رد مع اقتباسهل dns الخاص بك هو 4.2.2.5 ام ماذا لان الرقم دا خاص بالنت عندى فيه شركات نت بيكون عندها ارقام اخرى .
رد: شرح الميكروتك للمبتدئين
أولا مشكور على الموضوع الرائع دا ... بس عندى سؤال صغير انا عملت زى مانت قلت بالظبط لغاية الخطوة اللى بعمل فيها تيست للنت وصل على الاكستيرنال ولا لأ ( خطوة البينج ) ..... فحصل زى اللى فى الصورة ممكن تكون مشكلة منى ولا تهيس من البرنامج ؟؟؟؟
هل dns الخاص بك هو 4.2.2.5 ام ماذا لان الرقم دا خاص بالنت عندى فيه شركات نت بيكون عندها ارقام اخرى .
الـ DNS دا خاص بأى شركة عموما أنا عموما جربت برده على yahoo ip برده نفس الحكاية انا بس بستغرب لية بيرد عليي فى الاول وبعد كدا ريكويستات ممكن يكون تهييييس من البرنامج
موضوع اكثر من رائع ومفيد جدا
بارك الله فيك اخي الحبيب
هاطلب منك حاجه الغى كل حاجه انت عملتا وابدأ من الاول تانى وانا فى انتظار النتيجه لان ممكن خطوه وقعت منك .
اولا احب اشكرك علي الموضوع الرائع ده اللي استفد منه اوي
بس كان في سوال عايز اجابة عليه, دلوقتي انا عملت كل حاجه تمام ومحدد سرعه للابلود والدونلود والبراوزينج
بس المستخدمين بيعدوا البراوزينج الخاص بيهم في حين الابلود والدونلود مبيعدهوش
ارجوووووووووووووو الافااااااااااااادة
بس المستخدمين بيعدوا البراوزينج الخاص بيهم في حين الابلود والدونلود مبيعدهوش
على فكره البروزينج اساسا سرعته من سرعة الابلود وافضلك ما تقللش سرعة الابلود علشان البروزينج يبقى كويس وسريع
انا عارف ان البروازيج ماهو الا عمل ابلود ودون لود بس مادام انا محدد الاتنين ليه البراوزينج بيعدي ال ليميت
ممكن اعرف انت عرفت ازاى انه عدى السرعه الى انت محدده ارجوا التوضيح بالصور .
بعد اذنك هو كروت اللان لما بيكونوا نفس الماركه والنوع واركبهم في الجهاز ومفيش غير واحد بس هو اللى الجهاز قريه والتانى عليه علامه اعمل ايه؟؟؟؟؟؟؟؟؟؟؟؟؟؟؟
اى علامه تقصدوالتانى عليه علامه اعمل ايه؟؟؟؟؟؟؟؟؟؟؟؟؟؟؟
الاول هو كروت اللان انواع يعنى هو فين كروت انترينال و اكسترينال بتتباع ولا ايه ..؟؟
وبعدين الكرتين اللى عندى من نفس النوع و اروجينال تمام واحد كان في الجهاز ومتعرف
والتانى جبته وركبته والمفروض يتعرف لوحده زى التانى بس مش اتعرف ف انا عرفته اوك وبرضو مش راضي
لا يا اخى دى مجرد اسامى فقط انا بسميها للكروت علشان اعرفهم من بعضهم .الاول هو كروت اللان انواع يعنى هو فين كروت انترينال و اكسترينال بتتباع ولا ايه ..؟؟
ممكن تركب الكارت الى فيه المشكله لوحده وتحاول تعرفه ومنتظر النتيجه .والتانى جبته وركبته والمفروض يتعرف لوحده زى التانى بس مش اتعرف ف انا عرفته اوك وبرضو مش راضي
رد: شرح الميكروتك للمبتدئين
انا كدا الكرتين اشتغلوا تمام وهبدأ اسطب البرنامج والمكروتك واتابع معاك شكرااااااااا
السلام عليكم ورحمه الله وبركاته
بصراحه اخوي جزاك الله كل خير
انت فعلا شرحت ووفيت الشرح واضح جدا ومفصل جدا
علي فكره اقسم بربي اني فعلا سجلت مخصوص علشان اشكرك
انت فعلا تستاهل كل خير علي الموضوع الاكثر من رائع ده
