تقرير شخصي -الأخضر فى مواجهة الأزرق 1TB VS 500GB-

**Mostafa Gomaa** · 22-10-2010, 01:28

بسم الله الرحمن الرحيم

كيف حالكم يا أعضاء المنتدى الكرام اليوم أتكلم عن مقارنه بين هاردين أحدهم Blue والاخر Green والبختصر المفيد فلقد فاز ال Blue باكتساح جبااااااار فى كل شئ فى السرعه وفى درجة الحراره حتى فى استهلاك الطاقه

قد يتسائل البعض مثلى أليس الجرين موفر للطاقه وقليل الازعاج (صديق البيئه)
سأقول لك عزيزى القارئ أصبر حتى تعرف أسماء الهاردات بالكامل ولكن تأمل معى الصور الآتيه وأخبرنى ماذا تلاحظ

إنه السؤال اللذى يطرح نفسه منذ زمن بعض الهاردات تجدها ثقيله ولا يوجد بها أى فاغات من أسفل وبعض الهاردات تجدها فارغه من أسفل وخفيفه مقارنة بالاولى طبعا مع تساوى المساحه بل أنك قد تجد بععض الهاردات نحيفه من الجانب ولكن Western Digital هارداتها الجديده متساويه من الجانب

فقد تجد هارد 500 جيجا كالذى نقدم له مراجه اليوم ولكنه أخف وأصغر من هارد آخر 250 جيجا والسر كله فى عدد ال Platters أو عدد الاسطوانات التى بداخل الهارد :eek:

مذ زمن كنا نعتقد أن الهارد يوصف بالمساحه فقط ولكن بعدها اكتشفنا أن له سرعة دوران ومؤخرا عرفنا الذاكره المخبأه (ال Buffer ) والأهم من كل ذلك هو عدد الاسطوانات داخل الهارد

فتخيل الفرق بين هارد به 4 اسطوانات وهارد آخر به اسطوانه واحده كيد الأخير مستوى ضجيجه هيكون أقل بكثير بسبب قلة الحمل على الموتور الى 25% وبسبب قلة عدد رؤوس القراءه ال (Headers) وأكيد استهلاك طاقه أقل

طبعا لست أول شخص يذكر هذا الكلام فقد ذكره قبلى أستاذنا الكبير فادى فى موضوع مفصل ولكن أنا أذكره عن تجربتى الشخصيه

معنا اليوم الهاردين الآتيين ومواصفتهم كالتالى

WD10EADS-00L53B1

Date 12Nov 2009
Product Of Thailand Class B
5VDC 0.7A 3.5W
12VDC 0.55A 6.6W
---------------------------------------------
Total 10.1W

WD5000AAKS-00WWPA0

Date 29 Jul 2010
Product of thailand Class B
5VDC 0.65 3.25W
12VDC 0.50 6W
---------------------------------------------
Total 9.25W

نلاحظ أن استهلاك ال Blue أقل فى الطاقه

أما بالنسبه إلى درجات الحراره فمع تشغيل جميع مراوح الكيسه كانت كالتالى

وكانت بهذا الشكل مع فصل المراوح

لاتشغلوا بالكم بدرجة حرارة المعالج والبطاقه الرسوميه حيث أنى أقوم بالطى الآن

أظن أن فرق الدرجتين بسبب أن الويندوز على الهارد ال 500 فاستخدامه أكثر من الثانى

أما بالنسبه لنتائج برنامج HD Tune Pro انت كالتالى ونلاحظ تفوق الهارد البلو

لاحظم ان النظام على الهارد البلو وده ممكن يقلل النتيجه بس مش كتير

نأتى الآن الى اختبارات النسخ على Windows 7

الاختبار الاول نسخ 71 جيجابايت من المسلسلات (ملفات متعدده)

1-من وإالى الهارد ال BlUE

2-من والى الهارد ال Green

3- من ال Green الى ال Blue

نقل 228 جيجا بايت من ملفات ال ISO الخاصه بالالعاب

طبعا نلاحظ جمع سرعة الهاردين
1-من الهارد جرين الى الهارد البلو :ah7:

من كتر النقل قولت لما أتفرج على فيلم طلع الفيلم ممل جدااااا:D

2-من الهارد البلو الى الجرين

تم بحمد الله

ملحوظات هامه جداااااااااااا
1-أحب أشكر العضو الفاضل CR@NCH لانه هو اللى أشار عليا بالفكره ده لانى كنت ناوى أبيع هاردى الجرين وأشترى واحد بلاك وكنت هدفع 200 جنيه
لكن كده أنا اشتريت البلو ب 225 وكسبت 500 جيجا زياده:D وفرق السرعه مش كبير

2-الأستاذ فادى تكلم على موضوع ال Platters بالتفصيل فى الموضوع ده اضغط هنا

3-لما تدور على الهارد ممكن البائع يقولك خد الجرين لان البفر بتاعه 32 ميجا ماتسمعش كلامه وخد البلو لان سرعة الهارد أهم من البفر حيث أن سرعة البلو 7200 أما الجرين 5400

4-أسرع هارد موجود فى الهاردات الميكانيكيه هو الهارد البلاك الواحد تيرا ولكن أعتقد ان الفرق بينه وبين البلو بسيط بسبب وجود خاصية Dual Processor التى تضاعف الاوامر وهذا هو الفرق الوحيد ولكن ثمن البلاك 590 أما الجرين 390 فهل يستاهل كل الفرق ده ولا تجيب واحد جرين وواحد بلو 500 للسيستم

5-هاردى البلو تقريبا 1 بلاتر أما هاردى الجرين 3 بلاتر

6-تم وضع لوجو المنتدى على جميع الصور علشان الناس الظريفه اللى بتنسخ المواضيع من عندنا

7-أرجو من المشرفين وضع الموضوع فى المواضيع المميزه لقسم وسائط التخزين حتى يكون الموضوع متاح دائما
فى رعاية الله أخوكم/مصطفى جمعه

**TEch Zone** · 22-10-2010, 01:52

مراجعة ممتازة ومبروك الهارد يامصطفى
فعلا الهاردات الـ Blue قريبة جدا فى الاداء من الهاردات الـ Black ولكن فرق السعر مش قليل
سؤال يطرح نفسه جبت الهارد منين ؟
تم التقييم

**Mostafa Gomaa** · 22-10-2010, 02:20

مراجعة ممتازة ومبروك الهارد يامصطفى
فعلا الهاردات الـ Blue قريبة جدا فى الاداء من الهاردات الـ Black ولكن فرق السعر مش قليل
سؤال يطرح نفسه جبت الهارد منين ؟
تم التقييم

الله يبارك فيك ياحبيبى
أنا أصلا من المحله وسألت عليه فى المنصوره مالقتهوش فانزلت دورت عليه هنا فى المحله ودوخت عليه لحد مالقيته عند شركه اسمها الشركه العربيه والغريب ان الراجل مش عارف ايه الفرق بين البلو والجرين وواحد تانى يقولى المهم الكاش ووراحد تالت يقولى المهم انه 500 بس انا حاسس انه هينقرض من السوق والسامسونج مغرق السوق بهاردات 500 صينى و 750 كورى

**The Mysterious** · 22-10-2010, 02:59

بارك الله فيك على هذه المراجعة المميّزة فعلاً

، لكنّي للأسف لم أستطع مشاهدة الصور جميعها (ذات حجم كبير نسبيّاً) نظراً لمحدوديّة الاتصال لدي، على كلّ حال لا اعتقد أنّ مقارنة كل من القرصين تعطي نتائج دقيقة (إن غضضنا البصر عن موضوع اختلاف الفئة) فالأوّل بمساحة تخزين 500GB والآخر 1TB.
بالنسبة لقرصك الأخضر WD10EADS، فقد صدر لهذا القرص اصدارين، الاصدار الأوّل (القياسي) كان بأربع أقراص تخزين (250GB لكل اسطوانة)، فثلاثة WD10EADS-00L5B1 لكل اسطوانة 320GB، فاثنين WD10EADS-00M2B0 أي 500GB لكل اسطوانة.
أمّا قرصك الأزرق (اصدار جديد) فهو على ما أظن بقرص تخزيني وحيد، لذا من الطبيعي أن ترى أن درجات الحرارة متقابلة تقريباً (وليس البلو أخفض في درجات الحرارة مع أنّ استهلاكه أقل) والاستهلاك أعلى للأخضر نظراً لحاجة محرّك التدوير إلى طاقة أعلى وبالتالي مايعوّض الانتاج الحراري المتقارب هو سرعة الدوران الأقل للأخضر.
بالتالي نصل إلى نتيجةٍ مفادها..
إصدارات أحدث = عدد اسطوانات Platters أقل بالتالي = ضجيج أخفض + انتاج حراري أقل + وزن أخف + طائران بحجر واحد :D (مايهم الشركة المنتجة والمستخدم)..
1-تكلفة انتاجيّة أقل.
2- كثافة أعلى لتخزين البيانات أي أداء أسرع.

سلمت يداك أخي مصطفى

، سأقوم بإضافته إلى المميّزة مع تعديل بسيط في العنوان، تمّ التقييم.

**Mostafa Gomaa** · 22-10-2010, 03:55

ارك الله فيك على هذه المراجعة المميّزة فعلاً

، لكنّي للأسف لم أستطع مشاهدة الصور جميعها (ذات حجم كبير نسبيّاً) نظراً لمحدوديّة الاتصال لدي، على كلّ حال لا اعتقد أنّ مقارنة كل من القرصين تعطي نتائج دقيقة (إن غضضنا البصر عن موضوع اختلاف الفئة) فالأوّل بمساحة تخزين 500GB والآخر 1TB.
بالنسبة لقرصك الأخضر WD10EADS، فقد صدر لهذا القرص اصدارين، الاصدار الأوّل (القياسي) كان بأربع أقراص تخزين (250GB لكل اسطوانة)، فثلاثة WD10EADS-00L5B1 لكل اسطوانة 320GB، فاثنين WD10EADS-00M2B0 أي 500GB لكل اسطوانة.
أمّا قرصك الأزرق (اصدار جديد) فهو على ما أظن بقرص تخزيني وحيد، لذا من الطبيعي أن ترى أن درجات الحرارة متقابلة تقريباً (وليس البلو أخفض في درجات الحرارة مع أنّ استهلاكه أقل) والاستهلاك أعلى للأخضر نظراً لحاجة محرّك التدوير إلى طاقة أعلى وبالتالي مايعوّض الانتاج الحراري المتقارب هو سرعة الدوران الأقل للأخضر.
بالتالي نصل إلى نتيجةٍ مفادها..
إصدارات أحدث = عدد اسطوانات Platters أقل بالتالي = ضجيج أخفض + انتاج حراري أقل + وزن أخف + طائران بحجر واحد :D (مايهم الشركة المنتجة والمستخدم)..
1-تكلفة انتاجيّة أقل.
2- كثافة أعلى لتخزين البيانات أي أداء أسرع.

سلمت يداك أخي مصطفى

، سأقوم بإضافته إلى المميّزة مع تعديل بسيط في العنوان، تمّ التقييم.

ألف شكر على مرورك الطيب وعلى التقييم وعلى إضافته للمواضيع المميزه
وفعلا الفكره اللى عايز أوصلها للأعضاء ان موضوع عدد الاسطوانات داخل الهارد مهم جداااااا لدرجة إنه جعل البلو اليتغلب على الجرين الموفر للطاقه طبعا وجه مقارنة قرص قديم بقرص جديد غير عادل نسبيا ولكن ممكن يشجع الناس انها ماتشتريش الاقراص فور نزولها السوق وتصبر حتى ينزل اصدارا تأحسن

مثال الهارد ال 2 تيرا كان بيتكون من 4 أقراص 500 والان بيتكون 3 أقراص 720 وقريبا هيتكون من اسطوانتين كل اسطوانه 1 تيرا ده فضلا زى ما حضرتك زكرت ان الأسعار بتنزل لان تكلفة التصنيه بتنزل

أنا ان شاء الله هضيف نتائج برنامج HD Tune فى موضوع نتائج الاعضاء وياريت حضرتك تضع النتائج فى الجدول

وجزاكم الله خيرا على ما تقدموه من مواضيع وعلى ماتبذلوه من مجهود

**The Mysterious** · 22-10-2010, 04:15

وجزاك الله بمثله أخي مصطفى

، تمّت إضافة التقرير إلى تجارب الأعضاء الشخصيّة (المكان الأنسب) وسأقوم بتعديل جدول نتائج HD Tune وضم نتائجك إليه قريباً بإذن الله.
"هذه المشاركة بواسطة الهاتف الجوال"

**Coolman4now** · 22-10-2010, 04:28

المشاركة الأصلية كتبت بواسطة Gomaa108

مثال الهارد ال 2 تيرا كان بيتكون من 4 أقراص 500 والان بيتكون 3 أقراص 720 وقريبا هيتكون من اسطوانتين كل اسطوانه 1 تيرا ده فضلا زى ما حضرتك زكرت ان الأسعار بتنزل لان تكلفة التصنيه بتنزل

- كان الهارد ينزل فعلا بأربع بلاترات سعة كل منهما 500 جيجابايت ، والأن يصدر بثلاث بلاترات سعة كل منهما 667 جيجابايت وليس 720 جيجابايت.

- مراجعة جيدة جدا أهنئك عليها ، وأشجعك على مراجعة كل شئ تشتريه جديد.

- تم التقييم بالطبع ، أشكرك جزيلا.

**Mostafa Gomaa** · 22-10-2010, 04:52

أنا آسف جدااااااا يا فادى اتلخبطت هو فعلا 667 حتى انت كاتبها فى آخر الموضوع بتاعك

ألف شكر على مرورك الطيب

- تم التقييم بالطبع ، أشكرك جزيلا.

:confused: أين التقييم هنخم ولا ايه :D

صحيح هو هاردى ال500 بلاتر واحد مش كده برضه

**Coolman4now** · 22-10-2010, 04:56

- بالفعل الهارد واحد بلاتر.

- العم سمعة بالمرصاد ، يجب قتله أو تخديره أولا. :D

**Mostafa Gomaa** · 22-10-2010, 05:03

- بالفعل الهارد واحد بلاتر.

- العم سمعة بالمرصاد ، يجب قتله أو تخديره أولا. :D

ماليش دعوه أنا بالكلام ده أنا عايز تقييم :D
عموما أنا لسه مكلم سمعه على الموبايل بتاعه على رقم 00 مافيش اطلبنى ماتجدنيش :D وقالى طالما فادى مش قادر يقيمك يبأه لازم يعمل موضوع جديد من مواضيعه التعبانه للمنتدى :Dياسلام لو كانت مراجعه لل 6870 :cool: