنواع كروت الشركة ديه و ديه و فوضي تامة, الخلاصة بيتقفل كده كده



    طب ما أحنا كده مختلفين, ليه نقلدهم و نلغي الشكر و التقييم؟

    الخلاصة أن كل نظام له مساوئه, و كل شيء له استخدام خاطيء

    بس ده مش مبرر أني ألغي نظام بالكامل عشان كام واحد بيستخدموه غلط

    دي وجهة نظري المتواضعة
    يا باشا حضرتك إللي متواضع مش وجهة النظر، إنت مقامك كبير يا برونزي:D
    طبعا كلام صحيح وأتفق معاك تماما، بس للأسف هو مش واحد بس إللي بيستخدم النظام غلط دول كتير أوي

    وأنا لم أطالب تحديدا بتقليد أي منتدى، إحنا بنبحث عن بديل مناسب يتفق وثقافتنا
    أنا بس ذكرت مثال، ومش عيب إننا نشوف تجارب ناس من مختلف البلاد وناخد إللي يمشي معانا وإللي فشل نسيبه
    حتى الدول بتعمل كدة لما بتيجي تنفذ مشاريع كبيرة، بيشوفوا تجارب الدول إللي عملت الحاجة دي قبلهم أو مرت بنفس الظروف أو المشكلة وبيشوفوا خرجوا منها إزاي
    ولا مانع أبدا من إدخال تعديلات بل أنا أشجع الابتكار بشدة ولا أحبذ النقل الأعمى
    [CENTER][SIZE=3][COLOR=#ff0000][B]للبيع[/B][/COLOR][/SIZE]

    [COLOR=#ff0000][SIZE=3][/SIZE][/COLOR][COLOR=#0000FF][SIZE=3][B][URL="https://arabhardware.net/forum/showthread.php?t=260013"]Router SpeedTouch 510 v4.0 4Port[/URL]
    [/B][/SIZE][/COLOR][/CENTER]

  8. #8
    عضو ذهبي الصورة الرمزية warior10
    تاريخ التسجيل
    Nov 2005
    المشاركات
    1,989
    الدولة: Saudi Arabia
    معدل تقييم المستوى
    31

    رد: نظام التقييم

    بالنسبة للى قلته هو عكس الى بنشوفه فى قسم الشهادات العلمية
    يعني مثلا اعمل موضوع واشرح فيه درس واحمل الملف مثلا على موقع تحميل
    الاقى ممكن 3 بس الى يقولو كلمة شكرا بالعافية والاقى مثلا اكثر من 200 شخص مثلا نزل الملف ده ومحدش منهم عبرني بشكرا
    انت هنا بتواجه مشكلة التقييم للا سبب
    احنا هناك بنواجه مشكلة عدم التقييم مهما حصل ومهما تعب صاحب الموضوع فى الموضوع
    فيه ناس كتير حاولت اقيمهم لتعبهم بس للاسف معرفتش علشان انا عضو برونزي
    كمان كان معدل تقييمي زمان 6 دلوقتى بقى صفر
    على العموم كبر دماغك
    الى بيعمل حاجة بيعملها لله مبيعملهاش علشان مستني حد يقيمه ولا يقوله شكرا

    [SIZE=3][COLOR=red]الحــــر يعـــرف مــــــا تــريـــد المحـــــــكمة [/COLOR][/SIZE]
    [SIZE=3][COLOR=red]وقضــــاتها سلفا قـــــد ارتشفوا من دمــــه [/COLOR][/SIZE]
    [SIZE=3][COLOR=red]لا يرتجي دفعا لبهتــــــان رماه به الطغــــاة [/COLOR][/SIZE]
    [SIZE=3][COLOR=red]المجرمون الجالسون فوق كراسي القضاة[/COLOR][/SIZE]

  9. #9
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    115

    رد: نظام التقييم

    الى بيعمل حاجة بيعملها لله مبيعملهاش علشان مستني حد يقيمه ولا يقوله شكرا
    الله يكرمك يا أخى

    هذا هو بيت القصيد ...

    ولا تزعل ... لك تقييم :D
    [CENTER]
    [/CENTER]

  10. #10
    عضو فضي الصورة الرمزية Goldsmith
    تاريخ التسجيل
    May 2009
    المشاركات
    562
    الدولة: Egypt
    معدل تقييم المستوى
    32

    رد: نظام التقييم

    اقتباس المشاركة الأصلية كتبت بواسطة warior10 مشاهدة المشاركة
    بالنسبة للى قلته هو عكس الى بنشوفه فى قسم الشهادات العلمية
    يعني مثلا اعمل موضوع واشرح فيه درس واحمل الملف مثلا على موقع تحميل
    الاقى ممكن 3 بس الى يقولو كلمة شكرا بالعافية والاقى مثلا اكثر من 200 شخص مثلا نزل الملف ده ومحدش منهم عبرني بشكرا
    انت هنا بتواجه مشكلة التقييم للا سبب
    احنا هناك بنواجه مشكلة عدم التقييم مهما حصل ومهما تعب صاحب الموضوع فى الموضوع
    فيه ناس كتير حاولت اقيمهم لتعبهم بس للاسف معرفتش علشان انا عضو برونزي
    كمان كان معدل تقييمي زمان 6 دلوقتى بقى صفر
    على العموم كبر دماغك
    الى بيعمل حاجة بيعملها لله مبيعملهاش علشان مستني حد يقيمه ولا يقوله شكرا