انا بقالي كتير بدور علي شرح للميكروتيك علي النت مش لقيت شرح قدرت اني افهمه زي شرحك
بس في حاجات صغيره كده اسمحلي اوضحها للناس لانها حصلت معايا وانا بنفذ الشرح بتاعك
اولا : بالنسبه للمرحله الاولي خالص واحنا بنعمل الجهاز الوهمي
الاستاذ الفاضل صاحب الموضوع قال ان الافضل ان احنا نختار 2 بروسيسور ( معالج بيانات )
واكيد طبعا الافضل ان يكون عندنا اتنين احسن من واحد مش محتاجه كلام
بس ممكن يحصل مع حد فيكم زي ما حصل معايا ان انت لما تعمل 2 بروسيسور وتكمل كل حاجه
وتوصل للمرحله اللي بنعمل فيها باور اون ( تشغيل الماكينه ) يقولك ان الجهاز بتاعك مش قادر يدعم 2 وحدة معالجة بيانات وده معناه ان الجهاز الوهمي مش قادر يشوف الاتنين بروسيسور او يشغلهم
عن نفسي ده حصل معايا وانا لقيتله حل صغير خالص ان احنا نعمل بروسيسور واحد بس وبعد ما نعمل باور اون ( تشغيل الماكينه ) نرجع نعمل باور اوف ( اغلاق الماكينة ) وندوس دبل كليلك علي البروسيسور ونختار اتنين بروسيسور بدل واحد وندوس اوك ونرجع نشغل الماكينه تاني وبكده نكون عدينا المرحلة ديه
طبعا اخوي الاستاذ الفاضل صاحب الشرح والموضوع هذا التعديل بالطبع ليس علي شرحك لان انا اصلا اتعلمت منك انت بس التعديل ده لحاجه وقفت معايا وانا وصلت لطريقه ليها وبقولها للناس علشان تستفاد بس مش اكتر زي ما هو هدفك برده افادة الناس
ودلوقتي بقي انا عندي سؤال واحد ليك يا باشا واسف علي الاطالة
دلوقتي انت قولت لاحد الاخوه في الردود السابقة ان ينفع نعمل الميكروتيك من غير ويندوز يعني تقريبا هيكون بنظام لينوكس او دوس
طيب انا حاولت اعمل ده
وقدرت اعمل تنصيب للميكروتيك
بس ازاي بقي اقدر اغير الايبيهات والاسامي بتاعت كرتين اللان بتوعي ( اكسترنال + اي بي الكونكشن بتاعه واخد نفس رينج الجيت واي او الروتر ) + ( انترنال + اي بي الكونكشن بتاعه واخد رينج الجيت واي اللي انا هغيره عن طريق الوين بوكس علشان يكون الجيت واي بتاع الشبكه اللي هتخرج للناس )
ياريت حضرتك تفيدني في النقطه ديه لان انا شايف ان اكيد لو عملت السيرفير من غير ويندوز هيكون افضل واضمن انه يشتغل بكفائه ووقت اطول كمان
طبعا حبيبي السؤال بتاعي ده مش ليه اي علاقه بتقصير في الشرح بتاعك لان انت والله فعلا شرحك انا مش شوفت زيه في النت كله
الله اكبر عليك
وجزاك الله كل خير
وتأكد ان كل حد هيستفيد من خبرتك ديه هيكون ليك ثواب عند ربنا بسببه
مشكور اخوي
صحيح علي فكره يا اخواني واخواتي اعضاء المنتدي
انا طلبت قبل كده من واحد متخصص في شغل الميكروتيك انه يعملي سيرفير للشبكه بتاعتي
علما ان الشخص ده صاحبي جدا اتفاجئت بالرقم اللي طلبه مني
قال ان هو هيعملهولي بـ 1200 جنيه وحلف ان هو كده عامل معايا واجب كبير اوي
في نفس الوقت اللي هنا معانا الاخ الكريم صاحب الموضوع جاب لنا الشرح الاكثر من رائع ده لحد عندنا واداهولنا علي طبق من دهب يعني فعلا لازم كلنا نشكره وندعيله
مشكور اخوي الكريم مره اخري وجعل الله هذا العلم في ميزان حسناتك
اسف علي الاطالة
السلام عليكم ورحمة الله وبركاته
ضوابط المشاركة
المفضلات