بخصوص دراسة الشبكات حتى CCIE والعلاقة بالمؤهل

[mezomora123]

السلام عليكم اخوانى..........
وصلنى أكثر من رسالة على الخاص.....بخصوص هذا الموضوع....وشوفت ان عرض الموضوع للجميع هيبقى أفضل...وسيعطى الفرصة لكل من يريد البدء فى دراسة الشبكات أن يطمئن وأن يبذل كل ما فى جهده من أجل تحقيق أعلى درجات النجاح.......وأتمنى ان نغطى أى Scenario يمكن أى يظهر أو يكون مطابق لحالة خاضت مثل هذا ال Scenario.....
أما وجهة نظرى تجاه هذا الموضوع ليست قوية..أو ممكن تكون مش أكيدة بنسبة 100 %.........لذلك سأذكرها....لكن بعد تفاعل الاعضاء.....حتى لا أفسد الموضوع من أوله ((هههه....لأنها ممكن تحبط واحد من قبل ما يبدأ ))

نريد أن نناقش فى هذا الموضوع..........
-هل المؤهل الجامعى له تأثير على الحصول على وظيفة فى مجال الشبكات.......
**وأقصد فى هذا السؤال......ان الواحد حاصل على CCNA +CCNP يعنى فى Prof Level........
- فى حالة لو مش معاه مؤهل جامعى.....؟
- فى حالة لو هو مؤهل جامعى...بس مش هندسة حاسب
أو اتصالات.....؟
====================
- هل اللغة الانجليزية بمستوى جيد الى جانب المستوى السابق......أو بمستوى احترافى ........
**وأقصد فى هذا السؤال......ان الواحد حاصل على CCNA & CCNP
CCIP & CCIE يعنى فى Expert Level .....
- فى حالة لو مش معاه مؤهل جامعى.....؟
- فى حالة لو هو مؤهل جامعى...بس مش هندسة حاسب
أو اتصالات.....؟
==================
- هل لو الشخص حاصل على كل ما سبق......وأيضا المستوى فى English كان Fluent.........هل يستطيع هذا الشخص الحصول على فرصة عمل مناسبة......أم يستطيع الحصول على وظيفة بسهولة كأى CCIE تانى......أم لن يجد الا بصعوبة وبمواصفات لا تتفق مع طموحه ولا تتناسب مع المجهود الذى بذله من أجل الحصول على هذه الشهادات....
=====================
وسؤال أخير.........
كم تكلفة كورس CCIE Written ......مذاكرة Self Study ......
وتكلفة التحضير لل LAB .....من شراء لكتب وفيديوهات......والل Online Racks وال Mobile Lab ......أم ممكن تكون التكلفة أقل مايمكن..........
================================
وفى النهاية.....أرجو من الاعضاء التفاعل وابداء الاراء.....وطرح وجهات النظر.....بحيث كل واحد يقول رأيه.......ويقول هذا الرأى ينطبق على أى بلد أو أى نظام......لأن الكل عارف ان كل بلد ليها نظام فى تشغيل ال IT وخصوصا الشركات المحترمة.....والشركات التى تطبق ال ISO (( فى مصر ))
**ولو هناك امكانية لذكر أمثلة من الواقع العملى هيكون أفضل وأكثر استفاضة وتوضيح لوجهات النظر..........
وجزاكم الله خيراًً
ادعولى

[egyptian bird]

بسم الله

#هل المؤهل الجامعى له تأثير على الحصول على وظيفة فى مجال الشبكات

من وجهة نظري الشخصية لا لاني اعمل عمل مهندس شبكات في الخليج ومع CCNA وكليتي ليست هندسة....لكن يجب ان اجتهد اكثر من اي واحد معي ولا اطلب طلبات من الادراة واحاول تحصيل الشهادات التي تسد نقص شهادة الهندسة....يعني اثبت وجودك بخبرتك ومهاراتك الشخصية ثم شهادات سيسكو .

#هل اللغة الانجليزية بمستوى جيد الى جانب المستوى السابق......أو بمستوى احترافى

اتقان اللغة الانجليزية اتقان جيد شيء ممتاز - لكن المستوي العادي يمكن به ان تجد مكان في مجال ال IT في البلاد العربية

#بالنسبة لسوال ال ccie معنديش فكرة صراحة بس بالتوفيق ان شاء الله


تقبل تحياتي

[mezomora123]

بسم الله

#هل المؤهل الجامعى له تأثير على الحصول على وظيفة فى مجال الشبكات

من وجهة نظري الشخصية لا لاني اعمل عمل مهندس شبكات في الخليج ومع CCNA وكليتي ليست هندسة....لكن يجب ان اجتهد اكثر من اي واحد معي ولا اطلب طلبات من الادراة واحاول تحصيل الشهادات التي تسد نقص شهادة الهندسة....يعني اثبت وجودك بخبرتك ومهاراتك الشخصية ثم شهادات سيسكو .

#هل اللغة الانجليزية بمستوى جيد الى جانب المستوى السابق......أو بمستوى احترافى

اتقان اللغة الانجليزية اتقان جيد شيء ممتاز - لكن المستوي العادي يمكن به ان تجد مكان في مجال ال IT في البلاد العربية

#بالنسبة لسوال ال ccie معنديش فكرة صراحة بس بالتوفيق ان شاء الله


تقبل تحياتي

================================================== ========
أشكرك أخى على هذا الرد..............
وبانتظار تفاعلات الاعضاء

[Brigadier]

-هل المؤهل الجامعى له تأثير على الحصول على وظيفة فى مجال الشبكات......

لا يؤثر في اغلب الحالات , خاصة في مصر الاهم هو مهارة الشخص في الوظيفة و مدى مايمكن ان يحققه بغض النظر عن تخصصه , اعرف كثر من العاملين بمجال الشبكات تخصصهم حقوق .

هل اللغة الانجليزية بمستوى جيد الى جانب المستوى السابق......أو بمستوى احترافى ........

اللغه عامل مساعد وهام , بعض الشركات"خاصة الكبيرة والاجنبيه" تضع عامل اللغه كشرط وعامل هام وربما احياناً اساسي.لكن بالاغلب يجب على الشخص ان يكون على دراية جيده باساسيات اللغه.

CCIP & CCIE يعنى فى Expert Level .....
- فى حالة لو مش معاه مؤهل جامعى.....؟

طبعاً الحاصل على CCIE لايتم النظر اصلاً للمؤهل الخاص به لان الشهاده تحقق لحاملها مكان وقيمة مرموقه.

هذا ما انا على دراية به واعتذر عن الاجابه عن البقية لاني لست على علم بالاجابات

موفق اخي محمد.

[mezomora123]

شكراً....لجميع الاعضاء.......
ياريت لو حد عنده أى معلومة.........أو حتى استفسار أو حاجة محيراه يقولها......بحيث ان الموضوع يبقى غطى كل شىء.....ورد على كل استفسار ورد فى مثل هذا الشأن.....

[سعيد يوسف]

السلام عليكم ورحمة الله وبركاته
الباشمهندس \ياسر رمزي كيف الأحوال عساك تكون بخير وفي أتم صحة أولا م\رضا بيسلم علي حضرتك كتير ويقرؤك السلام
ثانيايوجد استفسار بسيط بحكم خبرة حضرتك ودرايتك بسوق العمل أكثر منا
بلغني أن سوق العمل بالنسبة لسيسكو يدققون علي خريجي هندسة اتصالات غير ميكروسوفت لايشترطون ذلك وهل لو انك خريج أي كلية أخري تستطيع أن تصل لمكانة مرموقة في حقل سيسكو أنا مثلا خريج علوم سياسية وهل حصولك علي ccie يغني عن كونك لست بخريج اتصالات
فمثلا عندما كنت في الكويت أخبروني في أحد المعاهد المشهورة جدا وهو معهد الأثري أن الشركات عندما تأخذ مناقصات أو عطاءات تأخذها بناء علي المهندسين عندهم في الشركة أولا أي هندسة اتصالات ثم شهادات سيسكو أو الأولوية لمن هو ccie وأيضا هندسة اتصالات يعني لو الفرد ccnp or ccie ولكنه ليس هندسة اتصالات هل سيقدم أم الأولوية للهندسة وهل ذلك يطبق في كل الشركات أم في شركات الاتصالات مثل زين وهلا و service provider ك فاست تيليكو وهم في الكويت ولكم فائق الحب والاحترام

[سعيد يوسف]

Himawan Nugroho الإندونيسي الحاصل على :

Triple CCIE #8171 in R&S, Sec, SP

والذي يعمل حاليا في سيسكو الشرق الأوسط بـ-" دبي " الإمارات . يعني أنه أكثر من مؤهل للحديث عن CCIE




للإشارة فقط :

المحاضر Himawan Nugroho ليس خريج حاسبات أو إتصالات و إنما هو خريج هندسة ميكانيكية !!!!
__________________

[Hammani72]

تفضلوا بزيارة المدونة الخاصة بـ Himawan Nugroho و التي تحوي مقالات رائعة ذات صلة بالموضوع :

https://brokenpipes.blogspot.com/


والله الموفق

---------------------------------------------

قال رسول الله صلى الله تعالى عليه وآله وسلم:
"تُعْرَضُ الْفِتَنُ عَلَى القُلُوبِ كَعَرْضِ الْحَصِيرِ عُودًا عُودًا. فَأَىُّ قَلْبٍ أُشرِبَهَا نُكِتَتْ فِيه نُكْتَةٌ سَوْدَاءُ، وَأَىُّ قَلْبٍ أَنْكَرَهَا نُكِتَتْ فِيهِ نُكْتَةٌ بَيْضاءُ، حَتَّى تَعُودَ الْقُلُوبُ عَلَى قَلْبَيْنِ: قَلْبٍ أَسْوَد مُرْبَادًا كالكُوزِ مُجَخِّيًا. لا يَعْرِفُ مَعْروفاً وَلا يُنْكِرُ مُنْكَراً، إِلا مَا أُشْرِبَ مِنْ هَوَاهُ، وَقَلْبٍ أَبْيَض لا تَضُرُّهُ فِتْنَةٌ مَا دَامَتِ السَّماواتُ وَالأرْضُ".

قال محمد بن واسع: ما آسى مِن الدنيا إلا على ثلاث:
صاحب إذا اعوججت قومني، وصلاة في جماعة يُحمل عني سهوها وأفوزُ بفَّضْلِها، وقوتٍ من الدنيا ليس لأحد فيه منة، ولا لله عز وجل علي فيه تبعة.

[ahmed_desoki]

سلام عليكم . احب انقل لحضراتكم شوية من خبرتى . مجال الاى تى عموما مجال مفتوح لكن الدراسة بتفرق فى احيان كثيرة و خصوصا فى مجال النتورك بمعنى انك لو خريج كلية الحاسبات و المعلومات او كلية هندسة ( سواء هندسة اتصالات او حاسب الى ) هتفرق شوية عن الغير متخصصين لكن عموما فى الوقت الحالى محدش بيقدر ينجح فى مجال الشبكات الا لما يكون عندة خلفية كبيرة عن هندسة البرمجيات لازم يكون عندة خبرة فى الداتا بيز و الويب ديفلومنت عشان يقدر يشتغل كويس .

[MAGA]

المؤهل الجامعي مؤثر جدا في الشركات الكبرى ويلعب دور هام في تحديد المستوى الوظيفي بعكس الشركات الصغيرة التي تبحث دوما عن أشخاص بدون مستوى جامعي لتكون مرتباتهم بسيطة

شركتي مثلا تضع شرطا أساسيا المؤهل الجامعي وبنفس التخصص وإلا لن يتم النظر مطلقا للمتقدم

[mezomora123]

من خلال مشاركات الاعضاء...............
هناك من يؤيد وجود وظائف كثيرة وبمرتبات جيدة جدا فى مجال ال Network لمن هم ليسوا خريجى حاسبات ومعلومات أو هندسة الاتصالات..........وهناك العكس......
ومن وجهة نظرى..........
1- ان الكلام دا فى مصر بس.....ويمكن بعض الدول العربية.
2- أنا لما ولت فى أول الموضوع...اتكلمت عن ال CCIE .....يعنى انت لو فى مصر أو حتى ورا الشمس....ومقدم على أى وظيفة Networking لن يكون المؤهل له أى قيمة
3- أما بقى فى الدول الاوروبية.....كده كده انت مش معترف بشهادتك...يعنى هيبص على خبرتك وشهاداتك.
يعنى فى موضوع خريج ايه دا.....هيتساوى خريج جامعة عماليه مع خريج هندسة الاتصالات (( مش للدرجة دى )) بس القصد ان الشهادتين مش معترف بيهم هناك.

[To be or not]

السلام عليكم

موضوع جامد والله وأحيك عليك

بس كان ليا عند صاحب الموضوع وكذلك باقي الاخوة الاحباء سؤال
ياريت اللي عنده خبرة بية يجاوبني
أنتو ذكرتو كليتي هندسة وحاسبات

طيب ما بالكم في خريج علوم قسم علوم حاسب(أنا خريج علوم قسم علوم حاسب وبدأت في مجال الشبكات)
اية الوضع بالنسبة له
هل يعد كخريجي الكليتين السابقتين أم ماذا؟
مع العلم بأن مجال العمل الأساسي لكلية علوم بجميع أقسامها هو مجال البحث العلمي و هو من أقوي المجالات(بس للأسف اديكم شافين البحث العلمي في مصر وصل لفين :ah19
وجزاكم الله خيرا

[mezomora123]

السلام عليكم.....أخى To Be Or Not ........
من واقع العمل فى مصر........وبالتحديد مصر بنسبة 80 % من الوظائف اللى بتبقى فى مجال ال IT عامة......بتلاقى مكتوب فى الاعلان الخاص بأى وظيفة......فى مكان المؤهل.....
-Computer Science & Computer - Communication Engineer
وتلاقى مكتوب فى اخر السطر Or any Relevant Field
وبكدا تبقى انت ضمن الناس الاخيرة دى......
بس هرجع وأقول.....وزى ما الناس كلها هنا قالت....ان المؤهل مش هيعملك حاجة خالص.......خبرتك وشهاداتك هما المحك والمعيار الاساسى لقبولك فى أى وظيفة..........
وربنا يكرمك ان شاء الله........

[To be or not]

السلام عليكم.....أخى To Be Or Not ........
من واقع العمل فى مصر........وبالتحديد مصر بنسبة 80 % من الوظائف اللى بتبقى فى مجال ال IT عامة......بتلاقى مكتوب فى الاعلان الخاص بأى وظيفة......فى مكان المؤهل.....
-Computer Science & Computer - Communication Engineer
وتلاقى مكتوب فى اخر السطر Or any Relevant Field
وبكدا تبقى انت ضمن الناس الاخيرة دى......
بس هرجع وأقول.....وزى ما الناس كلها هنا قالت....ان المؤهل مش هيعملك حاجة خالص.......خبرتك وشهاداتك هما المحك والمعيار الاساسى لقبولك فى أى وظيفة..........
وربنا يكرمك ان شاء الله........

وعليكم السلام أخي

سعدت والله بردك علي وألف شكر لك
بس ياريت كان لي عندك استفسار وهوا ممكن يكون بعيد شوية عن المموضوع فياريت تفيدني
انا لسة متخرج السنة دي 2010 (بكالريوس علوم حاسب كلية العلوم) زي ما عرفت سالفا
وانا نويت بإذن الله ابدأفي مجال الشبكات وحاليا انا بذاكر A+ من خلال فيديوهات حبيبنا وأستاذنا الكبير
أحمد جوده _جزاه الله عنا كل الخير_
بجانب اني مشترك في مركز تدريب في محافظتي لهذه الدورة(A+) وبعد ما أخلصها باذن الله هبدأفي كورس
Network +
وبعدين ccna وبعديها ccna wirless
واحتمال كبير أخد ccnp
وبعد دا كله ان شاء الله ربنا يكرمني بالشغل

فكنت عايز أعرف منك ومن با قي الأحباء الاعضاء وخصوصا من لديهم خبرة بمجال الشبكات
اية رأيكم في الخطة اللي هتخذها دي لكي أعمل في هذا المجال؟
وأسف علي الإطاله
وجزاكم الله خيرا

[mezomora123]

كويس جدا يا أخى........
وربنا يوفقك......
بس أنا ليا رأى (( مجرد رأى شخصى ))
ان انت تخلص CCNA وبعدها CCNP ........وبعد كده ابقى شوف انت عايز تتجه لمجال ايه....سواء ال Voice أو ال Security أو ال Routing & Switching أو Wireless ..........
لأن CCNA لوحدها مش هتعملك حاجة......سواء وانت بتدور على وظيفة أو كم المعلومات اللى فيها (( مجرد بدائيات )).....
ف أنا شايف ان الافضل تخلص CCNP وبعد كده تشوف شغل كويس وتذاكر اى تراك تانى وانت فى مرحلة العمل......
وربنا يوفقك.........