السلام عليكم ورحمه الله وبركاته
لدي سؤال مهم جدا <
لو تم ارسال باكيت من كمبيوتر متصل بسويتش بسرعه 100 ميجا و هذا السويتش متصل بآخر سرعته 50 ميجا مثلا ليصل الي الكمبيوتر المطلوب. ماذا يفعل السويتش الاول والثاني ؟ كيف يتم الارسال بالرغم من اختلاف السرعه ؟ هل هناك آليه للتفاهم ؟
اخ،كم ماجد
الاخ الكريم ماجد :
السرعة تحدد علي اساس الوسط الاقل سرعة
الباكيت هتطلع من جهاز الكمبيوتر الي السويتش الاول بسرعة 100 ميجا بت في الثاينة
وتطلع من السويتش الاول الي الثاني بسرعة 50 ميجا بت في الثانية
طب واحد هيوقلي ليه بالرغم من ان السويتش الاول سرعته عالية وهو اللي بيقوم بعملية الارسال ؟؟؟؟؟؟؟؟
اقولك ان عملية ارسال الداتا ما بين جهازين علي الشبكة بتعتمد علي سرعة الجهاز المرسل وسرعى الجهاز المستقبل وسرعة الوسط اللي هو الكابلات
وبالتالي انا مينفعش ارسل بيانات بسرعة عالية لسويتش قدراته محدودة
او ارسل بيانات بسرعة عالية علي كابل ضعيف من ناحية التوصيل
مثال : اتوبيس حمولته 100 فرد بينقل جمهور الاهلي لمدينة الاسماعيلية مثلا عشان فيه ماتش مهم مع الاسماعيلي الاتوبيس مبيقدرش يدخل داخل المدينة بسبب الزحام فبيفرغ حمولته علي اول المدينة ةوبعدين بتيجي ميكروباصات صغيرة حمولتها 20 فرد عشان تاخد المشجعين للاستاد
متقوليش ان اللي هيحصل هو ان المشجعين هيوصلوا فب افواج عدد كل فوج 100 فرد لا ن ده مش هيحصل ابدا
لان الميكروباصات حمولتها 20 فرد بس وطبعا مش هيوصلوا مع بعض هيوصلوا اوحد ورا التاني
الية التفاهم بتكون عن طريق ارسال باكيتات معينة بتشتغل ك Sensor لل Link
و ذي مانت عارف ان جهاز الكمبيوتر لما بيتوصل بالكابل بياخد شوية وقت علي ما يشتغل وبالتالي في الوقت ده بيشوف الكابل سرعنه قد ايه ويشوف الجهاز المتصل في الناحية الثانية بالكابل كمان سرعته قد ايه وقدراته قد ايه
وبيشغل شوية ملفات ذي التعريفات كده بتخليه قادر علي التعامل مع الاجهزة دي بعد كده بشكل طبيعي جدا طبقا لامكانياتها وسرعاتها
------------------------------------------------------
من مواضيعي
ضوابط المشاركة
المفضلات