انا من محبي السماع للموسيقى والاغاني مع إني عمري ما جربت اعزف بس بحب الاغاني المهم عشان كده أنا سمعت سماعات كتير و ححكي عن تجاربي في السماعات بجميع انواعها

أول سماعة اسمعها في حياتي كنت طفل زمان كان كاسيت سوني كان في ذلك الوقت جامد كان قوته 250 rms الكلام ده سنة 1997 وأكيد مكنتش في مصر كنت عايش في الامارات في المدة ديه عشان والدي كان بيعمل هناك

المهم أول لما جت مصر سنة 2000 جبت سماعة كانت في حدود 30 جنيه كنت مضايق منها جدا صوتها صعب قعدت كده مثلا 5 سنين و جبت mp3 سنة 2003 128 mega byte كان نوعه benq وكان مدمر ايامها اعتمدت على الجهاز ده في سمع الاغاني لحد سنة 2006 لقيت ابن عمي شاري جهاز من برة 30 جيجا اسمه ال أي بود فـرحت قلت ل والدي أنا عايز هدية نجاحي جهاز زي ده قال لي ماشي بس هات درجة كويسة المهم جبت درجة كويسة و كان ساعتها مسافر السعودية فـبعتلي لينك مكتبة جرير على النت المهم لقيت جهازين 30 جيجا واحد اسمه أي بود والتاني creative zen vision:M وكان اغلى من الاي بود 100 ريال أنا اخترته عن قناعة لان شاشته كانت high definition و لما جبته فعلا طلع أقوى بس الفرق إن الأيبود فيه لعب أما ده لأ بس ده فيه راديو المهم استمتعت بيه 3 شهر لحد لما سماعة الودان باظت اشتريت واحدة تانية وبعد كده اشتريت السماعة اللي هي بتدخل في الودن من راديو شك كان الفرق جبار المهم قعدت كذا سنة بالجهاز ده وبعد كده قررت إني أجيب صب صغير فـرحت كمبيو مي و شفت كذا سماعة جربتهم عن طريق إني وصلت zen بيهم جربت كله حتى كان فيه كذا واحدة jbl we harman kardon و كانوا غاليين على الفاضي المهم اشتريت سماعة 5.1 بـ 300 جنيه وطلعت وحشة المهم خالي اشتراها مني وجابلي بدلها سماعة ب 200 جنيه قوية جدا جدا اسمها hummer كانت خشب و 2.1 وقوية و قوتها rms watt 60 و ده حاجة رهيبة بالنسبة ل سماعة بـ 200 جنيه في حين إن التانية كانت 17 و قعدت بيها 3 سنين لحد لما باظت من 3 شهر فـدورت على سماعة جامدة جدا لحد لما لقيت اللوجيتك z5500 المعروفة ولكن للاسف مش موجودة في مصر قمت دورت على حاجة تانية لحد لما لقيت edifier s550 و موجودة عند الوكيل بس جابها في شهرين ولحسن الحظ طلعت أحسن من اللوجيتك بعد لما شفت كل المقارنات اشترتها وأنا عملت عنها موضوع وده اللينك http://www.arabhardware.net/forum/sh...d.php?t=194950


لكم مني جزيل الشكر و فائق الاحترام