    الله يفتح عليك
    أنا بضم صوتي لصوتك على فكرة، ولو فكرت شوية هتلاقي إحنا ال2 عاوزين هدف واحد
    كل واحد ياخد حقه
    إللي بيتعب بجد هو إللي يستحق إنه ياخد درجات أو نقط

    ولو اقتراحي اتنفذ، كل مشرف بيكون مسئول عن قسم بيشوف المواضيع الموجودة وبيدي أصحابها درجات.
    يعني زي سياسة تثبيت المواضيع
    وان كان ليا تحفظ عليها على فكرة، يعني حكاية الفصحى دي أنا ضدها
    أنا معاكوا إنها لفتة طيبة في الحفاظ على اللغة العربية ولسهولة الفهم لكل الأعضاء من مختلف الدول العربية بغض النظر عن العامية المستخدمة في بعض البلاد وإللي ممكن تسبب صعوبة لعضو من بلد مختلف إنه يفهما
    بس ده مايمنعش إنه لو في موضوع متميز مش بالفصحى فهو يستحق التثبيت لتعم الفائدة على أكبر عدد من الأعضاء
    [CENTER][SIZE=3][COLOR=#ff0000][B]للبيع[/B][/COLOR][/SIZE]

    [COLOR=#ff0000][SIZE=3][/SIZE][/COLOR][COLOR=#0000FF][SIZE=3][B][URL="https://arabhardware.net/forum/showthread.php?t=260013"]Router SpeedTouch 510 v4.0 4Port[/URL]
    [/B][/SIZE][/COLOR][/CENTER]

  11. #11
    عضو ذهبي الصورة الرمزية vmidov
    تاريخ التسجيل
    Oct 2008
    المشاركات
    1,842
    الدولة: Egypt
    معدل تقييم المستوى
    57

    رد: نظام التقييم

    السلام عليكم
    أولا : لا أعرف حقيقه ما هى فائده هذا الموضوع أو الأخر فكلامك فى أى منهما ضد كل ما هو جيد فأنت تطالب برفض ومنع كل ما هو جيد فى المنتدى

    ثانيا : لا أشعر من كلامك على أنك تهتم بالمنتدى ولكن كل ما أشعره منه هو السخط والله أعلم على ماذا وطريقه كلامك وموضوضعك يذكرنى بعضو قد رأيه له ما يشابه تلك المواضيع

    ثالثا : لماذا سخطك الشديد على نظام التقييمات
    لا يوجد عضو واحد مجبر على نشر معلومه يفيد بها أى شخص بالمنتدى حتى لو كان شخص كريم جدا وبالتالى أقل ما يستحقه وهو القليل جدا -(فى مقابل الوقت الذى أستنفزه فى القرأه حول الموضوع + الوقت الذى أستنفذه وأقتطعه من وقته فى كتابه هذا الموضوع وتنظيمه وتنسيقه) - هى كلمه شكر ولا أقول تقييم ولكن كلمه الشكر بألف تقييم ومع ذلك رأت الأداره ألغاء كلمه الشكر بالطريقه المناسبه وأستبدالها بزر شكرا لا مشكله بذلك ولكن ألغاء التقييم فهذه مشكله كبرى
    1- كيف يشعر العضو الجديد بأنه أضاف شيئا جيدا بالمنتدى وكيف يشعر بالتشجيع والمواصله فى عمله بدون تقدير لمجهوده
    2- كيف يشعر العضو القديم بقيمته وقيمه أعماله وبضروره المواظبه والداومه على تجديد كل ما هو جديد لديه

    هل تعتقد أن تقييم من الأداره فقط يكفى بالتأكيد لا يكفى فلن يقوم كل عضو بالأداره بشكره على موضوع بغض النظر عن أن عدد أعضاء الأداره قليلون جدا نسبه لعدد الأعضاء نفسهم
    + كيف سيشعر هذا العضو بتقدير كل من الأعضاء س , ص, ع لمجهوده وكيف سيشعر أنه أفادهم فعلا بعد ألغاء مشاركات الشكر ونظام التقييم لن تكون زر شكرا (والتى أجد الكثير يضغط عليها بسبب أو بدون) كافيه لأنها لا تدل على مدى الإمتنان والتقدير لصاحب المجهود

    ويا ريت النقط ياخدها العضو مش بس عشان أول مشاركة في الموضوع (الموضوع الأصلي)

    وما الحال فى حاله أضاف صاحب الموضوع رد مهم ومفيد فى مشاركات أخرى ؟

    لأ المفروض كمان الإدارة تراعي هل العضو بيتابع استفسارات بقية الأعضاء؟

    وهل للأداره الوقت الكافى لمتابعه كل المواضيع
    وهل العضو صاحب الموضوع متفرغ لمجرد الرد على الأعضاء لاتنسى أن عرب هاردويير هو جزء من حياه كل شخص يستخدمه وليست حياته كلها

    أخيرا بالنسبه للجهر بالتقييم
    كما قال الجوهرى هو ليس جهر بالذنب أو المعصيه
    والجهر به له فوائد كثيره بعضها من تجربتى الشخصيه

    1- الجهر بالتقييم يوضح أن هذا العضو أو س قام بالتقييم بالتالى العضو صاحب الموضوع أو ص سيعلم هذا بالتالى يضع بأعتباره رد هذا التقييم وليس بالصوره البشعه التى صورتها ولكن أن يبحث العضو ص عن مواضيع العضو س المييزه وبالتالى يقوم بتقييمه على موضوع يستحق التقييم وليس أى موضوع وهذا يحدث معى شخصيا
    فليس بعاداتى البحث عن المواضيع ولكن أجد أحيانا عضو يشكرنى على موضوعى ويشجعنى على مجهودى + تم التقييم وبعد عده مشاركات أبدأ البحث عن مواضيعه كثيرا ما أجد من هؤلاء الأعضاء ما لا يستحق التقييم ولكن أيضا أجد منهم من يستحق التقييم عن أحد مواضيعه فأقيمه وأشجعه على عمله بالأضافه إلى الفائده العائده على من قرأه موضوع مميز لم أكن لأراه لولا دخول وتقييم هذاا العضو لأحد مواضيعى

    2- المجاهره بالتقييم لا تعنى أبدا أن العضو الذى أستلم التقييم مجبرا على تقييم العضو الأخر بالمقابل فلن يعلم أحد إن كان رد أليه التقييم أم لا ولكنه كما قلت سابقا سيكون دافعا للبحث عما يستحق التقييم

    3- المجاهره لها ميزه أخرى فقد تجد أحيانا من يقول جارى التقييم ولكن بعد ذلك يقوم بتعديل ان السمعات لا تسمح بالتالى العضو صاحب الموضوع يشعر بالتقدير والأمتنان من هذا العضو الذى لم يستطيع تقييمه بسبب السمعات

    4- التقييم هو الذى يفرق بين العضو القديم الذى أضاف العديد للمنتدى والعضو الجديد الذى لم يضيف شيئا أحيانا فعلا قد يتساوى الأثنين فى التقييمات بسبب المجاملات ولكن هذا قليل الحدوث + العضو صاحب المجاملات معروف والعضو صاحب المجهود معروف

    5- وأخيرا فى حاله ألغاء التقييم أو تغييره باى وسيله أخرى + ألغاء مشاركات الشكر + ألغاء - على حسب طلبك - زر شكرا
    فلن يكون هناك أى سبب لأى عضو بنشر أى من معلوماته وأفاده أى شخص بالمنتدى

    إعتراضى على هذا الرأى -ولو أنى لا أحتاج لتبرير أو دفاع عن نفسى والكل يعلم - ليس بسبب شخصى أو أننى أريد نظام التقييم بصفه شخصيه فالحمد لله لا حاجه لى به ويكفينى كلمه شكر صادقه أو دعاء صادق من شخص أستفاد من موضوع لى ولكن يجب أن يعطى كل ذى حق حقه وأن تعلم أن وجهه نظرك خاطئه بهذا الخصوص

    نسيت أقولك لا يعنى نجاح منتدى أجنبى فى تطبيق نظام أو عدمه أنه يصلح هنا فأنت هنا فى منتدى عربى أولا وأخيرا والعرب لهم عادات وتقاليد وحياه مختلفه تمام عن الأخرين وهذا فخر لنا لذلك لا يجب علينا إتباع ما أتبعه الأخرون أو رفض ما رفضوه ولكن من الممكن أخذ ماهو جيد ونراه مناسبا لنا وأستخدامه ويفضل لو تم أضافه الروح العربيه به ليكون أفضل من الأخرين
    ولا يعنى أن بعض المنتديات هم جماد أن ذلك جيد فالجماد لا روح به بالتالى لا فائده منه غير إستخدامه وبعد نهايه صلاحيته أو تلفه إلقائه فى القمامه وهذا لن يحدث بيننا بالتأكيد

    والسلام عليكم ورحمه الله وبركاته

    @ محمد الجوهرى
    - خلاصة كلامى ان نظام التقييم كان قديما مدعاة للمفخرة لأى شخص ... أما الآن فقد بات نشاط الجميع ظاهرا فى المنتدى و أصبح الحكم على العضو يتم من خلال أفكارة و مجهوداته و ليس على نقاط تقييمه.
    جمله ممتازه ولك تقييم عليها :D أو بالأدق على المشاركه كلها
    [CENTER][CENTER][SIGPIC][/SIGPIC]

    [B][FONT=Impact][SIZE=3][COLOR=Navy]أعتذر منكم إخوانى الأعزاء لأننى لا أعتقد أننى سأقوم بأى مراجعات أخرى وحتى من الممكن ألا أتابع المنتدى العزيز مره أخرى وقد أتابعه من حين لأخر ... الله وحده أعلم
    عموما يكفينى أننى تشرفت بمعرفه الكثير من الأشخاص المحترمه من هذا المنتدى العظيم وأرجو أن يدوم الود سواء كنت قريبا أو بعيدا عن المنتدى
    وبالطبع هناك قله تمنيت أننى لم أكن تعرفت إليهم قط أطلب من الله أن يهديهم ويوفقهم
    وأرجو أن أكون قد إستطعت رد ولو شئ بسيط من الجميل لمنتدانا وما تعلمته منه على مر السنين السابقه
    شكرا لكل أعضاء عرب هاردويير ولكل من قدم لى مساعده عن قصد أو غير قصد[/COLOR][/SIZE][/FONT][/B][/CENTER]
    [/CENTER]

  12. #12
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,000
    معدل تقييم المستوى
    84

    رد: نظام التقييم

    اتفضلوا بصوا على الموضوع ده (تعديل: الموضوع ده شكله هيتغير خلال ساعات، عشان كدة عملت حسابي واحتفظت بنسخة منه -بدون إذن نيابة- هبقى أرفعها لما يتغير)
    جمله تزعل أوى يعنى احنا بنغير فى الحقائق ؟؟؟ ( لك تقييم سلبى ههههههههههههههههههههه )

    --------------------------------------------------------------------------------------------------------

    الراجل لسة بيقول هعمل مراجعة، وتم التقييم
    أنا مش ضد تقييم واحد على مجهود عمله، إنما تقييم مقدم?
    هو انا معاك و مش معاك فى النقطه دى و هقول لحضرتك ليه

    موضوع عمل مراجعه هو موضوع ممل جدا و ليس بالشيق كما يظن البعض ( خصوصا لو مراجعه لكيسه تتسع لـ 5 من أفراد عائلتك )

    على ما تلف لفه فى الكيسه خدلك 3 ساعات - و على ما ترفع الصور دى ليله تانيه

    و قِس على هذا المثال فى مراجعات كتير .

