صفحة 1 من 8 1 2 3 4 5 6 7 8 الأخيرةالأخيرة
النتائج 1 إلى 15 من 109

الموضوع: كل ما يهم مبتدئى التورنت

  1. #1
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,261
    الدولة: Egypt
    معدل تقييم المستوى
    49

    كل ما يهم مبتدئى التورنت








    كل ما يهم مبتدئى التورنت

    اخوانى الافاضل اعضاء المننتدى الكرام
    انا حبيبت اعمل الموضوع ده لان فيه ناس كتير ما بتعرفش تستخدم التورنت بصوره جيده وهالخص الموضوع فى عدة نقاط لبعض التجارب الى انا جربتها لانى بقالى شهر برتب للموضوع ده انا سجلت فى اكتر من 200 تراكر منهم الخاص ومنهم الى بيفتح على فترات ومنهم الى مجانى فاتح على طول ...........


    وان شاء الله ساقوم بعمل الموضوع فى النقاط التاليه

    اولا :
    سبب استخدامى للتورنت
    ثانيا : مميزات التورنت
    ثالثا : اهم برامج التورنت
    رابعا : اهم مواقع التورنت
    خامسا : اهم المشاكل والصعوبات التى تواجه مبتدئ التورنت عند التسجيل فى مواقع التورنت
    سادسا :كيفية الحفاظ على الاكونت بتاعى



    اولا : سبب استخدامى للتورنت



    1- احنا فى بادئ الامر كنا بنحمل بالروابط المباشره ودى فيها مشكله كبيره
    طبعا فيه روابط كتير لاتدعم استكمال التحميل وتلاقى لعبه مثلا 6 جيجا وحوالى 60 رابط دا الواحد علشان يحملهم بيقعد اكثر من اسبوعين لان معظم مواقع التحميل بتطلب انى انتظر مده بين تحميل الرابط والتانى .........,
    شئ جميل وبعدين لما لاقينا العمليه صعبه بدأنا ندور على مواقع التحميل الى بتدعم استكمال التحميل بس بتكون روابط كتير لان معظم المواقع الرفع بيكون الرابط فيها 100 ميجا او 200 ميجا او ا جيجا يعنى تلاقى الملف الواحد متقسم اكتر من جزء ودا فيه مشقه ............
    وبعدين الموضوع تطور شويه وبقى فيه مواقع ممكن انزل منها لعبه رابط واحد اى كان مساحة اللعبه وياسلام بقى لو انا بحمل والتحميل فى اواخره والجهاز يعمل ريستارت او يحدث انقطاع فى الكهرباء .......... انسى خلاص كل الى انت حملته راح عليك لانك لما تيجى تفك الملف لو انت كملته هايديك ايرور وانسى انك تعرف تصلحه ..... هاتيجى هنا تجيب برامج الى بتصلح الملفات المعطوبه وندخل بقى فى حوارات وبرده انسى راح عليك كل الى حملته .....






    ثانيا : مميزات التورنت



    1- نادرا لما تلاقى ملف تورنت بايظ او متفيروس انا عن نفسى ما حصلتش معايا انى حملت اى حاجه عن طريق التورنت وطلع فيها مشكله .
    2- انا بفتح ملف التورنت لعبه مثلا وانساها واسيب برنامج التورنت يحمل مع نفسه .
    3- ما فيش اى خوف من ان الجهاز يفصل لوحده لاى سبب ومستحيل ان الملف يبوظ .
    4 - نيجى بقى لاهم نقطه انا لو بنزل ملف تورنت ووصل مثلا 50 % والويندوز ضرب هنا بقى ما فيش اى مشكله لانى بكل بساطه هانزل ويندوز تانى واكمل بعد 50 % المهم انى اكون محتفظ بملف التورنت الى هو مساحته عادة ما بتعديش 1 ميجا واكون اخترت مكان حفظ الحاجه الى انا بحملها فى اى بارتشن غير الويندوز ........ فكل بساطه لو الويندوز باظ هانزل ويندوز وبعدين اضغط على ملف التورنت الى احنا قلنا مساحته ما بتعديش 1 ميجا هايقلى طبعا احفظه فين هنا بقى هاختار نفس المكان الى انا اختارته قبل ما الويندوز يبوظ الى هو طبعا كان فى بارتش غير بتاع الويندوز........
    انا عن نفسى كان عندى هارد 320 جيجا كنت بحمل لعبه وصلت 60 % وكنت عاوز ابيع الهارد واجيب هارد 1 تيرا عملت ايه خدت الملفات من على الهارد 320 كوبى وحطها فى الهارد 1 تيرا وضغط على ملف التورنت واختارت مكان الحفظ الملفات الى انا اخدتها كوبى من الهارد التانى وكمل تحميل بعد 60 % من غير ما يبدأ من الاول .
    5- التورنت فيه كل حاجه يعنى اى حاجه الواحد عاوزها بتبقى فى مواقع التورنت .






    ثالثا : اهم برامج التورنت

    فيه برامج كتير منها :


    µTorrentTorrenTopiaBitSpiritShareazaAzureus - bitcometABC - G3 Torrent – BitTornado -

    µtorrent وانا عن نفسى بفضل


    ( لانه برنامج سهل وبسيط فى استخدامه)



    كده تمام انا سطبت برنامج من الى فوق طيب وبعدين ايه الى بعد كده



    1- انا مثلا عاوز احمل لعبه او فيلم .... هاجيب ملف التورنت منين فى بادئ الامر كنت بكتب فى الجوجل اسم الحاجه الى انا عاوز احملها واضيف بعديها كلمة torrent وادخل احمل ملف التورنت وبالفعل يبدأ برنامج التورنت فى التحميل وخلص الملف ........ اه هنا بقى يا صابت يا خابت ليه لانى حملت من مصدر انا تقريبا مش عارفه ومش ضامنه اجى افك ضغط الملف يطلب منى باسورد ويدخلنى على مواقع ويقلى اشترى ........ او يطلع الملف بايظ او فيه فيروس ....... طيب والحل
    بدأنا هنا نعرف كام موقع مشهور زى btjunkie - mininova وزيها من المواقع ...
    اجى بقا هنا احمل الاقى التحميل بطئ جدا فى الغالب ... طيب وبعدين هانعمل ايه .
    نبدأ نبحث عن حاجه لتسريع التورنت نلاقى ناس تقلك اظبط اعدادت البرنامج على كذا وكذا وحوارات وناس تانيه تقلك افتح بورت فى الراوتر وياسلام الواحد يغيب اسبوع مش عارف يفتح بورت فى الراوتر واول ما يفتح البورت يلاقى الفجيعه ان فى الغالب ما فيش حاجه حصلت ........ طيب وبعدين
    انا هنا انصح جميع اخوانى انه اول ما يسطب برنامج التورنت ما يتعبش نفسه ويغير اعداداته أو يحاول انه يفتح بورت فى الراوتر ........ سيب كل حاجه زى ماهى وتابعوا معايا للاخر .........
    وبعدين الناس عرفت ان فيه برنامج اسمه Bit Che البرنامج ده وظيفته انه بيبحث لوحده فى اكتر من 150 موقع تورنت زى ما فى الصوره دى




    واختار انا اعلى سيدر ( الناس الى عندهم الملف الى انا عاوز احمله ) علشان يبقى فيه فرصه انى احمل من اكتر واحد والسرعه تكون تمام .......... اجى احمل الملف الاقى 949 سيدر مافيش غير حوالى 5 بس الى فاتحين الابلود وانا بحمل منهم والاقى برده السرعه بطيئه .... طيب وبعدين ايه الحل




    رابعا : اهم مواقع التورنت


    طبعا فيه مواقع تورنت كتير جدا منهم مواقع خاصه دى غالبا ما بتفتحش الا كل كام سنه مره ودى بتكون غالبا عن طريق الدعوات انه يكون عضو مشترك فيها ويجيبلك دعوه ...... ودى صعبه جدا ان حد يديلك دعوه بالساهل ليه
    هو مش بخل ولا حاجه المشكله انك لازم تتعلم ازاى تتعامل مع التورنت وايه هى متطلبات المواقع الخاصه طبعا ما فيش حد مبتدأ فى التورنت عارف الكلام ده هو كل الى عارفه ان سمع ان فيه موقع زى التورنت ليش مثلا دا موقع جامد . ..... ياه دا مالوش حل طبعا الوحد يسمع الكلام ده ويغيب يحلم بالتورنت ليش ويقعد يدور على حد يبعتله دعوه عليه ويكتب فى كل المواقع من فضلكم انا محتاج دعوه على الليش وطبعا مش هايلاقى حد يديه لانهم هايسألوه كام سؤال فى التورنت طبعا مش ها يعرف يجاوب على اى سؤال ...... طيب وبعدين ايه الحل ودائما الممنوع مرغوب وهنا الواحد هايفضل يحاول ويحاول لحد ما حد يتكرم ويديله دعوه هايستعملها كام يوم ويلاقى اليوز بتاعه اتقفل طبعا لانه ما يعرفش يتعامل مع المواقع دى ازاى وما يعرفش ايه متطلباتها .


    هنا بقى نيجى للسبب الى انا عملت الموضوع من أجله :

    ما هى افضل مواقع التورنت والتى تغنى عن المواقع الخاصه :


    فى بادئ الامر كل واحد يسأل نفسه هو ايه الى عاوزه من مواقع التورنت ( العاب - افلام - برامج .......... الخ )كل الحاجات دى موجوده فى معظم مواقع التورنت الخاص مثل العام .......
    طيب ايه المشكله الى الكل بيبحث عنها ......... اه هى سرعة التحميل طبعا .
    وهنا يا اخوانى انا جايبلكم الحل ايه المواقع الى الاقى فيها كل حاجه انا محتاجها واحمل منها بأعلى سرعه
    اولا يا اخوانى انا بقالى شهر كامل قاعد اجرب فى مواقع كتير جدا اكثر من 200 موقع للتورنت علشان الاقى الى انا عاوزه محتوى جيد وسرعه عاليه جدا بتوصل لاعلى سرعه عندى انا عندى سرعة الخط 2 ميجا متوسط التحميل عندى 200 كيو بايت / ث .......... اظن لحد كده تمام

    هنا نضع عنوان كبير جدا

    اهم مواقع التورنت لمستخدمى التورنت


    http://0.arenabg.com/register.php
    http://www.lasttorrents.org/browse.php
    http://www.thepokerbay.org/browse.php

    http://all4nothin.net/browse.php

    http://www.bitshock.org/browse.php?sort=7&type=desc

    http://dirty-deeds.biz/browse.php

    http://www.wild-bytes.net/browse.php

    http://www.inperil.net/browse.php

    https://www.midnight-scene.com/browse.php

    http://www.thepeerhub.com/browse.php

    http://www.sharefilles.com/browse.php

    http://www.torrentday.com/browse.php

    http://www.torrentsforall.net/browse.php

    http://nordic-t.org/browse.php

    http://www.extremeshare.org/tracker/torrents.php

    http://www.swepiracy.org/browse.php

    http://www.torrentbits.ro/browse.php

    http://www.allotracker.com/torrents-today.php



    المواقع دى يا اخوانى هاتلاقوا فيها كل الى انتوا عاوزينه من محتوى وسرعه ان شاء الله


    هنا واحد يقول انت على اى اساس اخترت المواقع دى
    1- اهم شئ المحتوى والمواقع دى باذن الله فيها كل الى تتمناه .
    2- السرعه عاليه جدا هل تتخيلوا انى بحمل من سيدر واحد بسرعة الخط كامله .
    ودى بعض الصور للاثبات


    الصوره دى توضح سرعة التورنت






    وكمان الصوره دى





    ودى صور توضح انى بحمل من سيدر واحد بسرعة الخط





    ودى صور توضح انى بحمل من 2 سيدر بسرعة الخط





    والصوره الى جايه دى اهم حاجه انا بحمل من موقع

    http://www.blackcats-games.net/

    انتوا عارفين الموقع ده صعب جدا ان حد يسجل فيه بيفتح كل كام سنه مره
    شوف بقا سرعة التحميل





    ايه رايكوا واضح ان ما فيش اى فرق السرعه تقريبا هى هى .





    خامسا : اهم المشاكل والصعوبات التى تواجه مبتدئ التورنت عند التسجيل فى مواقع التورنت

    1- انا بكتب بياناتى عادى جدا وانا بسجل واجى اضغط موافق يقولى ان الكود خطأ طيب ايه المشكله دى ... لاحظوا ان فيه بعض الاكواد مكون من حروف Kaps - Small لازم نكتب كل حرف بالظبط زى ما هو مكتوب وفيه بعض الاكواد بتكون كلها Kaps يبقى لازم اكتبها كده ودى صوره للتوضيح .





    لازم اكتبها GYrjGe
    وليس
    gyrjge


    2- نيجى نسجل فى بعض المواقع نلاقيه طالب اننا نجاوب على كام سؤال طبعا احنا مش قد كده فى التورنت فبنجاوب اى حاجه وعمرنا ما هانسجل لان الاجابه هاتون خطأ انا هنا سأضع بعض الاسئله واجابتها التى صادفتنى عند التسجيل فى بعض المواقع والذى قام اعضاء المنتدى الكرام بحل هذه الاسئله


    موقع مثل http://www.iplay.ro/login.php?returnto=%2F
    فاتح التسجيل التجريبى لمدة اسبوع وهو من المواقع الخاصه

    وسأورد هنا بعض اجابة الاسئله واجابتها :


    What is seeding?
    Leaving your client open after the download completes.

    What is not punished in the forum?

    Discuss the current thread's matter.

    How do you maintain a good ratio?
    After I finish downloading I seed as much as I can

    If you're unconnectable you can't
    Seed

    Where can you make a request?
    In the Request section.

    May you create duplicate accounts?
    No, duplicate accounts means banning my IP

    Best quality
    R5

    اشكرا طبعا اخوانى الذين قاموا بالاجابه وهم ( drnemo6 - OMDA ) .

    موقع تانى زى http://www.extremeshare.org/tracker/index.php

    دا حل اسئلته

    I know what BitTorrent is all about.
    Yes, I do


    If a friend proposes you to trade your account for a sum of money / other accounts or services, would you accept?
    No

    Sharing the torrent files indexed on this site will get your account banned.

    True


    You have to seed normal torrents to a 1:1 ratio OR 12 hours minimum.
    True


    It's OK to share your account with another person, as long as your ratio is above 1.
    False

    Multiple accounts on this site are NOT allowed.
    True


    Requesting serials or CD-Keys in comments is forbidden.

    True



    طبعا هاشكر اخى الفاضل ( drnemo6 ) والذى قام بالاجابه

    3 -اننا نسجل اكتر من مره ودا اكبر غلط لان فى الغالب هاتتقفل كلها لانك كمبتدأ مش هاتعرف تتعامل مع ده وانصح الجميع بعدم عمل اكثر من يوزر
    انا عن نفسى عملت 4 يوزر على بلاك كاتس اول ما فتح من كام يوم انا غيرت البروكسى لاربع دول لانه محجوب فى مصر كل اما ادخل عليه اغير البروكسى وحوارات وساعات انسى واتقفل من 2 يوزر فانصح الجميع بعدم عمل اكثر من يوزر

    ودى صوره تبين كده



    4 - منع استخدام برامج الرفع الوهمى لان معظم المواقع بتكشفها وبتقفل اليوزر وكمان انا لا انصح بها ابدأ لاننا لو كلنا لجأنا لطرق الغش لضاعت الفائده من التحميل بالتورنت .






    سادسا :كيفية الحفاظ على الاكونت بتاعى

    افضل حاجه لما نحمل اى حاجه من التورنت نسيبها اطول فتره ممكنه علشان غيرنا يحمل مننا زى ما احنا حملنا من غيرنا وهنا لابد من عدم تغير المكان الذى قمنا بالتحميل فيه او تغير هيئته من فك ضغط وخلافه يعنى نسيبه زى ما هو انا عن نفسى بعمل كده ودى صوره للتوضيح .





    وفيه نقطه اخرى لازم ندخل على faq , rules للموقع الى انا حملت منه واعرف ايه هى القوانين الخاصه بيه واهم شئ هنا يخصنا انى اعرف نسبة الراشيو اى نسبة الرفع الى التحميل وهى فى معظم المواقع 1 معنى كده انى لازم ارفع قد الى انا حملته علشان الاكونت ما يتقفلش وفيه بعض المواقع تكتفى ان اعمل سيدر لعدد معين من الساعات كل ده نعرفه من faq , rules الخاصين بكل موقع ولو فيه اى مشكله فى الراشيو الموقع هايبعتلى رسالة تحذير والصوره الى جايه دى توضع كمية الرفع الى التحميل






    طبعا اخص اخى الفاضل Raja'e بكل الشكر والتقدير لتذكيرى بهذه النقطه .

    ارجوا من الله ان اكون وفقت فى هذا الموضوع
    واتمنى من مشرفى القسم والاعضاء الافاضل ان يضعوا هنا كل ماكان منى من خطأ او نسيان او نقص



  2. #2
    عضو برونزي الصورة الرمزية event88
    تاريخ التسجيل
    Aug 2009
    المشاركات
    5,423
    الدولة: Sudan
    معدل تقييم المستوى
    46

    رد: كل ما يهم مبتدئى التورنت

    موضوع رائع وبداية جميلة منك خي الكريم ليك تقييم

  3. #3
    عضو الصورة الرمزية fiter_f22
    تاريخ التسجيل
    Sep 2010
    المشاركات
    169
    الدولة: Egypt
    معدل تقييم المستوى
    9

    رد: كل ما يهم مبتدئى التورنت

    موضوع رائع ويستحق التثبيت
    أستفسار هل تفرق براج التورنت مثل
    µTorrent – TorrenTopia – BitSpirit – Shareaza –Azureus bitcomet – ABC - G3 Torrent – BitTornado فى سرعة التحميل ولا يعتبروا كلهم واحد ؟؟

  4. #4
    عضو برونزي الصورة الرمزية event88
    تاريخ التسجيل
    Aug 2009
    المشاركات
    5,423
    الدولة: Sudan
    معدل تقييم المستوى
    46

    رد: كل ما يهم مبتدئى التورنت

    اقتباس المشاركة الأصلية كتبت بواسطة fiter_f22 مشاهدة المشاركة
    موضوع رائع ويستحق التثبيت
    أستفسار هل تفرق براج التورنت مثل
    µTorrent – TorrenTopia – BitSpirit – Shareaza –Azureus bitcomet – ABC - G3 Torrent – BitTornado فى سرعة التحميل ولا يعتبروا كلهم واحد ؟؟
    الجواب علي هذا السؤال بيختلف علي حسب مزود الخدمة الذي لديك وليس علي حسب البرنامج , صحيح هنالك من جرب احد هذه البرامج ووجد أحدها أفضل من الآخر من ناحية السرعة والآخر جرربه ووجده الأبطئ والأسواء لكن الحقيقة تفاوت سرعة هذه البرامج علي حسب البورت الذي يعمل به البرنامج وهل هو مفتوح عندك أم لا , هذا هو الفارق وإلا فليس فرق في السرعة إذا كانت سرعتك في الأصل ممتازة #

  5. #5
    عضو برونزي
    تاريخ التسجيل
    Oct 2006
    المشاركات
    4,303
    الدولة: United Arab Emirates
    معدل تقييم المستوى
    0

    رد: كل ما يهم مبتدئى التورنت

    الموضوع رائع ومفيد يا حبذا لو قمنا بإعادة صيغته باللغة العربية ومن ثم تثبيته

  6. #6
    عضو برونزي الصورة الرمزية event88
    تاريخ التسجيل
    Aug 2009
    المشاركات
    5,423
    الدولة: Sudan
    معدل تقييم المستوى
    46

    رد: كل ما يهم مبتدئى التورنت

    اقتباس المشاركة الأصلية كتبت بواسطة sniper2000 مشاهدة المشاركة
    الموضوع رائع ومفيد يا حبذا لو قمنا بإعادة صيغته باللغة العربية ومن ثم تثبيته
    سأقوم بذلك إن شاء الله وبعده يتم تثبيته بإذن الله , شكرا لك مشرفنا sniper2000 للتوصية

  7. #7
    عضو برونزي الصورة الرمزية drnemo6
    تاريخ التسجيل
    Jan 2010
    المشاركات
    734
    معدل تقييم المستوى
    11

    رد: كل ما يهم مبتدئى التورنت

    موضوع جميل ومحهود ممتاز منك

  8. #8
    عضو برونزي الصورة الرمزية Mshadow.me
    تاريخ التسجيل
    Apr 2010
    المشاركات
    1,441
    معدل تقييم المستوى
    17

    رد: كل ما يهم مبتدئى التورنت

    موضوع محترم جدا

    حلو موضوع أجابات الأسئلة ده للناس اللي حتسجل في الأي بلاي
    [CENTER][SIZE=4][URL="http://www.arabhardware.net/forum/showthread.php?t=205511"]دليل مبسط لشراء الهيدفون المناسبة[/URL][/SIZE]

    [FONT=Palatino Linotype][SIZE=4][COLOR=DarkRed][I]A Storm Is Coming[/I][/COLOR][/SIZE][/FONT]

    [IMG]http://img98.imageshack.us/img98/3972/witchkinglogo.jpg[/IMG]

    [/CENTER]

  9. #9
    عضو برونزي الصورة الرمزية skywalker91
    تاريخ التسجيل
    Nov 2009
    المشاركات
    644
    الدولة: Aaland
    معدل تقييم المستوى
    12

    رد: كل ما يهم مبتدئى التورنت

    موضوع جميل
    ربنا يوفقك ان شاء اللة

  10. #10
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,261
    الدولة: Egypt
    معدل تقييم المستوى
    49

    رد: كل ما يهم مبتدئى التورنت

    الف شكر لادارة المنتدى لتثبيت موضوعى والله دا اكبر شرف ليا انى اتثبت ليا موضوع فى هذا المنتدى العظيم ......

  11. #11
    عضو
    تاريخ التسجيل
    Sep 2009
    المشاركات
    113
    معدل تقييم المستوى
    9

    رد: كل ما يهم مبتدئى التورنت

    موضوع اكثر من رائع

  12. #12
    عضو فضي الصورة الرمزية NASA Science
    تاريخ التسجيل
    Aug 2010
    المشاركات
    2,356
    معدل تقييم المستوى
    22

    رد: كل ما يهم مبتدئى التورنت

    موضوع رائع
    جزاك الله كل خير اخى الحبيب
    شرح رائع جدا

    بَعد تفكير طويل وحيره من أمرى
    قررت الرحيل عسى يوما أن أعود بمنفعة لكم يوما مااا
    تذكرونى بدعوة صالحة أخوتى , عسى أن تهدينى وتنفعنى فى حاجتي

    و أدعولى لو سمحتوا بتوفيقى فى تحقيق براءة الاختراع بتاعتى وطريق العِلم
    ربى ذكّرنى بمن لهُ فضل علي وتقبل دعائى له وأجعلنى خلفا صالح لهُ
    ونورنى بنُورك يا رب ,,, اللهم أمين

    أخوكُم مُصطفى ,,,




  13. #13
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: كل ما يهم مبتدئى التورنت

    موضوعك مفيد جدا ...وهادف

    لك تقييم ...

    ويفضل ايضا لو تضع روابط تنزيل البرامج الخاصة بالتورنت اللى انت ذكرتها فى الموضوع


    µTorrentTorrenTopiaBitSpiritShareazaAzureus bitcometABC - G3 Torrent – BitTornadO -))

  14. #14
    مشرف سابق الصورة الرمزية TaHeR.NaBiL
    تاريخ التسجيل
    Apr 2009
    المشاركات
    2,261
    الدولة: Egypt
    معدل تقييم المستوى
    49

    رد: كل ما يهم مبتدئى التورنت

    تفضل اخى دى روابط تحميل برامج التورنت
    µTorrentTorrenTopiaBitSpirit Shareaza Azureus bitcomet ABC - G3 TorrentBitTornadO

    اولا : برنامج ABC



    http://www.mediafire.com/?xjmux84o3qumzfi

    ثانيا : bitcomet



    http://www.mediafire.com/?s5dzz1esr1oisvi


    ثالثا : BitTornadO



    http://www.mediafire.com/?wj9vwo13bkhi5yk


    رابعا : BitSpirit



    http://www.mediafire.com/?84d5kquybqdfzoi


    خامسا : G3 Torrent



    http://www.mediafire.com/?p3owjk5d9z97ev6


    سادسا : Shareaza



    http://www.mediafire.com/?1f7chl4w6td9iwd

    سابعا : µTorrent



    http://www.mediafire.com/?tepvta912fe67q6

    ثامنا : Azureus



    http://www.mediafire.com/?gnof8y7vkgx2aqi

    مع خالص تحاياتى
    HOMMER



  15. #15
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: كل ما يهم مبتدئى التورنت



    موضوع رائع وبداية جميلة منك خي الكريم

صفحة 1 من 8 1 2 3 4 5 6 7 8 الأخيرةالأخيرة

المواضيع المتشابهه

  1. قوانين قسم التورنت النهائية في نشر وتبادل مواقع التورنت
    بواسطة Ҝ ђ Λ Ł Є δ في المنتدى الارشيف
    مشاركات: 17
    آخر مشاركة: 27-07-2010, 17:04
  2. ما هو التورنت؟
    بواسطة makawi في المنتدى الأرشيف
    مشاركات: 4
    آخر مشاركة: 10-07-2008, 18:46

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •