صفحة 1 من 2 1 2 الأخيرةالأخيرة
النتائج 1 إلى 15 من 20

الموضوع: مراجعة شخصية للكارت الجامد EVGA GTX 470 SSC

  1. #1
    عضوية جديدة
    تاريخ التسجيل
    Oct 2010
    المشاركات
    28
    الدولة: Egypt
    معدل تقييم المستوى
    0

    مراجعة شخصية للكارت الجامد EVGA GTX 470 SSC



    أهلا شباب انا كريم وده اول موضوع ليا هنا
    واحب اقول انه جميل انى الاقى ناس كويسة ودماغها نضيفة

    أنا بعد كتيييير من الحيرة جبت كارت
    EVGA GTX 470 SSC



    وحبيت اراجعه هنا بسرعة بدون أرقام لحد ما اعمل مراجعة شاملة وادى يا جماعة التفاصيل اللى اى حد مهتم

    يجيب كارت فيجا عالى يمكن المعلومات تهمه.

    1- الشكل العام

    حبيت ابدأ واقول ان حجم الكارت كبير جدا.. يعنى لو انت مكنتش شوفته قدامك قبل كدة فأنت حتعد تضحك

    شوية على حجمه فهو قعلا درج مش كارت فيجا فلو ناوى على فيجا عالية اتأكد ان عندك مساحة ولازم توسعله

    كويس بعيد عن اى جاك هارد او اى حاجة

    2- الطاقة

    كنت متوقع انى ححتاج توربينة بنزين احتياطى للكارت ده مش مجرد باور عادى لكن المفاجأة جت فى حاجتين

    . اولا واضح ان تكنولوجية الأستهلاك اتغيرت جدا فمبقاش بالضرورى ان لازم كل ما الحاجة تطور لازم

    السحب يزيد وثانيا الكارت عالى الأداء جدا فا فى الاغلب انت مش حتستخدم اعلى امكانياته لان ده حيحتاج

    تطوير حاجات تانية كتير قوى زى البروسيسور والشاشة نفسها علشان الدقة العالية والبوردة علشان تتحمل كل

    ده.

    انا عن نفسى شغلت الكارت على البروسيسر المعجزة
    AMD Phenom X2 555

    وللاسف بالرغم من انه فعلا بروسيسور معجزة على تمنه الا انه عجز اداء الكارت شوية ولكن ده تقريبا

    حيحصل معاك ومع كله لان الأداء النهائى للكارت مش حيظهر الا مع بروسيسور I7 950

    الكارت مع القياس مكتوب عليه انه محتاج 550 وات باور سبلاى لكن هوة بيشتغل عادى على اى باور كويس

    اكيد انسى انه يشتغل على اى باور اقل من 200 جنيه نهائيا فى الاغلب لو حاولت تعمل كدة فالكارت حيصهر

    الباور

    لمجرد المراجعة فأعلى سحب للكارت هوة 270 وات ده تحت اعلى ما يمكن ولكن فى حالتى انا مسحبتش

    اكتر من 210 وات فأنا متطمن لما اقول ان اقل باور سبلاى للكارت ده هوة 400 وات موديل نضيف
    تشغيل الكارت على موديل 350 وات الجاما المشهور الكارت حيشتغل برده لكن اذا السحب زاد فالجهاز

    حتلاقيه بيفصل منك لان الباور مش مكفى...

    اذا كانت الميزانية ضيقة يبقى شغلها على اى باور دلوقتى ومتعليش فى دقة الرسوميات حتشتغل تمام لحد ما

    تغير لكن الحد الادنى باور 350 وات من ماركة جاما HEC او 400 وات Cooler Master

    الكارت بيحتاج لمصدرين طاقة من نوع
    2X 6 PIN
    وجى مع الكارت وصلتين تحويل لو الباور بتاعك مفيهوش النوع ده من الكابل لكن انا مش بنصح ابدا