    لذلك تحتاج بعض المراجعات تشجيع للشخص بالتقييم

    +

    ان الشخص المقيّم لن يستطيع تقييم صاحب العضو إللا بعد تقييم 10 اعضاء لذلك لن يقيمه مره ثانيه

    لكنّه عجّل بالتقييم من أجل التشجيع .


    بس الاعتراض على كلمة تم التقييم إللي بتتكتب في المشاركة
    الكلام ده بيفتح مجال لمجاملات من نوع واحدة بواحدة
    وحتى إللي بيدخل يرد بعد واحد من بتوع تم التقييم، ممكن يتعرض لإحراج (نظرا للعلاقة الطيبة إللي بتجمع معظم أعضاء المنتدى ببعض) ويضطر لإعطاءه تقييما بدوره
    وربما يكون من حقه فعلا، ولكن طريقة التقييم تمت بنوع من ال... ال... مش عارف أسميها إيه
    بس يعني الواحد بيلاقي نفسه بيقيم غصب عنه
    انا فاهم قصدك . ان الجمله نفسها بتحسسك انه من الواجب عليك بعد كده إنك تديله تقييم فأى موضوع جى . و انا بقولك

    متعملش كده إللا لو حاسس ان العضو يستحق فعلا

    و انا مبديش تقييم لحد إللا لو يستحق ( سواء عن مشاركه تقنيه - او مشاركه تستحق التدعيم الإيجابى )



    أنا عارف إني هفتح على نفسي نار جهنم، وكل الناس إللي في الموضوع ده هيهاجموني وهيقولوا الراجل يستاهل التقييم وفي ناس هتقل أدبها وناس هتقوللي ملكش دعوة (وإن اتقال بأسلوب مهذب ولكن بنفس المعنى)
    وأنا والله مش ضد صاحب الموضوع ده وعارف إنه هيتعب ويستاهل كل نجمة هياخدها، بس ده مجرد مثال عاوز أوضح بيه النظام ماشي إزاي (كلمة تم التقييم دي بتضايقني جدا)
    يا ابنى بلاش كده الله يباركلك . نار جهنم إيه اللى هتفتحها :D هو إحنا منتدى حربى ؟؟؟ هو هارد وير أه بس مش هارد للدرجه

    دى . وللا انت قلبك ضعيف :D:D:D:D:D

    فرفش إكده و زجطط


    أنا ببساطة أطالب بإلغاء هذا النظام من أساسه
    و أنا لا اطالب

    ولدي بعض اقتراحات
    1- أن يظل الوضع على ماهو عليه، ولكن يتعرض العضو الذي يجاهر بتقييمه لعقوبة مناسبة تراها الإدارة (وإن كان التحايل على هذا البديل سهل عن طريق الرسائل الخاصة)


    أو ربما يكون هناك اتفاقات بين بعض أعضاء على التقييم (قيمني وأقيمك)


    هى كلمه مجاهره بالتقييم أشعر انها مرادف لجمله المجاهره بالمعصيه . التقييم مش وحش و الإعلان عنه برضه له هدف

    وهو تشجيع المشاهدين على عمل مراجعات من أجل التقييم . لو النظام ده أصبح سرّى فسيتفاجأ الأعضاء ان هناك شىء اسمه

    تقييم . و قد يأتى عضو و يكتب فى وصيته بفتح الكنز ( رابط لوحه التحكم ) لتجد الأسره انه كان حاصل على تقييم مستوى عالى

    و أخفى ذلك حتى لا يتعرض للطرد :D

    - بالنسبه لموضوع قيمنى و أقيمك - انا واخد عهد انى اى اثنين هيعملو كده لهم إيقاف من عندى هديه ( خالصه الضرائب )

    لأنهم بيضرو بنظام يعتمد عليه كثير من التخطيط و النظره للأعضاء



    - أن يلغى التقييم نهائيا ويتم استبداله بنقاط من الإدارة تحت بند رصيد المتفرقات أو كما ترى الإدارة
    لو حدث ذلك ستجد ناس تتهم الإداره بالمحاباه لأشخاص لإعطائهم تقييم - و ان الإداره فاسده

    و أن المنتدى يقع يقع يقع يقع يقع

    و ان المشرف الفلانى قد أخذ كارت شحن من العضو العلانى من أجل التقييم

    و هتتحول العباره من قيمنى و أقيمك إلى إشحنلى و أقيمك

    و بصراحه الإداره وراها هم ما يتلم . و مش هتفضى كمان للتقييم

    (( لا اتحدث عنى - فأنا مثل السمكه مليش غير قسمى :D ))


    ويا ريت مننساش الهدف من التقييم أو من بديل التقييم (إحنا عاوزين نشجع الناس تعمل أحسن، وعاوزين نميز الناس إللي بتتعب ونكافئهم)
    ولا تنسى ان هناك أيضا تقييم سلبى و قد تم إعاده وضعه لكى يتم ردع كل شخص يحاول ان يضر بالمنتدى بشكل أو بأخر

    دون المساس بحقوق تواجده بالمنتدى .


