بسم الله الرحمن الرحيم

ممكن بعض الناس تستهيف الموضوع بس انا والله مش عامله لزيادة المواضيع ولكن انا عامله لتنبيه كل الناس حتى لا يقعم فى المشكله اللى وقعت فيها وحتى لا يضيعم أموالهم هبائا مثل ماحصل معى

أنا فعلا عيشت شهر من العذاب مع موبايلى الجديد Nokia X2 من كتر التهنيج وبعد مايهنج مابيفتحش ويهنج عند كلمة Nokia والموبايل هنج عندى فى حالات كتير ساعات وأنا بصور فيديو أو صور ثابته أو بستقبل ملف بلوتوث أو أنا بلعب عليه وآخر ماتخنقت روحت أرجع الميمورى للراجل علشان أبدله بواحد 2 جيجا مارضاش خالص وقالى فات اسبوع بحاله المهم لما كلمته شويه رضى يبدلها بواحده زيها بالظبط ونفس المشاكل اتكررت وكان لازم كل شويه افرمت الميمورى ليعود الجهاز لحالته الطبيعيه قولت بس!! أكيد عيب سوفت وأكيد الشركه هتنزل سوفت جديد وكل يوم أدخل أبحث ولا أجد شيئا :mad::mad:

والمشكله انى لم أجد أحد أعرفه معاه ميمورى 4 جيجا حتى أبدله معه وأعرف العيب فين ومن يومين خدت ميمورى 2 جيجا تايوانى أصلى جاى مع موبايل واحد صاحبى وجربته لمدة ثلاث أيام ولم يحدث أى مشاكل علمت ساعتها ان العيب من الميمورى وذهبت لمحل صيانه قالى أكيد عيب ميمورى وأحسن ميمورى هو التايوانى واحترت أجيب ميمورى نضيف منين ؟؟؟وسألت هالكى قالى هات من RadioShack المهم الحمد لله اشتريت ميمورى النهارده من شركة كمبيوتر محترمه ونوعهKingstone صناعه تايوانى وسعته 2 جيجا والحمد لله صورت فيديو لمدة ساعتين ونص لوم يحدث أدنى مشكله

الخلاصه : أنا بنصح الكل يجيب ميمورى ماركه محترمه ومش هيفرق فى السعر كتير يعنى الميمورى العادى ب 30 اللى انا اشتريته ب 45 بس أحسن 1000 مره زى ماهنشوف فى المراجعه

أولا : صور الميمورى وهو فى العلبه وبعد نزعه منها














صور لل Reader المستخدم










ثانيا : إختبارات السرعه

باستخدام الAdapter SDووضعه فى ال Reader



باستخدام ال Reader مباشره






باستخدام كابل المحمول ووضعه على Mass Storage





طبعا ماشاء الله نتائج مذهله حيث يتم نقل جيجا ونصف فى دقائق معدوده وكمان فى 11 شهر ضمان !!!!!!!!!!

منه لله الراجل اللى نصب عليا وقالى ده ميمورى أصلى وانا مطلعه من كرتونه موبايل نوكيا وده علشان يبرر انه مديلى الميمور من غير علبه

يارب يكون حد استفاد من نصيحتى ومايغلطش غلطتتى سعر الميمور ال 4 جيجا Kingstone
65 جنيه علما بانى كنت شاريه ب 55 يعنى 10 جنيه فرق وكنت ريحت دماغى بس الحمد لله على كل حال

معلش طولت عليكم
تقبلم تحياتى

استفسارب بسيط : أنا شاشة الموبايل إتخربشت هل فى حد عارف الموبايل له كفرات ولا لا ؟وهل يلزم فتحه حتى يتم تغيير الكفر؟؟