مشروع تعديل على كيسة Thermaltake Armor

**mohamednon** · 03-10-2009, 04:57

بسم الله الرحمن الرحيم

السلام عليكم..

الموضوع من الاول انى وانا بلف فى النت لقت صوره و بالصدفة لكيسة Thermaltake Armor تعديل بس بالبوية - وكانت عجبانى جدا - :rolleyes:

فخطرت فى بالى فكرة انى اعدل فى الكيسة عندى بس المشكلة انى مش عوز اعملها بالبوية علشان اللحوسة وكمان علشان لوفكرت اغير فى المستقبل ميباقش فى مشكلة ممكن اغير ها فى اى وقت

.المهم

وبعد طول تفكر قررت انى اعملها على شكل استكر كبير على مساحة الكيسة كلها شكل حرف U (الجنبين والسقف )

قلت اخد رائ فادى Coolman4now بصفتوا كان عندوا خبرة فى تعديل كيستوا قبل كده و هالكى كمان The.Hulk وتم تحديد الصورة المراد وضعها على الكيسة بعد عناء شديد فقرروا يسعدونى فيها :ah7:

وها هى

ولكن الصورة دى صغيره اذا علمتها على الكيسة حتكون المبكسلة -فيها تكسير - وكمان حتكون ممطومة

قررت انى اعمل الصورة بنفسى بالظبط على الفتوشوب ولكن بالمقاسات المطلوبة - كانت اول مرة استعملوا - الحب يصنع المعجزات:D , وانتهيت من الصور فى خلال 8 ساعات متواصلة.:ah42:

ورحت مع فادى وهالكى طباعنا الصورة (عند مركز طباعة جمب فنون جميلة ) على الورق استيكر - زى اللزق - بس الماء (زى فامية العربيات) انا مش فاكر نوع الورق -( اعتقد فادى عارف اسموا ) كانت الاطوال المطلوبة 130X55 cm طبعا مع حساب نسبة هدر 8%

هى دى الصور اليى اطبعت بس طبعا مع اختلاف الرزليوشن ( 6500X2750) وهى هى نفس نسبت الاطوال الحقيقة المطلوبة علشان مايكنش في مط فى الصورة.

الكيسة قبل بداء العملية

وتم الشغل برفع الجزء الشفاف من على المعدن و الاجزاء البلاستيكة وبعد كده التنظيف السطح المعدنى اليى حيتلزق عليه.

بعد كده وضع اسبراى من جلانس -منظف الزجاج -

بعد ذالك البداء فى لصق الورقة ولكن بكل حذر حتى لايدخل فقاقيع هواء وبالتالى تأدى اليى عدم تماسك الورقة بالسطح المعدنى . وبصراحة فادى كان محترف جدا فى النقطة دى وحرص على ان لاتكون هناك فقاعة واحده .:D:D

واسيبكم مع بافى الصور بدل الرغى الكتير ده

تكلف العلمية دى 76 جنية طباعة ورق 130 ×55 + 6 جنية منظف زجاج:D +(8 ساعات شغل متواصل على الفتوشوب لعمل الصورة :ah17

المشروع ده حصل يوم 15/6/2009 لظروف خاصة عن اردتنا كلنا الصور كانت غير متوفرة

.. بس الحمد لله جت بعد طول انتظار:cool:

والصور دى النهارده بعد مرور تقريبا 3 شهور .. لا يوجد اى تغير على الورق بفعل الحرارة وكمان الورق ضدد الماية

وبشكر جدا فادى Coolman4now و محمد The.Hulk قاموا ب 90% من العملية

**Ҝ ђ Λ Ł Є δ** · 03-10-2009, 05:06

شغل رائع جدا جدا وتستاهل تقييم عليه :ah7:

**M Z** · 03-10-2009, 07:36

شغل روعه يابو حميد .. تسلم ايدك انت وفادي وهالك
واصعب حاجه فعلا لحظة اللزق دي
موضوع الفقاقيع ده بيفقعني انا شخصيا :D

بس انا ملاحظ حاجه صحيح
في الصور الاخيره اللي هي بعد 3 شهور غيرت الكولر من جيجابايت لـ Vendetta
لكن لسه محتفظ بالكنترولر بتاع الكولر القديم
هل قدرت تشغله عليه ولا محتفظ كده بالكنترولر كديكور بس علشان الشكل ؟

**HuLkY** · 03-10-2009, 07:56

أخيرا!!!!!!!!!!!! الحمد لله المشروع شاف النور!

فى الحقيقة كان يوم فوق الممتاز

, كنت لسه مخلص قرف بأه وكانت تجربة حلوة جدا وفادى ايديه تتلف فى حرير الحقيقة

فين صور ال SLI يا محمد؟!:mad:

**صوت الإبداع** · 03-10-2009, 08:11

ما شاء الله شغل نظيف و النتيجه مذهلة :ah39:
الله يباركلك فيها :ah7:

**BlacK ShaDoW** · 03-10-2009, 08:31

ياااااااااا أخيرا أفرجتوا عن الصور !
ما شاء الله شغل ممتاز جدا :ah7:

**mohamednon** · 03-10-2009, 08:37

المشاركة الأصلية كتبت بواسطة M Z

شغل روعه يابو حميد .. تسلم ايدك انت وفادي وهالك
واصعب حاجه فعلا لحظة اللزق دي
موضوع الفقاقيع ده بيفقعني انا شخصيا :D

بس انا ملاحظ حاجه صحيح
في الصور الاخيره اللي هي بعد 3 شهور غيرت الكولر من جيجابايت لـ Vendetta
لكن لسه محتفظ بالكنترولر بتاع الكولر القديم
هل قدرت تشغله عليه ولا محتفظ كده بالكنترولر كديكور بس علشان الشكل ؟

ومتشكرين ياجماعة :D

اه فعلا حاطط الكنتروال الجيجا بايت انا مكسل اشيلوا:D
وفى طريقة اكرب فيها الكنروال على المرحة الجديد الفندتا بس حبوظ المروحة الجيجا بايت فقلت اسيبوا احسن .

@ عم هالكى وثوانى وارفع الصور البوانس

**mohamednon** · 03-10-2009, 08:49

دى صور Bonus لليلحق .:D

فادى كان فى نفس اليوم جايلى بالكرت بتاعوا XFX 8800GTS 512

وقلنا نشوف الموضوع وكنا عوزين نعمل نشوبة احتبارت بس الوقت ماسمحش

وجربنا فقط Far Cry 2

وكان الاداء حلوا جدا على 1920×1200 4 AA×

بس ماتخدناش صور للاسف من اللعبة :o

بس دى صور الكرتين على مواصفات الجهاز اليى فوق

معلش على الطراب علشان الواحد كان لسة مخلص دراسة وماكنش فاضى ينظف الجهاز