    صدقنى اخى العزيز " سميث الذهبى " لقد أقترحنا مئات من الإقتراحات بل و تم تجربه الكثير منها

    لذلك كل ما اكتبه ليس تصوراً خاص بى . لكنها نتائج تطبيقات و تجارب من الإداره على هذه الأنظمه



    و يا سيدى متزعلش لك افضل تقييم ........................................ لما تعمل مراجعه إن شاء الله :D

    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  13. #13
    عضو فضي الصورة الرمزية Goldsmith
    تاريخ التسجيل
    May 2009
    المشاركات
    562
    الدولة: Egypt
    معدل تقييم المستوى
    32

    رد: نظام التقييم

    اقتباس المشاركة الأصلية كتبت بواسطة vmidov مشاهدة المشاركة
    السلام عليكم
    أولا : لا أعرف حقيقه ما هى فائده هذا الموضوع أو الأخر فكلامك فى أى منهما ضد كل ما هو جيد فأنت تطالب برفض ومنع كل ما هو جيد فى المنتدى
    ثانيا : لا أشعر من كلامك على أنك تهتم بالمنتدى ولكن كل ما أشعره منه هو السخط والله أعلم على ماذا وطريقه كلامك وموضوضعك يذكرنى بعضو قد رأيه له ما يشابه تلك المواضيع

    ثالثا : لماذا سخطك الشديد على نظام التقييمات
    لا يوجد عضو واحد مجبر على نشر معلومه يفيد بها أى شخص بالمنتدى حتى لو كان شخص كريم جدا وبالتالى أقل ما يستحقه وهو القليل جدا -(فى مقابل الوقت الذى أستنفزه فى القرأه حول الموضوع + الوقت الذى أستنفذه وأقتطعه من وقته فى كتابه هذا الموضوع وتنظيمه وتنسيقه) - هى كلمه شكر ولا أقول تقييم ولكن كلمه الشكر بألف تقييم ومع ذلك رأت الأداره ألغاء كلمه الشكر بالطريقه المناسبه وأستبدالها بزر شكرا لا مشكله بذلك ولكن ألغاء التقييم فهذه مشكله كبرى
    1- كيف يشعر العضو الجديد بأنه أضاف شيئا جيدا بالمنتدى وكيف يشعر بالتشجيع والمواصله فى عمله بدون تقدير لمجهوده
    2- كيف يشعر العضو القديم بقيمته وقيمه أعماله وبضروره المواظبه والداومه على تجديد كل ما هو جديد لديه

    هل تعتقد أن تقييم من الأداره فقط يكفى بالتأكيد لا يكفى فلن يقوم كل عضو بالأداره بشكره على موضوع بغض النظر عن أن عدد أعضاء الأداره قليلون جدا نسبه لعدد الأعضاء نفسهم
    + كيف سيشعر هذا العضو بتقدير كل من الأعضاء س , ص, ع لمجهوده وكيف سيشعر أنه أفادهم فعلا بعد ألغاء مشاركات الشكر ونظام التقييم لن تكون زر شكرا (والتى أجد الكثير يضغط عليها بسبب أو بدون) كافيه لأنها لا تدل على مدى الإمتنان والتقدير لصاحب المجهود


    وما الحال فى حاله أضاف صاحب الموضوع رد مهم ومفيد فى مشاركات أخرى ؟


    وهل للأداره الوقت الكافى لمتابعه كل المواضيع
    وهل العضو صاحب الموضوع متفرغ لمجرد الرد على الأعضاء لاتنسى أن عرب هاردويير هو جزء من حياه كل شخص يستخدمه وليست حياته كلها

    أخيرا بالنسبه للجهر بالتقييم
    كما قال الجوهرى هو ليس جهر بالذنب أو المعصيه
    والجهر به له فوائد كثيره بعضها من تجربتى الشخصيه

    1- الجهر بالتقييم يوضح أن هذا العضو أو س قام بالتقييم بالتالى العضو صاحب الموضوع أو ص سيعلم هذا بالتالى يضع بأعتباره رد هذا التقييم وليس بالصوره البشعه التى صورتها ولكن أن يبحث العضو ص عن مواضيع العضو س المييزه وبالتالى يقوم بتقييمه على موضوع يستحق التقييم وليس أى موضوع وهذا يحدث معى شخصيا
    فليس بعاداتى البحث عن المواضيع ولكن أجد أحيانا عضو يشكرنى على موضوعى ويشجعنى على مجهودى + تم التقييم وبعد عده مشاركات أبدأ البحث عن مواضيعه كثيرا ما أجد من هؤلاء الأعضاء ما لا يستحق التقييم ولكن أيضا أجد منهم من يستحق التقييم عن أحد مواضيعه فأقيمه وأشجعه على عمله بالأضافه إلى الفائده العائده على من قرأه موضوع مميز لم أكن لأراه لولا دخول وتقييم هذاا العضو لأحد مواضيعى

    2- المجاهره بالتقييم لا تعنى أبدا أن العضو الذى أستلم التقييم مجبرا على تقييم العضو الأخر بالمقابل فلن يعلم أحد إن كان رد أليه التقييم أم لا ولكنه كما قلت سابقا سيكون دافعا للبحث عما يستحق التقييم

    3- المجاهره لها ميزه أخرى فقد تجد أحيانا من يقول جارى التقييم ولكن بعد ذلك يقوم بتعديل ان السمعات لا تسمح بالتالى العضو صاحب الموضوع يشعر بالتقدير والأمتنان من هذا العضو الذى لم يستطيع تقييمه بسبب السمعات

