طريقة منع مستخدم أو أكثر من استخدام الإنترنت على نفس نسخة الويندوز

**Goldsmith** · 29-09-2010, 02:45

أعزائي أعضاء عرب هاردوير
اليوم أقدم لكم شرح طريقة فعالة ولا تحتاج إلى أي برامج أو أدوات خاصة لإيقاف الإنترنت على حساب معين دون الآخر حسب رغبتك على نفس نسخة الويندوز
الطريقة تصلح لويندوز 7 أو xp أو فيستا

أحيانا يكون لديك جهاز في المنزل، يعمل بنظام ويندوز وعليه أكثر من حساب
قد يكون الهدف من إنشاء عدة حسابات هو أن المنزل به أطفال وتود أن تمنحهم الحق في استخدام الكمبيوتر ولكن تريد أن تقيد استخدامهم للجهاز بحيث لا يملكون القدرة على تنصيب أو إزالة البرامج
أو لأي هدف آخر
ولكن هناك هدف قد يسعى إليه البعض وهو منع الأطفال من استخدام الإنترنت للحفاظ عليهم من المواقع الضارة
أو حتى الحفاظ على وقتهم من المواقع الاجتماعية التافهة أو مواقع الشات والتعارف

فكرت في إنشاء هذا الموضوع والذي ربما يفيد بعض الأعضاء خصوصا بعد أن طلب أحد الأعضاء في المنتدى طريقة لمنع بعض المستخدمين من دخول الإنترنت مع منح مستخدم واحد الحق في الوصول إلى الإنترنت
وكان هذا هو نص ردي عليه:

المشاركة الأصلية كتبت بواسطة Goldsmith

بسيطة، بس مش بسيطة أوي يعني:D

هنعمل كام خطوة كدة مع بعض، بس هتحتاج تعملهم في كل حساب من إللي انت عاوز تقفل عليه النت
الأول لو الحساب limited غيره من حسابك انت إللي هو الحساب الأساسي واديله admin rights غيره يعني خليه أدمين هو كمان عشان هنحتاج نفتح حاجات اليوزر الليمتد مش بيعرف يفتحها أوك

من جوة الحساب إللي عاوز تقفل عليه النت (إللي هو أدمن زي حساب حضرتك بالظبط)

أول جزء
افتح انترنت إكسبلورر
tools
internet options
افتح الشريط الخاص بـconnections
واختار LAN settings
إعمل enable لـproxy server (حط علامة في المربع إللي جنبها عشان تنشطها)
إعمل الـ address على 127.0.0.1(ده إللي هو الـ Local Host ، والعنوان ده اسمه loop back يعني جهاز حضرتك هيكلم نفسه ومش هيعرف يكلم أي جهاز أو شبكة تانية، يعني نو إنترنت)
وفي الخانة بتاعت الـport غيره من 80 لـ90 ، ولو الخانة فاضية اكتب 90
بعد كدة دوس أوك هيتقفل الويندو بتاع lan settings ودوس كمان أوك في الويندو بتاع internet options

تاني جزء
فتح start
اكتب في شريط البحث gpedit.msc ودوس enter
كدة احنا فتحنا الـ Group policy editor وده محتاج أدمن عشان يتفتح (عرفت ليه غيرنا الحساب)
دلوقتي بقى امشي معايا بالترتيب كدة هنفتح الحاجات دي واحدة واحدة
User Configuration
Administrative Templates
Windows Components
Internet Explorer
disable changing proxy settings (دور عليها هي موجودة بس تحت شوية وخلي بالك انهم مش مترتيبين أبجدي)
لما تفتح آخر واحدة دي اختار enabled وبعد كدة دوس أوك وأخرج من الـgroup policy editor خلاص كدة خلصنا
الهدف من الحوار ده كله إننا نمنع صاحب الحساب إنه يغير الإعدادات إللي احنا عملناها الأول

دلوقتي تقدر ترجع الحساب بقى limited زي ماكان، ويا ريت تعمل كدة عشان يبقى اليوزر معندوش access للـgroup policy editor من أساسه
وبكدة يبقى من رابع المستحيلات إنه يدخل على النت حتى لو كان مهندس شبكات:D:D

طبعا زي ما قولت في الأول إنك محتاج تكرر الخطوات دي في كل حساب، ماعدا طبعا الحساب الرئيسي بتاعك إنت عشان تعرف تدخل على النت

تأثير الكلام ده مش بيظهر غير بعد ما تعمل ريستارت، جرب كدة بعد ما تعمل ريستارت تفتح internet options
هتلاقي مكتوب تحت كدة some options are managed by your system administrator إللي هو حضرتك

إيه رأيك في الخدعة دي يا عم؟

أنا كدة شرحت كل حاجة ماعدا طريقة تغيير نوع الحساب من administrator إلي limited والعكس
ودي أهيف من الهيافة هسيبك تعتمد على نفسك شوية فيها

ملاحظات:
هذه الطريقة تصلح لويندوز xp professional
windows vista Ultimate, Business & Enterprise
windows 7 Ultimate, Professional & Enterprise

إصدارات home basic, home premium & starter
وأيضا xp home
لا يوجد بها group policy editor ولذلك لن تستطيع تنفيذ أي من هذه الخطوات إلا من خلال الريجستري

ولهذا بحثت قليلا حتى وجدت هذا
https://www.microsoft.com/downloads/...displaylang=en

لن أقوم بشرح أي شئ من محتويات الرابط السابق لسبب بسيط جدا
معلش محدش يزعل مني
إللي مش هيعرف يفهم الكلام ده لوحده، يغير النسخة بتاعته ويسطب نسخة تانية متوافقة اسهلله
لأنه العضو إللي لسة مستني شرح من حد في الكلام ده، هيتعب الدنيا كلها معاه وفي الآخر برضه هيبوظ جهازه ومش هيوصل لحاجة