السلام عليكم
قمت البارحة بشراء كارت شاشة جديد sapphire hd5850
وقمت بتركيبه وتوصيل الوصلات
أول مشكلة قابلتني إن الرامات مش شغالة والجهاز بيدي صفارة ( ودي مش أول مرة تعمل الموضوع ده ) قعدت أشيلها وأركبها لحد الجهاز ما إشتغل وقعدت ألعب شوية ألعاب كدة ومرة واحدة النور قطع وقعد فترة قاطع أنا ساعتها كنت فصلت الباور عن الجهاز بالكامل
المهم بعد النور ما إشغل تاني شغلت الجهاز وطلعتلي الرسالة الي بتقلي أختار من
start windows normally  و الرسالة إلي بتقول start windows in safe mode
المهم أنا دوست كالعادة علي الإختيار الأول وبعد كدة الشاشة الزرقاء طلعت والجهاز عمل ريستارت لوحده وبعد كدة إشتغل كويس
دخلت نمت وسيبت الجهاز شغال يعمل download ولما صحيت لقيت رسالة بتقول error report windows has recovered from unexpected error description blue screen
ومعناه إن الجهاز وهو شغال لوحده الشاشة الزرقاء دي حصلت وعمل إعادة تشغبل مع نفسه
محطتش في بالي وقعدت ألعب لقيت أثناء اللعب حاجة غريبة اللعبة بيحصلها تجمد تام مع إن الصوت شغال كويس وبعد كدة الشاشة تطفي لوحدها وبعد كدة ترجع الصورة طبيعية ( تطفي بمعني إنها تفقد إشارة وليس إغلاق طاقة )
فإتصلت بالشركة إلي أنا جايب منها الفيجا وقالي إنه صعب الفيجا تعمل شاشة زرقاء فقالي جرب نزل ويندوز وشوف
نزلت ويندوز وبعد كدة بشغل windows live messenger نفس التجمد إلي حصل في اللعبة حصل تاني وبعد كدة كمل شغل بس في رسالة ظهرتلي ساعتها بتقول amd driver stopped responding and has recovered
قلت أتأكد من توصيلات الأسلاك فكيت كل الأسلاك وركبتها تاني وفكيت الرامات ونظفت ال slot الخاص بيهم وحطيت واحدة بس
وشغلت الجهاز برضه جات الشاشة الزرقاء قعدت أعمل ريستارت للجهاز برضه كل شوية بتيجي غيرت مكان الرامة وبرضه مش راضية تروح إخترت الإختيار التاني بتاع start windows in safe mode وعملت restart من هناك والجهاز إشتغل تمام لعبت علي كدة ومحصلش تجمد
جربت الرامة التانية وعمل نفس الحوار تاني ولما الجهاز بيشتغل بشتغل كويس
حطيت الرامتين مع بعض عملو نفس الحوار لحد ما أدخل علي ال safe mode وأعمل إعادة تشغيل من جوة السيستم عشان الجهاز يشتغل
خلاصة الموضوع الجهاز شغال تمام بس من شوية علق وإضطريت أعمله إعلادة تشغيل من الزرار إلي في الكيسة
وحصل الموضوع ده تاني وأنا الصراحة إحترت مش عارف المشكلة فين
أسف جداً علي الإطالة بس حبيت أشرح الموضوع بالتفصيل