النتائج 1 إلى 11 من 11

الموضوع: صورة وحكاية - جمهورية فقر العزبية

  1. #1
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    صورة وحكاية - جمهورية فقر العزبية



    تدور أحداث هذه القصة في كوكب مشابه لكوكب الأرض تماما
    و تحديدا في دولة من دول هذا الكوكب اسمها
    جمهورية فقر العزبية



    **( سبب تسميتها "العزبية" أن الدولة عندهم تقسم - بين الوزراء ورجال الأعمال - إلى عزب , لا إلى محافظات أو ولايات كما هو الحال عندنا في كوكب الأرض )

    وإليكم الأحداث :
    ___


    في ليلة من ليالي لفاقرة) عاصمة جمهورية فقر العزبية
    جلس بعض الشباب من ذوي الشهادات المتوسطة يتسامرون مع بعضهم البعض




    ___شحاته__________ فهيم _________جابر__



    فهيم : احنا حنفضل عاطلين كده لغاية امتى , لازم نتحرك بأه ياخونا بدل ما احنا أعدين كده .
    جابر: حنعمل ايه يعني ؟
    فهيم : انا بأآلي كام يوم بافكر في مشروع , ايه رأيكم لو ناخد حته ارض في الصحرا و نزرعها ونخليها خضره ونبأه من أصحاب الأملاك
    شحاته : بس ازاي ؟
    فهيم : بسيطة حنروح على ساحل البحر البمبي الأراضي الفاضيه هناك كتير وبعد ما نحدد الأرض نبتدي نحلي مية البحر و .....


    ــــــــــــــــــــــــــــــــــــــــــــــــــ ــــــــــــ



    وشرح فهيم خطوات المشروع لأصدقائه


    ــــــــــــــــــــــــــــــــــــــــــــــــــ ـــــــــــــــــــــ



    شحاته : يخرب عألك انت اتعلمت الحجات دي امتى؟
    فهيم : قرأتها في كتاب مطلعاه (زفارة الشجرة الذابلة) كانوا بيوزعوه في المهرجان بتاع النبتة الميتة



    **( ملحوظة : "زفارة الشجرة الذابلة" الذابلة توازي وزارة الزراعة في دول كوكب الأرض و"الزفارة" عندهم تقابل الوزارة عندنا)



    شحاته : بس حنجيب ناس منين ؟ انت عارف نص قريتي مصاب بالسرطان والنص التاني عنده فشل كلوي من مية الشرب
    جابر : دي سيبوها على انا حاتصل باولاد عمي في الصعيد واقنعهم بالموضوع ده .
    .....................


    و اتصل جابر بابن عمه هريدي الصعيدي



    ....................


    جابر : الو هريدي معاي ؟
    الحاجة أم هريدي : لا ياوليدي , هريدي بيسَّبَّح تسبيحة العيد استنى أوصلك التلفواان


    **(ملحوظة : "يسبح" بالسين والباء المشددتين = يستحم بلغة الصعيد في هذا الكوكب )




    __هريدي وهو بيستحم __



    جابر : كيفك ياهريدي يا ود عمي ....
    هريدي : ميان ؟ جابر؟ واكل ابوك يا جابر , بقى ما تتصلش إلا في العيد يا ود ...

    ....................



    وشرح جابر المشروع لهريدي واستطاع أن يقنعه.

    وطاف هريدي يجمع ما استطاع من شباب قريته
    واتفق الجميع على الالتقاء في عزبة البحر البمبي شرق جمهورية فقر العزبية
    **( العزبة عندهم تعني المحافظة عندنا كما تقدم)

    وكالعادة , اشتعل قطار الصعيد بهريدي ومن معه فاحترق نصفهم
    لكن لا بأس فقد وضع هريدي هذا الاحتمال في الحسبان و زود عدد (الأنفار) احتياطي





    اجتمع الشباب في عزبة البحر البمبي بدؤوا العمل وفقا لكتاب الزفارة .


    قاموا أولاً بالحفر في الأرض الصخرية لوضع البذور الذي أتى بها هريدي من البلد
    ثم شرعوا في تحلية المياه برمي أطنان السكر وعصير القصب في عرض البحر .
    وأثناء علمهم الدؤب جاءهم ما لم يكونوا يحتسبون .


    إنه مفتش الزفارة وحاشيته .




    _____مفتش الزفارة__________




    أخذ المفتش يتمم على الأمور حتى إذا وصل للكشف على البذور
    احمر وجهه واصفر .
    ....................................


    مفتش الزفارة : يا نهار ابوكم ازرق ايه ده انتو عارفين عقوبة استخدام البذور دي ايه ؟!


    جابر : يا سعت الباشا احنا منعرفش حاجة عنها , احنا لسة مبتدئين في الزراعة و ..و .. انت جبتها من انهي دهية دي ياهريدي , حطيت فيها أيه يا فقرى


    هريدي : مخبرش ياود عمي انا لقتها في بدروم بيت جدنا الكبير في صندوج مجفول بجفل مغفلج مكتوب عليه خسارة فيكم ياولاد الـ ...


