ممكن مساعدة فى اختيار مشتت ؟

**A. Waheed** · 30-10-2010, 13:22

السلام عليكم ورحمة الله وبركاته

كنت أريد المساعدة فى اختيار مشتت للمعالج 950 على لوحة رئيسية GA-X58A-UD3R ؟؟
كنت فى بداية الأمر مقتنعاً بالمشتت CM Hyper 212 Plus ، لكن أحد الأعضاء قال أن هذا المشتت لا يكفى لكسر السرعة بمقدار كبير

فما هو التردد الذى يمكننى الوصول به مع هذا المشتت ؟ وما هى المشتتات التى من الممكن أن تحقق تردداً أعلى فى الكسر دون القلق على درجة حرارة المعالج ؟ وهل على أن أفكر بجدية فى التبريد المائى ؟

سؤال آخر : علمت أن المعالج يأتى معه معجون حرارى ، هل يمكن الاكتفاء بهذا المعجون عند تركيب المشتت الاحترافى أم لا بد من شراء معجون منفصل ؟ علماً بأننى سأقوم بتركيب المشتت عند شراء المعالج فوراً أى أننى لن أقوم بتركيب المشتت القياسى أبداً !!

ملحوظة : Case = Cooler Master HAF 922

شكراً جزيلاً
والسلام عليكم ورحمة الله وبركاته

**Extreme2** · 30-10-2010, 14:22

عليكم السلام
المشتت Hyper 212 Plus مع مروحة إضافية ستصل بالمعالج لتردد 4.0 أو 4.2 مع حرارة مناسبة أخي .
وأعتقد أنه أفضل صفقة حاليا بسبب العرض الحالي عليه ب 240 جنيه مع مروحة إضافية من CM .

**LeProf Designs** · 30-10-2010, 15:16

وماذا عن مشتت Zalman CNPS10X Performa ؟

**A. Waheed** · 30-10-2010, 15:46

المشاركة الأصلية كتبت بواسطة LeProf Designs

وماذا عن مشتت Zalman CNPS10X Performa ؟

هل هو موجود فى السوق المصرى

وبرضه فيه مشتت تانى اسمه
Noctua NH-D14
أخباره إيه ، وسعره كام ؟

**S.Holmes1888** · 30-10-2010, 16:01

ال Case بتاعتك جيدة جدا

*لو انت لسة ماشتريتش الهايبر يبقى هات ال ZALMAN CNPS 10X PERFORMA وماكسيمم منزلة عرض (المشتت+مروحة تانية)=300
اما لو جبت الهايبر خلاص ربنا يباركلك فية ةهو رائع ايضا.

*وبالنسبة للمعجون الحرارى اللى بييجى مع المشتت الاصلى بيبقى لازق فى قاعدة المشش ومش هاتعرف تاخدة لانك هتلغوص الدنيا واللى بييجى مع الهايبر قوى وممكن تستخدمة عادى خالص مع اعطائك نتائج مرضية .

اما لو حبيت حاجة احسن ففى انواع ممتاااازة OCZ FREEZE & ARCTIC SILVER 5 & ARCTIC MX-3
المناسب لميزانيتك هاتة.

**A. Waheed** · 30-10-2010, 16:14

المشاركة الأصلية كتبت بواسطة S.Holmes1888

ال Case بتاعتك جيدة جدا

*لو انت لسة ماشتريتش الهايبر ........

*وبالنسبة للمعجون الحرارى اللى بييجى مع المشتت الاصلى بيبقى لازق فى قاعدة المشش ومش هاتعرف تاخدة لانك هتلغوص الدنيا واللى بييجى مع الهايبر قوى وممكن تستخدمة عادى خالص مع اعطائك نتائج مرضية .

فى الحقيقة أنا لسه مشتريتش المشتت .
يعنى الهايبر بييجى معاه معجون حرارى ؟
طيب و Zalman بييجى معاه برضه ؟

وصراحة ، فيه مراجعة كده لفتت انتباهى ، بتقول إن الهيابر أحسن من Zalman
رابط مراجعة الهايبر
https://www.frostytech.com/articlevi...id=2419&page=5

رابط مراجعة Zalman
https://www.frostytech.com/articlevi...id=2498&page=5

فما هو رأيكم ؟

وشكراً على المساعدة وآسف على الإطالة والإزعاج

**S.Holmes1888** · 30-10-2010, 16:37

ال Zalman بييجى معاة معجون تمام قوى وممكن تستخدمة حوالى سنة وبعدين لما تييجى تشترى هات اللى رشحتهمولك.

وبالنسبة للمراجعة اللى انت حاطتها انا اول مرة اشوف الموقع دا ومقدرش اصدق كلامة .. والمراجعة اللى انا حاطتهالك من legitreviews اضن انة معروف جدا وموثوق فى نتائجة ودا لينك المراجعة كاملة
https://www.legitreviews.com/article/1260/5/

وكمان دى مراجعات تانية علشان تحط فى بطنك شوال بطيخ صيفى (مع ان الصيف خلص:D:D:D)

https://www.tweaktown.com/cms/galler...rma_cpu_cooler

https://www.xbitlabs.com/articles/co...0_6.html#sect1

وممكن تقرا ملام الناس اللى جبتة على newegg
https://www.newegg.com/Product/Produ...-059-_-Product

وبعدين الفرق بينة وبين ال Performa حوالى 50 جنية بس هاتشترى دماغك وتبريك بيهم:D:D:D

بس اهم حاجة انك تشوف الكيسة بتاعتك هاتخدة ولا لا تبقى قيس المسافى عندك فى الكيسة على البوردة بتاعتك الطول والعرض وبعدين شوف مقاس الPerforma هل تمام ولا لا

وان شاء الله يطلع تمام ومتنساش لما تجيبة باذن الله تبقى تعملة مراجعة محترمة