weka_3x

**weka_3x** · 16-10-2010, 18:10

انا ياجماعه اشتريت رمات ocz من ماكس مم هرد وير في سوق العصر اشتريت 3 رمات بكت كامل علي بعضه وطلع في رامه فيهم فيها مشكله وودتهاله ورجع يقلي هيتعملك مرتجع 400 جنيه بسعر الرامه التالفه والتنين التنيين هيرجعهملي ازاي مش عارف رغم ان البكت 3 اتشنل يا يكون علي بعضه يا يرجع علي بعضه ولو اخت الرمات كده هخسر فلوسي عشان الرمات باص 1866 ومش هلقي رامه لوحدها نفس الباص وكده كفات المازر بورد هتقل ومش هينفع ابيع الرمات يعني هخسر 1100 جنيه عشان الرمات ب 1500 ولما حولت اتكلم مع صاحب المحل قلي ملكش ضمان عندي روح للوكيل رغم اني اشتريت الرمات من عنده ازيد حوالي 100 جنيه عشان القي احترام في الضمان وفي الاخر يقلي روح الوكيل انا اصلا معرفش مين الوكيل ولو اعرفه هيقول مشترتش من عندي حاجه وده صح عشان لو شريها من عنده اكيد هيكون السعر اقل انا مش عارف اعمل ايه انا بنص الكل بحكتين الاول ان محدش يتعامل مع ماكس مم عشان سؤ المعمله وسؤ الضمان ومحدش يشتر رمات ocz تمامنعشان مش كويسه وكمان ضمنها كده مش مضمون لو في حل لمشكلتي يار ت حد يجاوبني يارت اسم المحل بالاانجليزي maximum hardware سوق العصر محل 203 سارت ياجماعه خله بلكه انا بجد بنصحكم عشان محدش يحصله اللي حصلي ونا في انتظار رضكم شكرا جدا لحسن اهتمامامكم واسف اني ازعجتكم

**alsharkawi_amr** · 16-10-2010, 19:23

غريبة جدا من ماكسيموم

مش مظبوطة ريحة الطبيخ مش عارف العيب من الحلة ولا من الخضار "هلاوس طماطم"

**kikofrakiko** · 16-10-2010, 20:48

اولا انا مصدقش ولا كلمة من اللي قولتها علي Maximum Hardware

بصراحة ناس في غايه الاحترام

ممكن تكون بتتكلم و انت محروق بسبب مشكلة الرامات دي

و ان شاء الله تلاقي حل

**Goldsmith** · 16-10-2010, 22:05

ما تخدش الحكاية قفش كدة، الشركة محترمة ومحدش اشتكى منها قبل كدة
جايز انت فاهم غلط أو حصل أي سوء تفاهم أو حصل غلط من حد من إللي شغالين في المحل
جايز أسلوبك كان وحش معاهم

أصبر شوية وشوف تعليق أي حد من ممثلي الشركة هنا هيقول إيه وإن شاء الله هتاخد حقك لو ليك فعلا حق

**a.ewais** · 16-10-2010, 22:20

حضرتك عندك استاذ هانى.....كلمه على الخاص وشوف هيقولك ايه.....
https://www.arabhardware.net/forum/member.php?u=11124300

**MaXiMuM . HW** · 17-10-2010, 02:38

الموضوع بأختصار ,,
حضرتك اشتريت كيت رامات OCZ Reaper Series 6GB (3 x 2GB) DDR3 1866 CL9 منذ فترة ..
حصلت مشكلة فى الرامات .. حضرتك جيبتها لينا .. واحنا بدورنا ارسالنها للوكيل qds ,,
وبعد كشف الوكيل عليها وجد ان أحدى الرامات بها عيب فقرر تخصيم الرامة فقط بمبلغ 415 جنيه ,,
حضرتك لما جيت تسأل على الرامات قولنا لك ان الوكيل قال ان فى رامة هتتخصم وان الرامتين التانين هيرجعوا ..
حضرتك اعترضت على قرار الوكيل .. عرضنا عليك انك تروح تكلمه بنفسك قولت لأ انا شارى منكم ..
قولنا لحضرتك خلاص احنا هنكلم الوكيل مرة اخرى ونحاول اننا نوصل لحل .. حضرتك قولت ماشى ومشيت
بعدها بدقائق لقينا حضرتك داخل و معاك عسكرى من القسم وبتكلم بأسلوب سيئ ..
اعدنا عليك نفس الكلام مرة تانيه رغم سوء نيتك
تانى يوم لقيناك عامل محضر فى القسم

هل هذا تصرف يصح .. الضمان ضمان الوكيل وليس ضمان المحل عندى .. انا مجرد حلقة وصل فى موضوع الضمان .. ولو حصلت مشكلة فى الضمان بحلها مع مسئولى الشركة وده اللى انا عرضته عليك و اتفقنا عليه و كنت هعمله يوم الاحد زى ما بلغتك ..

فايه التقصير اللى حصل تجاهك؟!
جيبت الرامات بعتناها للوكيل
قولنالك رد الوكيل معجبكش
قولنا لحضرتك هنكلمه تانى و نشوف حل للموضوع
رحت اشتكيتنا فى القسم

عامة مهما كانت تصرفاتك واسلوبك .. يبقى حقك كمشترى واجهته مشكلة فى احدى المنتجات التى نقوم ببيعها
غدا يوم الأحد سنقوم بالأتصال بالوكيل و نناقش معه حل لهذا الموضوع

اخيرا : الرامات Reaper 1866 من يوم ما دخلت لغاية لما خلصت الشحنة اللى فاتت كانت بتتباع ب 1500 .. اللى كانت ب 1400 هى ال Platinum 1866
بلاش الأفتراءات دى لأنها هتخلى شكلك وحش قدام الناس ,,
تحياتى

**| MAX |** · 17-10-2010, 02:49

تانى يوم لقيناك عامل محضر فى القسم

:eek::eek:
يعمل محضر علشان رامة الامر لا يستحق :eek: غريب جداً هذا الشخص :eek:

**Prince_Saad** · 17-10-2010, 08:16

بعدها بدقائق لقينا حضرتك داخل و معاك عسكرى من القسم وبتكلم بأسلوب سيئ ..

رحت اشتكيتنا فى القسم

واليوم يشكيك لمنتدى عرب هاردوير

لا حول ولا قوة الا بالله

اخي العزيز ليست كل مشكلة تنحل بالشكاوي والاخ MaXiMuM . HW كان كريم معاك ولا يزال يتحرى المشكلة من الوكيل

**dune2000** · 17-10-2010, 13:45

هى فعلا مشكلة ياشباب قبل الافتراء على اى من الجانبين

الراجل دلوقتى جايب المجموعة علشان يعملها Triple channel
فى رامة فيها تالف فكدة مش هينفع يعوضها باى بديل لاسباب عديدة جدا يفضل ان الرامة تكون نفس الموديل وحبذا لو كانت باكت
هو دلوقتى مش هيعرف يعوضها وهيخسر تقنية هامة فى جهازة جدا

فطبعا اكيد هو مضايق الموقف صعب

والسؤال اللى انت محتاجة وانا هردلك علية من وكلاء تانى مختلفة .هل الضمان على الباكيت فى حالة تلف واحدة المجموعة كلها تبدل ولا على رامة رامة بداخل الباكيت

لو على رامة رامة بداخل الباكيت يبقى الناس عداهم العيب وطبعا هما عوضوك كا اى ضمان محترم جدا
وساعتها قدامك حل من اتنين انك تتفواض معاهم اى كان الطريقة اللى انت بتفضلها (خد بالك انهم اصحاب حق)
والحل التانى وهو افضل انك تاخد الفلوس وتعرض راماتك للبيع كرامتين ديوال اتشنال والخسارة ربنا يعوضهالك فى حاجة تانى

طيب لو على الباكج كلة (هيختلف من توكيل للتانى )انا هسال توكيلات تانية فممكن ميكونش بيطبقوا السياسة دية بضمانهم بس اقلها نكون عرفنا ميزة اضافية للضمان انة بيضمن القطعة ولا المجموعة

وعامة بالتوفيق وان شاء الله تلاقى حل مناسب

**Prince_Saad** · 17-10-2010, 15:00

عالعموم ان شاء الله الاخ MaXiMuM . HW ما راح يقصر معك

هم ناس افاضل وسمعتم طيبة في المنتدى وهو في المقابل لن يسيء الى سمعته مقابل رام

**MaXiMuM . HW** · 17-10-2010, 16:54

الصبر مفتاح الفرج
بعد التحدث مع المسئولين فى شركة QDS الناس مشكورين تفهموا الموقف ووافقوا على استبدال كيت الرامات بالكامل بأخرى جديدة..
الأخ صاحب المشكلة يمكنك ان تتفضل فى الشركة فى أى وقت لأستلام كيت جديد لنفس الرامات ..

كل ما فعلته لم يحدث لك شي سوى تصغير صورتك ..
كان يكفى فقط الثقة فى قدرتنا لحل الأمور والصبر لليوم الأحد .. ولكنك انسان متسرع و سيئ النية ..

تحياتى ..

**S@M** · 17-10-2010, 20:16

@

weka 3x

يا عزيزى ...انا اثق جدا فى ماكسيمم هارد وير ...وفى تعاملااتهم لآنى اتعامل معهم منذ عامان تقريبا ولم اجد يوما منهم الا كل خير

من المؤكد ان ما اخبروك بة لم يكن من تفكيرهم ..بل بناء على رد جاء من الوكيل وبناء على هذا الاساس كان هو ردهم عليك

@
ماكسيبمم هارد وير

اليس من حق العميل استبدال باكيدج الرامات كاملة فى حالة ظهور مشكلة فى واحد او اثنين من الرامات !!!

لماذا لم تحاولو اقناع الوكيل ان هذا سوف يعود على العميل بالخسارة ؟

كل ما فعلته لم يحدث لك شي سوى تصغير صورتك ..
كان يكفى فقط الثقة فى قدرتنا لحل الأمور والصبر لليوم الأحد .. ولكنك انسان متسرع و سيئ النية ..

على العكس يا عزيزى ...هذا العضو يرى الان انة وصل الى حقة التائة بعد عملة المتسرع من وجهة نظرك

@

qds

شكرا على تدخلكم السريع وحل الموضوع للعضو صاحب المشكلة طبقا لكلاام الآستاذ هانى

ولكن لى تعليق بسيط

لما التوكيل كان فى ايدية يحل المشكلة من الاول !!!

محلهاش لية .....لية استنى ..لما الموضوع يوسع كتير ...والعميل يتعب ويطر الى الى توسيع الموضوع بهذة الصورة

سواء بعمل محضر فى القسم ..او بالشكوى بهذة الطريقة فى المنتديات او غيرها من الاساليب التشويهية !!

المفروض فى متابعة على قسم الصيانة ..

@

الى الاعضاء الذين سخرو من تصرف العضو صاحب المشكلة

هل احد فيكم جرب ان يكون مكانة ويشعر انة سيخسر فلوسة للحظات بسبب عدم توفر المنتج حاليا ؟؟

ضعو انفسكم دائما مكان صاحب المشكلة ...ستعرفون ان الله حقّ

--------------------------------------------------

اخيرا ارجو ...من احد المشرفين تعديل عنوان الموضوع ...لآن من الواضح ان العضو جديد ولا يعرف اسلوب المشاركة

وارجو من الجميع تقبل مرورى

وشكرا لكل الاطراف اللى تدخلت لحل المشكلة