    مفتش الزفارة : خلي الكلام ده ينفعكم .

    ...............



    رفع المفتش سماعة هاتفه المحمول واتصل ( بزفارة الشجرة الذابلة )

    ...............



    مفتش الزفارة : ايوه سعادة الزفير معاي , مع سيادتك مفتش الزفارة



    ______سعادة السيد الزفير _______




    الزفير : ده وقت تتصل بي فيه ! عايز ايه يا وش النحس ؟!


    مفتش الزفارة : انا آسف سعتك بس الوضع لا يحتمل التأخير


    الزفير : أف .. قول خلصني


    مفتش الزفارة : احنا سعتك مسكنا شوية عيال من الصعيد ومعاهم عيال من ..


    قاطعة الزفير


    الزفير : صعيد ؟! صعيد ايه يا منحوس هو لسه فيه ناس عايشين هناك ؟!


    مفتش الزفارة : ايوه يا فندم لسه عايشين


    الزفير : طيب كمل كمل
    ...............



    وما أن بين له أمر البذور حتى احمر وجه الزفير هو الآخر واصفر

    ...................



    الزفير : انت .. انت بتقول ايه ! ازاي الكلام ده يحصل استنى عندك انا حاتصل بزفارة الاستسلام **(توازي وزارة الدفاع في دول كوكب الأرض )
    واخليهم يبعتوك قوات دلوقتي حالا لغاية ما اجتمع بالمسؤولين ونشوف حنعمل ايه في المصيبة السودة دي



    هاجت البلد وماجت و دعا الزفير لاجتماع عاجل برئاسة رئيس الزفراء وأخذوا يتباحثون ويتناقشون حول القضية



    ________________ اجتماع الساد ة الزفراء والمسؤلوين _____________




    ووضعت البلد تحت حالة الطوائ واستنفر الجيش وحوصرت المنطقة برا وبحرا وجوا
    وتم السيطرة على الموقف حيث صودرت البذور وقبض على المتهمين وتم التأكد من عدوم وجود بذور مماثلة والحمد لله .
    انتشر الخبر و تصدر الصفحات الأولى في الصحف والمجلات
    وصار حديث المدينة


    وتسربت بعض الآنباء عن نية الحكومة في إجراء أقصى عقوبة للمتهمين
    وتم ذلك بالفعل حيث حوكم المتهمون محاكمة عسكرية قضت بإعدامهم رميا بالرصاص وقنابل النابلم الحارقة و حمض الكبريتيك المركز
    على أن يتم تنفيذ الحكم في ميدان عام ليكونوا عبرة لكل من تسول له نفسه خيانة البلد ودستورها وتهديد أمنها القومي



    حاول بعض رؤساء الدول الكبرى التوسط لتخفيف الحكم





    ولكن للأسف لم يفلح أي منهم .
    إنها قضية أمن قومي


    حتى رئيس الكوكب لم تشفع وساطته




    وجاء اليوم الموعود وصعد المتهمون على منصة الإعدام
    في أكبر ميدان بالعاصمة


    واحتشد الناس ينظرون ويشاهدون

    وفي أثناء ذلك مر رجل طاعن في السن
    يبدوا أنه لم يكن لدية دراية بالأحداث

    فسأل أحد الشباب الواقفين :


    ____________________الرجل الطاعن في السن ______________





    ـــــ الشاب ــــــ

    الرجل الطاعن : هو فيه ايه يابني؟ الهيصة دي كلها على ايه؟


    الشاب : يعم الحج انت مش عايش في الدنيا ولا ايه؟ دول الشباب بتوع قضية البحر البمبي اللي حيعدموهم
    الرجل الطاعن : ياه حيعدموهم مرة وحده , ياعيني عليكم يا مساكين
    الشاب : مش مساكين ولا حاجة , انت اصلك متعرفش هم عملوا ايه
    الرجل الطاعن : وهم عملوا ايه يابني ؟
    الشاب : دول زبطوا معاهم بذور(غير مسرطنة) كانوا عايزين يزرعوا بيها ويأكلونا منها , الخونة





    تعجب الرجل الطاعن مما آل إليه حال البلد


    وتنهد في حسرة و هو يقلب كفيه


    باديا على وجهه علامات الأسى والحزن



    ونظر إلى الشباب على منصة الإعدام


    قائلا لهم بصوته الحزين الشجي:




    اخص عليكم ,
    جيل آخر زمن,
    إتفووووووو.



    وخلصت الحدوته




  2. #2
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    رد: صورة وحكاية - جمهورية فقر العزبية

    ايه الفائده من الموضوع ؟

  3. #3
    عضو فضي الصورة الرمزية Hassan.Ali
    تاريخ التسجيل
    Apr 2009
    المشاركات
    924
    الدولة: Egypt
    معدل تقييم المستوى
    28

    رد: صورة وحكاية - جمهورية فقر العزبية

    ^^^

    انه مافيش فايده ....طريقه جديده باسلوب مبتكر ...فى اجتهاد !!

  4. #4
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: صورة وحكاية - جمهورية فقر العزبية

    اقتباس المشاركة الأصلية كتبت بواسطة hack4love مشاهدة المشاركة
    ايه الفائده من الموضوع ؟

    ان لم تكن تستطيع الضحك على حال حكومة هذه الدولة المبتلاه بهم فعليك ان تحاول مرة اخرى لعل وعسى:D:D

  5. #5
    إداري سابق
    تاريخ التسجيل
    Sep 2009
    المشاركات
    7,382
    الدولة: Egypt
    معدل تقييم المستوى
    74

    رد: صورة وحكاية - جمهورية فقر العزبية

    ايه الفائده من الموضوع ؟
    الموضوع فى قسم الابتسامات , و بالتالى الفائدة منه معروفة (الابتسامة) , و إن كنت أرى فيه فوائد أخرى
    شكرا لصاحب الموضوع .

  6. #6
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    رد: صورة وحكاية - جمهورية فقر العزبية

    لك افضل تقييم على ذكائك العالى

    موضوع جميل جدا (( للى عنده عقل و يفهم مغزاه ))
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  7. #7
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: صورة وحكاية - جمهورية فقر العزبية

    اقتباس المشاركة الأصلية كتبت بواسطة Dr Mohammad مشاهدة المشاركة
    الموضوع فى قسم الابتسامات , و بالتالى الفائدة منه معروفة (الابتسامة) , و إن كنت أرى فيه فوائد أخرى
    شكرا لصاحب الموضوع .

    شكراً لك لعلهم يفقهون يا دكتور

  8. #8
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: صورة وحكاية - جمهورية فقر العزبية

    اقتباس المشاركة الأصلية كتبت بواسطة MF88 مشاهدة المشاركة
    لك افضل تقييم على ذكائك العالى

    موضوع جميل جدا (( للى عنده عقل و يفهم مغزاه ))

    شكرً على التقييم
    للى عند عقل بأة:D:D

  9. #9
    عضو فضي الصورة الرمزية Hassan.Ali
    تاريخ التسجيل
    Apr 2009
    المشاركات
    924
    الدولة: Egypt
    معدل تقييم المستوى
    28

    رد: صورة وحكاية - جمهورية فقر العزبية

    للى عنده عقل و يفهم....صح احلى جمله ...للى.......بس للاسف

  10. #10
    عضو ذهبي
    تاريخ التسجيل
    Oct 2009
    المشاركات
    2,681
    الدولة: Egypt
    معدل تقييم المستوى
    38

    رد: صورة وحكاية - جمهورية فقر العزبية

    اقتباس المشاركة الأصلية كتبت بواسطة elbass مشاهدة المشاركة
    شكرً على التقييم
    للى عند عقل بأة:D:D
    الشعرب المصري ده
    احلي حاجه فيه التريقه والانتقاد والكلامممممممممممم لا والاجمل بيضحك علي خيبته التقيله والناقعه

    والله شعب كلمانجي فعلا اهي الانتخبات جايه ياجامد كمان شهر وتلاقيك اساسا معندكش بطاقه انتخابيه زي 60 مصري


    تعديل .... مكنتش واخد بالي انه في قسم الابتسامات هو كان في العام واتنقل :confused:

  11. #11
    مشرف سابق الصورة الرمزية elbass
    تاريخ التسجيل
    Jun 2008
    المشاركات
    1,318
    الدولة: Egypt
    معدل تقييم المستوى
    50

    رد: صورة وحكاية - جمهورية فقر العزبية



    اقتباس المشاركة الأصلية كتبت بواسطة hack4love مشاهدة المشاركة
    الشعرب المصري ده
    احلي حاجه فيه التريقه والانتقاد والكلامممممممممممم لا والاجمل بيضحك علي خيبته التقيله والناقعه

    والله شعب كلمانجي فعلا اهي الانتخبات جايه ياجامد كمان شهر وتلاقيك اساسا معندكش بطاقه انتخابيه زي 60 مصري


    تعديل .... مكنتش واخد بالي انه في قسم الابتسامات هو كان في العام واتنقل :confused:
    لا لم يكن فى العام وانتقل

    ثانيا مين قال لك اننى لا امتلك بطاقة انتخابية من عدمة او اعطاك الحق فى السؤال عنها

    ثانياً انا مقاطع هذه الانتخابات منذ الدورة الماضية

    وبعدين المصريين الا 80 مليون مواطن مش 60

    وبعدين الشعب كلامنجى اتقى الله ولا تسىء لشعبك فأنت مسؤل امام الله

    وفى النهاية انى احبك فى الله

المواضيع المتشابهه

  1. جمهورية أنتيكا
    بواسطة alex fox في المنتدى الأرشيف
    مشاركات: 3
    آخر مشاركة: 11-05-2008, 23:20
  2. جمهورية بطيخستان
    بواسطة hebron في المنتدى الأرشيف
    مشاركات: 45
    آخر مشاركة: 03-05-2008, 06:20
  3. مشاركات: 0
    آخر مشاركة: 20-02-2008, 16:50
  4. مشاركات: 0
    آخر مشاركة: 03-05-2006, 17:04
  5. مشاركات: 11
    آخر مشاركة: 30-06-2004, 20:59

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •