اللى أقدر أفيدك بيه هقولهولك.
ابعد عن لينكسيس لأنك قايل عايز حاجة سعرها معقول وده نوع غالى (4 بورت ووايرلس بأكتر من 400 جنيه آخر ما تعاملت) زائد لو كان خط تليفونك عليه تشويش فلينكسيس صعب يشتغل عليه كويس (بتجربتى) .. غير كده لينكسيس كويس وفيه إمكانيات كويسة اهمها إن الوايرلس بتاعه قوى (بسمع).. ومتوفر بكثرة فى السوق.
فى ماركة اسمها 3com ديه ممتازة بس سعرها غالى زى لينكسيس وقليلة دلوقتى.
وفى ماركة Thomson اللى اسمها السابق كان speed touch ده ممتاز بتجربتى وتفوق على لينكسيس فى العمل على خط تليفون مشوش. بس مجربتش الوايرلس بتاعه بس عموماً ماركة محترمة. وسعرها أقل من الـ 3com واللينكسيس.. بس قليلة فى السوق شوية.
وفى نتجير، سمعتها كويسة، ومتوفرة فى السوق، سعر الـ 4 بورت ووايرلس بحوالى 400، أقل شوية صغيرة من لينكسيس.
وآخر ماركتين هم d-link و tp-link ، دول سعرهم رخيص خصوصاً الأخيرة بحوالى 200 جنيه بنفس المواصفات السابقة. بس اكيد الجودة أقل شوية. لكن أنا رأيى تجربهم لأنهم شغالين كويس عند اكتر من واحد اعرفه، خصوصاً لو مش هتعمل شبكة كبيرة.
وبالنسبة للراوترات الـ 1 بورت، سعرها حوالى 50% من الأسعار السابقة.
المفضلات