سياسة الاستخدام العادل

**ibm4me** · 24-10-2010, 01:22

السلام عليكم و رحمة الله و بركاته

انا مشترك فى خط (1 ميجا) والسرعة عندى نزلت للربع (256 كيلو بايت) اتصلت على الشركة يقولى ان ليا (40 جيجا) فى الشهر وانى عديت ال(40 جيجا) والسرعة عندى بتنزل ل(256 كيلو) وبيقولى ان السياسة دى لسة متطبقة من اول الشهر ده بشكل رسمى اللى هو (أكتوبر 2010) وان السرعة عندى نزلت فى يوم (19 أكتوبر 2010) ونهاية الأشتراك عندى فى أخر الشهر للعلم انا من الاسماعيلية والشركة اللى انا مشترك فيها اسمها (سوبر لينك)
فياريت اللى من الاسماعيلية يعرفنى *هل اتطبقت علية هذة السياسة الظالمة ولا لأ ؟ ويا ريت اعرف *سوبر لينك دى فرع لأى شركة انترنت فى مصر ؟ وياريت بردو اعرف *موقعها ؟ *وهل اتطبقت على الشركات الأخر مثل تى اى داتا وغيرها ؟ واللى من المحافظات الأخرى يقولى *هل اتطبقت علية هذة السياسة ولا محافظة الاسماعيلية فقط؟
ياريت تردو عليا لانى محتار -هل افصل الخدمة من الشهر الجاى ولا اكمل؟-لأن الموضوع ده مش نافع معايا وال (40 جيجا) مش مكفيا انى انزل حاجة يا دوبيي يقدو التصفح لأخر الشهر ؟

ومعلش اذا طولت عليكم

**ibm4me** · 24-10-2010, 01:30

وللعلم انا مشترك قديم فى الخدمة يعنى حوالى من سنة 2008 يعنى مش مشترك جديد عشان تطبق عليا هذة السياسة

**skywalker91** · 24-10-2010, 17:17

من اسم الشركة واضح انها من الشركات بتاعت القطاع ب يعنى بتشترى باوندبث من تى اى داتا وتبيع للعملاء
مفيش حاجة اتطبقت على تى اى داتا ولا لينك
احسنلك افصل منهم وروح لاى وكيل لينكهيديك خط النت من تانى يوم بدل ما تستنى ال 15 يوم بتاعت تى اى داتا

**ibm4me** · 24-10-2010, 18:29

شكرا ليك
بس على ما اعتقد ان مفيش وكيل لشركة لينك عندينا او ممكن انا معرفهوش بس عمرى ما اسمعت عنها

**Brigadier** · 24-10-2010, 18:45

TEDataسيئة نصيحة لاتشترك معهم.

**skywalker91** · 24-10-2010, 21:25

اتصل بالدليل وخد رقم الشركة واسالهم عن وكيل لو لى شركة تجزئة معاهم او حتى فرع ليهم
صدقنى تى اى بطاطا رخمة جدا وبالذات لو انت ليك فى التورنت وبتاع

**event88** · 25-10-2010, 11:31

هو ليه أصلا الانترنت محدود :confused: , الشركات التي تجعل الانترنت محدود هي شركات الموبايل ليست شركات ال Land line :confused:

**skywalker91** · 25-10-2010, 18:27

لان عندنا فى مصر اعداد المشتركين بقت كبيرة والسعات والاجهزة والخطوط وى ما هى من يوم مانزلوا الدى اس ال فى 2001
فيعملو ا اية علشان يخففوا الضغط
بدل ما انا فرضا ممكن انزل بالواحد ميجا بتاعتى 300 جيجا لا انت تحمل بالواحد ميجا 40 جيجا بس
يعنى اللى انا كنت بستهلكة لوحد هستهلكة انا و 10 كمان
بس مش كل الشركات عملة كدة

**AL_ISLAM_333** · 27-10-2010, 05:36

40 جيجا فعلا ما بتكفيش بحاجة ...الناس بتتقدم الى الامام و احنا للوراء ...سرعة التحميل في دول الاجانب تصل الى 20 ميجا "ركزوا سرعة التحميل و ليس سرعة النت"

**optimus prime** · 27-10-2010, 15:00

انا شركة ايجي نت ومطبقة عليا السياسة دي
وف الغالب انت خط ايجي نت ( اتصالات ) لان هي وفودافون تقريبا الي طبقت الخدمة
بس انا 1 ميجا وسعة خطي 60 جيجا ولما بنزل بنزل ل512 وخلاص على كدا
مش بنزل ل256 زي ما حصل معاك

**3m.Ahmed** · 27-10-2010, 16:49

انت مشترك مع موزع و ليس مع الشركة راسا لذلك عندك حل من اتنين
اما الشكوي عند الموزع و الخناق ثم الشكوي لدي الشركة الرئيسة

او انك تفصل الخدمة من عند هذا الموزع و تشوف موزع تاني و الافضل الاشتراك مع الشركة راسا لو لها تواجد في السنترال بتاعك

لكن سياسة العادل لم تطبق في لينك و لا في تي اي داتا و الموزع يريد استغلالك و سرقتك و توزيع اقل باندويدث عل اكبر عدد من المشتركين و بكده يكسب من منكم مكسب كبير