النتائج 1 إلى 3 من 3

الموضوع: ارسلها لعشره....تكسب جوافايه.....

  1. #1
    عضو برونزي الصورة الرمزية LoAy FaYeZ
    تاريخ التسجيل
    Jun 2009
    المشاركات
    640
    معدل تقييم المستوى
    12

    Post ارسلها لعشره....تكسب جوافايه.....



    هذه مقالة قديمة نسبيا لـ هشام عفيفي

    ارسلها لعشره....تكسب جوافايه..... :



    ملحوظه : شخص قرأ هذه المقاله...ولم ينشرها علي الفين وخمسميت واحد...مراته اتحرقت..

    وولاده سافروا سنغافورا ...وحماته اصبحت بتطير بليل...وخالته برطمان المخلل بتاعها اتكسر ...!!!

    ---------------

    شخص اسمه – محسن – من فلسطين....اقسم انه رأي الرسول في المنام.....ارسلها لعشره وهتسمع خبر سعيد كمان نص ساعه ...

    --------------

    الرسام الدينماركي ...وجد محروقا جمب مقر الصحافه الي هو بيتنيل فيه ......ارسلها لخمستاشر هتسمع خبر حلو كمان اربع سعات – اموت واعرف بيحسب الوقت ازاي -

    --------------

    ___________________________

    عندي سؤال واحد فقط.....لا غير....لماذا لا نحلل ونفكر ونربط الموضوع بالمنطق

    قبل ما نعمل اي حاجه

    يعني مثلا واحد اقسم انه رأي الرسول صلي الله عليه وسلم في المنام .....انا استفدت ايه ؟؟!؟!؟!

    طب لما هنشرها لعشره.....هل في عداد فوق في السما كده....

    الاسم : هشام عفيفي

    عدد المرسلات : 9

    المتبقي : 1

    الحاله بعد الارسال : سعاده تامه

    الوقت المتاح : 12 دقيقه من اصل 30 دقيقه

    ------

    تخلف ازلي.......تخلف ازلي ازلي يعني....

    انا مبتهمكش انت بالتخلف.....بس انت بردو بتحمل شيء من هذا التخلف...اعذرني

    ماهو واحد بيقولك...لو منشرتهاش هيجيلك خبر وحش..وهتبقي تعيس طول حياتك

    وواحد تاني..بيقولك.....واحد خبطته عربيه.......وانت بتصدق وبتنشر....وداخل وهات اميلات وابعت واديلو

    ده يبقي ايه ؟!؟!؟

    ---------

    بلاش دي..لسه شايف من يومين

    واحده عندها 13 سنه كان عجز الاطباء عن شفائها...ونامت وصحيت لقت السيده زينب بتنزل ماء من عنيها...وصحيت لقت نفسها شفيت .....- سبحان الله - ....وبعدين ايه السيده زينب قالتلها في المنام....انها تكتب الي حصل وترسله تلتاشر مره ..

    فواحد فقير وصلتله الحكايه وبعتها ..وبقي غني !!

    وواحد كان صحته كويسه ..ومبعتاهاش....بقي تعبان وطلعان عين اهله !!

    ------

    انهي عقل الي يصدق !؟!؟!؟!؟ ....حاشا لله ان يكون مثل هذه السيده الطاهره التي هي من اشرف النساء التي نزلت علي الارض.......ان يكون تفكيرها مثل هذا التفكير

    او تكون السعاده والحزن والرزق في الانسان........مربوط ...بابعتها لخمستاشر تكسب تلاجه

    ------------

    بلاش .....الراجل الدينماركي........تصدق بالله لغايه دلوقتي هو عايش...واعتزل الكاريكاتير من كام شهر – هذه المقاله كتبت في 29 سبتمبر 2010 – وعايش وشغال وزي الفل

    لا موجود محروق..ولا حصل فيه حاجه*

    ** مش عايز اخرج عن الموضوع.....بس هي دعوه للتفكير.....عارف الراجل ده متحرقش ليه ؟؟؟

    لان لو كل واحد عمل خطأ وربنا حرقه ...كانت زمان الارض كلها والعه **

    نقوم احنا مصدقين بردو....وابعت لعشره عشان تكسب غساله

    ------------

    بالله عليك....اذا وجدت ..مثل هذه الرسائل...اربطها بالمنطق والعقل..

    طيب هو مين الي هيعرف اني بعتها لعشره.بعد كده بقيت سعيد !!!

    طيب مثلا...واحد رأي الرسول صلي الله عليه وسلم ......والله شيء طيب .وشيء جميل جدا ويا بخته.....بس انا اسفدت ايه !؟؟! ...هو راجل صالح والرسول جاله في المنام .....انا عملت ايه بقي !؟!؟

    فين السعاده لما ارسلها لعشره ! ؟

    واشمعني نص ساعه !؟!؟


    وبعدين بقي ايه .....الرسايل التحذيريه

    متاكلش برتقال..عشان وحش بيجيب اسهال

    متاكلش شيكولاته ..عشان وحشه بتجيب امساك

    واحد رايح السينما فقعد علي كرسي كان فيه ابره فيها الايدز....متروحش السينما

    واحده كانت بتاكل فشار..الانبوبه فرقعت في وشها – متعرفش ليه هيا غلاسه-

    متشربش اي مشروب غازي عشان مليان غازات – شوفت انت دي –



    متاكلش لا جبن ولا بيض ولا لحمه ولا سمك ولا نباتات - علق محاليل -

    وكل ده ...ارسله لعشره ...والا حسابك هيبقي عند ربنا ..وحسبي الله ونعم الوكيل فيك ..ربنا يولع في ...


    ----------------

    والناس بردو بتصدق ....

    فين العقل ...فين المنطق...انا عمري ما شوفت واحد امريكي

    داخل كاتب

    Send this to 10 persons…..u will be happy JJ

    الترجمه : بردو ارسل دي لعشره ...وهتبقي سعيد ومبسوط


    او مثلا..شوفت واحد بيقول

    واحد اقسم انه شاف المسيح في المنام..ارسلها لعشره...وهيجيلك خبر سعيد بعد حلقه اوبرا علي طول

    -----------

    انا متأكد المره الجاي..لما تشوف رسايل زي دي هتفكر فيها قبل ما تنشرها

    ملحوظه : لازم تنشر المقاله دي علي عشره.....والا هيقع عليك دولاب قديم معتق ...مصنوع من خشب الزان..جواه سيد قشطه



    هشام عفيفي 29-9-2010


    رأيي الشخصي : طول عمري بقرأ مثل هذه الرسايل , وبستغرب من الي بينشروها بدون تفكير في اسلوب نشرها :confused: , وعلى العموم وضعت هذه المقالة لأبداء رأيى في هذا الموضوع ,

    لا مانع من المشاركة , وابدا الرأى لو حبيتم


    لا اله إالا أنت سبحانك إني كنت من الظالمين
    أسألكم الدعاء





    **************************************************

  2. #2
    عضو ذهبي
    تاريخ التسجيل
    Mar 2009
    المشاركات
    1,756
    الدولة: Egypt
    معدل تقييم المستوى
    15

    رد: ارسلها لعشره....تكسب جوافايه.....

    بيتبعتلى رسائل كتير من النوع ده على الموبيل والميل
    بمسحهم بمجرد ما اقرأ اول كلمة ومين غير ما اعرف
    اخر الموضوع وقصته ايه
    الغريبة فى الموضوع ان اعظم اشكال الجهل والتخلف بتنتشر من خلال احدث تكنولوجيا :rolleyes: تناقض غريب

    [CENTER]
    [B][URL="http://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
    [CENTER][B][/B][/CENTER]
    [CENTER][B][URL="http://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة

    [/URL][/B][/CENTER]
    [CENTER][B][URL="http://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]

    [/CENTER]

  3. #3
    عضو برونزي الصورة الرمزية sherif-magdy
    تاريخ التسجيل
    Sep 2009
    المشاركات
    1,027
    الدولة: Egypt
    معدل تقييم المستوى
    18

    رد: ارسلها لعشره....تكسب جوافايه.....



    الاكتر من كده كمان الناس اللى بيوزعه الرسايل ديه بعد صلاه الجمعه
    و تلاقى ناس كتير جريت على المكتبه علشان تصور الورق و توزعه

المواضيع المتشابهه

  1. مشاركات: 4
    آخر مشاركة: 15-09-2012, 19:29
  2. عاوز تكسب حساب رابيد شير (حصريا)
    بواسطة zero10020 في المنتدى الأرشيف
    مشاركات: 0
    آخر مشاركة: 07-06-2010, 14:42
  3. كيف تكسب النقاش
    بواسطة NaAZoOR في المنتدى الأرشيف
    مشاركات: 4
    آخر مشاركة: 02-04-2006, 21:48

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •