بسم الله الرحمن الرحيم
السلام عليكم ورحمة الله وبركاته
كنت حابب استفسر منكم بخصوص شوية حاجات اتمنى انكم تقدروا تفيدوني فيها
حاليا انا امتلك جهاز بالمواصفات دي (وبالتفصيل عشان احدد بالظبط كل حاجة ههههههههه):
Mainboard: g31m-es2l v.1.1
Memory: رامتين كل واحدة 1G ddr2
اما البروسيسور فهو العقيم المستفذ intel pentium 4 -3.00ghz
ومركب هارد 500 مع هارد 160
وكنت عملت ابديت للبيوس بتاع البرودة من ايام وكان الاصدار f4 خليته f10 والحمد لله
دلوقت بقى مشكلتي الازلية في شغل الجرافيكس اللي بعمله وهو مش 3D وبصراحة الجهاز امكانياته مع شغلي كويس ومفيهوش مشكلة بس حابب اجيب حاجة احسن وتكون مناسبة كمان للالعاب الجديدة اللي تقريبا مفيش منهم لعبة بفكر حتى انزلها او اجيبها (اخاف يطلعلي حاجة من اللعبة تشتمني وتقولي امشي بجهازك ده ههههههههه)
فبصراحة لضيق ذات اليد حاليا وبعد بحث على موقع جيجابايت لقيت ان البوردة بتاعتي بتدعم بروسيسورات كويسة جدا حاليا (على حسب كلام موقع الشركة) وعملت حسابي وعملت ابديت للبيوس زي ما قولت عشان كان في اصدارات لبروسيسورات احدث عاوزة ابديت للبيوس
دلوقت كام سؤال واسف على الاطالة :
- الرامات عندي من خلال البحث عن الالعاب وامكانيات البرامج اللي بشتغل عليها مفيهاش مشكلة - لكن المشكلة في اني محتاج بروسيسور وكارت شاشة .. خصوصا اني صعب ادخل في قصة بوردة جديدة وبالتالي فلوس اكتر وساعتها كمان هحتاج رامات جديدة مناسبة ليها DD3 وبالتالي الخلاصة ساعتها هجدد الجهاز كليا وانا محتاج اكتر بروسيسور وكارت شاشة فقط واركز فيهم الفلوس اللي معايا
فدلوقت لقيت ان انسب كارت شاشة تقريبا في حدود امكانياتي الحالية اللي مش ينفع تزيد اكتر من 1000 جنيه للبروسيسور والكارت هو كارت
ATI GIGABYTE HD 4670 1GB DDR3
فهل الكارت ده كويس وهيشتغل معايا كويس ولا في مشاكل وفي الاخر هلاقي ان ما املك راح هدرا ؟؟؟؟؟
- تاني حاجة بخصوص البروسيسور .. دلوقت لقيت ان البوردة عندي حسب كلام جيجابايت مش كلامي والله يشتغل عليها عادي
Intel Core 2 Duo E7500 2.93 GHz / 3 MB
هل لو جبته هيشتغل عادي ولا هيعمل مشاكل .. خصوصا ان على حد علمي انه الا حد كبير معالج جيد واعتقد انه هيعطيني كفاءة كبيرة في شغل الجرافيكس الخاص بالطباعة والويب بجانب انه هيغطي اغلب الالعاب والتطبيقات اللي ممكن استخدمها .. ارجو التوضيح هل هيعمل مشاكل معايا بسبب البوردة او الرامات ولو في مشاكل هتحصل لا قدر الله هتكون في حدود ايه ؟؟؟؟؟؟
-تالت حاجة .. حسب اللي قولته ده هحتاج باورسبلاي جديد ولا لا .. علما ان عندي الباور الكسحان بتاع البوردة اللي تقريبا مكتوب عليه 300w
وايه اللي ممكن احتاجه بخصوص مراوح التبريد لو الافضل اني احط مراوح تبريد اضافية خصوصا اني فاتح البوردة ديما ومع ذلك الجهاز بيفصل كتير في ايام الحر الشديد وبلاقي حرارة البروسيسور بتعدي 60 ومؤخرا بدأ يفصل بس تقريبا دلوقت بسبب مشكلة في مروحة الباورسبلاي على ما اعتقد لان حركتها تقيلة شوية وساعات بتكون واقفة في بداية تشغيل الكمبيوتر
-رابعا .. الحاجات دي هل هتفرق في موضوع ال 64bit والكلام ده ؟؟؟ انا شغال على 32 اللي هو تقريبا بيقولو عليه 86x والبرامج بتاعتي كل اصداراتها عليه .. هل ساعتها في مشاكل وهشتغل على نفس ال 32 ولا ايه ؟؟؟ ولو حد يقدر يوضحلي ايه الفرق بينهم وانهو افضل وبيكون على اساس ايه بتشغل 86x او 64 وهل ممكن اللي يشتغل على 64 يسطب عادي على نفس النظام برامج وويندوز 32 ولا كل حاجة وليها مناخها .. اسف على جهلي بهذا الامر لاني لا افقه فيه شيئا
ارجو الاهتمام واسف جدا على الاطالة الشديدة .. لكن بجد عشان الموضوع مهم بالنسبالي
والسلام عليكم ورحمته وبركاته
كرت الشاشة و المعالج جيدان و هما متوافقان مع اللوحة
بالنسبة للبور سبلاي تحتاج الى بور من ماركة جيدة 350 واط كافي لان كرت الشاشة لا يستهلك طاقة كبيرة
و لو جبت 400 وط او 450 يكون افضل علشان المستقبل ممكن تغير كرت الشاشة
[CENTER][COLOR=#ffffff]
[/COLOR][COLOR=#ffffff][URL="https://www.hardfolding.com/fh_stats/?pz=102&tnum=155660&id=2022174"][IMG]https://www.hardfolding.com/fhtag.php/mem/2022174/72/1.png[/IMG][/URL][/COLOR][COLOR=#ffffff]
[/COLOR]
[/CENTER]
المفضلات