البرنامج ال 64 بت يفرق فى ايه عن 32 بت

**Hassan.Ali** · 03-10-2010, 22:49

البرنامج ال 64 بت يفرق فى ايه عن 32 بت

1- انا عندى برنامج ممكن ينزل 64 او 32 هل هتفرق فى قدرته اى حاجه

2- انا لو نزلته 64 هينزل فى البروجرام فيل 64 هل كده هوه معزول عن بقيه البرامج اللى نازله فى

32

بس فى بعض الفيلات المشتركه بينه و بيين البرامج الاخرى ولا اخلينى فى النسخه 32

ولا القصه كلها انه متوافق مع الويندوز وخلاص

معلش اسئله ساذجه بس محتار فيها ياريت النصيحه وشكرااا

**Mr.pOPo** · 03-10-2010, 22:54

المسألة مسألة توافق البرنامج مع نظام التشغيل x64.

لكن بالنسبة لِنُظُم التشغيل، فهناك فرق ما بين نظام التشغيل x64 نفسه و بين نظام التشغيل x32.

**Hassan.Ali** · 03-10-2010, 23:42

ياباشا تسلم لسرعه الرد معنى كلام حضرتك انى انزل البرنامج عادى 32 لانه مش هيفرق لو نزل 64 هوه

كده كده متوافق مع وينوز 7 ..صح ولا ايه

**Mr.pOPo** · 03-10-2010, 23:49

تفرق فى حالة ان الويندوز اللى عندك كان x64...

على الرغم من ان فى برامج بتشتغل على النظامين ال x64 وال x32، إلاَّ ان فى برامج لازم تنزلها بالتوافق مع الويندوز.

بمعنى ان لو حضرتك الويندوز عندك x32 يبقى ملكش دعوة خالص بالبرامج ال x64. لكن لو كان الويندوز عندك x64 يبقى نزله النسخة ال x64.

**Hassan.Ali** · 04-10-2010, 00:01

الويندوز 64 تمام المشكله ان فى ملفات مشتركه بيين البرنامج و برامج تانيه يعنى فى فولدر اسمه VST ده كل

برنامج بينزل ال VST بتاعه فيه فلو انا نزله 64 هينزل فى البروجرام فيل 64 فهو كده مفصول عنهم انا قلقان من التوافقيه

فى الجزء ده ممكن احدد مكان الفولدر فى البروجرام فيل وكله ينزل فيه بس هيبقى فى توافق ولا لا بالنسبه للبرامج

الاخرى اللى نازله فى البروجرام فيل 32

**Mr.pOPo** · 04-10-2010, 00:27

بصراحة لا أعلم موضوع ال VST. لكن اعتقد ان مفيش مشكلة لو البرنامج نزل فى الفولدر بتاع برامج ال x64. هيشتغل عادى...

هو مجرد مكان وضع ملفات البرنامج بعد التسطيب. لو حضرتك جربت تسطبه و ملفاته نزلت فى فولدر ال x64، و جيت تشغله و مشتغلش. جرب تشيله و تسطبه تانى و تخليه و هو بيسطب ينزل الملفات بتاعت التسطيب فى الفولدر اللى انت عايزه زى ما حضرتك قولت.

**Hassan.Ali** · 04-10-2010, 00:45

تعبتك معايا بس ليه سوال اخير البرنامج مش نظام التشغيل 64 من 32 مش فارقه مجرد توافق نظام صح ولا لا

**Mr.pOPo** · 04-10-2010, 01:14

لا ولا يهمك - نعم هيا مجرد توافقية. لأن نظام التشغيل x64 يختلف عن نظام التشغيل x32 فى طريقة معالجة البيانات بالإضافة الى اشياء اخرى.

و حتى فى حالة ان حضرتك نزلت البرنامج x32، على الرغم من ان نظام تشغيل حضرتك x64. البرنامج مش هيشتغل معالك خالص. الا لو كان البرنامج بيدعم النظامين معاً.

فمثلا، متصفح ال Firefox لا يستلزم تحميل نسخة x64 حتى يعمل مع نظام التشغيل x64. علشان كدا لما تيجى تحمله من الموقع الرسمى، ما بتلقيش حاجة اسمها Firefox x64 و Firefox x32

اما برنامج ال WinRAR على سبيل المثال، يستلزم نسخة x64 علشان تعرف تسطبه على ويندوز x64. لكن لو جيت تجرب النسخة ال x32 هيقولك ان البرنامج مش متوافق من الويندوز بتاعك.

و على فكرة، انا برضه شغال على نظام تشغيل x64، و هما يدوبك حوالى 5 برامج اللى اضطريت انى انزلهم x64، البرامج الباقية زى برامج الكودك و الماسنجر و برامج الدونلود اشتغلوا عادى من غير ما يكونوا x64.

زى ما قولت لحضرتك، لو فى برنامج قدامك، و لقيتله نسخة x32 و x64، وجربت تسطب النسخة ال x32، مش هيشتغل معاك. لازم النسخة ال x64..