هام وعاجل لأصحاب الخبره .. أرجو المساعده

[warcriminal]

السلام عليكم

انا عندى شبكه وايرلس

عباره عن أكسس اير ليف وانتنه 10 دى بى وروتر كونكسنت وجهاز خارجى عامل عليه سيرفر ميكروتك والمشتركين بيستقبلو بأكسس التى بى لينك العادى والبرج بتاعى 12 متر وأعلى من أى شئ فى المنطقه كلها بحوالى متر ونص او مترين حتى كمان اعلى من باقى ابراج الويرلس اللى حوليا بمتر على الاقل والبرج لايوجد فيه اهتزاز لانى رابطه من اربع جوانب بواير فرامل او سلك فرامل

ولحد دلوقتى وصلت ل2 أصحابى واحد منهم على بعد 500 متر والتانى على بعد 700 متر والاتنين من اعلى البيوت ان لم يكن هم اعلاها فعلا فى المنطقه وبشوف الانتنه بتاعتى وانا واقف جمب الاكسس اللى بركبه عندهم :ah7: والاشاره عندهم 20 دى بى ولاتزيد عن ال25 :ah16: مع العلم انى بقرأ شبكه تانيه فى نفس المنطقه وتبعد نفس بعدى عنهم وعندها نفس امكانياتى بالتمام لكن بقرأها اعلى منى فى الدى بى لدرجة انها بتوصل ل45 دى بى:ah34:


فياريت الاقى مساعده من أهل الخبره فى المنتدى لمعرفة ايه العيب اللى عندى مخلى اشارتى ضعيفه كده

مع الاخذ فى الاعتبار ان الايرليف متركبله السوفت الجديد اللى بيرفع اداءه ل26 دى بى لكنى غير واثق فى المحل الىل اشتريت منه الانتنه فياريت حد يقولى ازاى اعرف ان الانتنه بتاعتى 10 دى بى زى ماهو قال لان مش مكتوب عليها حاجه خالص

أرجو المساعده مشكورين

[warcriminal]

وسؤال اخر


فيه اكسس عند واحد صاحبى بيفصل ربط مع الشبكه لوحده وبدون اى سبب ويدينى السيجنال صفر او ميكتبش اى رقم المهم انه بيفصل تماما وبتكون الاشاره غير موجوده وبرده بيتصل تانى بيها لوحده

شغال بمزاجه يعنى

أيه الحل معاه ؟

[warcriminal]

ايه ياجدعان

هو انا دخلت منتدى مهجور ولا ايه؟

يعنى مفيش واحد يوحد ربنا ويقول لاألاه الا الله ويساعدنى؟

[Over-clock]

السلام عليكم
طيب ان شاء الله انت ترجع الانتنا الاصلية الى الاكسس تانى وشوف الاشارة عند اصحابك تانى؟
انا شغال على نفس موديل الاكسس ورابط بية لصديق و هو اعلى برج سكنى فى المهندسين و من بعد 800 متر وانا مركب الانتنا الاصلية والاشارة معة 32 و هو مش مركب اكسيس استقبل بيستقبل بس الاب توب
الانتنا الاصلية اقوى بكتر من الانتنا الى اشتريتة وفى تجار نفوسهم ضعيفة و للاسف اى انتنا غير ايرليف او الهايبر لينك او ايرلينك مش هتاخد منة اداء عالى شوف الحل الى قولتى ليك و ان شاء اله خير وحاول تركب اى عاكس اشارة عند صاحبك بيقوى الاشارة على الاقل 5 دى بى اى تحياتى

[ashrafat]

اسمع اتاكد انو الأنتينة أصلية مو مستهلك فيها النحاس يعني جديدة او شبة جحديدة تاني شي اتاكد انو مافي تشويش من ابراج مايكرويف حواليك يعني انو مافي حد بيشتغل على نفس channel و freqency تاعتك تاني شي علي البور شوي بداخل الآكسس بوينت وبس
يااما مشكلة تشويش عندك او انتينة مستهلكة ضعيفة

[andalus]

أخي الكريم أيضاً قد يختلف الوضع إذا كنت تستخدم 802.11a أو 802.11b/g! وكذلك قد يختلف الأمر اذا كان هناك تشويش أو نوع الانتين.
ولا يمكنك معرفة قيمة الـ dbi للأنتين إلا إذا كان مكتوباً عليها أو فحص ذلك عن طريق إدخال سيغنال بـ Power معين انت تعلمه على الانتين وحساب كم الـ Power الذي تبثه الأنتين. 10 dbi من المفروض أن تعطيك حوالي عشرة أضعاف السيغنال الأصلية.
هذه فقط مجرد مصادفة أن يتشابه الرقمان 10 و 10.
إذا كان عندك انتين 6 dbm تحصل على حوالي 4 أضعاف السيغنال الأصلية.
13 dbm تعطيك حوالي 20 ضعف السيغنال الأصلية.

هذا والله أعلم وأحكم.