    باستخدامهم لان لو الباور بتاعك مفيهوش الكابلات دى يبقى باور ضعيف او قديم

    بالنسبة لكسر السرعة فده قصة تانية خالص.. اقل باور لازم يبقى 500 وات وده قليل مش حتستفيد قوى

    معاه حتحتاج 600 وات وياريت لو جاما

    3- الحرارة

    للأسف الكارت عبارة عن سخان يونيفرسال يعنى ممكن توفر فى فواتير الغاز وتستخدم الكارت كوسيلة تسخين

    مكانه.
    حرارة الكارت عالية وكويس قوى نظام التخلص من الحرارة الجديد اللى موجود على الكارت فالكارت زى ما

    انت شايف متغطى كله ماعدا ورا وقدام للتخلص الحرارى بدل ما الحرارة تهرب على جهازك. فى الأغلب

    انت مش حينفع تقفل الكيسة مع الكارت ده حتعمل زيى وتسيبها مفتوحة لأن الحرارة حتسخن الجهاز جدا لو

    قفلت الكيسة .

    مع كسر السرعة الدنيا حتبوظ اكتر للأسف كسر السرعة مع الكارت الفحم ده لازم معاه تبريد جامد فى الجهاز

    كله لازم كيسة بشفاط قوى خارجى او تبريد مائى لكن كيسة عادية يبقى ابعد الهاردات او اى حاجة قريبة من

    الحرارة.

    للمراجعة حرارة الكارت ده هية الاعلى مع كل الكروت المناظرة من ATI زى 5850 - 5870
    لو ناوى تقفل الكيسة وتلعب جامد يبقى جهز طفاية بفارية جمبك لازم

    4- التوصيل

    مفيش مشاكل خالص الا زى ما قولت مع الحجم. حتحس انك اتقلبت نجار وبتحاول تدخل درج مش كارت

    فيجا. فوسع لنفسك الاول. التوصيل بسيط للغاية

    5- الأكسسوارات

    واضح ان الجماعة بتوع EVGA دول بخلاء قوى مفيش اى حاجة خالص عدلة مع الكارت يادوب اللى يشغلك

    وتبوس ايدك وش وضهر ده حتى المانيوال تحس ان اللى كتبه كان مستعجل ولا كاتبه ببلاش فقالك اى كلام من

    نوع حط هنا ووصل هنا واوعى تعمل كدة وشكرا

    الحاجة الوحيدة اللى ممكن تتحسب هيو كابل HDMI لو انت جامد وعندك شاشة بلازما ولكن برده ده أخره

    50 جنيه من راديو شاك فمش حاجة تتحسب

    مفيش لا لعبة ولا مجموعة العاب تجريبية ولا حتة بوستر هدية ده حتة الكرتونة اللى محطوط فيها الكارت عاملة

    زى كارتونة البيض مش سفنج ابيض محترم حاجة كوميدية خالص حتى البرنامج المجانى OC

    Scanner مش موجود وقايلنلك روح هاته من السايت مع انه برنامج مجانى للبطاقات الجيل 400

    جى برنامج ظريف اسمه EVGA Percision والله كتر خيرهم قوى بس برنامج بسيط علشان

    تعمل بيه Over Clock وتظبط المروحة.

    طبعا انا زى ما قولت جى مع الكارت اللى يشغلك بس وهما كابلين تحويل علشان لو الباور عندك مفيهوش كابل

    6 اطراف فمتقلقش . وجى محول من Analogue الى Digital علشان لو شاشتك مفيهاش

    DVI ولكن مفيش كابل شاشة مع الكارت

    6-التشغيل

    مفيش اى مشاكل . كله فى ثوانى بس انت حتحتاج تعمل داون لود لأخر اصدار للدرايفر لان اللى مع الكارت

    كان قديم جدا من سنة 1980 باين ولا ايه

    7- الصوت

    نظرا لان نسبيا الكارت مش بيشتغل لأخره فالمروحة خلال تجاربى كلها مزادتش عن 60% خالص وصوتها

    كان عادى واقل من صوت مروحة البروسيسور اللى كان بيعيط. مقدرش اقول انها هادية لأنى جربت اشغل

    المروحة على %100 لاقيت بجد وبدون هزار صور اعلى من مروحة المكنسة اللى بالكهربة. بجد على

    اعلى حاجة صوت المروحة صعب والجهاز لو خفيف ممكن يطير ويمشى من الاوضه لكن الحمد لله كانت دايما

    على 45% فى معظم الاوقات وبتزيد لحد 60% مش اكتر وده خلال تشغيل تقيل

    8- الأداء

    ندخل فى المهم. وبدل ما اعد اعمل كورسات احصى و رسم بيانى حجيبلكم من الاخر لان التجارب اللى

    معمولة على الكارت بره كلها على ++I7 9او I5 اقل حاجة مع رامات جبارة وبوردة جامدة

    خلينا احنا فى حاجاتنا وحقولكم على الى فيها

    انا كنت معتقد ان الالعاب كلها حتبقى اعلى من كارتى القديم EVGA 8800 GTS 320 بمعدل مثلا

    الضعف وشوية وان لعبة Crysis حقدر العبها على رسوميات عالية بس بدون Anti

    Aliasing على دقة 1050 مع 1280

    ولكن المفاجأة الجبارة
    Crysis Warhead كانت اسرع لعبة خلال التجربة وبجد بجد رهييييبة
    انا مصدقتش نفسى
    دى هية بقت اسرع من لعب كتير تقريبا برمجة اللعبة متكافئة مع الكارت

    انا شغلتها على
    Enthusiastic اعلى حاجة
    1050 1600
    Anti Aliasing 8xQ

    متوسط الفريمات والغالبية 43
    اعلى فريم 67
    اقل فريم 28

    وده عن تجربة لمدة نص ساعة انا مصدقتش نفسى بجد واللعبة بقت ممتعة

    وادى وضع الكارت بين الكروت التانية

    Sapphire 5870
    EVGA GTX 470 SSC
    EVGA GTX 460 SSC
    Sapphire 5850

    انا جربت الكروت دى كلها لأن ليا اصحاب اشترو الحاجات دى وانا اقدر اقول ان الكارت من اول ما يطلع من

    علبته ده حيكون ادائه

    الكارت متفوق بفارق كبير جدا على Sapphire 5850 يعنى كدة بنظلمه اما بالنسبه بينه وبين

    5870 فالفارق مش كبير يعنى بالعين مش محسوس تماما لكن 5870 كان اعلى بحوالى من 5 لحد 10

    فريمات ماعدا Crysis و Dirt 2 تفوق فيها EVGA GTX 470

    الجميل هوة ان بعد اوفر كلوك بسيط جدا اصبح الكارتين 5870 و EVGA GTX 470 زى بعض

    بالظبط ده شويه يسبق وده شوية يسبق لكن تعادل تام

    اذا كان فيه سؤال من حد هنا على انهو احسن من دول Sapphire 5850 ولا Sapphire

    5870 ولا EVGA GTX 470 فلازم الاول يكون فيه تحديد

    اذا كان علشان اسرع واحد من اول ما تطلعه فالاجابة 5870 بفارق بسيط
    اذا كان علشان القوة مع رسوميات Anti Aliasing فالتفوق بيكون ل EVGA GTX 470
    لو علشان التوافق مع الالعاب الجامد فالتوافق بيكون مع Nvidia يعنى EVGA GTX 470

    خلاصة الكلام لو عايز كارت جامد ميتعبكش لا فى حرارة ولا باور ولا اى حاجة يبقى اكيد Sappire

    5870 احسن بكتير من الفحم اللى فى EVGA GTX 470

    لو مهتم بالامكانيات والتطور واللعب اللى جاية يبقى لازم طبعا EVGA GTX 470 لان فيه هنا

    Physix و CUDA و 3D Vision بالنضارة وهية متوافقة احسن من ATI وحتى النضارة

    بقت متوفرة بسعر 1200 جنيه بس .
    التوافق اقوى بكتير لكارت GTX 470 خصوصا لو بتحب نوعية العاب Crysis وخصوصا ان الجزء

    التانى نازل Crysis 2 واللعبة دى عملت احسن على كارت GTX 470 نظرا للتوافق

    وده مجرد مراجعة بسيطة للألعاب

    Crysis , Crysis Warhead
    تفوق EVGA GTX 470 بجدارة حتى عن Sapphire 5870 بفارق كبير 16 فريم على

    تشغيل 1050 1600 مع AA8 و Enthusiastic

    Metro 2033
    واضح ان فيه مشكلة هنا مش عارف ليه. اللعبة تقريبا فيها حاجة انا ملحقتش اعملها اخر اصدار تحديث

    لكنها بطيقة على نفس اعدادات Crysis بالرغم انها مش اعلى فى الرسوميات
    اللعبة افضل وضعية ليها بحيث تتلعب بنعومة كانت كدة
    DX 10
    900 1400
    Very High
    للاسف تشغيل DX11 بطء الجيم جدا واصبحت تقيلة حتى مع تقليل الدقة . تقريبا ده سوفت وير مش

    كارت والاداء هنا متساوى بين 5870 و 470

    Starcraft 2

    تفوق هنا كارت Sapphire 5870 بفارق ملحوظ 12 فريم على اعدادات Ultra ودقة

    1050 1600 مش عارف ليه بس تقريبا Nvidia مش بتاعت اللعب دى

    Dirt 2

    تفوق لكارت GTX 470 بفارق غريب 18 فريم على اعلى اعدادات مش عارف ليه

    Assassin Creed

    تفوق لكارت Sapphire بفارق 9 فريمات

    تقارب واضح بين الكارتين

    خليك فاكر ان كارت EVGA GTX 470 هوة معدل سرعته يعنى Super Super

    Clocked يعنى سرعة الكور 625 مع رامات 1280 وهوة ده السبب فى التقارب بين كارت

    Sapphire لانه مش متعدل سرعته وكمان ده راماته 1G وخد بالك ان Sapphire مدخل رماته

    على سعة 256 بت لكن EVGA GTX 470 راماته على سعة 320 بت يعنى مساحة رامة اكبر

    وسعة اعلى

    دى اسباب تقارب GTX 470 مع Sapphire 5870

    9- الأوفر كلوك

    كارت EVGA GTX 470 جى على كور 625 لكن كارت Sapphire مش متعدل على كور

    850 طبعا كور عالى جدا علشان يعرف يعمل الاداء الجامد مع رامات واحد جيجا سعة 256 ولكن ده طبعا

    معناه ان الاوفر كلوك هنا مش حيكون له مكان ده الكور اصلا عالى جاد

    لكن كارت EVGA GTX 470 الكور بتاعه 625 يعنى لسة فيه مساحة للاوفر كلوك وانا لسة معملتش

    التجارب دى لكن دى توقعاتى بس خج بالك الحرارة دى حتحتاج تبريد جامد
    لكن من على النت واضح ان فيه مستخدمين كتير رفعو سرعة الكارت لحد ما بقى الاداء متقارب مع GTX

    480 اللى بيتفوق على ATI 5870

    لو ناوى تلعب على الاوفر كلوك يبقى اكيد EVGA GTX 470 لان الكور فيه مساحة يمد رجليه على

    خلاف Sapphire 5870 اللى الكور فيه جايب اخره على 850

    تجارب الاوفر كلوك حتبقى فى بوسط لوحدها بعد ما اغير الكيسة بحاجة تبريدها جامد

    10- الخلاصة

    لو بتسأل على فرق كبير بين Sapphire 5870 و EVGA GTX 470 الاجابة لا مفيش

    الاتنين متنافسين الفكرة كلها انت بتحب انهو العاب
    العاب زى
    Crysis Metro Bioshock
    متوافقة مع Nvidia اكتر
    لو مستنى Crysis 2 زيى يبقى اكيد GTX 470
    لو همك الحرارة والطاقة يبقى عليك وعلى Sapphire 5870 احسن بكتير ومش حتحس باى تعب منه

  2. #2
    عضوية جديدة
    تاريخ التسجيل
    Oct 2010
    المشاركات
    7
    معدل تقييم المستوى
    0

    رد: مراجعة شخصية للكارت الجامد EVGA GTX 470 SSC

    الكارت ممتاز ومبروك عليك
    بس ياتري جبته بكام:confused:

  3. #3
    عضو
    تاريخ التسجيل
    Oct 2009
    المشاركات
    135
    معدل تقييم المستوى
    0

    رد: مراجعة شخصية للكارت الجامد EVGA GTX 470 SSC

    اقتباس المشاركة الأصلية كتبت بواسطة EVGA.X مشاهدة المشاركة
    الكارت ممتاز ومبروك عليك
    بس ياتري جبته بكام:confused:
    +111111111111111

  4. #4
    عضو برونزي الصورة الرمزية Paramount
    تاريخ التسجيل
    Aug 2009
    المشاركات
    2,166
    الدولة: Iraq
    معدل تقييم المستوى
    56

    رد: مراجعة شخصية للكارت الجامد EVGA GTX 470 SSC

    مبروك مبروك مبروك؛ كلامك عشره على عشره فعلا كارت جبار ويوازي 480 بعد تسريع الكور
    "هذه المشاركة بواسطة الهاتف الجوال"

  5. #5
    عضو الصورة الرمزية XPS
    تاريخ التسجيل
    Jan 2007
    المشاركات
    733
    معدل تقييم المستوى
    38

    رد: مراجعة شخصية للكارت الجامد EVGA GTX 470 SSC

    مبروك عليكم الكرت


    لكن لا اظن ان هناك نسخة SSC لهذا الكرت


    هناك العاديه او نسخة SC او نسخة SC w/ flow bracket

  6. #6
    عضوية جديدة
    تاريخ التسجيل
    Oct 2010
    المشاركات
    28
    الدولة: Egypt
    معدل تقييم المستوى
    0

    رد: مراجعة شخصية للكارت الجامد EVGA GTX 470 SSC

    اقتباس المشاركة الأصلية كتبت بواسطة EVGA.X مشاهدة المشاركة
    الكارت ممتاز ومبروك عليك
    بس ياتري جبته بكام:confused:
    السعر 2450 جنيه
    ودى النسخة الى بالتصميم المعدل للحرارة Flow Bracket

    النسخة بالتصميم العادى عاملة 2300 جنيه وبيقولو بقت 2250

    مبروك عليكم الكرت


    لكن لا اظن ان هناك نسخة SSC لهذا الكرت


    هناك العاديه او نسخة SC او نسخة SC w/ flow bracket
    نسخة SSC موجودة بكور 625 وتقدر تشوفها من هنا

    http://www.evga.com/products/moreInf...s%20Family&sw=

  7. #7
    zwawy
    زائر

    رد: مراجعة شخصية للكارت الجامد EVGA GTX 470 SSC

    مبارك عليك البطاقة.
    أعجبني اسلوبك الطريف في الكتابة وخاصةً وأنت تتكلم عن حرارة البطاقة وصوت المروحة.
    أردت أن ألفت نظرك لوجود بعض الأخطاء التقنية فمثلاً كلامك عن عدم جدوى رفع التردد لبطاقة Radeon HD 5870 ليس صحيحاً ...

    بخصوص حرارة البطاقة فيمكنك المشاركة في الموضوع المثبت بالقسم عن كسر السرعة لبطاقات Fermi لمعرفة كيفية عمل بروفايل للمروحة للتخلص من مشكلة الحرارة.

  8. #8
    عضو فضي الصورة الرمزية 76502
    تاريخ التسجيل
    Aug 2008
    المشاركات
    1,341
    الدولة: Jordan
    معدل تقييم المستوى
    42

    رد: مراجعة شخصية للكارت الجامد EVGA GTX 470 SSC

    ألف مبارك عليك الكرت
    وفعلا كرت قوي وآدائه رائع
    ومثل ما قلت لايعيبه إلا درجة حرارته العاليه
    الله يهنيك فيه
    وبإنتظار المراجعه الكامله
    وتلك الأيام نداولها بين الناس
    لاتشتكي للناس ولوكنت مطعون ’ والذم من بعض الخلايق مديحه...’ ولا تنحني للهم وتعيش مغبون’ ترا المريح أهل العقول الصحيحه...’ لاصرت صادق قالوا الناس مجنون’ مايمدحون الا النفوس القبيحه...’ والكبر لو به فايده فاد فرعون ’ ومن ذاع سره بشره بالفضيحه...’ والله لو يعطون لك مال قارون’ ماشفت نفسك بالغنى مستريحه....’ انفض هموم القلب وابليس ملعون... . وان ضاق صدرك ارض ربي فسيحه

    >>
    العمليه الخامسه المركز 50<<

    تقرير: 3D ماهو ومن أين أتى وكم أرباح الشركة المالكه له






  9. #9
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: مراجعة شخصية للكارت الجامد EVGA GTX 470 SSC

    مبروك عليك الكارت ...وتتهنى بية ...

    كان ناقص بس شوية صور للكارت ...+ ..صورة لية وهوة راكب فى الجهاز !

    مع بعض الآختبارات

  10. #10
    عضو الصورة الرمزية XPS
    تاريخ التسجيل
    Jan 2007
    المشاركات
    733
    معدل تقييم المستوى
    38

    رد: مراجعة شخصية للكارت الجامد EVGA GTX 470 SSC

    اقتباس المشاركة الأصلية كتبت بواسطة krmprince مشاهدة المشاركة
    نسخة SSC موجودة بكور 625 وتقدر تشوفها من هنا

    http://www.evga.com/products/moreInf...s%20Family&sw=

    عزيزي

    هناك النسخة العاديه (607 mhz)

    http://www.evga.com/products/moreInf...family=GeForce 400 Series Family&sw=

    وهناك SC وهي (625 mhz)

    http://www.evga.com/products/moreInf...family=GeForce 400 Series Family&sw=

    وهناك SC+ وهي (625 mhz) ولكنها بتبريد افضل

    http://www.evga.com/products/moreInf...family=GeForce 400 Series Family&sw=



    لكن ليس هناك SSC واللتي تعني كسر مضاعف للسرعه


    انظر لهذه الصوره






    المحدد هو SC ، ولا يوجد SSC لكرت 470 gtx ، اما FTW فهو للتبريد المائي

  11. #11
    عضوية جديدة
    تاريخ التسجيل
    Oct 2010
    المشاركات
    28
    الدولة: Egypt
    معدل تقييم المستوى
    0

    رد: مراجعة شخصية للكارت الجامد EVGA GTX 470 SSC

    اقتباس المشاركة الأصلية كتبت بواسطة XPS مشاهدة المشاركة
    عزيزي

    هناك النسخة العاديه (607 mhz)

    http://www.evga.com/products/moreInf...family=GeForce 400 Series Family&sw=

    وهناك SC وهي (625 mhz)

    http://www.evga.com/products/moreInf...family=GeForce 400 Series Family&sw=

    وهناك SC+ وهي (625 mhz) ولكنها بتبريد افضل

    http://www.evga.com/products/moreInf...family=GeForce 400 Series Family&sw=



    لكن ليس هناك SSC واللتي تعني كسر مضاعف للسرعه


    انظر لهذه الصوره






    المحدد هو SC ، ولا يوجد SSC لكرت 470 gtx ، اما FTW فهو للتبريد المائي
    واللهى هوة مكتوب على العلبة بتاعته SSC وانا لاقيت ان دى معناها Super Super Clocked
    لكن لما دققت لاقيت فعلا محطوط الاصفر المربع على SC واضح انى اتلخبطت وكنت فاكر ان ده SSC لكن عموما ده طلع مفيش نوع SSC اصلا لسة منزلش او يمكن مالوش لازمة مش عارف

    على العموم انتو كدة عرفتوا الموديل بتاعى اللى هوة بالتبريد المعدل وبيقولو هوة احسن شوية من ناحية الحرارة

  12. #12
    عضوية جديدة
    تاريخ التسجيل
    Oct 2010
    المشاركات
    28
    الدولة: Egypt
    معدل تقييم المستوى
    0

    رد: مراجعة شخصية للكارت الجامد EVGA GTX 470 SSC

    لمجرد التوضيح
    اخدت بالى من حاجة

    الموديل اللى عندى SC مع كور 625

    واضح ان موديل SSC هوة موديل FTW لان انا لاقيت الكور فيه 650 يعنى اكتر ب 25 تردد اعلى لكن نظرا للزيادة عن الريفرنس فتم تصميمه بتبريد مائى

    EVGA مش قايلة مباشرة انه موديل SSC لكن تقدر تعرف انه زيادة عن موديل SC اللى عندى

  13. #13
    عضو محترف
    تاريخ التسجيل
    Jul 2008
    المشاركات
    16,549
    الدولة: Cuba
    معدل تقييم المستوى
    115

    رد: مراجعة شخصية للكارت الجامد EVGA GTX 470 SSC

    معذرة اخي الكريم , لكني إنتظرت منك مراجعة وصور لكنك لم تقم بطرح حتى صورة لمواصفات البطاقة !
    على العموم قرأت بطرحك بعض المبالغات التي اود توضيحها بخصوص البطاقة .. حجمها :

    حبيت ابدأ واقول ان حجم الكارت كبير جدا.. يعنى لو انت مكنتش شوفته قدامك قبل كدة فأنت حتعد تضحك
    شوية على حجمه فهو قعلا درج مش كارت فيجا فلو ناوى على فيجا عالية اتأكد ان عندك مساحة ولازم توسعله
    كويس بعيد عن اى جاك هارد او اى حاجة
    البطاقة حجمها يزيد عن البطاقة GTX 460 بضعة سنتيمترات فقط , وتحديدا 3 سم فقط , وهذة صورة لبطاقتي مع بطاقة GTX 460 الخاصة بأحد الأصدقاء :



    للأسف الكارت عبارة عن سخان يونيفرسال يعنى ممكن توفر فى فواتير الغاز وتستخدم الكارت كوسيلة تسخين
    مكانه.
    حرارة الكارت عالية وكويس قوى نظام التخلص من الحرارة الجديد اللى موجود على الكارت فالكارت زى ما
    انت شايف متغطى كله ماعدا ورا وقدام للتخلص الحرارى بدل ما الحرارة تهرب على جهازك. فى الأغلب
    انت مش حينفع تقفل الكيسة مع الكارت ده حتعمل زيى وتسيبها مفتوحة لأن الحرارة حتسخن الجهاز جدا لو
    قفلت الكيسة .
    مع كسر السرعة الدنيا حتبوظ اكتر للأسف كسر السرعة مع الكارت الفحم ده لازم معاه تبريد جامد فى الجهاز
    كله لازم كيسة بشفاط قوى خارجى او تبريد مائى لكن كيسة عادية يبقى ابعد الهاردات او اى حاجة قريبة من
    الحرارة.
    البطاقة حرارتها ليست بذلك السوء الذي توصفه على الإطلاق ! هذا إختبار لمدة 30 دقيقة تم مع كسر سرعة البطاقة الى 800\900\1600 وبسرعة مروحة 75 %:

    حرارة الغرفة مبينة ببرنامج Everest وهي 33 درجة .

    الموضوع الموحد لنتائج كسر سرعة بطاقات Fermi


    أما بالنسبة للصوت فطبيعي مع جميع البطاقات High End أن تجد صوتها مرتفع على 100% لسرعتها , والسرعة القصوى ليس لها داعي لضبطها لان البطاقة لا تحتاجاها إلا مع الكسر العالي جدا وبأوقات الإختبارات فقط .

    أتمنى أن لا تقوم بتهويل الامور لهذا الحد في المرات المقبلة , ومبروك عليك البطاقة وبإنتظار مراجعتك
    كن مع الله ولا تبالي

    The Ωverclocker

  14. #14
    عضو برونزي
    تاريخ التسجيل
    Nov 2008
    المشاركات
    9,880
    معدل تقييم المستوى
    108

    رد: مراجعة شخصية للكارت الجامد EVGA GTX 470 SSC

    لم أنتبه للحديث عن طول البطاقه :D

    شوف هنا



    البطاقه صغيره للغايه لدرجه عندما قمت بتركيب البطاقه لم أصدق من صغرها فهي أصغر من GTX 275 بشكل ملحوظ و أطول من HD 4850 بشكل بسيط
    [CENTER]Jiraiya-OUT[/CENTER]

  15. #15
    عضو ذهبي الصورة الرمزية overclockman
    تاريخ التسجيل
    Apr 2008
    المشاركات
    3,097
    الدولة: Egypt
    معدل تقييم المستوى
    42

    رد: مراجعة شخصية للكارت الجامد EVGA GTX 470 SSC



    بفضل الله وكرمه على اول من امتلك هذه النسخة الرائعة من عملاقة كروت الشاشة evga

    وكلامك سليم مائة بالمائة
    [CENTER][COLOR=black][SIZE=3][COLOR=indianred][FONT=Traditional Arabic][B]الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ يَأْمُرُونَ بِالْمُنْكَرِ وَيَنْهَوْنَ عَنْ الْمَعْرُوفِ وَيَقْبِضُونَ أَيْدِيَهُمْ نَسُوا اللَّهَ فَنَسِيَهُمْ إِنَّ الْمُنَافِقِينَ هُمْ الْفَاسِقُونَ[/B][/FONT][/COLOR] [/SIZE][/COLOR]
    [COLOR=yellow][FONT=Traditional Arabic][B][التوبة:67][/B][/FONT][/COLOR]

    [IMG]http://www.arabhardware.net/forum/signaturepics/sigpic147581_8.gif[/IMG]
    [FONT=Arial Black][SIZE=4][COLOR=seagreen][URL="http://www.arabhardware.net/forum/showthread.php?p=1121133#post1121133"]antec twelve hundred[/URL][/COLOR][/SIZE][/FONT]
    [FONT=Arial Black][SIZE=4][COLOR=lightblue][URL="http://www.arabhardware.net/forum/showthread.php?t=130446&page=2"]الفئة العمرية لاعضاء المنتدى[/URL][/COLOR][/SIZE][/FONT]
    [IMG]http://img26.imageshack.us/img26/4302/17127.png[/IMG][/CENTER]

صفحة 1 من 2 1 2 الأخيرةالأخيرة

المواضيع المتشابهه

  1. مراجعة شخصية للكارت الرائع MSI Cyclone 450 GTS 1GB\OC
    بواسطة Black-Edition في المنتدى الأرشيف
    مشاركات: 18
    آخر مشاركة: 23-02-2011, 01:08
  2. مراجعة شخصية مبسطة للكارت GTX460 cyclone 1G oc
    بواسطة shaker3 في المنتدى الأرشيف
    مشاركات: 28
    آخر مشاركة: 31-12-2010, 21:56
  3. مراجعة شخصية لبطاقة evga gtx 460 768
    بواسطة dr.ahmed shahin في المنتدى الأرشيف
    مشاركات: 9
    آخر مشاركة: 06-11-2010, 18:51
  4. مشاركات: 66
    آخر مشاركة: 26-08-2010, 00:04
  5. أول مراجعة فيديو محترفة للكارت EVGA GTX 285 Classified
    بواسطة HuLkY في المنتدى الأرشيف
    مشاركات: 14
    آخر مشاركة: 23-10-2009, 12:49

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •