بسم الله الرحمن الرحيم
السلام عليكم يأهل الخبره والعلم
دا اول موضوع ليا وانا واثق الحل ان شاء الله على ايديكم الكريمه
من 3 ايام اشتريت هارد 500 جيجا ويسترن ديجيتال بلو رقمه
wdc wd5000aaks-00v1a0
المهم جبت الهارد وفرمته وعال العال ونزلت الداتا بتاعتى عليه ونزلت ويندوز 7 وقسمته 5 برتشنات
وفجاه الهارد بيقف اه والنعمه بيقف ويشتغل بسمع صوته بيعمل فووووو وريرجع يجمع من تانى قولت ممكن تكون مشكله الويندوز اجرب ال xp نزلتها اوشتغلت تمام بتاع 10 ساعات كده واول ما شغلت لعبه لقيته عمل نفس الحركه وهكذا لأن لما كنت على الويندوز 7 ادنى شاشه زرقه بس ملحقتش اعرف بتاعت ايه المهم الهارد على الاكس بى شغال بس الوقف بتاع الهارد والصوت العجيب (فووووو) وبعد كده يشتغل مش فاهم
ياجماعه انجدونى لحسن شكلى الهارد دا انا شربيته ولاايه
انا نزلت حضرتكم برنامج HD TUNE وعملت صوره من حاجه عسا تفدكو ان شاء الله فى موضوعى مع انى مش عارف استخدمه بس بالفراسه كده
الصوره ايه
يارب القى اللى يطمن قلبى عندكو
وعليكم السلام ورحمة الله وبركاته
افحص القرص ببرنامج Data Lifeguard Diagnostic واختار "Extended Test" ولو ظهر أي خطأ استبدله فوراً في الضمان
دى صورة من التست السريع مش فاهم يقصد ايه
ياجماعه حد يرد علينا اسرح الهادر ده ولا ايه
حاول تجربه علي جهاز تاني لان ممكن تكون مشكله باور سبلاي لو لقيت المشكله يبقي استبدله فورا بواحد جديد وتقلقش خالص من ضمان ويسترن كويس جدا ولو في الهارد اي مشكله هيدولك واحد بداله عن تجربة انا لسه مبدل هاردي بواحد جديد الاسبوع الي فات
اعمله فورمات وقسمه من جديد واكشف علي لو لقيت باد سكتور يبقي غيره فورا من المحل ومش هيقدر يتكلم معاك نصف كلمة و هيديلك هارد جديد بداله واوعي تتنازل عن حققك في شراء منتج سليم تمام انا الهارد الي مبدله الاسبوع الي فات كان شغال تمام بس بيطلع صوت احتكاك واطي اوي فبدلهولي بهارد تاني جديد انزل دلوقتي بدله ولو لقيته بيتهرب اتمسك بحقك وتبقي ترد عليا وتقلي عملت ايه في رساله خاصه.
بالمناسبة الهارد بتاعي الجديد شكلي الي لسه مغيره شكلي هغيره تاني عشان فيه نفس المشكله ربنا يسهل
من تلات ايام يعني من حقك تسترد فلوسك تمام
روح بدله بواحد تاني او خد فلوسك لان الهرد في باد سيكتور
السياسة الي ماشيين بيها في مصر هي استكمال الضمان فاكيد هيبدلك الهارد بواحد جديد لكن صعب انك تاخد فلوسك الا لو ضربته :D
أخي القرص يعاني من مشكلة واضحة في آليّة عمله الميكانيكيّة، سواء أكانت في محرّك التدوير أو الرؤوس، لذا أنصحك باستبداله فوراً بآخر جديد، عدا ذلك قد يكون مزوّد الطاقة (خاصة إن كان من نوعيّة تجارية، يعني أبو الـ50 جنيه) سبب رئيسي لمشكلتك هذه.
"هذه المشاركة بواسطة الهاتف الجوال"
كما ذكرت لك وذكر مشرفنا العزيز bigmaster، لو ظهر أي خطأ استبدله فوراً في الضمان
اشكركم اخوانى على الردود انا فعلا رحتلو ووديت الهارد لمهندس حبيبى كشغ عليه ببر نامج معرفش اسمه المهم قالى الهارد فيه فرام ويير والهد بتاعه مش عارف ماله يعنى عيب تصنيع المهم خد الهارد ورحت للمركز اللى انا شريه لقيته قافل المهم امبارح رجعت من الشغل واتصلت بيهم وردو عليا وشرحتلهم الموقف وانى كشفت عليه ولقيت فيه كذا وكذا راح واحد الله يبركله مزعق معايا فى التليفون رحت نازل واخد الهارد جرى ورحت المحل واقفشت الاخ اللى بيكلمنى واديتو اللى فيه الناصيب اصلى انا عصبى جدا:D راح صاحب المحل سائلنى فيه ايه حكتلو اللى حصل خاد الهارد منى وقلى طب سبهولى انا انزل نسخه ويندوز واجربه ولو فيه حاجه هديلك بداله قولتو المهندس اللى انا رحتلو انتو تعرفه وبتتعامله معا فألاخ التانى اللى كلمنى فى التليفون بيبوق ويوجهلى كلام رحت متركله سنانه:D اصلى انا عصبى والله وبمبحش حد يكل بعقلى حلوه المهم رحت النهارده سبحان الله لقيت المهندس اللى كشفلى على الهارد موجود فى المركز قولت ماجمع اللى ما وافق رحت قولتو انت مش قولتلى كذا وكذا قالى تمام بس استنى الهارد شغال تمام وكويس وانا شوفته ومفهوش اى حاجه رحت باصص للاتنين قولتهم انتو بترمخوها عليا ولا ايه ولسه بقى هقلع قناع الاحترام لقيت الراجل بيقولى ثوانى بس انت مش بتقول انو بيقف طب الهارد اداماك اهو جربه جربته لقيته مفيش حاجه اشغل الالعاب مفيش ارستر واشغل كذا حاجه الحمد لله ما يوقف قالى ياباشا المشكله دى باور سبلاى ملهاش دعوه او ممكن كابل الساتا فيه حاجه قالى عمتا جربه وشوفه هيشتغل معاك تمام يبقى كده مفيش مشاكل مشتغلش هتولولى وادخلهولك الضمان بقولو انا بعمل كشف ببرامج عل الهايرنز بوت بقالى حرف الB مش دا باد سيكتور قالى دا باد عادى مش لوجيكل لو لوجيكل تسمع تكات فى الهارد المهم خد الهارد وقولتو هجربه لو حصل الموقف تانى سعتها اللى يريدو ربنا يكون المهم وانا ماشى دخلت محل قالى وحكتولو على اللى حصل قالى المهندس ده سورى مبيفهمش لأن الفرام ويير والهد يبقى الهارد ميقراش خلاص ولا يديلك اى برتشنات دا كلامه المهم روحت ووصلت الكابل اللى ف الباور سبلاى مكنتش بستخدمه جيبت اركبو رجع تانى الصوت باتع فوووووووو وبداء يوقف قولت الله غريبه ماكان شغال نزلت اشتريت كابل ساتا بور تانى وركبته وجيت اشغل مسمعتش اى صوت والهارد انا بكلمكم من عليه دلوقتى هو دا اللى حصل بالتفصيل يترى ياستاذه تفسير حضرتكم ايه
المفضلات