X4 955 OR X4 925

**schubert** · 07-10-2010, 11:27

ياريت مساعدة ورد سريع اختار انهى علما بانى حستلف 100 جنية الفرق حل يستاهل انى استلف فرق الاداء كبير ياريت السرعة لانى حاشترى ليوم ان شاء الله

**fox_man88** · 07-10-2010, 11:44

'طبعا بروسيسور 955 كويس جدا و بكسر بسيط توصل الى 965 بس من الاخر هو مش محتاج الى اى كسر
و لو تحب اوفرلك واحد استعمال بسيط ب 800 من غير متستلف تاريخ الشراء من شهر 2 فى اخر الشهر ممكن ابعتلى
و على فكره البروسيسور لم يتم عمل اى كسر للسرعه ليه نهائى نهائى

**CR@N$H** · 07-10-2010, 11:47

حستلف 100 جنية

انصحك بكسر السرعة عوضا عن الإستلاف
لذلك اشتري ال925 و توكل على الله و بعد ذلك اعمل موضوع في قسم كسر السرعة لمساعدتك فيه

**| MAX |** · 07-10-2010, 15:03

المشاركة الأصلية كتبت بواسطة CR@N$H

انصحك بكسر السرعة عوضا عن الإستلاف
لذلك اشتري ال925 و توكل على الله و بعد ذلك اعمل موضوع في قسم كسر السرعة لمساعدتك فيه

+1

**Muhamad Amru Eldan** · 07-10-2010, 14:15

اخي اذا لم تكن جيد في كسر السرعة فا 955 افضل بحسب رائي الشخصي والله اعلم لانه يمكنك من رفع معامل الضرب (لانها مفتوحة) وهذه الطريقة اسهل من رفع ال fsb الذي يرتفع معه الرامات وال ht link و واحيانا لا يقلع الجهاز وتحاج الى تعديل الفولتات والقيم اما اذا كنت تريد تعلم كسر السرعة فهات 925 وساوي موضوع بقسم كسر السرعة كما قال لك الاخ كرانش ورح يساعدك (ما شاء الله هو 24\24 ساعة بالمنتدى)

**احمد دهمه** · 07-10-2010, 15:08

وطبعا لو حتكسر سرعة لازم لك مشتت احترافي ب 220جنيه زي hyper 212
لان حرارة البروسيسور حتزيد بالاضافة انه 125 وات والمشتت اللي بييجي معه بيعمل صوت اجارك الله ناقص ينادي على الجيران
ويقول الحقوني
بالتالي احسبها ثمن المعالج ال 925 800+220 تمن المشتت =1020
يعني لو جبت Phenom II X4 965 3.4GHz, 8MB Cache السعر 990 جنيه دون كسر وعلى المشتت اللي ييجي مع المعالج شوف توفر ايه والمعالج حيكون ايه

ارجو اقناعي بعكس ذلك ولكم الشكر

**ahmedelsabbagh** · 07-10-2010, 15:12

وهو ليه يكسر سرعة اصلا حتى لو اشترى 925 فالمفروض ان آداءه ممتاز . وهو لم يحدد استخداماته للجهاز هل تستحق هذا البروسيسور ام لا .

**schubert** · 08-10-2010, 00:44

الحمد للة اشتريت x4 955 عشان اريح دماغى من الكسر بس كنت عاوز اسال انا عندى الماذر msi 770 والمروحة بتلف على 3300 rpm دة كتير ولا معقول قصدى ازاى اقللو من الماذر عن كريق السمارت ياريت حد يدلنى وشكرا لكم

**CR@N$H** · 08-10-2010, 00:58

غالبا ما تكون هذه الميزة مفعلة بشكل تلقائي
على كل حال حمل برنامج الCpu-Z و تأكد من انخفاض التردد اثناء الخمول "في حالة عدم تشغيل أي برامج"
و3300 دورة طبيعية مع مشتتات AMD الإفتراضية للأسف

**schubert** · 08-10-2010, 02:20

شكرا اخ cransh على الرد
انا عندى البرنامج كبف اعرف انخفاض التردد والشىء الثانى لاحظت شيئين
1-الرامة 2 جيجا ddr3 تظهر بتردد 667 مع العلم انها 1333 لماذا
2-l3 cashe يظهر 6 ميجا مع ان مكتوب عن البروسيسور انة 8 ميجا فى المواقع لماذا ايضا؟

**CR@N$H** · 08-10-2010, 02:33

أنظر إلى قيمة الCore Speed في تبويب CPU لمعرفة التردد

الرامة 2 جيجا ddr3 تظهر بتردد 667 مع العلم انها 1333 لماذا

هذا أمر طبيعي لأن التردد المذكور هو التردد الحقيقي و ينتج عن تقسيم تردد الذاكرة المعروف على 2

2-l3 cashe يظهر 6 ميجا مع ان مكتوب عن البروسيسور انة 8 ميجا فى المواقع لماذا ايضا؟

على ما أذكر ان المعالج كان يحتوي على 6MB من ذاكرة L3 و 2MB من ذاكرة الL2 ويكون المجموع 8MB

**schubert** · 08-10-2010, 10:59

الف شكر اخى العزيز CR@N$H قمت بالفعل بالتجرية وتاكدت من انخفاض التردد الى 800 فى الخمول والحرارة فى الخمول 32 وعند الضغط ماشاء الله 39 والكور بيبقوا 42