    4- التقييم هو الذى يفرق بين العضو القديم الذى أضاف العديد للمنتدى والعضو الجديد الذى لم يضيف شيئا أحيانا فعلا قد يتساوى الأثنين فى التقييمات بسبب المجاملات ولكن هذا قليل الحدوث + العضو صاحب المجاملات معروف والعضو صاحب المجهود معروف

    5- وأخيرا فى حاله ألغاء التقييم أو تغييره باى وسيله أخرى + ألغاء مشاركات الشكر + ألغاء - على حسب طلبك - زر شكرا
    فلن يكون هناك أى سبب لأى عضو بنشر أى من معلوماته وأفاده أى شخص بالمنتدى

    إعتراضى على هذا الرأى -ولو أنى لا أحتاج لتبرير أو دفاع عن نفسى والكل يعلم - ليس بسبب شخصى أو أننى أريد نظام التقييم بصفه شخصيه فالحمد لله لا حاجه لى به ويكفينى كلمه شكر صادقه أو دعاء صادق من شخص أستفاد من موضوع لى ولكن يجب أن يعطى كل ذى حق حقه وأن تعلم أن وجهه نظرك خاطئه بهذا الخصوص

    والسلام عليكم ورحمه الله وبركاته

    هرد على كل نقطة حضرتك قولتها بالترتيب

    أولا: بالذمة ده كلام؟ إيه دليلك على كدة
    ده أنا وضحت وأكدت أكتر من مرة إني نفسي يبقى فيه تشجيع للأعضاء وفي مكافأة على المجهود
    وفي الموضوع التاني وضحت إني مرحب جدا بفكرة زر الشكر
    بلاش كلام مرسل لو سمحت

    ثانيا: والله ولا في سخط ولا حاجة، هو بس في تحفظ ورغبة في تصحيح بعض الأخطاء أو لفت النظر إليها لتلافيها
    وبعدين أنا مليش دعوة بالعضو التاني إللي حضرتك شوفته

    ثالثا: تقريبا نفس الرد بتاع أولا، يا أستاذ بالعكس كل إللي أنا عاوزه إن كل واحد ياخد حقه، ولو كلفت خاطرك وركزت في المشاركة إللي قبل مشاركت حضرتك الكريمة بالظبط هتلاقي الكلام ده

    رابعا: (بقية مشاركتك كلها)

    نعم تقييم الإدارة يكفي، والإدارة عددها كافي
    مشرف واحد في كل قسم متهيقلي بيفتح كل موضوع جديد بيتعمل في القسم بتاعه
    أكيد كل مشرف بيدخل الموضوع بيشوف المشاركة الكويسة ويكافئ صاحبها وبيشوف المشاركة الوحشة وبيحذر صاحبها أو بيعرضه لعقوبة
    يعني يجب ألا يقتصر دور الإدارة على الجزاء فقط وإنما يجب أن يمتد إلى الإثابة

    والعضو هيحس بتقدير الأعضاء س و ص من خلال ردودهم وشكرهم ليه وليس من النقاط التي تمنح بغير حساب
    وعلى فكرة أنا ماطالبتس بإلغاء الشكر ومش عارف حضرتك مصمم على كدة ليه وبتجيب الكلام ده منين، راجع الموضوع والردود كويس

    حضرتك مقتبس كلامي وكاتب تحته الجملة دي "وما الحال فى حاله أضاف صاحب الموضوع رد مهم ومفيد فى مشاركات أخرى ؟"
    مش هقول أكتر من إقرا كلامي مرة تانية بس بتركيز، واسمحلي أقوللك إن دي طلعت منك out

    والإدارة من واجبها متابعة المواضيع، وهي بالفعل بتتابع كل المواضيع، والدليل مداخلات المشرفين المستمرة في كافة المواضيع

    والعضو أنا لم أطالب أي عضو بالتفرغ لمواضيعه
    وعشان كدة لازم يكون في فرق بين العضو إللي متابع مواضيعه باستمرار وبين العضو إللي بيعمل الموضوع ويهمله أو يرميه
    وربما يكون بيطنش لجهله بإجابة بعض الاستفسارات
    وهذا يظهر في تخطي البعض مشاركات بعينها والرد على أخرى (وهنا يظهر دور الإدارة في التقييم العادل وأنا كلي ثقة في حكمة المشرفين وبصيرتهم النافذة)
    العضو إللي عاوز يتفرغ أهلا وسهلا ويستحق درجات أعلى وهكذا

    وآخر نقطة بتاعت الجهر بالتقييم، حضرتك رديت على نفسك فيها
    أنا مش بوجه انتقادي لكل من يقوم بعمل تقييم أو استلام تقييم
    ولكن بوجه انتقادي للاستخدام الخاطئ ومتهيقلي ده مايزعلش حضرتك في حاجة

    وتاني أقول أنا لم أطالب بإلغاء زر الشكر
    وحضرتك حتى لو مفيش تقييم أو شكر سيظل هناك دائما سبب يجعل الجميع يسعى لبذل أقصى مجهود لخدمة الأعضاء وهو رغبة في الأجر من عند ربنا وليس كلمة شكر أو تقييم، وأنا واحد من الناس يكفيني دعوة من القلب في الخفاء وأي حاجة بعملها هنا بعملها لوجه الله
    ولو جه عليا يوم استنيت فيه كلمة شكر من حد يبقى أروح أموت نفسي أحسن
    وأنا عمري ما عملت موضوع وتسولت من حد رد أو تقييم

    وعلى فكرة لو عضو جديد مش بيقدر يعرف مين إللي واخد رصيده بالمجاملات ومين إللي واخده عن استحقاق

    وحتى لو الناس بتقدر تميز فهل ده عدل أنا يتساوى من تعب ومن لم يتعب؟

    وفي الآخر أنا عاوز أوضح إني معنديش أي نكران لجميل الأعضاء القدامى بل أكن لهم كل تقدير واحترام
    ومش عارف حضرتك متضايق أوي ليه عشان أنا بطالب بمحاربة الجانب السلبي مع إني

    وأنا موجهتش لحضرتك أي اتهام حتى أطالبك بدفاع عن نفسك (يعني حضرتك مش محتاج توضح إنك مش بتدافع عن نفسك)

    وعموما أنا من أول ما عملت الموضوع عارف كويس إنه مفيش فايدة، وعارف إن في ناس هتزعل أوي بس مش عارف السبب



    تعديل العضو المبجل
    MF88
    حضرتك كتبت المشاركة بتاعتك وأنا كنت بكتب ماشوفتهاش

    بالنسبة لموضوع تغيير الحقائق، مش قصدي كدة، بس الراجل صاحب الموضوع المفروض إنه هيعمل المراجعة خلال ساعات ويحطها في أول صفحة، وإللي هيدخل ويشوف كدة هيقول عليا بخرف

    وأنا عمري ماهقيم حد سواء يستحق أو لا يستحق عشان مش من حقي أقيم أي حد اصلا:D

    موضوع المجاهرة ده كلكوا فاهمينوا غلط، وأنا عمال أقول أنا مش ضد التشجيع بس عاوز أقضي على المجاملات عشان بصراحة شكلها بيكون بايخ جدا
    وعلى فكرة في حياتي الشخصية لا أطيق أن أجامل أحد أو أن يجاملني أحد وغالبا ما يوجه لي انتقاد بأني صريح زيادة عن اللزوم وجارح
    أنا صارم بطبعي (برغم محبتي الكبيرة للهزار معظم الوقت) بس نفاق ممنوووووووووع


    على فكرة هو مش سميث الذهبي ولا حاجة (أنا صائغ) جواهرجي يعني

    والله عاوز أجيب جهاز بس شوية كدة وهيكون حاجة على القد يعني بس هتشوفوا مراجعة مختلفة عن إللي متعودين عليه (خصوصا إن القطع الرخيصة مفيش ليها مراجعات كتير) وهركز في المراجعة على الحاجات إللي كنت أتمنى أشوفها على أي موقع لكن للأسف مالقتش عنها اي معلومات
    فالحل إني أكتشف بنفسي وأبقى أخليكوا تعرفوا.
    بس اعمل حسابك لما أعمل المراجعة هبعتلك ع الخاص تدخل تشوفها وهطالبك بالتقييم:D
    وممكن ابعتلك كارت شحن
    [CENTER][SIZE=3][COLOR=#ff0000][B]للبيع[/B][/COLOR][/SIZE]

    [COLOR=#ff0000][SIZE=3][/SIZE][/COLOR][COLOR=#0000FF][SIZE=3][B][URL="https://arabhardware.net/forum/showthread.php?t=260013"]Router SpeedTouch 510 v4.0 4Port[/URL]
    [/B][/SIZE][/COLOR][/CENTER]

  14. #14
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,000
    معدل تقييم المستوى
    84

    رد: نظام التقييم

    انا مبقبلش كروت شحن :D هديلك حسابى على موقع الباى بال

    عشان انام مرتاحل البال

    blacksmith حداد

    goldsmith صائغ كيف فاتتنى تلك المعلومه

    يمكن عشان الشبكه مش قريبه

    :D:D:D:D
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  15. #15
    عضو ذهبي الصورة الرمزية vmidov
    تاريخ التسجيل
    Oct 2008
    المشاركات
    1,842
    الدولة: Egypt
    معدل تقييم المستوى
    57

    رد: نظام التقييم

    لا يشكر الله من لا يشكر الناس
    وهذا معناه واجب وأحقيه الشكر لكل أنسان عاقل وإن لم يكن الشكر بتلك الأهميه لكل إنسان عاقل لما كان هذا الحديث

    أولا : أسف جدا ياعزيزى لا أعرفك ولم أرى أى من مشاركاتك لهذا لم أعرف بخصوص تأكيدك على وجود تشجيع للأعضاء ومكافأتهم على مجهوداتهم

    ثانيا : لا ويجد أخطاء لتصحيحها

    رابعا :
    1- ردها تجده فى أول المشاركه
    والناس تعنى كل عضو وليس الأداره فالحديث للناس جميعا وليس لأولى الأمر

    2- بخصوص زر شكرا راجع مواضيعك الأخرى أم أنك لا تنتبه لما تكتب

    3- أعتذر بشده فلن أستطيع قراءه كلامك مره أخرى للتأكد من كلامك

    4- الأداره أيضا ليست متفرغه للمنتدى فلهم حياتهم الخاصه وكما قلت سابقا المنتدى جزء من حياه المشتركين أو اقل من هذا وليس حياتهم كلهم

    5- لايعنى عدم قدره العضو فى متابعه اسئله وإستفسارت الأعضاء أن هذا تقصير منه أو يعنى أن هناك من يستحق التقدير أكثر منه فكل شخص له مشاغله وحياته الخاصه لذلك لا حاجه فى التفريق بين شخص ليس له مشاغل ويتابع موضوعه وشخص أخر يهتم ويريد متابعه مواضيعه ولكنه لا يستطيع فيكفى أصلا أنه قام بعمل موضوع فى ظل إنشغالاته

    - بالتأكيد لا مشكله فى إستخدام التقييم بطريقه خاطئه ولكن لا وسيله بالتأكيد لمنع هذا وإلا كانت الأداره التى تثق بأرائها قد قامت بها من سنوات سابقه

    6- الرد فى أول المشاركه لا يشكر الله من لا يشكر الناس
    وهذا يكفى وحده كدليل على أهميه الشكر لأى إنسان حتى وإن كان كل ما يهمه الأجر من عند الله
    ولو جه عليا يوم استنيت فيه كلمة شكر من حد يبقى أروح أموت نفسي أحسن

    هذا شئ يعود لك وحدك ولا يعنى أبدا أنك ترى أنها وجهه نظر صحيحه أنها صحيحه قد يكون العكس ولكن إن كنت تراها صحيحه فطبقها على نفسك ولا داعى لتطبيقها على كل الأشخاص فى الحياه أو الأعضاء بالمنتدى

    وأنا عمري ما عملت موضوع وتسولت من حد رد أو تقييم

    حتى لو فعلت ذلك فواجب الشخص الذى يقوم بتقييمك إن لايقوم بالتقييم على اساس التسول ولكن على أساس الإستحقاق
    ولكن لى سؤال يشغلنى قلت
    انا عمرى ما عملت موضوع وتسولت
    هل لك مواضيع أصلا بالمنتدى أعذرنى ولكنى فعلا لم أرى لك أى شئ قد يكون بسبب عدم متابعتى لأقسام المراجعات أو كسر السرعه أو أى من أقسام الهردويير مؤخرا وتركيزى فقط بالكاد على موضوع الأسعار الأصلى

    7- حتى الأعضاء الجدد يستطيعون التفرقه بين من كان له مجهوداته وصاحب المجاملات وإن لم يستطيع فهناك من يسأل ومن لم يفعل فلم يهتم أصلا ولا فائده لأن يعرف صاحب المجاملات وصاحب المجهود

    وحتى لو الناس بتقدر تميز فهل ده عدل أنا يتساوى من تعب ومن لم يتعب؟
    لا يوجد تساوى بينهم وإن كان العضو الجديد ييرى أنهم متساويين عن طريق عدد النقاط فالأعضاء القدامى والمشرفين يعرفون من يستحق ومن لا يستحق وهذا هو المهم بالنسبه للعضو صاحب المجهودات

    وأنا موجهتش لحضرتك أي اتهام حتى أطالبك بدفاع عن نفسك (يعني حضرتك مش محتاج توضح إنك مش بتدافع عن نفسك)
    يا عزيزى لم تفعل ذلك ولكن أحب أن يكون ردى موجودا مسبقا + بفضل الله لا يستطيع أى شخص إتهامى بهذا

    وعموما أنا من أول ما عملت الموضوع عارف كويس إنه مفيش فايدة، وعارف إن في ناس هتزعل أوي بس مش عارف السبب

    لا تشئ ظنى أنا لم أزعل ولكن أحب أن أصحح الأوضاع

    وأذكرك بهذا
    لا يعنى نجاح منتدى أجنبى فى تطبيق نظام أو عدمه أنه يصلح هنا فأنت هنا فى منتدى عربى أولا وأخيرا والعرب لهم عادات وتقاليد وحياه مختلفه تمام عن الأخرين وهذا فخر لنا لذلك لا يجب علينا إتباع ما أتبعه الأخرون أو رفض ما رفضوه ولكن من الممكن أخذ ماهو جيد ونراه مناسبا لنا وأستخدامه ويفضل لو تم أضافه الروح العربيه به ليكون أفضل من الأخرين
    ولا يعنى أن بعض المنتديات هم جماد أن ذلك جيد فالجماد لا روح به بالتالى لا فائده منه غير إستخدامه وبعد نهايه صلاحيته أو تلفه إلقائه فى القمامه وهذا لن يحدث بيننا بالتأكيد


    وأسف جدا ستكون تلك أخر مشاركه لى فى هذا الموضوع بإذن الله

    وفقك الله فى مساعيك فى الخير
    وكل عام وأنتم بخير
    [CENTER][CENTER][SIGPIC][/SIGPIC]

    [B][FONT=Impact][SIZE=3][COLOR=Navy]أعتذر منكم إخوانى الأعزاء لأننى لا أعتقد أننى سأقوم بأى مراجعات أخرى وحتى من الممكن ألا أتابع المنتدى العزيز مره أخرى وقد أتابعه من حين لأخر ... الله وحده أعلم
    عموما يكفينى أننى تشرفت بمعرفه الكثير من الأشخاص المحترمه من هذا المنتدى العظيم وأرجو أن يدوم الود سواء كنت قريبا أو بعيدا عن المنتدى
    وبالطبع هناك قله تمنيت أننى لم أكن تعرفت إليهم قط أطلب من الله أن يهديهم ويوفقهم
    وأرجو أن أكون قد إستطعت رد ولو شئ بسيط من الجميل لمنتدانا وما تعلمته منه على مر السنين السابقه
    شكرا لكل أعضاء عرب هاردويير ولكل من قدم لى مساعده عن قصد أو غير قصد[/COLOR][/SIZE][/FONT][/B][/CENTER]
    [/CENTER]

صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 22
    آخر مشاركة: 30-12-2011, 08:22

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •